اااه منك يا دموع الحنين

من فترة ليست بعيدة اتصلت بي اختي تبكي حديثها ما كان واضح لي غاصة بدموعها

بتقولي شفت بابا البارح في المنام و ساالني ليش فلانة ( تقصدني انا ) ما صارت تغسل ملابسي


ما رديت عليها يدوبك استوعبت كلامها و رجلي ما عادت شالتني و حسيت الارض بتلف بيا


ما صرت اغسل ملابسه لاني جتني ديك الفترة ظروف و تغافلت عن الدعاء له مع اني ما كنت انساه ابدا و لا يشغلني عنه شاغل كان غصبا عني و ربي عالم بحالي وقتها

احمدك يا ربي و اشكر فضلك يعني انا مفيدة لوالدي و يفتقد دعواتي
ما انساك حبيبي ما حييت و لا اغفل عن عمل احسبه يريحك و يكون برد و سلام عليك

يا رب تقبل منا و ارحمه و موتي المسلمين

__________________

الشكر لله وبالعكس متفائلة
اذكري شعورك لان في كثير تجعلهم الظنون في معزل عن حنان والدهم
او حتى الاستمتاع بذكرى من توفي منهم

__________________
الحمد لله..اللهم صل على محمد و ال محمد

التفريغ المنهجي

ما شاء الله
الحمد لله هاجر الذي ألهمك معرفة ذلك

واسال الله لك وله التوفيق أينما كنتما انت وهو

وعقاراتك الصغيرة من ذريتك🌸

__________________
الحمد لله..اللهم صل على محمد و ال محمد

التفريغ المنهجي

الله يرحم جميع أمواتكم ويسكنهم فسيح جناته ويخلي احيائكم ويطول بأعمارهم


ما بيكسرني الا دموع بابا وكانت الاولى وقت اتزوجت وسافرت ما بنسى الانهيار اللي صرلي وقت سمعت شهقاته وهو حاضني
ووقت شفت دموعه شلال ومتدفق
وبكل سفرة بيتكرر نفس المشهد ونفس السيناريو
ومن خمس سنين وقت ابتليت بالوسواس القهري واخدني لعند الطبيب وبس شرح حالتي الطبيب بابا صار يبكي متل الطفل
فقلي الطبيب بعدك مصرة ما تتعالجي من بعد ما شفتي دموع والدك
وكان يوقف حدي وكأني طفل ليناولني الادوية ويطمن اني اخدتهن
ومن بعد ما اتحسنت وتركت الادوية ولهلئ بيضل يستفسر اذا فيني شي اذا بحاجة لشي ليتطمن بحسه بيضل هكلان همي

دايما بقول ما بيكسرني الا دموعه
مع انه حنون مع الكل مع اولاده واهله واخوانه واخواته
ووقت اتوفى جده الله يرحمه كان بعمر ال94 بكى بابا عليه بكاء الناس اندهشت وصارت تحكي فيه
من يومين كنا عم نتحدث وقلي بتتذكري ايام كنا نروح لهون ولهون من دون تخطيط ويا ريت كان في كاميرا فيديو بهيداك الوقت لنرجع نشوف هيديك الايام
فقلتله في فيديو واحد عند صديقه مهنته مصور
مرة صورنا وانا كنت حاملة عصا ولاحقة الاولاد
ماما شوي كانت شديدة معنا نحن وصغار مع انها الدني كلها بس بابا كان وما زال نبع الحنان
بتذكر وقت كنت امرض انا وصغيرة ولحد ما صار عندي اولاد بس يسمع كلمة آه بيصحى دغري وبيحتار شو يساويلي
ان كان لي او لاخواني واخواتي
بيسهر علينا متل الام اللي بتخاف على صغارها
بتذكر اول مرة دخلت مستشفى كان عمري 12 سنة اول ما بلغت واحتجت لدم
كان بحدثني امور كنت اخجل احكيها واسأل عنها كوني الكبيرة بالبيت خلاني ارتاح واتنفس ويحكيني متل صديق مع صديقة
كان الام والصديق والاب بنفس الوقت وما زال
بطلب من ربي ياخد من عمري ويعطيه
كانت رفيقتي وقت تجي تدرس عندي واسألها حابة تروحي نزهة تقلي كيف قلها هلئ بقول لبابا تقلي ليش بيقبل فقلها هلئ بتشوفي
وبالفعل قلو بابا خدنا على هالمكان ان بحر او نهر او اماكن سياحية او برية يقلي جهزوا نفسكن ونروح ناخد الاذن من والدها
كانت تضل مدهوشة من علاقتنا

في مواقف ما بتساعها مجلدات وشو ما حكيت بضل مقصرة
ودايما بقول اللي احبابه بعدهن بهالدني ما يلتفت للمال ولمظاهر الحياة وزينتها ويفكر هيدول السعادة اذا ما حصل عليهن
لا والله هيدول بنقدر نحقق شي منهن بس فقدان احبابنا صعبة نرجع الزمن لورا
لازم نشكر الله ونحمده بكل لحظة وثانية عايشين فيها بين اعز الناس
ونحمده ونشكره على كل لحظة عشنا فيها مع اعز الناس قبل ما نفقدهن
ممكن نفقد الجسد بس رح يبقوا بذكرياتنا ويكبروا كل ما كبرنا

بابا الله يطولي بعمرك ويطول بعمر آبائكم ويطول بعمر ماما وأمهاتكم وكل احبابنا
المعاملة القاسية ما بتعني انهم ما بيحبونا بالعكس اذا فتشنا منيح رح نشوف حبهن بمواقف كثيرة

قريت كل حرف وكلمة من اول صفحة لآخر رد كلهن اثروا فيني وفتحوا عيوني على اشياء ما كنت شايفتها
واتعلمت دروس من كل شخص مر بهيدا الموضوع

مشكورة حبيبتي انتليميد دايما كلامك بيشدني وبكون متابعة بصمت لاني بعجز رد بشي شبيه لاسلوبك او قريب منو
بس مدمنة على كل شي بتكتبيه

احترامي

__________________





اللهم إني أستودعك ديني و نفسي وأهلي وزوجي
وأولادي وأحبتي فاحفظهم يا من لا تضيع ودائعه

( لئن شكرتم لأزيدنكم)

هذا يصف حالك
روعه حالة الإشفاق والرقة المستمرة التي يعيشها قلبك وفكرك
حفظ الله لك والديك

سعيدة لمرورك وإضافتك وفصاحتك فالفصاحة تأتي من تلاحم المبادىء

__________________
الحمد لله..اللهم صل على محمد و ال محمد

التفريغ المنهجي