السلام عليكم عندي مشكله ومادري كيف بحلها وباختصار شديد هي عصبية زوجي الزايده عن حدها واللي مو لاقين لها حل صرت اخاف منه متزوجين لنا ثلاث سنوات وثلاثة اشهر عندي ولد واحد عمره ثلاث سنوات وشهر حملت في ثاني شهر لنا من الزواج
زواجنا كان تقليدي عن طريق اهلي واهله جلس معاي النظره الشرعيه اشوفه ويشوفني بس سالنا عنه واسالوا عنا وتمت الخطوبه والملجه والعرس بشكل سريع طبعا فترة الخطوبه ماذكر اني قعدت معاه بروحنا الا تكون وحده من خواتي الصغيرات معانا وما طلعنا برع الا مره وحده بس على العموم حتى ما اظلمه اهو قال لي على عصبيته وانها زياده عن اللازم انا متوقعت تكون بها الشكل قلت له مايخالف انا بعد كنت عصبيه بس الحين الحمدلله وايد احسن الدنيا ماتسوي تخليك تعصب على اي شي
بكلمكم عن زوجي يلعب ملاكمه من عمره 18 وهو عمره الحين 27 وقال لي انه يلعب هاي اللعبه حتى يفرغ عصبيته ومسوي له صاله رياضيه صغيره في البيت وحاط كيس الملاكمه الكبير في النص واذا عصب يطلع حرته فيه بس قلبه طيب وحنون
بذكر لكم موقف مره طلبنا من مطعم وقال له الطلب يبي يجهز بعد ربع ساعه انتظرنا تقريبا حول الساعه وزوجي طول هالفتره متنرفز ويقول شكلي بذبحه قلت له تعوذ من الشيطان واعذره يمكن صار عليهم شي المهم لمن جاب الطلبيه قال له المطعم سامحنا على التاخير زوجي قال له لا اسامحك ولا تسامحني هات الطلب لما مشينا البيت ونزلنا فتحت الاكياس شفنا الطلبيه غلط اهني زوجي شب ضو لب ملابسه وقال ياهو يا انا قلت له اقعد خلاص ماله داعي كله اكل هدني وراح نص ساعه عقب رجع قال لي انتضري اتصال الشرطه الحين قلت له شنو سويت قال لي تضاربت معاه وفزعو اثنين معاه وكملت عليهم وهاي مو اول مره عشان تعرفون انا كيف تعبت معاه بس لما صحينا ثاني يوم كنا طالعين بالسياره مر على نفس المطعم ونزل وراح يحضن اللي طقه بالامس قال له انا اسف سامحني ماكان قصدي وشو تبي مني انا حاضر لو تبا تصفعني عادي والله مابقول لك شي بس سامحني قال له لا يا اخي مابي منك شي توكل الله يسامحك طبعا زوجي اذا تضارب مع حد يقعد اليوم بطوله ما اييه نوم لين يعتذر من الشخص اللي اهانه بس عمره ما مد ايده علي مع ني انرفزه كثير والسبب تصرفاته
قبل اسبوع تقريبا كنت في بيت اهلي من العصر لين العشا اتصلت له قلت له بوفلان ابي اتعشا في بيتنا قال لي تمام ما يخالف بعدها بخمس دقايق ارسل لي رساله على الواتس اب يقول تبي اييب لج لحافاتج قلت له ليش قال لي عشان تكملين السهره واذا تبون بوب كورن وهالسوالف بعد بييب لكم فانا من باب المزح قلت له والله انت كريم وحنا نستاهل وضحكت مادريت انه يغلي من داخل المهم خلصنا عشا اتصلت له قلت له اذا بتمر علينا قال انا تعبان نامي في بيتكم اليوم قلت له لا شو بيقولون اهلي عني وزوجي في البيت قلت له بكلم اختي ترجعني قال لي لمصلحتي ومصلحتج لا تردين البيت قلت له انا برجع قال بتشوفين شي ما شفتيه وترجاني اني ما ارجع قلت له اسفه ماقدر وانا ابي اشوف شو بتسوي تم يرسل لي وانا سكت عنه لاني بصراحه تعبت من كثر تهديداته على العموم رجعت البيت مع اختي فتحت باب الصاله ودخلت انا وولدي كان في صالته شغال بوكسات في هذا الكيس بس هو سمع صوت الباب ياني ركض مافتح الباب رفسه لين كسره قال انتي شو ما تفهمين ومسكني من ايدي قال والله العظيم انك ماتاخذين معي ثانيتين الا انتي في خبر كان انا رجال خبره وتمرين 10 سنوات ما ياخذون عندي 3 دقايق عشان اخلص عليهم انا خفت قلت له شو تبيني اسوي يعني بيتي لازم برجع تم يصارخ قال يافلانه قلت لج لاترجعين اليوم وهو يرفس باغراض واثاث البيت . مسكني مره ثانيه قال سمعيني انا وانا صغير مريت بضروف مايعلم بها الا رب العالمين وابوي كان يطقني لين اعض الارض وانا والله اني قبل العرس حالف اني ما امد ايدي على زوجتي مهما كان لاتخليني اندم ع اللي قلته بعد ماخلص لبس ملابسه وغترته وفتح الباب ورفسه لين سكره وهو طالع كسر جام سيارتي وركب سيارته ومشى الحمدلله ولدي كان نايم مابيه يتعقد ويصير مثل ابوه
انا ركبت سيارتي ورجعت بيتنا وخليت له المفتاح فوق المكيف بعد نص ساعه اتصل علي قال لي وينكم قلت له في بيتنا قال زين زين
اليوم اللي عقبه اتصل علي قالي تعالوا البيت صاير كئيب ابيج وابي الولد . قلت له اسفه انا خايفه منك بصراحه لازم تشوف لك حل مع عصبيتك اخاف باجر تسوي لي شي او بالولد ونموت بين ايدك عقب ما راح احد ينفعنا
طبعا لي اسبوع في بيتنا الحين ومابينا الا واتس اب
30-03-2016, 11:49 AM
ضوابط المشاركة
العرض العادي
