السلام عليكم ...........كيفكم اخواني أعضاء المنتدى
صراحه اشتقتلكم عن جد ا..لأني كنت مسافره ومتأسفه فإطريت ما أكملكم موضوعي
بآخر ما حصلي فيه لأني كنت مستنيه الأمور تتوضح اكثر معي.. بإختصار الآن انتهى موضوع الخطبه بشكل نهائي مافي نصيب.. وإليكم التفاصيل:
وإلي حاب يعرف الموضوع من اوله يتفضل على هالرابط
http://www.66n.com/forums/showthread.php?t=96167
طبعا مثل منتو عارفين وقتلكم من قبل اني رديت للجماعه بالموافقه بعدها سافرنا وهم عارفين بسفرنا ومعهم ارقامنا ..ماستجد شي من ناحية الشاب واخته وطول الفتره انا كنت استخير وادعي ان ينتهي الموضوع على خيرو اطلب من ربي يبينلي بينه او علامة خيره من شره ومستمره على كذا الحمدالله.. بيوم حلمت بعد استخاره وحاولت افسرها لاكن بالبدايه محد من اهلي اعطى اهميه للموضوع حاولت مدة اسبوع او اكثر ادق على شيخ مفسر مافي فايده.. غير كذا كنت استشيرخوالي لما سافرتلهم وأتناقش معهم لاحظت اعتراضهم على عمله انه بالبنك قد يكون فيه شئ من الربى وخصوصا ان البنك الي هو فيه معروف بهالشي ,بدأ خالي وخالتي يشككوني اكثربإن ماله قد يكون حرام .. استمريت بالمحاوله للوصول للمفسر إلى ان رد وفسرلي بكلمتين أولا: عرف ان في موضوع خطبه من خلال الحلم.
ثانيا: قالي في عرقله ماليه من ناحيته مارح تعجب اهلك.
انا تناقشت مع الشيخ وقتله من أي ناحيه يعني.. شرحلي ممكن بالمهر ممكن مافي اتفاق بيكون بين اهلك وبينه من الناحيه الماليه في ترتيبات الزواج وكذا قتله باقي ما وصلنا لهالمرحله الموضوع بأوله موافقه من الطرفين وبس ما وصلنا للترتيبات .. وقتله بعد ان اهلي وأنا شاكين ان عمله ممكن يدخل فيه ربى..محتاره اكمل الخطبه ولا ارفض فهمني الشيخ اني ما ارفض إلى آخر خطوه وقالي سوي الي عليكي وقالي يعني نوعا ما طمني إن عموم البنوك كلها الي عندنا الآن صارت تحت رقابة الهيئه الشرعيه الإسلاميه بشكل تدريجي للأقسام إلى ان تغطي كل الاقسام نصحني ان أتأكد قسمه تحت هذي الهيئه او لا إذا كان ماعليه شي كان بها اما لو كان يدخل بالربى يبلغونه اهلك بهذي الرؤيا إن اراد الإرتباط يبدل عمله بقسم اضمن وافق زين ما وافق خلاص مافي نصيب ولك الأجر بنصحه على الاقل يكون عرف ان ماله يدخل فيه الشك وشي راجعله بالرضى في ذالك ... هذا اخر كلام الشيخ معي.
طبعا قلت لأهلي وكانت امي تسمع الشيخ معي لاكن مافي ولا احد ساعدني اني اتأكد من قسمه حاولت اسال أي مكتب فتوى شرعيه عن قسمه بالبنك سبحان الله ما تسهلتلي حتى اهلي قالو عذر سخيف ماله معنى اولهم ابوي لانه كان خلاص مقرر ينهي الموضوع ويقلهم مافي نصيب لأنه تنرفز منه في تأخيره مارد حس انه يماطلنا وزعل منه وقال ابوي لا تبلغونهم بالرؤيا ولا شي خلاص الموضوع منتهي من ناحيتي إلى اذا انتي تبينه وراضيه لاكن عن نفسي ما ابيه لكي.. ماأدري كيف تغير موقفه يمكن ابوي معه حق .. خالي يقولي نفس الشي اذا تبينه على وضعه أوكي مو راضيه على عمله خلاص انهي بدون اسباب رح يفهم تغيير العمل شرط للزواج وشرط بايخ ماله معنى.
أما الوالده متردده مابين تبلغهم ومابين لا.. عكسي انا كنت مصره وألحيت انها تقول لأخته الموضوع من باب الأمانه..الوالده الله يجزاها خير عشان تريحني كلمتها وقالتلها الموضوع والرؤيا وتفسيرها كذا وكذا.. هي بالاول قالت اوكي ان شاء الله ببلغه ومايسير الى الخير بعد بخمس دقايق رجعت دقت تقول صراحه حيرتوني يعني إيش اقوله غيرعملك صعبه ومن هالكلام وهو بعد جالس يطور نفسه بعمله انه قاعد يكمل ماجستير عليه وكذا وإنتو من أول عندكم خبر بالنسبه لعمله.. زي الي موعارفه وش تقوله امي فهمتها عشان احنا نطمن اكثر إسألي أخوكي اذا كان عمله تحت رقابه الهيئه الشرعيه أو لا إذا كان تحتها اوكي على خير سألت هي وإذا ماكان مع الهيئه الشرعيه مو يمكن مايرضى يغيرعمله كيف بيكون الوضع؟.. قالتها امي رديلي خبر وأكلم ابوها ما اقدر اتصرف إلى بابوها ولا نبغى إلى الخير لنا ولكم ونتهت المكالمه على كذا.
