اخوي طالما مالك غير نص سنه فطبيعي بتكون شوي حساس ولاشعوريا بتفسر اي تصرف مثل عدم ردها على التلفون كم مره على انها ملت او طفشت منك لان حبكم توه في بدايته .. شي طبيعي الي تمر فيه يمر فيه اي شخص مكثر المكالمات مع خطيبته .. ترا البنات في حالت خطيبتك دائما تنحرج من اهلها وتبدى تحاول تقلل المكالمات مع خطيبها دايما بعد عده اشهر .. واحيانا تصير مخنوقه ممكن هي كانت متعوده تتابع افلام ومسلسلات وتقعد بالحالها فتره بس انقطع هالنظام من جيت انت وتلخبط يومها وهالشي اكيد بيسبب ضغط عليها والحين كثر الضغط وتحتاج شوي من نظامها وشوي معك ...وفيه احتمال ان يكون قد جاهم اقارب يباتو عندهم كم يوم خالتها او عمتها وبناتهم وهي صارت تنحرج ومشغوله بعد معهم وفيه مليووون احتمال
طيب وش مطلوب منك
1-تسئلها وتطلب منها تجاوبك بصراحه تامه وانك بتتفهمها كيف ماكان السبب واسئلها كيف تتصرف لو كان فيه سبب
2-اذا ماكان فيه سبب فاعرف انها تحتاج مساحه ومحتاجه شوي من نظامها القديم وتخفيف من بعض الضغط ادري هالكلام ممكن يضايقك لانك تحبها بلهفه وتبيها تكون زيك بس لازم تفهم انها مو رجل هي نفسيتها تختلف عنك
طيب كم تحتاج عشان ترجع زي اول .. بين الاسبوعين الى شهر
طيب كيف لازم تتصرف معاها في كل الحالتين ؟
بختصار عطها مساحه وفي نفس الوقت عود نفسك على انك ماتكون خانقها
يعني اذا بغيتها دق مره وحده عشان تعلمها انك تبي تكلمها وبعدها تاكد انها اول ماتفضى او تكون رايقه بترد عليك لاتدق اكثر من مره
ولاتنتظرها روح تفرج فلم او العب او اقعد مع اهلك او اخوياك اشغل نفسك لين تكلمك ولاتحرق دمك اذا تاخرت عادي عود نفسك على هالاسلوب لين ترجع لهفتها او تنتهي اسباب انشغالها وخلك معاها كذا للابد ترى الواحد مايحب الي يدق عليه واجد بذات اذا كان مشغول ومارد
لازم تعود نفسك على كذا ولا بتتعب وبتتعبها معك
اخر شي ادري ان غصبن عنك تشك بس طنش الشك وبين لها انك واثق منها مهما ماسوت هالشي مهم وبيكبر ثقتها وحبها فيك ولازم تفهم ان الشك مارح يغير شي

ربما كانت خجلة في البداية والآن اخذت عليك وبدأت تظهر شخصيتها انت في مرحلة التعارف ادرس وقيم الوضع جيدا قبل الاقدام على اي خطوة طبعا لا تنس الاستخارة

الله يسعدك ويوفقك على نصايحك
تسلم يالذيب الف شكر لك الله يجزاك خير

ممكن جداً

الله يسعدك دنيا وآخره

طيب ليش ماملكت بس خطبه فقط
حاولت تملك عليها بس قبل
جيب لك ورقه وقلم بعد ماتستخير طبعاً
وضع في صفحه ايجابيات الزواج منها والصفحه الاخرى سلبياتها
وشوف ايهما اكثر سلبيات او ايجابيات
بعدها فكر زين بكل شيء
الابناء بعدين الجنسيه العادات ...الخ
الكلام غير عن الفعل

ايضا صارحها يمكن لها ابن خال مسافر والحين رجع وتقدم لها وهي ماخبرتك او شيء من هالقبيل
ويمكن الاهل فكرو زين كيف راح يكون مصير بنتهم الله اعلم


