السلام عليكم ورحمة الله وبركاته
ابدخل بالموضوع على طول
انا زوجي من اتفه المشاكل يكبرهاا ويزعل بالايام
وحتى كانثى لو ابي اتدلع يحسبني زعلانه ويهاوش ويلعن .. تونا كنا نمزح
مثلا اليوم
كنت امزح معه هو كان يبيني اغار ويستهبل انا سويت نفسي اني زعلت مع اني كنت ابتسم
فجأءه قام يلعن ويقول عالجي نفسك ومدري ايش
خليته مارديت عليه ..
لما جا ينام رحت اكلمه وانا اضحك دفني وقام يهاوش انتي وانتي عالجي نفسك
عصبت قلت انت عالج نفسك كنا نمزح و انت فاجئتني بردت فعلك قال وخري بس خليني انوم اطلعي من الغرفه
يعني شي تافه .. لو قال وش فيك بس علمته بس مستحيل يسال وش فيك يحكم من نفسه ولو اوضح له مايصدقني لا يصدق نفسه .
والمشكله دايم يقول ماتلزمني وحده تزعل ومن هالكلام اللي يخرب بيوت
انا صرت ما احس بالاستقرار واحس باي وقت ممكن ننفصل
وهو يقول انا رجال دوامي كله مشاكل .. ابي ارجع الاقي هدوء
والله اني ما اسوي مشاكل حتى زعلي اسكت واخليه .. بس كمان مو عاجبه
يقول لا تبينين لي انك زعلانه ابد ..
زوجي ماخذذ فكره ان الزواج كله مشاكل ونكد واظن من ايام الملكه يسمعني هالكلام ..
اضحك وامزح معه
وحتى لو زعلت ما اقصر باكله وشربه
كتبت له مره رساله وانا زايره اهلي بوقتها كان يقول روحي فكري لان الزوجه الزعوله ماتناسبني
كتبت له اني انا ماتركت اهلي وناسي وديرتي ووظيفتي وصديقاتي عشان انكد عليك او علي انا كمان مابي ازعل منك بس اذا زعلتني بزعل .. انا ابي استقر ابي عائله ابي زوج اسعده ويسعدني . ارضيه ويراضيني احنا بينا حياة كامله بتكون اب وبكون ام ونكون عائله ليه نسمي هالاشياء مشاكل هذي ولا شي هذي بكل بيت تلقاها حتى الزعل مايكمل ربع ساعه بس انت تخليها 3 ايام وانا بنفس الساعه اكلمك لكن ماتعطيني وجه احنا مفروض ما ننام واحنا زعلانين على بعض .. كتبت كلام كثير ما اذكر منه الا اني قلت انت من كثر ما تتكلم عن الانفصال انت تهدد استقرارنا ..
حتى لو زعلني حتى لو شافني متضايقه مايقرب مني ويراضيني
او يطيب خاطري .. يبعد عني وكاني مو عنده
حتى ما ادري اذا يحبني او لا .. ماعمري سمعتها منه لا بس بوقت الاستهبال
ماقد حسيت انه متمسك فيني ..
الشي الوحيد اللي قاله ترا مالي بالدنياء الا انتي . . وهاشي ريحني بس دايم طاري الانفصال يخوفني .. لانه بفترة ترك بيت اهله بسبب المشاكل وانه بهالديره بسبب المشاكل ببيتهم وانه ماعنده مانع يترك البيت بسبب المشاكل
واللي عرفته ان ابوه واخوه كل واحد فيهم حاط له بالبيت غرفه خاصه يقعد فيها بعيد عن زوجاتهم و عيالهم .. بينت ان هالشي غلط قال شكلها وراثه وحتى الجفاء وراثه
قلت هذا غلط ما ينتج عائله سعيده ..
المهم انا ابي حل انا بعيده عن اهلي ولا ابي اكلمهم بالموضوع ويتضايقون لان اختي توها منفصله عن زوجها ولا ابي اجيب لهم هالطاري .. لو حتى تلميح
وهو واحد ما اقدر اتفاهم معه لانه مستحيل يعتبر نفسه غلطان ..
ماني عارفه كيف اتصرف معه كيف افهمه ان الدنياء اسهل مما يحملها هو

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

مكانه الانسب

__________________
الحمد لله بلا سبب ولا طلب..
الحمد لله في حياتي وبعد مماتي..
الحمد لله دائمآ وأبدا..

وعليكم السلام ورحمة الله وبركاته

اهلا بك حبيبتي
شوفي فيه نقاط يجب على المرأه ان تعرفها قبل وبعد الزواج
بختصرها لك
1/ تخوف المرأه من الطلاق وتكرار ذالك لزوج يجعله فعلا يفكر بالطلاق
لان اي مشكله تقع هددد بالطلاق عرف نقطة ضعف الزوجه