من بعدها مراسبوعين ولا ردت أي خبر وكنت متأكده 90% انه مارح يرضى يغير عمله لوإيش ماكان... لاكن على الاقل بلغته وهالشي ريحني كثير..
أول مارجعنا من السفر قررنا ان نرد الإسوره دليل على انهاء الموضوع بما انهم تأخرو في رد الخبر فهمنا انه مارضى او ما عجبه موضوع تغيير العمل قد يكونون منحرجين بالرفض أو غيره أساسا عدم الرد بهالطريقه مافيه أي نوع من التقدير والمسؤليه..ردينه الإسوره مع المره إلي عرًفتنا عليهم وكانت مستآئه جدا من تصرفهم وقالت رح تديهم كلمتين بالعضم على تصرفهم وكذا مع انها قريبتهم وهي إلي دلتهم علينا إلى انهم مابلغوها بولا شي من الموضوع من بداية ماجو عندنا ومسكينه منحرجه من أمي كثير وخلاص قالتلها امي قوليلهم مافي نصيب والله يوفقكم وكان رفضنا على أساس تأخيرهم بالرد من قبل سالفة العمل ...
بعدها بيوم تتصل هذي المره وتقول انها كلمة اخته فقالتلها ان اخوها اصلا من اليوم الي شافني فيه هو موازينه متغيره وزعلان وطول هذيك الفتره وهو ماخذ على خاطره إني أنا مغصوبه عليه وإني رافضته لشخصه ومبين علي من وجهي يعني ما أبيه وكل ما تفهمه هذا حيا بنات يقولها انتي ماشفتي الي شفته أول ما دخلت كانت عادي مستحيه وخايفه ونا مقدٍر وفاهم هالشي لاكن بعدين بالأخير لما قامت فجأه بين انها مضايقه ومن ملامح وجهها ماأبيك وهذا سبب كل تأخير أخته من آخر مره كلمتها وهي كل ما تقوله نكلم الجماعه هو حاز بخاطره الي شافه مني ومو متطمن شاك بموافقتي وكان متوقع اننا رح نرفضه بالآخر،
كان كلام اخته بالآخر مع هذي المره اني يمكن متكبره ومغروره ماعجبني شكله اوكي بالأول موافقه بكل شي لاكن لما دخلت اعترضت عليه من ناحية شكله مثلا وهذا أكثر شي مضايقه بالموضوع.. ليش انا اصلا قدرت اشوفه ولا ارفع عيني من الأساس صراحه لو تمت الخطبه بدون ما اخته أرسلتلي الصوره لما جات معه ماكنت عرفت وشهو..
الحمدالله هذا عذربالله يعني ايش مستني اضحك أول ما اشوفه وتغزل فيه عمرها ماسارت..
أول ما عرفت هالكلام ان اخته قالت كذا عصبت وزعلت ليش تقول علي هالكلام سواء منها أومن اخوها صحيح انا زوتها شوي قدامه غصبا عني مو بيدي بس ما توصل للغرور..
إنتو احكمو يسير هالشي أو لا ..
ساعات يجي على بالي ارد عليها..
وساعات ألوم نفسي بل دايما مو ساعات كل ما اذكر كيف دخلت ونا مرتبكه مررره اني زوتها عليه
وكيف هو فهمها على نفسه وأقول مايستاهل إلي سويته لاكن نرفزني بتفكيره السطحي..
ما ادري وش اسوي صراحه هو لما قال انا ابيها لاكن هي مبين عليها ماتبيني وإني مفروض عليها هالشي محسسني اني ظلمته أو قسيت عليه..هالأحساس موراضي يفارقني مأذيني ليل نهار..اعرف ان الله ماكتب بينا نصيب ومؤمنه بهالشي و الحمدالله....
والله اني ادعي لنفسي الله يوفقني بغيره ويوفقه بغيري ان شاء الله تكون احسن مني
اقترحت علي وحده من صديقاتي ارسل لأخته مسج بالجوال أوضحلها نيتي وفهمها ان سبب ردنا للإسواره مو عشان شكله ماعجبني تكبر وغرور مني او مغصوبه عليه مثل ما توقع هو
بل عشان انتو تأخرتو بالرد بموضوع عمله فهمنا انكم رافضين الفكره منعا للإحراج انهينا الموضوع من طرفنا... خصوصا ان رمضان على الابواب في مناسبه أبدأ فيها الرساله.
ما ادري احسها احراج علي خصوصا ان اهلي ممكن يدرون بهالرساله ويزعلون علي مالها داعي.. او يمكن تحسب اني اجري وراهم واطلب منه يرد مره ثانيه
لاكن مو حابه يدخل علي رمضان وهالإنسان مابيني وبينه أي شي يبقى شايل علي كذا ما احب احد يزعل مني او اكسف احد بهالطريقه.. سعات اتمنى لو يجمعني فيها موقف او مناسبه وأشوفها واشرحلها لاكن برضه بنحرج افتح الموضوع معها هذا اذا قدرت اسلم عليها..
الله يخليكم ردولي اذا فكره المسج هذي صح او غلط وكيف اسوي عشان افهم اخته توضحله اني موقاصده اجرحه بهالطريقه .......
وبالآخر استسمح منكم على الإطاله اعذروني فإني اجد منكم من يبدي برأي او بنصيحه تنفس عني ما انا به من حال