ــ

ماراح احبطك بس في النادر تنجح الزواجات اللي زي هذي مو تقليل من شأن أحد لا والله لكن التربية غير والطبايع غير والعادات غير أمور كثيرة هم يرونها عادي واحنا الخليجين عندنا خط أحمر .. مشكلتك الحب أعماك تماما ماأتوقع ولا واحد في المية إنك خططت لوضع أطفالك لبعدين أمهم من دولة وابوهم من دولة ولو حصل انفصال لاقدر الله بيروحون مع أمهم وتنحرم أنت منهم أو بتاخذهم أنت وتنحرم أمهم منهم .. مسألة إنسجامها مع أهلك وتقبلهم لها والمشكلات المترتبة على عدم التقبل وهذا وارد جدا عنصرية مجتمعنا ولاتنكرها ابدا اللي راح تعاني منها ..إختلافك أنت وياها فيما بعد في أمور التربية أنت لك منظور وهي لها منظور ثاني حسب ماتربت ... وعلى فكرة اللي قاعدة تسويه خطيبتك الآن بوادر غير مريحة أبدا وأتوقع هي اللي قاعدة تعيد تفكير في الاستمرارية من عدمها .
كل هذي الأمور حاول تحضر عقلك لها وتخليك واعي وتتخلص من جنون الحب اللي مستحيل يخليك تفكر بعقلانية أو حتى تفكر في أي سلبية من سلبياتها لأنك من خلال كلامك تراها كأنها ملاك وهذا مو صحيح أبدا أبدا والله يوفقك .

__________________
اللهم إن أبي نزل بك وأنت خير منزول اللهم أكرم نزله ووسع مدخله وارفع درجته وجازه بالحسنات إحسانا وبالسيئات عفوا وغفرانا .. آمين

اخوي
حلاة الثوب رقعته منه وفيه
ما قالوها عبث اجدادنا
مو نقص في احد لكن فعلا افضل شي كل واحد ياخذ من بلده
وزي ما قالت بنت طيبه انت تعرف المعايرات عندنا كخليجيين من هذي الناحيه
حتى لو جدتهم ما يسلمون منها فما بالك بامهم!
عيال الكذا ( ويذكروا جنسية امهم)
طيب ليش احط عيالي بهذا الموقف!

ما قلتلنا كم عمرك؟ وكم عمرها؟
نصيحة استخير
واعط نفسك فرصه تفكر في سلبيات الموضوع وايجابياته
لا قدر الله صار طلاق
ومن غير طلاق اختلاف المجتمعات
وكل سنه بتزور اهلها يمكن مرتين او ثلاث
يقعدوا اولادك رايحين جايين من بلد لبلد!
مره على عادات اهل ابوهم ومره على عادات اهل امهم
ولو تغيرت الظروف السياسية بين البلدين واخذت عيالها ورجعت بلدها؟!
ايش موقفك؟!
صراحه ما احب هذي النوعية من الزواجات مره

ما علمتنا عن موقف اهلك معقوله ما عارضوا؟!
اذا معارضين بصراحه معاهم حق

الله يوفقك ويسعدك أولاً ويتمم هالحب بالزواج
وكأني عرفت عمن تتحدث وأي دولة تقصد، ونعم في شعبها
عموماً
يجب أن تؤمن بتبدل الأحوال وبالطبيعة البشرية المتغيرة والتي قد يعتريها الملل أو الكبر أو الطفش أو سوء التقدير أو محدودية التفكير وضيق الأفق

الحب ليس هناك شيئاً أجمل منه، بغض النظر عن الطريقة فلا تلتفت لمن ينتقد طريقة تعرفك عليها، والمنتقدين قد ينطلقون من نظرة تقليدية أو أحكام عامة يطبقونها على الكل، ولا يدرون أن لكل حالة ظروفها المعتبرة.

ربما لأنها ضمنت حبك وميولك وأقبالك عليها، أصابها نوع من الغرور
وربما أنها أدركت أن لاجديد فيك، واقتنعت أنك انسان عادي أو أقل من ذلك ( وهذا أمر يدخل تحت سوء التقدير للشخص الأخر)

عموما إذهب إليها وحدثها، وقل لها ترسم خطوط مستقبلكم
إذا أرادت الزواج أو لا
وعليها أن تعي أنك تنتظرها منذ زمن، وأنت لا تريد الانتظار وبالنهاية لازواج

أيضاً يجب أن تستعد نفسياً وعقلياً على كافة الاحتمالات
وتذكر جيداً أن الحياة لاتتوقف على أحد

وفقك الله وكتب لك مافيه الخير

__________________
ياصبحِ لاتِقبل !!
عط الليل من وقتك..

+1
رأي واقعي جداً

الملكه اتفقت انا وابوها بعد ماتضبط اوضاعي انا وقلت لهم قبل عيد الاضحيه
وتمت الموافقه
وعقلي مقفل والله مقفل اشوف كل شي قدام زين وعندنا بقطر الجنسيه ماهي مشكله

مالها ابناء خالات او اخوال بنفس عمرها كلهم اصغر
وشكراً لك من القلب