مشكلتي أني ولدت في أسرة مثالية بل وفوق المثالية حتى صرت أبحث عن أي حجة لأضع حجة فيمن يأتي لخطبتي كي لا أبتعد عن كنف أسلاتي الغالية ووالدي الرائعين ولكنني في النهاية مللت من كثرة ما رفضت وبدأ الناس يتهمونني ويقولون لا يعجبها العجب ومن هذا الكلام والعمر يمر بي والذي أحلم به لا يأتي أو أنه غير موجود باصل ثم جاءني خطيبي الحالي قبل الملكة كنا رسميين جدا جدا لم أفهم عنه شيئا ولم يفهم عني شيئا ثم قررنا عقد القران على أساس نفهم بعض ونكون مرتاحين أكثر وفعلا بدأنا نتكلم بأريحية وحسيت بالبداية بانسجام كبير بيننا فنحن متقاربان في العمر وكلانا دارس هندسة وانا جميلة وهو كذلك وهو رومانسي وانا عاطفية جدا وحنونة استطاع ان يملك قلبي ويأسره ولا زال إلى هذه اللحظة ولكن المشكلة أني بعد ان احببته بدأت أكتشف بعض العيوب أقول اصبري بركي أنت بتظلميه مثلا أهم مشكلة فيه هي البخل والسبب كما لاحظت هو أهله وطريقة تربيتهم له وانا على العكس اهلين كريمين زيادة عن اللزوم يعني والدي قبل ما نطلب الشي يعطينا ياه حتى لو كان متضايق ماديا يشيل عيونو ويعطينا اما خطيبي فهو ببساطة بياع كلام يقول لي انا مسؤول عنك أمام الله (كلام معسول) بس وقت الجد مافي عمل يؤكد هذا الكلام من اول الخطبة ملأ رصيد الجوال مرة او مرتين بعد ما يكتشف أنو ما معي رصيد وأنا أدبا مني بقلو مافي داعي وبشكرو مية مرة على هالكرم الجبار جبلي موبايل هدية بس لمح لي على سعرو عمرو ما جبلي لبس مع اني جبتلو مرتين ملابس وهديتو ياها مرة سافر وقلي شو بتريدي قلتلو سلامتك بعدين أصر قلتلو أنت كريم وأنا بستاهل راح ورجع ما جايب معو شي انزعجت كتير وأهلي بلشو يعايروني بهالصفة وقالولي فينك تعيشي مع واحد بخيل هيك.. مرة نزلتو لورجي فستان عاجبني وما اشتريتو لأن ما كان معي فلوس بدي ورجيك ياه إذا بيعجبك أم لأ (اي حلو اشتريه) وما دخل وجبلي ياه انا فيني اشتريه بس معقول واحد معو خطيبتو يلي عاقد عليها ويلي بيضل بيقلا أنو مسؤول عنا يتصرف هيك, أنا من أول الخطبة ما طلبت منو شي وبعزمو دايما بالبيت هو ولا مرة عزمني لا على مطعم ولا على كافتريا ولا شي...
مرة سألأني كم راتبك رديت السؤال بسؤال لما هو قلي قديش راتبو قلتلو راتبي أعلى بس هيك جكر ما كنت قلو قديش راتبي, ومرة قعد يخطط لحياتنا قال منحط راتبنا فوق بعضو( وأنا) بصرف عالبيت وفينك تاخدي منو قد مابدك قلتلو صراحة انا ما متعودة حدا يحاسبني ولا شو صرفتي ولا كتير ولا قليل والدي الله يحظلي ياه عمرو ما تدخل براتبي لأ وإذا احتجت بيعطيني اما خطيبي أحيانا بحسو آخدني بس ع راتبي أنا قلتلو أنت المسؤول عن الإنفاق وأنا بشارك بلي بشوفو مناسب وما بيحقلك تحاسبني قلي بركي أنا أصريت على هالأمر وكنا رح ننفصل عالتلفون بس هديتو لما قلتلو أني كريمة بطبعي وأنا فعلا هيك ورح شارك بمصروف البيت يمكن أكتر منك بس بإرادتي مو غصب عني قلي خخلص متل مابدك بس انا مو كتير مصدقة وحاسة أنو بياع كلام
بس المشكلة الأكبر أني حبيتو مرة قررت أنفصل حسيت حالي ماني قادرة أنساه بعمري هو أول حب بحياتي وهو وسيم ومثقف ويبني الآن منزله وبحاجة لكل قرش ليضعه في بيتنا فهل أصبر على بخله أم أصبر على فراقه عسى ربي يعوضني بمن هو خير منه
أريد منكم رأيكم وجزاكم الله كل خير