السلام عليكم ورحمة الله وبركاته
جزاكم الله خير على جهودكم في مساعدة الاخرين

انا راح ابتدي في سرد مشكلتي وقبل كل شي مابي هجوم علي
اولا انا معدد متزوج ثنتين لكن ماكانت ارادتي ابدا التعدد ولا أبيه لكن أبوي أجبرني وألزمني اني اتزوج بنت صديق عمره يعني بلغة أخرى تزوجتها عشان أستر عليها لأن محد يبيها لأسباب معينة يعني هي سمعتها ماهي طيبه أبد.
المهم صارت مشاكل كثير وحياتي تلخبطت حتى أثر على شغلي وخسرت اللي خسرته وزعلت زوجتي الأولى بس الحمدلله رضت بعدها ورجعت بيتها بعد ماشرحت لها الوضع

المهم ماجبت منها أطفال ولا ودي بصراحه وأحس اني ظالمها بمجرد ماانها زوجة على الورق وودي اطلقها بصراحه خصوصا انه هي راضيه ولا تبي تعيش معي او مع أهلي

طبعا هالانسانه من أول مادخلت حياتي وحياتي اعتفست ومشاكل في مشاكل انسانه عنيده لأبعد درجة هذا غير اني لاحظتها تكذب كثير مستحيل يجي يوم ماتكذب فيه !! زايد انها تمارس العادة السرية وانا مو مقصر معاها !!
ودوم كنت أقولها انت منتي صاحية أو تحتاجي مستشفى الأمراض العقلية أو أقولها انت انسانه العيشه معاك مستحلية من مشاكلها اللي ماتخلص وعنادها الفاضي يعني زادت بشكل مبالغ فيه عن بداية حياتي معاها مادري ليش ؟
ليما دريت عن أمراضها النفسية طبعا هي مخبيه عني انه عندها اكتئاب + عندها هم مرض ثنائي القطب تاخذ ادوية لهالشي وحبوب منومه !!

انا اللي ودي أقوله اني مجبور على ذي الانسانه وحياتي معاها مستحيل تمشي بشكل جيد
وفي نفس الوقت ودي اعيش حياتي وأرجع للاستقرار اللي انا كنت عايشه مع زوجتي الأولى وفي نفس الوقت ماابي أظلم الثانيه لأني انسان عصبي ومااتحمل وماامسك أصلا أعصابي فتصير مواقف كثير بيني وبينها ي الله صبرك
ارجع الوم نفسي بس ماودي أعيش في هالدوامه ! لي متى ؟

هي فاتحتني أكثر من مره بموضوع الطلاق وهي تبي تطلق مني اليوم قبل بكرا و هي حالتها الماديه ممتازة وعندها بيت باسمها ولو تبي أي شي بساعدها عادي !
أمها ميته من سنوات وأبوها مات تقريبا بعد سنتين من زواجنا ! ماعندها خوان ولا خوات
انا وهي متفقين على الطلاق بس الوالد رافض رفض تام يقولي لو طلقتها بتبرى منك وماني محللك ومن هالكلام !!!!!!!
وأنا ودي اطلقها وارتاح من الهم والمشاكل معاها !

انا عطيتكم الصورة كاملة وبعض النقاط المهمه لو أي احد عنده اقتراح شلون اقنع أبوي أو لو عصيت أمره وطلقتها هل علي شي ؟

الله يعينك يا اخوي

بس دام هذا وضعها وانت وهي متفقين على الطلاق
خلها هي بنفسها تكلم ابوك وتخبره انها مب حابه تستمر في هذا الزواج
يمكن هو على باله رغبة الطلاق بس من طرفك ؟

او انت وهي تتفقون انه يصير خلع اذا ماكان طلاق
لانه ابوك بيزعل عليك اذا طلاق وبينوا هالشي بالمحكمه
وماله داعي هي تدفع شي مقابل الخلع

الوالد يدري بالوضع ولكن نظرا لحالتها النفسية والصحية لأنها مريضه يقول انها انسانه غير مسؤولة عن هالقرار وبتندم عليه مستقبلا !!
يعني سواء منها أو مني هو رافض هذا غير باقي التهديدات لو صار هالموضوع !

هل مستحيل العيش معها ؟
اخي الكريم ،، عليك تعويد نفسك على الصبر ، فأنت من تحتاج تعلم الصبر قبلها
وفِي محطة الابتلاء هذه ان لم تصبر فعلى ماذا تصبر؟

مريضة، يتيمة تقريبا، وحيدة،

عموما هذه طاقات وقدرات يعطيها الله لمن يشاء ويستطيع الانسان تصبير نفسها عليها
أراك تحن لحياتك القديمة، وتزوجت الثانية فقط بإجبار والدك
ولما رأيت ان الحياة مشت عكس ما تكون ، تريد تطليقها لكن لا تفضل اجبار والدك.

......... ان رأيت ان طاقة الصبر انتهت ، ادعو الله
خذها لعمل جلسات نفسية عند متخصصين.
او ابحث عن زوج صالح لها لكسب الأجر او اوصي أقربائك ليفعلوا ذلك
غير أسلوبك في التعامل معها وانظر للنتائج
استخر الله كثيراً ، واقرأ الأذكار يوميا
بالتوفيق

__________________
-

لا حول ولا قوة إلا بالله

ليش تزوجتها بالاساس

لاتطلقها وخلها بعصمتك واشرط عليها عدم الانجاب اذا شايف انها غير كويسه من باب الاحسان اولاً وصية ابوك ثانياً ليس لها احد بعدك ثالثاً تتركها لمن ...! قد يعبث بها من لايخاف الله اذا طلقتها وذهبت ...! هذه امور انظر لها من باب الاحسان واحتساب الاجر ، والا بالاساس المفروض ماتقبل بها من البدايه لسوء سمعتها حسب ما فهمت منك .....

__________________
رَبِّ أَعِنِّي وَلَا تُعِنْ عَلَيَّ، وَانْصُرْنِي وَلَا تَنْصُرْ عَلَيَّ، وَامْكُرْ لِي وَلَا تَمْكُرْ عَلَيَّ، وَاهْدِنِي وَيَسِّرِ الهُدَى إِلَيَّ، وَانْصُرْنِي عَلَى مَنْ بَغَى عَلَيَّ، رَبِّ اجْعَلْنِي لَكَ شَكَّارًا، لَكَ ذَكَّارًا، لَكَ رَهَّابًا، لَكَ مِطْوَاعًا، إِلَيْكَ مُخْبِتًا قَلْبِي

مافيه شيء اسمه زواج بالغصب
كم عمرك ؟
وكم لكم متزوجين ؟ وهل يوجد اطفال من زوجتك الاخيرة ؟

المفروض من الاول رفضت ابوها مات وهومطمن عليها اللحين تتركها لمين وحيده ليس لها اخوان يشترون لها حاجاتها
تحزن الله يفرج همها ويشفيها ويعوضها خيراً

__________________
اللهم اني استودعك اولادي وبناتي دينهم وآمانتهم اللهم جنبهم الخمر والمسكرات والمخدرات والزنا واللواط والفتن ماظهر منها وما بطن يامن لاتضيع ودائعه

ماذا تقصد بالاخلاق غير سوية ؟

لو طلقتها صعب بناء على اجابتك بالنسبة للاخلاق

__________________
يا رب خاتمة حســنة ، وزلفى ، وحسن مآب ..

والله انا استغرب من هالاهل اللي يجبرون عيالهم على اشياء تييب التعاسه لعيالهم.
الزواج اساسه الحب والتفاهم.وانته لاحبيتها ولا تفاهمت وياها.