اول شي

هاذي قسمة و نصيب

و ربي يكون لك نصيب احسن من هذا و يرزقه هو بالزوجة الصالحة


ثانيا

انا من راي ان موضوع الرسالة غلط 100%

لان راح تعتقد انك تريدين ترجعين مثل اول

ما اعرف لكن شي ابدا مو حلو اذا انتي رسلتي الها المسج


لان كذا خلاص انتهى الموضوع

ليش تفتحيه مرة ثانية؟؟؟؟؟؟



اقفلي الموضوع و خلص انسيه


و الرسالة لا تسوين اي شي

و اذا ما اقتنعتي بكلامي و تريدين ترسلين لها الرسالة

فعلى الاقل قولي لاهلك لا تسوين شي من وراهم


ربي يوفقك

__________________

كلمي والدتك عن اللي في خاطرك يمكن عندها فكرة أحسن توصلها لهم انكم ما رفضتوه الا بسبب عمله

والا ارى انه عادي تكتبين أخته رسالة تخبرينها عن هالشي وهو فعلا ما حصل .

أظن ما فيها شيء بالعكس احس انه التوضيح للأخرين من أخلاق المسلمين لألا يبقى الحقد بالقلوب أو سؤ الظن

مواقف كثيرة في الأسلام تؤيد هالأمر .

رأيي انه ماترسلين ....

هم بكل الاحوال مايقربون لك ... ومب محتاجة لشهادتهم فيك ... وانتي واثقة من انك مب مغرورة

فاذا رسلتي كانك تفتحي الموضوع مرة ثانية


ولاتسوي شي من ورا اهلك ابدا ابدا

__________________

الموضوع منتهي فلا تفتحينه وهدا قسمه ونصيب بس إحنا البنات الله يهدينه نحب التفاصيل والقيل والقال

__________________

أختي من وجهة نظري أرى أن الأمر قسمة ونصيب وما حدث هو من الله حتى يصرفك عن موضوع الخطبه يعني بإذن الله فيه خير لكي وما أدراكي أن أخته تكون قد قالت هذا الكلام أيضاً (أن أخوها شعر أنكي مغضوبة عليه) تفادياً لإحراجك أنتي!! أرى أن لا تقومي بأي عمل من جهتك لأنه قد يفسر فعلاً ضدك وأسال الله أن يرزقك ويرزقك كل فتيات المنتدى بأزواج صالحين في القريب العاجل

مشكورين حبيباتي على مروركم ومشاركتكم معي همي
لاكن ارى ان الاغلبيه اجتمعت على ان لا افتح الموضوع مره ثانيه
اوكي انا متردده لاكن مو مقتنعه اني اقفله طالما عندي فرصه للتوضيح
وهذا قصدي انا مابي افتح الموضوع من جديد لاكن ابي اوضحله هو... اني مورافضتك لشخصك بل لعملك..
تدرون انه لما عرف إننا انهينا الموضوع تأكدت شكوكه بإنه من اول يوم كان حاسس من شكلي برفضي مع ان اخته حسب ما عرفت عجزت معه تقنعه ان هذا حيا وربكه..
مو حابه انه يحس بناحيتي بكره وحقد وهالشي مزعجني كثير مع اني كنت اشوفه واحد يدقق بتفاصيل بشكل زايد عن اللزوم احس كاني جرحت وكسرت بخاطر شخص مبين عليه حساس جدا بدون ما اقصد وعمري مرضيت ولا احب هالشي لأي احد سواء يهمني او لا..
صدقوني خواتي ما ستشرت احد غيركم ,,حتى الوالده حاولت اتكلم معها مثل ماقلتولي لقيتها تحملني الغلط باسلوبي اني لازم اغيره وإلى كل مره رح يتكرر معي هالشي وبتطلع على سمعه وكذا...
ماقدرت اوصلها الي بخاطري
دلوني يجزاكم خير ..
هل اريح الي بخاطري لان عن جد ضميري مأنبني
ولا ابقى ساكته..وصدقوني مارح اقدر انسى إلى صار