انت غلطت و لكن اعتذارك كان وافي جدًا
فبعد كل هذا اشوف انها ما تبيك

المرأة حتى وقت ماهي زعلانة ويقلبها تراكمات تقدر تبين لك انها مبسوطة و تحبك
لكن يجي موقف يخليها توقف تمثيل الحب و يطق الصبر عندها

فلا تبني آمالك ع انها تحبك وبس

شف وانا اخوك .. بما ان ما عندك مانع تتركها لو راحت المحكمه تطلب خلع
إذن اتركها ألين تروح المحكمه ويجيك الاستدعاء ورح المحكمه من أول استدعاء ولا تمرمطها واكيد بيحولونكم للصلح قبل ما تروح القضيه للشيخ ولعلها بجلسة الصلح تلين
أما إذا رفضت الصلح وأصرت على الخلع .. خلاص طلقها في المحكمه بإرادتك بدون خلع وقول لها وكرر كلامك مرتين بنبره حزينه ..
" ما ابي منك فلوس وكل ملايين الدنيا ما تسوى شي إذا انتي خارج حياتي ولا تسوى ظفرك "
وانتبه تقول لها مو انا اللي تخلعني حرمه وكرامتي ما تسمح لي أو مثل هذا الكلام اللي بيزعلها منك أكثر
واتركها شهرين واطلب من أهلها ما يضغطوا عليها بشي خلال هذه الفتره ثم راجعها قبل انتهاء عدتها بشهر مراجعه جاده وذكرها بكل المواقف الحلوه اللي بينكم بشكل عاطفي مركز والقليل من كلام العقل والمنطق لعلها تعود واذا ما رجعت تكون انت على الأقل سويت اللي عليك بكل ما أوتيت .. الله يكون بعونك .

__________________

انا ودي اعرف لما كنت تجرحها وش كانت ردة فعلها


يا الله هي ما جربت طعم الخيانة لو جربتها كيف حالها

خلها اظن ان كمية التأسف الكبيرة والندم خلت موضوع الانفصال يكبر في نفسها
اتركها وهي تحبك كثير بدليل اتصالها بك انها حنت لك
هي محتاجة منك لما قالت حنيت لك محتاجة كثير مشاعر تقولها لها مثل ما يسوى البيت من دونك والله أحبك وووغيره

__________________
يا رب خاتمة حســنة ، وزلفى ، وحسن مآب ..

عندي استشاره اخيره ، انتو تعرفون الحياه في تقدم وليس زي زمان ،وزوجتي مهتمه فقط بالواتس بالقروب مع اخوانها واخواتها والعائله القريبه لها ، وهي والحمدلله ملتزمه ومحافظه ، فأنا ابغى استشيركم بالواتس عندي ، انا حاط صوره في العرض حق الواتس مكتوب فيها :
اشتقت لك ياللي على البال مريت
وجلست افكر فيك من غير مدري
حآولت اسلي خاطري عنك وازريت
قلبي معك مشغول ياليت تدري

ومع العلم بخصوص الحاله اخفيتها وفاضيه
وآخر الظهور مخفي عندي من زمان
الشي الثاني اللي حاب اضيفه ، اخوها الكبير كلمته وهو كلم جميع العائله بانه لااحد يضغط عليها ، خلوها تهدأ وان كان لي نصيب فهي بترجع ،
السؤال اللي حاب اقوله لكم ايش رأيك في الكلمات حق صورة العرض اللي انا حاطها
وهل تنصحوني اخليها زي ماهي بالضبط ولااغيرها وايضا ساستمر بعدم اتصالي بها وعدم مراسلتها ، او تنصحوني احذف الصوره واخليها فاضيه واكتب في الحاله تحت ((( حاليا مشغول ))) الحياه اصبحت في تقدم مو زي زمان عشان كذا حبيت استشيركم ، فأنا متأكد تمام الثقه هي تتابع الواتس عندي ، وبالرغم صار لها عشره ايام مسويه لي حضر ، واخوها الكبير قال لاتشيل هم زوجتي صارت عند اهلها 6 شهور زعلانه وفي الاخير رجعت ، وفعلا اخوها الكبير متزوج بنت خاله وحصلت منه غلطات اقل مني ، ولكن في الاخير رجعت له وبالرغم كانت معنده تبغى الطلاق ورجعت له ، فانتم جاوبوني على سؤالي ، لاني خلاص مافي شي عندي مستجدات سوى هذي الاستشاره الصغيره ، واذا استجد شي جديد فسأطرحه لكم بالمنتدى ، ويشهد الله انتم بمثابة اخواني جميعا ، فأنا انتظر منكم الجواب على الاستشاره اللي ذكرتها لكم ، بالتوفيق للجميع

