اتعبني زوجي بكثرة علاقاته المحرمه
انا بنت متزوجه من سنة واربع شهور تقريبا بعد قصة حب دامت اربع شهور ثم ارتبطنا رسمي يصغرني باربع سنوات احببته بجنووون قال لي ببداية ارتباطنا انو عندو علاقات بالنت وانو يبي يتزوجني لانو مل منها ويبي يستقر وطوال فترة الخطبه والملكه كانت تصير بينا مشاكل بسبب هالقصص ووعدني انو بس نتزوج واكون معو حيبطل كل هالشغلات وصدقتو وتزوجنا وهو مستمر كل فتره اكتشف بنات ومكالمات والمصيبه انو كان يحب وحده يعرفها قبلي بثلاث سنين بس كانت مجرد صديقه ويوم عرفني حبني وخطبني وبعد ارتباطو هيا انجنت وكانت تحبو وصار يحبها صارت ترسل لي رسايل ع الفيس بوك انها بتاخذه وانو يحبها وووو وصارت مشاكل كثيره بينا بسببها وبعد تسع شهور تركتو وطبعا اكتشف انها كانت تكذب عليه بكل شي بمعلوماتها وحياتها حتا اسمها كذب وتعرف غيرو اثنين بس هو حبها بجد لانها كانت مشغوله عنو وهو يركض وراها المهم طبعا في غيرها كثيرررر يكلمهم بنفس الوقت وكل مااكلمة يقولي ادري انك متحملتني وان شا الله حتغير وكل واحد عندو عيب وانا ماادخن ولا اشرب ولا احشش بش هذا عيبي الوحيد وفعلا هو طيب لاقصى درجه ويوم يكون معايا يحسسني انو مافي غيري بحياته وكريم وهادي كل شي فيه كويس الا هذا الشي بنات بنات بنات وكل وحده كلام حب وومكالمات غير اخلاقيه مع انو دايم بقولي انو مبسوط معي جداا حتى في العلاقه الخاصه وحتى يقول للي يكلمهم انو مبسوط في بيتو بس هوا حقير ويقولهم انو يحبني واخذني عن حب المهم اخر كم شهر بطلت اخانقو وتاركتو براحتو عشان لايقول اني نكديه ويلقى عندهم الوناسه تحملت وقعدت افتش جوالو اشوف شغلات بين فتره والثانيه بس مااكلمة ابدا واتعامل معاه طبيعي الين الاسبوع الماضي قلي بيطلع مع اصحابو برا البلد قلت طيب بس ماارتحت وفتحت جوالو وهو نايم واشوف انو حاجز لوحده من من هنا الى البلد برا ويقولها لاتنسي -ملابس خاصه نسائيه- وهيا تقولو كلام وسخ واجهتو صار يضحك ويقول لا والله ماحروح مكان وانا معاكي وفعلا جلس معاي والاسبوع هذا قلي بطلع مع اصحابي قلت وش يضمني قام يحلف ويقسم وخليتو يروح وهو هناك تارك الايباد حقو دخلت اشوف الصور لقيت حجز لنفس البنت مصورو وناسي يمسحو بتاريخ هذا الخميس الماضي دقيت عليه انجنيت قلت احلف انها مو معك صار يخاصمني ويقسم واني طفشتو ادور وراه ومااصدقو وان الحجز قديم واتكنسل وقلب الطاوله علي قمت دقيت ع الخطوط السعوديه وعطيتهم جوالها والاسم وقلت ابي اتاكد من الحجز قالولي مؤكد يعني معاه ورجع الجمعه المغرب وهي اقلاعها كانت الجمعه الساعه 8 ورجع كانو مافي شي طبعا ماقلتلو اني دقيت واتاكدت من الحجز للحين ساكته بس مااعطيه وجه حاول البارح يكلمني بس ماعطيتو وجه صار تعاملنا رسمي مو عارفه ايش اقولو كيف اتصرف معاه صرت احس انو مريض نفسي لان ابوه كان نفس الشي وانفصل عن امو الكل يقولي هذا نسخة ابوه انا تعبت نفسيا حاسه باشمئزاز منو مشكلتي احبو رغم كل شي واحس ماعندي استعداد انفصل عنو او ارتبط بغيرو وهو يقول دايم انو يحبني بس هذي تصرفات شخص يحب ساعدوني الله يجزاكم الجنه كيف اتصرف وش الحل
التعديل الأخير تم بواسطة أعماق ; 28-01-2012 الساعة 07:08 PM