السلام عليكم .. طبعا مالي بعد الله غيركم .. بكتب لكم بالتفصيييييل الممل عشان يكون كل شي واضح ...
انا علاقتي بزوجي قويه من اول ماتزوجنا ماغبنا عن بعض اكثر من يومين ثلاث ويكون شي مهم يا اما مرض او سفر او زعل وكذا .. بس لما قربت ولادتي قبلها بيومين ثلاث رحت عند اهلي وجتني الولاده و تنومت كمان يومين وطلعت باليوم الثالث يعني تقريبا اسبوع وفترة نفاسي قضيتها اسبوعين ورجعت لاسباب والمجموع كله تقريبا 3 اسابيع .. بس لما رجعت لقيت زوجي واحد ثاني وكتبت موضوع هنا وقلتوا انه لانك بفترة نفاس والخ .. وصرت اطبق نصايحكم و كانت تجيب نتيجه 1% ويرجع يتغير لدرجه شكيت ان فيه احد بحياته ولما صارحته قال انه تعود بغيابي ينام ع الجهه الثانيه و انه يحضن المخده و له طريقة نوم معينه يعني تبعدني عنه واذا حضني يكون اول ماننام بس 3 او 5 دقايق بعدها يقلب .. وكان مايجلس بالبيت لان هو لما اكون انا عند اهلي هو يسوي البيت فندق يلبس ويطلع وينام لان مره صارحني انه مايحبه بدوني ويفقدني والخ .. المهم حتى بعد الاربعين بدت علاقتنا ترجع تدريجيا بسس البنت كانت تخرب علينا نومنا يعني كل مايحضني تصيح واقوم اسكتها وارجع وتصيح واخر شي يطفش ويقلب عالجهه الثانيه لان كل مايغفى اقوم وحتى اثناء الجماع كانت تخرب علينا مرات .. بس من لما وصل عمرها 4 شهور وبدا ينتظم نومها .. زوجي بدا يرجع مثل اول وخاصه لما دخلت الشهر الخامس علاقتنا رجعت قوووويه وصار مايبعد عني حتى لو كان معطيني ظهره وغارق بالنووم بس من يحس ان جيت انسدح ع طول يلف علي ويضمني بقوه لحد مانصحى يعني مثل اوول .. وصرنا نستمتع بلحظاتنا و صار يجلس معي ونطلع مثل اول ويحاول مايزعلني بشي والمشكله الحين انا حامل بالاسبوع الخامس و بدا يجي وحامي ومعاناة الغثيان والاستفراغ والتعب وخاصه بالاسبوع ال6 و ال7 راح يشتد حيل .. وهو قاللي هالمره روحي لهلك كانت غلطتنا انك بقيتي هنا بوحامك الاول مالي خلق تصيرين نفسيه علي وتسوين لي مشاكل و مابي تتعبين وعندك بنت قبل عادي انا كنت عاذرك وماخليك تقومين غصب ولا تشتغلين بس الحين بنتك راح تتعبك .. متى مابغيتي قوليلي اوديك واجلسي المده اللي تبين .. < طبعا انا طبعي شكاكه وجا ببالي انه يبي الفكه وممكن الفرااغ يخليه يتسلى و الخ > ومن جهه ثانيه قلت صح كلامه ويمكن يبي راحتي وهذي فرصه و والخ ..
بس انا اخاااااف اروح و ارجع القاه تغير مثل لما غبت عنه وماصدقت رجع مثل اول واحسن ..
انتوا وش رايكم ؟

__________________
تم تغيير النك .. < ريتاج2016 سابقا

رأيي أن تتحملي وتتحاملي على نفسكِ.

إذا كنتِ بالفعل نفسية وراعية مشاكل في حملكِ السابق فتحكمي في نفسكِ هذه المرة ولا تنساقي كثيراً خلف حكاية الوحام.



وبخصوص أن طبعكِ شكاكة .. فلا يجب أن تعتبري هذا أمراً مسلماً به .. بل هو عيب في شخصيتكِ يا عزيزتي ويجب أن تنطري له بجدية وتعالجيه .. إلا إن كان لزوجكِ سابقة أو سوابق تدعو لذلك.

__________________


اللهم طِيبَ الأثر .. وحُسْنَ الرحيل.

عليكم السلام ورحمة الله


اللحين إنتِ قد صدتي عليه شي فعلي
ولا شكوك في خيالك بس !


إذا قد صدتي تجاهلي ردي تحت
وإذا شك فارغ ترى بتحفرين لنفسك وتعطينه ذبذبات تحفيزية تخلينه فعلاً يجرّب هالباب اللي ماتفتأين تدقين أجراسه طول الوقت !! لين تخلينه يستجيب لـ صوت الجرس ويفتح الباب ؟؟؟؟؟

أستغرب من اللي يستحضرون الشر قبل وقوعة ..

