30-09-2014, 07:42 PM
|
المشاركة الأصلية كتبت بواسطة أخي في الله
الله يرضى عليك أخي في الله .. طرحت تعليقي من باب المشاركة وليس من باب الشكوى .. ولا أرى أنني محتاجة لمساعدة  الله يرضى على الجميع والله نحن نتعلم منكم ومن خبرتكم الطويلة في الحياة الزوجية، وكل سواليفنا هنا مشاركة (شكوى - نصيحة - رأي - قصة - اخرى) ولذا حبيت اشاركك بعض الاراء لكي تسعدي اكثر واكثر بحياتك الزوجية. إذا انتي لاتحتاجي الى مساعدة فأنا احتاج الى مساعدة منكي، بأن تأخذيني على قد عقلي وتساعديني في التدرب على جعل حياة الاخرين افضل واسعد واريح بحيث تجاريني وتخليني اساعدك ولو من باب التدرب ولو من اجل ان يستفيد الزوار (غير المسجلين بالمنتدى) من قراءة الاشكاليات وحلولها. اختي مهرة اخذت لفة سريعة على مواضيعك واكتشفت انك امرأة عظيمة في الصبر والتحمل والتصرف بعقلانية وتأني (طبعاً لاانكر اني كرهت التعدد مع انه محبب لنا نحن الرجال ولكن من كثر ماقرأ شكاويكم عنه كرهته وخاصة موضوعك الذي كان بمثابة القشة التي قصمت ظهر البعير) وبالتالي انتي كنز لنا في هذا المنتدى ولابد ان ننهل ونستفيد من صفاتك بمشاركتنا في مواضيعنا حاضر .. ولو إنني لا أعرف كيف يمكننني أن أجاريك. هل تقصد أن نحوّل زوجي لزوج رومانسي بالطريقة الحوائية؟ .. شموع وورود ومفاجآت ونظرات وحركات يعني؟ إن كان الأمر كذلك فربما لا أستطيع .. ولا أخفي عليك .. إن وضعي الحالي تأثر كثيراً باستعدادي لعمل بعض الأمور. أنا متكيفة تماماً .. ولما أحتاج شموع وورود وفواحات وحركات .. أعملها لنفسي وأستمتع. هل هذا التكيف عبارة عن حل؟ ام هروب؟ أبداً ليس هروب .. أنا كنت زوجة شاطرة تفهمت طبيعته كرجل. ربما لأنني أعلم أن لزوجي قلباً حنوناً .. وكونه إنسان عملي لا يعني بالضرورة أنه إنسان جاف .. لذلك أعفيته من تلك الممارسات الرومانسية أو حتى مجاراتي فيها. شاكر لكم ومقدر مروركم |
30-09-2014, 07:56 PM
|
المشاركة الأصلية كتبت بواسطة مهره
عندما قرأت ردك قمت مباشرة وأشعلت شمعة الفواحة .. وبدأت أستمتع بعطرها الزكي ينتشر حولي .. وابتسمت وأنا أقول لنفسي: زين إنه في الدوام
وعشان خاطره وخاطرك أبعدت عنها كل ما حولها .. من باب الاحتياط يعني |
30-09-2014, 08:27 PM
|
المشاركة الأصلية كتبت بواسطة .Queen
الرومانسيه بنظري افعال ومشاعر صريحة تجي فجأة مايبغى لها ترتيب ..
