ايه ما احب حرمه أيا كان .. وهالشي مافيه تقليل منها و اسمه طب حريم وانا ارجع و اقول ماحب حرمه تطبب ع بنتي وتخلط عليها بلاوي ..

بعدين وش قصدك لايرغبون بأذيتها مثل مانتي تبغين ؟؟ يعني تتوقع انا ابي اذى بنتي ؟؟ لو ابي اذاها كان خليتها .. بس انتوا رجال وش عرفكم بهالسوالف و اضرارها

والله بنتي تعبببببانه و رافض يوديييها يقول ننتظر اليوم ( عشان يشوف مفعول علاج امه ) طيب كيف ننتظر اليوم وهي لها من الاربعاء تعبانه وهاليومينن حيل زاد عليها .. صارت ترضع بس 20 مل كل 6 او 8 ساعات وترجعه بالاستفراغ كثير و رافض نااااااخذها حسبي الله على امه اللي قالت لاتوديها وماظلمتها قالتها قدامي قالت لاتوديها ليه توديها خلاص مره و زنجبيل وتطيب .. مولوده احط لها هالسوالف ومفعولها بطيييء والله جالسه اشوف بنتي تموت قدامي يوم ورى يوم ومووو طالع ب ايدي شي . ماراح يفهمون خوفي الا الامهات فقطططط

اختي ليش محسستنا انك تتكلمي عن ناس اغراب
ترى اللي وداها ابوها يعني يخاف عليها مثلك ويمكن اكثر واللي تعالجها جدتها يعني امها ماهي غريبه
وش اللي حرمه تطبب فيها وهالكلام
ايه صحيح العجز يعرفن للصغار اكثر وكثير من الامراض الطب مايعترف فيها وعلاجها شعبي
يعني الطب مايعترف بالملع وبالشمم وغيره وماله علاج الا شعبي
ولاتستهيني بالطب الشعبي
اختي انا عندي اخوي الكبير معه سكر وصابه غرغرينه برجوله الثنتين وقرروا الاطباء انه لازم تبتر رجليه الثنتين من حد الركبه وكان فيه استشاريين وماخلينا دكتور ماعرضناه عليه ونفس الكلام
وزوجت ابوي الله يرحمه ويطول بعمرها عالجته بخلطات لمدة شهرين ورجع الدم لرجوله والحين يمشي الحمدلله ووضعه طبيعي حتى الاطباء اللي شافوه ماصدقوا
فـ لاتستهيني بموضوع الطب الشعبي على الاقل انه ماله اضرار جانبيه مثل الادويه والمضادات اللي المستشفيات ماعندهم الا هي

اعتقد بالعمر يكون تسنين
والطب الشعبي افضل لها 😁

المستشفى ماراح يفيدونك شيء بيعطونك تحميلة وبس .

بنتك بتسنن ادهني اللثه بالمحلب علشان يسهل خروج الاسنان الله يشفيها

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

كيف تسنن وهي لسا عمرها 3 شهور و20 يوم انا اصلا ماعرف متى يبدأ .

المهم انا قلت لكم الطب الشعبي ذبح بنت اختي ومابي بنتي مثلها ..

الحين اخذها تحت من صحت .. قلت له قول لعمتي انها ترضع 20 مل كل 8 ساعات .. يمكن تسمح لك تاخذها للمستشفى ..
وهو تنرفز وقال يمكن اسمحلك تاخذين اغراضك وتنقلعين لاهلك ..

الظاهر جد باخذ اغراضي وانقلع مو حاله والله بنتي تعبانه ومقدر اخذها .. وعلى فكره هي داخلها برد لان مزكمه وتكح وصدرها له صوت وحراره ترتفع وتنزل

الحين هذا سبب عشان تطلعين من بيتك الله يهديك !

جربتي كلمتي زوجك او لا ؟

__________________
أشهد أن لا إله إلا الله و أشهد أن محمدا رسول الله صلى الله عليه و سلم

ردك عليه ينرفز , وبعدين تعالي , الدكتور مثلا ملاك ؟ ولا بيعطيها علاج سحري ؟ تقولي انها تصييح عند جدتها , طيب عند الدكتور يعني بتسكت ؟؟؟ الدكتور بيكون أحن عليها من جدتها ؟؟

----- واحمدي ربك جدتها واقفة معكم وتساعدكم , المفروض تروحي تشكريها على اللي تسويه معكم , اكثر ناس يعرفون بسوالف الاطفال وامراضهم هم العجايز الله يحفظهم , خبرة سنين طويلة , الدكتور حطي في بالك يبغى يكسب من وراك , وبيصرف لك ادوية وخرابيط حتى لو مو محتاجتها ,

احترمي زوجك واشكري امه

يا جماعة الخير امه على العين والراس
لكن البنت صغيرة (بيبي) وما تاكل ومريضة
المفروض تروح للطبيب
واتم تسهلون في الامر
كلمي زوجك بكل هدوء او ابكي عنده انت اعلم بما يؤثربه وودي بنتك لو جرالها شي لا قدر الله ما احد ينحرق مثلك