اخوي طالما مالك غير نص سنه فطبيعي بتكون شوي حساس ولاشعوريا بتفسر اي تصرف مثل عدم ردها على التلفون كم مره على انها ملت او طفشت منك لان حبكم توه في بدايته .. شي طبيعي الي تمر فيه يمر فيه اي شخص مكثر المكالمات مع خطيبته .. ترا البنات في حالت خطيبتك دائما تنحرج من اهلها وتبدى تحاول تقلل المكالمات مع خطيبها دايما بعد عده اشهر .. واحيانا تصير مخنوقه ممكن هي كانت متعوده تتابع افلام ومسلسلات وتقعد بالحالها فتره بس انقطع هالنظام من جيت انت وتلخبط يومها وهالشي اكيد بيسبب ضغط عليها والحين كثر الضغط وتحتاج شوي من نظامها وشوي معك ...وفيه احتمال ان يكون قد جاهم اقارب يباتو عندهم كم يوم خالتها او عمتها وبناتهم وهي صارت تنحرج ومشغوله بعد معهم وفيه مليووون احتمال
طيب وش مطلوب منك 1-تسئلها وتطلب منها تجاوبك بصراحه تامه وانك بتتفهمها كيف ماكان السبب واسئلها كيف تتصرف لو كان فيه سبب 2-اذا ماكان فيه سبب فاعرف انها تحتاج مساحه ومحتاجه شوي من نظامها القديم وتخفيف من بعض الضغط ادري هالكلام ممكن يضايقك لانك تحبها بلهفه وتبيها تكون زيك بس لازم تفهم انها مو رجل هي نفسيتها تختلف عنك طيب كم تحتاج عشان ترجع زي اول .. بين الاسبوعين الى شهر طيب كيف لازم تتصرف معاها في كل الحالتين ؟ بختصار عطها مساحه وفي نفس الوقت عود نفسك على انك ماتكون خانقها يعني اذا بغيتها دق مره وحده عشان تعلمها انك تبي تكلمها وبعدها تاكد انها اول ماتفضى او تكون رايقه بترد عليك لاتدق اكثر من مره ولاتنتظرها روح تفرج فلم او العب او اقعد مع اهلك او اخوياك اشغل نفسك لين تكلمك ولاتحرق دمك اذا تاخرت عادي عود نفسك على هالاسلوب لين ترجع لهفتها او تنتهي اسباب انشغالها وخلك معاها كذا للابد ترى الواحد مايحب الي يدق عليه واجد بذات اذا كان مشغول ومارد لازم تعود نفسك على كذا ولا بتتعب وبتتعبها معك اخر شي ادري ان غصبن عنك تشك بس طنش الشك وبين لها انك واثق منها مهما ماسوت هالشي مهم وبيكبر ثقتها وحبها فيك ولازم تفهم ان الشك مارح يغير شي |
اخوي
حلاة الثوب رقعته منه وفيه ما قالوها عبث اجدادنا مو نقص في احد لكن فعلا افضل شي كل واحد ياخذ من بلده وزي ما قالت بنت طيبه انت تعرف المعايرات عندنا كخليجيين من هذي الناحيه حتى لو جدتهم ما يسلمون منها فما بالك بامهم! عيال الكذا ( ويذكروا جنسية امهم) طيب ليش احط عيالي بهذا الموقف! ما قلتلنا كم عمرك؟ وكم عمرها؟ نصيحة استخير واعط نفسك فرصه تفكر في سلبيات الموضوع وايجابياته لا قدر الله صار طلاق ومن غير طلاق اختلاف المجتمعات وكل سنه بتزور اهلها يمكن مرتين او ثلاث يقعدوا اولادك رايحين جايين من بلد لبلد! مره على عادات اهل ابوهم ومره على عادات اهل امهم ولو تغيرت الظروف السياسية بين البلدين واخذت عيالها ورجعت بلدها؟! ايش موقفك؟! صراحه ما احب هذي النوعية من الزواجات مره ما علمتنا عن موقف اهلك معقوله ما عارضوا؟! اذا معارضين بصراحه معاهم حق |
طيب ليش ماملكت بس خطبه فقط حاولت تملك عليها بس قبل جيب لك ورقه وقلم بعد ماتستخير طبعاً وضع في صفحه ايجابيات الزواج منها والصفحه الاخرى سلبياتها وشوف ايهما اكثر سلبيات او ايجابيات بعدها فكر زين بكل شيء الابناء بعدين الجنسيه العادات ...الخ الكلام غير عن الفعل ايضا صارحها يمكن لها ابن خال مسافر والحين رجع وتقدم لها وهي ماخبرتك او شيء من هالقبيل ويمكن الاهل فكرو زين كيف راح يكون مصير بنتهم الله اعلم ــ |
مواقع النشر |
ضوابط المشاركة |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|