كلام جميل طيب بقولك انا ليه حكمت على زوجي انه مو رومانسي ابدا.. انا واعز صحباتي ... لما انجبت بنتي الصغيرة صحبتي جابت بنتها كمان بعدي بكم يوم ... صحبتي زوجها على طول اهداها هدية الولادة ..وتكلمني وهيا فرحانة بالهدية ... لكن انا ماشفت هدية ... وطول الوقت زعلانة ولامة البوز ان زوجي مو رومانسي ولا في زوج مايجيب هدية لزوجتة وهي تعبانة... يااخي انتو ياالحريم بتقهرو في قصة هدية الولادة! يعني مايكفي ان الزوج تعب بشكل غير طبيعي بحملك! كمان حضرتكم زعلانين!!! انا اقولك كيف الزوج يتعب في حكاية الحمل وخليني اتكلم عن نفسي نبدأ بسم الله: - ايش رأيك احمل ولا ماأحمل، متى احمل ، وكيف وكيف - تأخرت الدورة ماتأخرت الدورة - جيب اختبار حمل، يابنت الناس بدري على الموضوع! جيب لاتجيب - الوحام ومادراك ماهو الوحام - ولد ولا بنت، بنت ولا ولد ، فيه نبض ولا مافيه نبض، رايحين الطوارئ وراجعين من الطوارئ - ايش نسميه؟! طيب مش نعرف ايش هو المولود بالأول وبعدين نسميه!!!! - كبرت البطن وابتلشنا في السرير، الزوج يكون خايف من اي حركة عشان لايدق بطنها وتولد له في السرير. - اولد طبيعي ولا قيصري! ابغى اخذ ابرة الظهر ماابغى اخذ ابرة الظهر. - (العلاقة الزوجية) الدكتورة تقول وقفوا! الدكتورة تقول زيدوا! - تأخرت الولادة ماتأخرت، خليني اشرب خروع، قرفه، مسهل، ملين. - مريضة واحتاج داوء وانا حامل مااقدر اخذ دواء!!!! - وقفت الحديد والكالسيوم والفوليك اسد جابولي امساك والالام بالمعدة!!! - الدكتورة تقول لازم تمشي. المشي يتعبني، وديني مول مكيف عشان امشي. - ابغى اولد بجناح لوحدي.ابغى مستشفى اهلي، اشمعنى اختي! - النفاس ابغاه ببيتي، لا ابغاه عند امي ، لا ماادري ايش - الطلق وماادراك ماهو الطلق تأوهات وانت منت عارف ايش تعمل، تبغى توديها المستشفى وهي تقول لا لسى بدري! طيب ايش اعمل! ماابغاكي تولدي لي في السيارة! كل ماسبق من حرب نفسيه وعندكم وجه تطلبوا هدية!!!! الزوج اللي يبغاله حفل تكريم على صبره. لكن ماكنت اشوف ان زوجي بيعمل اشياء ممكن هيا بنظرو رومانسية ... زوجي بعد ماولدت اعطاني مبلغ كبير غير عن المصروف ... لاتنسي وراه عقيقة عن المولود طول فترة النفاس يكلمني عن تخطيطة للسفر بعد مااخلص النفاس ..ويقولي راح اخليكي تنبسطي وتنسي التعب .. اشترا لي كاميرا احترافية ...طبعا ماكنت اعتبرها هدية لان لازم عندي مغلفه وتكون مفاجأة مو يشاورني بمواصفاتها هههههه..  طيب خبريه انو احلى لو يغلفها لكي، زوجك ماله علاقات نسائيه سابقة ولايفهم بهذه الامور اول اسبوعين من النفاس يأخد اجازة من عملو ومايفارقني لحظة .. هذي جدا شغلة ماهي بالسهلة ، يابختك بزوجك لكن مع هدا انا كنت مصممة ان زوجي مايحبني ومو رومانسي ابدا وجاف ليه مافكر يجيب لي ورد وهدية ويغلفها زي العالم والناس هههههههه.. اما صحبتي ... بعد فترة سارت تشتكي من زوجها انو مايهتم فيها ودايم مطنشها ويسهر كل يوم مع اصحابو ...غير انو بخيل ويتمنن عليها بالريال ...ويسافر كثير ومايفكر يسفرها ...لكن زوجها فنان بالحركات الرومانسية ...ايش السبب !! يعني معقولة بيعمل هدي الرومانسيات عشان يسكتها .. عشان كدا في النهاية اقتنعت ان مو اهم شي الرومانسية والحركات .. المهم الاهتمام وانو دايم يحاول يسعدني .. الحمد لله لحقتي نفسك وعدلتي قناعاتك بشكل واقعي يعني نقل زوجي من الرياض لمكة ...هدي تكفيني رومانسية للعمر كله  |
30-09-2014, 08:35 PM
|
المشاركة الأصلية كتبت بواسطة .Queen
دحين في شموع بالبطارية ...خلاص مافي عذر hh
|
30-09-2014, 08:46 PM
|
المشاركة الأصلية كتبت بواسطة أخي في الله
والله زوجك والنعم فيه ، الله يبارك في زواجكم وحياتكم ، وياريت تعطيه دروس وتدريبات نسائيه لو خمس دقائق يومياً بشكل جاد.
شاكر ومقدر مروركم |
30-09-2014, 08:47 PM
|
المشاركة الأصلية كتبت بواسطة عطر الفجر
زوجي يسمعني كم كلمة غزل عالسرير ويقول لي انه رومنسي اكثر مني..