يا اخي بما ان طريقتك في ارجاعها (اسلوب الاستعطاف ) لم تنجح غيرها
وابدأ بتغييرصورة العرض الخاصة بك

الموضوع مثل ماشرحنا لك زوجتك عاجبها هالاهتمام واعتذارك ومداراة خاطرها لقت فيك الان ماكانت تتمناه من سنين فليش ترجع ترضى علشان ترجع لنفس اسلوبك لا والله اي وحدة مكانها بتستمر على نفس الموال علشان كذا اتركها تفهم ان رجعتها بتكون الحل وانك تغيرت او الزوجة الثانية راح تكون الفائزة بتغيرك وتعلمك من اخطائك معها


وغريب امرك الحرمة عايفتك وتبي الطلاق وانت تبيها توصل للمحاكم ؟ وتبيها تطلب الخلع عيب على فكرة وهذا لا يدل ولا 1% ان الزوج متمسك بزوجته انما العكس

كثير تردد تحبني وتموت فيني بس ماتحب الصفات اللي فيني
ياخي حطها ببالك اللي يحب يحب حتى عيوبك ويتحملها اذا تحتمل

مااشوف الموضوع مستاهل ولا راح يمدحك احد على صبرك عليها سنين وانه جا دورك تصبر
كلنا نغلط ونتهاوش مع زوجاتنا زوجتي قد قالت لي احمد ربك رضيت فيك وقلت لها احمدي ربك اني دقيت بابكم ولا للحين انتي عله عند اهلك

وهذا حنا ماشاءالله تبارك الله ماعفنا بعض

خل عنك واهدأ شوي

انا مكانك بعد كل اللي سويته من اعتذارات كأنك مسوي مصيبة عظمى

احظرها واتواصل مع اهلها اشوف العيال والمصروف اعطيهم واعيش حياة العزوبية المفقوده من سنين

على فكرة عيالك من يوديهم المدرسة ؟

يوديهم ابوها للمدرسه ، ولان ابوها موظف حكومي متقاعد ويعمل ايضا سائق مدرسي ، والمدرسه قريبه مو بعيده للولد ، والبنتين مسجلهم بالروضه ، ومن ناحية استشارتي الاخيره ، حذفت صورة العرض وخليتها فاضيه ، وكتبت بالحاله ((( حاليا مشغول )))
واخفيت الظهور ، وعلى قولتهم ابن آدم مايجيه الا نصيبه ، فإن كان فيها خير فالله يحييها ، وان كان فيها شر فالله يصرف7ا عني ، ومع العلم انا استخرت الله قبل اسبوعين قبل صلاة الفجر ،، ويعلم من يوم استأخرت الله حتى هالحظه ، اقسم بالله العظيم اني احس بإرتياح وابغى زوجتي ومشتاق لها ، ومن المعروف في الاستخاره ، فإن الله يتولى امر المسلم في الخير او الشر ، ولكن شهاده لله اني احس بإرتياح كبير ومتفائل بالخير بانها سوف ترجع
والله يكتب اللي فيه الخير ، وإن استجد اي شي جديد فوالله اني لاطرحه لكم هنا بالمنتدى ، منها تعم الفائده عالجميع ، ومنها انا استفيد واتعلم منكم المعلومات والاستشارات القيمه ، بالتوفيق للجميع

يا أخي

الناس بتكتب لك وبتعطيك وقت من عمرها إللي محسوب عليها كل يوم

وسواء آراءهم عجبتك أو ما عجبتك فالجميع يبغى لك الخير وما كتبوا إلا وهم ناصحين لك

وأنت قاعد تكتب مستجداتك وأفكارك مع نفسك ولا كأنك شايف ردود الناس
فياليت تهتم بالأعضاء زي ما أهتموا بك

الشاهد الله سبحانه ، جميع الاعضاء اللي ردو علي بإستثناء 2 عضو فقط كانت ردودهم جارحه والله يسامحهم ، بأن ردودكم وآرائكم هي محل متابعه واهتمام ، والله يكتب لكم الاجر ، تحياتي العطره