2/ الزوج هو جزء من الحياة وليس كل الحياة ,,

3/ المزح المبالغ فيه او في غير محله له تاثير سلبي اكثر من هو ايجابي

4/ ترك الوظيفه او الدراسه من اجل الزوج خطاء كبير ـــ فهي لها اهداف واهتمامات غير الزوج
فـ الافضل تشرط دراستها او وظيفتها عليه قبل الزواج ,,
وان تزوجت تحاول ان يسمح لها بذالك


5/ جعل الزوج يتنفس قليلا بمعنى ليس صحيح من يوم يدخل البيت وحتى يخرج او ينام
وهي معه وبجواره ,, لايعني ذالك تقصر بحقوقه لا
لكن يعني مثلا يريد متابعه برنامج معين او تصفح جريده او قراءه كتاب ..الخ
المهم ياخذ راحته ووقته

6/ الرجال قليلو الكلام ليس كـ النساء فكثرة الكلام عليه واعادته تكراره يصاب بالملل

7/ وهذه النقطه اهمها عيشي حياتك لنفسك اولاً
اهتمي بنفسك واناقتك تابعي برامج تفضلينها ـ اهتمي بهواياتك ـ تصفحي النت ...الخ
عيشي لنفسك اولاً ثم لمن حولك ,,
لاتقصري بحقوقه ابداً لكن بنفس الوقت عيشي حياتك

8/ لاتستصغري نفسك امام زوجك ابداً ولاتقللي من قيمتك ابداً ــــ


ــــــــــــ
هذي النقاط مهمه اتمنى تستفيدي منها انتي وغيرك

اما حاليا ابتعدي عن المزح ـــ حاولي ماتكبري الامور
زوجك يسمع بالمشاكل الزوجيه ومتوقع مليون بالمليون انه راح يعيش هالمشاكل
وهالشيء انتي حاولي تغيرين من نظرته السلبيه للحياة ,,

اطلبي فسح وخرجه من البيت مثلا للحديقه تفسحو وانبسطو
واعملو رياضه المشي سوياً يخفف من حدت الحياة والمشاكل وغير المزاج للاحسن

لاتطلبين منه انه يعتذر اذا اعتذر من نفسه افضل وإلا فلا
لانك ترخصين نفسك امامه وهالشيء مو حلو لك

الاخطاء البسيطه تجاوزي عنها بشرط يوم تتفسحون سوا كلميه عنها بطريقه غير مباشره

الفسحه او الخرجه خليها اعترافات منكم لبعضكم اتركو لقلوبكم العنان لتعبر ماتشاء
حتى لايبقى بالقلب شيء لامن تجاهك ولامن تجاهه
لكن لابد تكون طريقه التعبير حلوه وعلى شكل فضفضه مو عتاب او شيء اخر

فرج الله همك
وبالتوفيق لك

الوحدة احيانا تتمنى ماتزوجت اريح لها
حاوولي تسوين مثل ماهو يسوي لك او اسفهي وطنشي
يمكن يكون هذا حل لان زوجك يحب الهروب ويبي يكون دايم لحاله .
الله يكون بعوني وعونك

بس معاك أسلوبه كده ولا حتى مع أهله وأصحابه وهل دائما يحاول يحسسك بالذنب ؟

بصراحه ماقد شفته يتعامل مع احد .. لاني من تزوجته رحنا منطقه ثانيه
لكن اعتقد اسلوبه العام كيذا من المواقف اللي يحكيها ..
بس انا ما اقولك انه قاسي .. لا ابدا حرام اظلمه .. هو طيب طيب ومحترم واللي يحبونه كثير
بس اي غلطه صغيره او خطاء او ظن اني بزعل يكبر المشكله وعصبي .. وكلامه وقت الزعل الله يهديه بس

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

بقايا انتظار انا ماتركت وظيفتي .. لا انا صرت اشتغل عن بعد لظروف الشركه ..
اما اني خانقته لا بالعكس له مساحه
وابي ادور وظيفه تلهيني
وطبيعي اني اخاف على بيتي .. انا ما بينت له .. بس نفس الكلمه مالها داعي
تجي افكار وتروح

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

ياختي اذا سفهت زعل واذا تكلمت زعل يقول عندكم يالحريم طرق افضل بالزعل
ماعرفت وش هي الطرق !!
انا ماني ندمانه بالعكسس .. بس فيه حركات مالها داعي مثل التهديد و الزعل لايام
انا بس ابي يفهم ان الدنياء اسهل بكثير .. كلمتين تنهي الموضوع

__________________
..
‏اللهم يا ولي نعمتي وياملاذ كربتي إكفني ماأهمني ومالم يهمني،واجعل كل ما أخاف وأحذر برد وسلاما كما جعلت النار برد وسلاما على سيدنا إبراهيم .. تولني في من توليت وبارك لي في ما اعطيت وقني شر ما قضيت انك تقضي ولا يقضى عليك..