من جد؟ الرجال طلع رومانسي اكثر منك؟ ام تقصدين انه لايكون رومانسي سوى عند العلاقه الزوجية؟ الرومانسية عندي مو ورد وشموع وغزل رومانسيتي هي تناغم الاحاسيس ما بينا .. مثل رقصة باليه مزدوجة او معزوفة تتكامل وتتصاعد وتنخفض انغامها من غير نشاز وتقطيع لما اجي له مشتاقة يفتح لي حضنه ويحتويني تمام لما احزن يحس فيني ويمد يده يمسح دموعي الدموع عند الرجال اكبر عيب، وبالتالي لايحبها اصلا، وقد يشعر انها دلع زائد عند المرأة ، ولايريد يعطيها وجه لكي لاتتمادى . والمشكلة الاكبر عندما يكون الزوج زعلان من احد تصرفاتها وتقعد تبكي! طيب ايش القصة ايش العمل؟ تبغى تقلب الموضوع علي وتطلع هي المظلومة ولازم اراضيها وانا اللي زعلان منها مش هي!!!!! دائماً اقرأ الزوجة تقول: شافني ابكي او شاف دموعي وتركني بكل قساوة ولم يحن علي!!!! لما اتعب يراعيني لما اخاف الاقيه يطمني اذا كلمته يفهمني .. وردات فعله تنسجم مع مواقفي مو شرط توافقها بس تكون على قدها عشان نوصل لنهاية سعيدة شي رغم انه صعب وكأنه حلم .. لكن واقعي ممكن حدوثه، ان حبك الزوج لمواقفك معه سوف يرضيكي بالشكل الذي تريديه علاقتي بمديرتي رومانسية جدا مرة قلت لها انتي زوجي الروحي هل هذا يعتبر طبيعي في عرفكم النسائي؟! انا وهي متفاهمين ومتفقين كثير رغم اختلافنا حواراتي معها ايجابية .. ما احتاج اكمل جملتي تهز راسها بنص كلامي واعرف انها فهمتني .. ما نبرر كثير لبعض.. تحس فيني وترسل لي الكلام اللي احتاجه في وقت اكون مو متوقعة ولا منتظرة احد يحس فيني.. وانا اعرف اسمع لها وافهمها وبكثير اوقات احس بحاجتها لي واتصرف عنها بدون ما تطلبني .. احيانا نتصادم نشد في الحوار بس بسرعة نوصل لاتفاق .. جو التفاهم والاحساس ببعضنا اللي يصير بينا .. هو منتهى الرومانسية اللي اطلبها والحمد لله ببلاش.. مدري ليه انا وزوجي ما نصير كذا .. مع انه الحمد لله في تقدم عن اول بكثير. |
30-09-2014, 08:53 PM
|
المشاركة الأصلية كتبت بواسطة kooki3
اعتقد أن المرأه في الرومانسيه تتوقع من الطرف الاخر ردة فعل مشابهه لما ما يدور في خلدها
والرجل الخام يتوقع من زوجته ردة فعل مشابهه لما يدور في خلده، او مشابه لما رآه من تصرفات والدته وكأنها ترسم الخيال بالواقع وتريد نسخه بالتطبيق بحيث ان زوجها بعيدا عن ما تتوقعه من ردة الفعل هنا عليها ان تعلمه هي الرومانسيه بالطريقه التي تناسب شخصيته لا على ما تريد هي الرومانسيه محتاجه الى تدريب وصبر وتحفيز ومعرفة ما يتوافق مع الطرف الاخر |
30-09-2014, 09:04 PM
|
المشاركة الأصلية كتبت بواسطة mimi123
احلى كلمة انقالت بحقك يا مهرة قالها اخي في الله انك كنز هيدا المنتدى الله يسعدك يا رب |
30-09-2014, 11:44 PM
| من جد؟ الرجال طلع رومانسي اكثر منك؟ ام تقصدين انه لايكون رومانسي سوى عند العلاقه الزوجية؟ |
| هل هذا يعتبر طبيعي في عرفكم النسائي؟! |
|
تصير انتي وزوجك ليش ماتصير! انتي شعرتي بالخلل، لكن توقفتي عند الخطط والعمل للوصول الى هذا الهدف |
01-10-2014, 01:43 AM
| مواقع النشر |
| الكلمات الدليلية |
| رومانسي،زوجي |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
