توني انتبهت يا وفا إني ما جاوبت على سؤالج الأساسي. الحمدلله ما صار عندنا هالشي .. لا أمي كانت تفضل أو تميل للأولاد على حساب البنات .. ولا أبوي كان يفضل أو يميل للبنات على حساب الأولاد. ولا عمرنا حسينا إن في حد أحسن من حد كونه ولد او بنت. أما سلطان فهو حبيبي وبكري وأول فرحتي .. لكن بصراحة ما أحس إني أحمل له مشاعر خاصة كونه البكر أو لأنه ولد .. بالعكس .. رغم أنه بطبعه حنون .. لكن مع ذلك حريصة إني أذكره بضرورة مراعاة خواته وإنه لازم يدير باله عليهن وينحمل شقاوتهن اللي تغيظه لأنه هو أخوهن العود. في المقابل أنصحهن يحترمنه ويسمعن كلامه لأنه أخوهن الكبير. حتى في بعض المواقف اللي تعترض فيها مهرة لأني أسمح لسلطان بأمور ما أسمح لها فيها .. مثلاً تعترض ليش أخلي سلطان يروح عند أصدقاءه وهي لا .. أقول لها لأنه بروحه ما عنده أخ يلعب معاه ويقضي معاه الوقت .. لكن إنتي عندج أختج تلعبون وتقعدون مع بعض. لكن إني أضع سبب (لأنه ولد وأنتي بنت) فهذا أمر مستحيل .. وأنا جداً حريصة بعدم التلفظ به. طيب بتصدقين يا وفا .. أنا أحب إنجاب البنات .. وفي حملي الثلني والثالث كان جزء كبير من دعائي أسأل الله أن يرزقني ببنت .. والحمدلله ربي استجاب ورزقني اللي تمنيته .. ومع ذلك ما أميل لبناتي على حساب سلطان .. ولا أحمل لهن مشاعر أكبر من مشاعري تجاهه |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|