...
أما الوحم هل هو لدرجة ماتقدرين تسيطرين على ردود أفعالك !
اذا نعم
روحي لبيت اهلك تبعدين عنه وانتوا متحابين ولا تلصقون في بعض وانتوا متكارهين

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

بالنسبه للشك ماجاني الا بشهور الحمل الاخيره وبدا يزيد و الى الان مع ان ماعمري مسكت عليه شي بالسر ولا عمري سمعته يكلم وبتويتر عنده 3 حسابات اعرفهم كلهم وكلهم عاديات ومافيهم شي .. ومرات تصير مواقف تقلب ضدي يعني مثلا مرات اشوف احد يرسل ملاحظات اقوله مين يقول صديقتي ولما اعصب يفتحهم وانها امه وفي هنا بهالموضوع مواقف وكذا http://www.66n.com/forums/showthread.php?t=268887 ..

بس بصراحه انا صرت اشك كله من النت ومن مرت اخوي ومن هالمنتدى بالذات .. مثل موضوع اللي زوجها عنده جوالين انا صرت اتخيله هو عنده و ادور و اسئله وهو يحلف لي ان ماعنده الا هذا .. ومثل موضوع اللي زوجها يحب وحده ومدري ايش ع طول اشك والا اول زواجي ماااكنت اشك وكنت اغار غيره طبيعيه و مو من أي شي .. الحين اغار من اتفه شي و اشك من ولا شي

__________________
تم تغيير النك .. < ريتاج2016 سابقا

بالنسبه لوحامي الاول صرت نفسيه وتوحمت فيه يبعد عني اشتاق له ولما يقرب لي اقوم استفرغ و صرت عصبيه و ماتحمل شي

__________________
تم تغيير النك .. < ريتاج2016 سابقا

ياروح اذا أنتِ كل ماقريتي موضوع أحد تخيليته في بيتك
قومي هاللحين وسجلي خروج ولاعاد تقرين منتديات !!

وش ذنب رجالك لاصرتي ماتفصلين بين حياتك وحياة الناس
تخيلي انه مكانك ويقرا هنا خيانات الحريم ويجيك ينكد عليك !!

والوحم والله تغير النفسيات شي يضغط ياخيتي ومحد يتحمله
يعني روحي لأهلك لين تتجاوزين هالفترة وارجعي

__________________
﴿رَبِّ إِنِّي لِمَا أَنْزَلْتَ إِلَيَّ مِنْ خَيْرٍ فَقِيرٌ﴾

‏هُنا دلال ، حيثُ نجد وحيثُ الشمال

والله يا ابله دلال غصب عني وخاااصه مرت اخوي .. لان اخوي يخون قدامها و صديقاته يرسلون له اجسامهم عريانات وياخذ منها فلوس عشان يعطيهم وحسابه بتويتر كله بنات ويتغزل فيهم ولما نجلس بيننا .. تقوللي كل رجال خاينين حتى زوجك تحسبين بس انتي بحياته ؟ لا ياعمري تلقين عنده بنات وصديقات و و الخ وتقول لي حطي نفسك مكاني لو زوجك تشوفين وحده ترسل جسمها وهو يمدحه وش شعورك ؟ وقتها يفور دمي .. وعلى فكرة لما صرت اشك قاللي زوجي اكيد من النت ترى الناس مو واحد انا ربعي مصاحبين بس مو كلهم وبعضهم معددين وبعضهم اخلاقهم عاليه وانا مالي بهالسوالف قبل اتزوجك تبين الحين بعد ماتزوجت ؟ وكذا يقول ويحلف بس بحاول ماخلي المواضيع تأثر علي بس وربي غصب عني

__________________
تم تغيير النك .. < ريتاج2016 سابقا

اللي لفت نظري في الموضوع كله بنتك ياعمري عليها توها 4 شهور رضيعه وصغييره حتى انتي جسمك مابعد يتعافي بشكل
جيد من الولادة والحمل ...حاولي ان شاء الله بعد ماتولدي بالسلامه بمجرد ماتخلصي الأربعين تاخذي موعد للدكتورة وتسوي مانع حتى ترتاحي وتاخذي وقتك في تربية اطفالك ..الله يتمم عليك بخير.

لااا زينب الحمدلله باقي اسبوع وتكمل 5 شهور ان شاء الله > احاول اكبرها هههههه بس الحمل صار وهي 4 شهور ماكنت ناويه احمل بس زوجي رفض اخذ مانع وانصدمت لما حملت وانهرت بس الحمدلله ع كل حال ..

__________________
تم تغيير النك .. < ريتاج2016 سابقا

اتركوا موضوع الشك لانه مو محور حديثنا .. مابي يتغير مسار الموضوع .. و ركزوا على المشكله الاساسيه يعني السؤال الاساسي

__________________
تم تغيير النك .. < ريتاج2016 سابقا