هو يمكن حريص انك ما تركبنه يعني تأخذينها طويله و عريضه ، لانه بعض الحريم ، ما تصدق تجد غلطه او شي ، الا و تضربها زعله ، و تكبرها و ممكن تتروح بيت اَهلها ، وتجيب كل في خاطرها وترميه في كيس الزعله ، يعني يرضيها و مره وحده يحقق مرادها ، وهذا النوع في البدايه طبعا تكسب لكن مع الوقت سنه او سنتين ، هي الخسرانه ما راح ينفع زعلها و تتمنى انه فقط انه يشوف كيف هي ترضيه ، زوجك أظن يعتقد انك منهم ، لكن مزودها حبتين

الله يكون في عونك يا اختي
زوجك فيه من نوعه كثير رجال
الي اذا زعلو يزعلو بالايام الطويله لو على اصغر المشاكل
وهالشي غالبا يولد معه من صغره وتكون عاده عنده اذا كبر
بس طبعا مارح يطول الزعل الا لسبب وقناعاه مقنع نفسه فيها
مثلا قناعه بأن هالشي بيخليكي تتادبي وماتكرري الي انتي تسويه
وممكن فيه اسباب نفسيه تخليه يطول الزعل
بس في كل الاحوال هو لمى يطول الزعل بيطوله لسببين
اما مردود نفسي مثل الاسف والاعتذار اوالكلام الي يحسسه بانه غالي
او اما مردود فعلي مثل عدم تكرار الفعل وغيرها
طبعا بتسئلي ليش اشرح هالشي
بختصار انتي تبغيه يبطل الزعل الطويل على الاشياء الصغيره ويستوعب انه ماينفع
عشان يبطل الزعل لازم تعرفي القناعه الي مخليته يطول الزعل وتعطيه كلام يكون منطقي ومضاد لقناعته عشان تهدمي قناعته
هالكلام لازم يحتوي على 7 عناصر وبترتيب

1- مقدمه تبيني فيها ان هالاسلوب بدى يتعبك ويتعبه وياخذ من سعادتكم من تزوجتو في الوقت الي يقدر فيه ياخذ الي يبي بكل هدوء وبدون تعب

2- تتكلمي عن قناعته وعن الزعل الطويل بانه مايفيد لانه سوائا زعل او مازعل راح تتركي الشي الي يزعله اول ماتنتبهي له ثم اذكري السبب الحقيقي لتركك الاشياء الي تزعله وهو حبك له (مو عشان ما يزعل)

3- تتكلمي عن حبك له اول شي ثم تتكلمي عن الضيقه والتعب الي يسببها لك هالزعل وانه يوصلك احيانا للبكاء (وانتبهي تتكلمي عن اي شي غير مشاعرك مثلا انك تركتي اهلك وانك سويتي وفعلتي .. اكتبي مشاعر فقط)

4- تتكلمي بختصار عن نيتك لمى تسوي الاشياء الي كانت تزعله وهي غالبا ضحكه تنرسم على وجهه او مطلب ماعرفتي كيف تطلبيه

5- اذكري له قدوته الرسول صلى الله عليه وسلم وانه ماكان يتعامل مع نسائه بهالشكل ويفضل ذكر موقف لرسول مع نسائه كان يفترض ان الرسول يزعل منه بس العكس حصل

6- وفي هالنقطه حاولي تبيني المواقف الي ينفع معاها الزعل ومتى لازم يستخدم الزعل

7- اذكري له اخيرا حل او تصرف يعوضه عن الزعل مع تبرير مقنع مثل (لو كنت مكاني بتفضل هالحل على الزعل ) (او لو جتنا بنت وخطبها شخص كثير الزعل وشخص فيه الحل من بتفضل ) مثلا (و اول ماتشوف شي يضايقك لاتزعل و خبرني وناقشني فيه وعلمني كيف اتركه واتصرف وحط نفسك في مكاني تخيل انك غلطت معي وش بتفضل اني ازعل منك او اناقشك وابين لك واعلمك كيف تتصرف )

طبعا يفضل كتابه هالرساله وهو مو زعلان اذا كان زعلان فالنقطه 3 و 4 حاولي تختصري فيها على كم كلمه