جوالي صاير مو طبيعي
شكيت انه في جني ، وشكلي بوديه لشيخ يقرأ عليه
الزبدة أنه من نفسه قاعد يستهبل
كل شوي متغير فيه شي
احياناً ألقى النغمة حقت الجوال متغيرة
أحياناً تجيني نغمة رسالة واتس اب، وافتح الواتس ولا القى فيه شي
احياناً تتغير نغمة الرسائل النصية
احياناً فجأة ألاقي جوالي مع نغمة الاتصال محطوطة معه وضعية الهزاز!
وبالأخير النسبة المؤية حقت البطارية اللي تظهر بجنب ايقونة البطارية اختفت


وانا كل ما اشوف جوالي ملخبط يصير حالي كذا مو عارف وش اسوي


وبقولكم شي بس رجاءً لا تعلمون أحد
جوالي آيفون 4


وش السوات وأيش السالفة
مليت من هالجني اللي يعبث بجوالي

واللي يعرف شيخ يقرأ زين يعلمن عشان أوديه له

__________________
ياصبحِ لاتِقبل !!
عط الليل من وقتك..

هههههه
اتوقع السبب خلل وأفضل حل إنك تفرمته من جديد وانتبه لا تنمسح معلوماتك اللي مخزنها

اتصور ان الجهاز قاعد يلفظ انفاسه الاخيرة
نزلوا بعده مليون تيلفون
فبالتالي يعتبر من المعمرين


غيره خذ لك واحد جديد ..

__________________

حاجة الناس إليكم من نعم الله عليكم ، فـ لا تملوا النِعم ☁✨

ماشالله تلفون معمر

اعتقد ان الشركه تصنع التلفونات ليعيش فتره معينه
مهما فرمت ونزلت ومسحت وشلت ،، ماراح يتعدى هذه المده المحدده له
وبصراحه تلفونك يعني فاق المده وكثر الله خيره

برايي سوي باك اب لكل معلوماتك وبياناتك لانه باين قاعد يعيش ايامه الاخيره

__________________
سبحانك لا اله الا انت اني كنت من الظالمين

اصقع به في اقرب جدار
واشتر جديد
أسهل حل

__________________
.
هناك من يتذمر لأن للورد شوكاً، و هناك من يتفاءل لأن مع الورد شوك.

كل منتج تحط له الشركه عمر افتراضي .. فالظاهر انك تعديت العمر الافتراظي لهاتفك ..
او انك حاط auto update لــ software فكل ما ينزل ابديت جديد تلفونك يحدثه اوتوماتيكي .. فالظاهر ان تلفونك خلاص ما عاد يتماشي مع اخر تحديثات لذلك صارت فيه لخبطه ..
فعندك حلين .. يا انك تستغنى عنه وتاخذ واحد جديد .. او تشوف الابديت اللي يمشي على تلفونك وترجع الابديت القديم ..

دوم الضحكة يابو البنيات
شكله هذا اللي بيصير بشوف لي أقرب محل جوالات (طبعاً يماني) وأفرمت أبوه

__________________
ياصبحِ لاتِقبل !!
عط الليل من وقتك..

ماراح أخذ واحد جديد، لأنه ناوي أحلله إلين يدوخ ويطلع اللي الجني داخله، أو حتى يقول الجوال فكني لا تغيرني راح اتعد وانضبط

__________________
ياصبحِ لاتِقبل !!
عط الليل من وقتك..

صحيح أنا أتوقع كذا، إن الشركات ومن مصلحتهم يخلون للجوال عمر افتراضي عشان الواحد يشتري جديدهم
أنا متأكد أن عمر جوالي الافتراضي منتهي من سنتين، ويوم شافوا أنه مستحيل أغيره جو وحطوا فيه جني عشان يبهذلني واغيره غصب

__________________
ياصبحِ لاتِقبل !!
عط الليل من وقتك..

يمكن كل شي جايز، شكلي أي شي اسمه Update راح ألغيه، عشان يصير جوالي رجل ويمشي زي الناس

__________________
ياصبحِ لاتِقبل !!
عط الليل من وقتك..