اعزائي .......... لكل من اسدى لي بنصيحه عن خبره او عن رأي اشكركم جزيل الشكر اعجز عن مدى امتناني لكن خواتي ولكم اخواني ....مع اني ماعندي خوات ابدا عشان اقدر استشيرهم واخذ راحتي معهم خصوصا بهالمواضيع الحساسه تكون صعبه حتى مع الأم واشوف انها اسهل مع الاخت وان كانت اصغر مني لاكن حسيتها فيكم عن جد
كذالك الاخوان افادتني رؤيتهم للموضوع ومعلوماتهم الي اعطوني اياها.... الله يوفقكم جميعا لما فيه الخير والصلاح
الحمدالله ببالي كل نصايحكم وتوجيهاتكم واخذتها بمحمل الجد وطبقتها على مايسرها لي ربي
ومعليش طولت عليكم بإني اطمنكم عن الي سار معي لاكن تعرفون مالهالموضيع من شد ورخي ومد وجزر...رح احكيلكم بالتفصيل واتمنى ماتملون وهذا لأن اذا كان القارء جديد على الموضوع يلم به....
يوم الاربعاء الي كان يوم زيارته الاولى للتعارف مع ابوي واخواني فقط بعد المغرب
لاكـــــــــــــــــــــــــن حدث الي ما عملتله حساب ولا جا ببالي............ لاني ما كنت مستعده نفسيا ولا لكل الي رتبته سويته
اتصلت اخته بالعصر وتقول انه لو يجي منه للتعارف و يشوف مره وحده مع انها هي الي اقترحت هالزيارتين
وكان ابوي باقي مارجع من العمل وعندي امل ان ابوي بيرفض لاكنه أيد وقالتلهم امي حياه الله يتفضل بس بعد العشاء.
شوي وتصلت وقالت بتجي معه هي وزوجها اوكي امي قالت اهلا وسهلا مع اني زاد خوفي وارتباكي
المهم استعجلت امي بتجهيز القهوه وتوابعها ولأول مره يزبط معها الاكل بشغل عجله امي لو احد ربشها يؤؤؤؤؤ خربطت كل شي وسرنا كلنا السبب... الحمدالله
متفقين ان محد يدري من اعمامي وخوالي الى بعد رد الموافقه بعد النظره من الطرفين ..المشكله
اننا ساكنين كلنا مع اعمامي بنفس النبنى كلن منفصل ببيته لاكن اذ فيه ضيوف يبان
اخواني شالو الشباب*الي هم اولاد عمي من سنهم* وراحو فيهم يمشونهم عشان محد يحس
دخل عمي ونا ارتب المجلس واشيل واحط وكذا وكنت لافه شعري بمديل بعد السشوار واخوي واقف يكلمني جلس العم ويقول ماشاء لله اشوف البخور والترتيب ونا ما ارد عليه ساااااااااااكته يطالعني بنظره مبتسمه يقولي ايش عندك رايحه زواج اليوم
المهم صرفته بان صديق ابوي جاينا وفاجأنا بمرته جايه معه... واقولها ونا مرتبكه حالتي حاله على بالي عرف شي
الوالد نزل لصلاة المغرب يلاقى واحد من جماعتنا يوقف السياره امام بيتنا سلم عليه قاله والله بجي بسهر عندكم اليوم ...... دخل المجلس مبخر يقول يؤؤؤ كيف عرفتو اني جاي هههههه صدق فاضي المهم بعد صرفناه عند عمي الي صرفته قبل وحطينالهم قهوه عشان يجلسون ولا ينزلون
الحاصل جو الجماعه وقالي ابوي اول ماتخلصي وتجهزي دقي عشان تنزلي وتدخلي يشوفك حرصت على ابوي لا يكلمني مارح اعرف ارد عليه قالي يسير خير ونا ادعى يارب ما يسالني ولا يكلمني بعدين جهزت وجالسه مكاني عادي ولا خايفه ولا مرتبكى الموضوع حسيته سهل قبل ما ادخل جاني اخوي يقولي طولتي يلا انزلي معي قتله يلا شوي اقوله لا مابي خلي ابوي يطلع وينزل معي وشوي شوي اصييييييييح وابكي اخوي مسكين حاس معي ايش يسوي امي اختفت دخلت عند الحرمه ولاطلعت حاول يهديني هو بعده صغير ثالث ثنوي مايعرف هالسوالف هو الي بعدي ماعندي اكبر منه يقولي اغسلي وجهك عادي الشخص شكله طيب وحبوب وملامحه عاديه يعني ما يخرع والله هههههههه ونا ازيد وابكي صبرت شوي لحد ما هديت وجهى تعدل غسلته شربت ماي
كنت بانسى العصير بسرعه شلته ونزلت استقبلني ابوي عند الباب دخلت وشفايفي ترجف ويدي كمان العصير يهز معي
ناولته ابوي ووجهي احمر من البكى والخوف وكل شي وسار ماشي قدامي ونا امشي مخبيه نفسي بظهر ابوي مو وراه مباشره عن قريب لاكن بحيث ان الرجال مايشوفني طول ماانا ماشيا لحد ما جلست امامه بالمقابل مثل مانصحوني المهم لقيت الرجال نفسه مربوك ابوي يقربله الطاولها امامه ويقدمله العصير وهو يوخرها.. بعدين ابوي جلس بجنبه ويسولف معه وهو يرد عادي عشان يبيني اطالع فيه ونا اطالع بابوي كني اول مره اشوفه يمكن يدوب لمحته مرتين لمحه بسيطه وهو لاف وجهه ناحية ابوي ويسولف وبعدها مرت لحظة سكون طويييييييييله قام ابوي يقوله تفضل العصير يعني بنضايفك وناادعي يارب مايتكلم معي شوي ابوي قام يقوله هذا من حقوقكم النظره وزمنكم غير عن اول مثلنا ومن هالكلام وناخلاص استحييييت ويقوله ابوي انا تزوجت بالنصيب بدون ما اشوف لاكن انتو الحين لازم كل واحد فيكم يقتنع بالثاني ويسير القبول منها ومنك اول ما قال ابوي والطبع بعدين مع العشره يبان ما تشوفوني الى طااايره على الباب بسررررررررررعه نسيت صندلي عند الباب داخل المجلس وطلعت بحاله....
جلوسي يدوب حوالي 3 الى 4 دقايق
طلعت وشوي اخوي لحقني قالي مسرع ليش طلعتي كنت خايفه يقولي ارجعي ماشاف زيين لاكن الحمد الله وبلقته ينزل صندلي الله يعزكم لايشوفونه الرجال الي معه المهم امي واخته ينتظرون جاتني الوالده تسالني هااه ايش شفتيه ونا وجي كن احد صفقه... اخته سألت امي شافته زين قالتلها يعني ارسلتلي صورته شفتها داخل بدونها بس انا وامي رجعتلها امي الصوره دخلت اسلم عليها اول ماشافتني تقول اشبه وجهك وش صار المهم انتي وشرايك قتلها مدري الى الحين ما اقدر احدد جلست وجلست قريب مني تقلي اسألي الي تبيه بجاوبك وناساكته ولا بسألها شي قامت هي تقول انه طيب وحنون وحبوب لابعد حد وطبعا شهادتي فيه مجروحه وكذا تقولي ان شاء الله بترتاحي هو لوحده بالمنطقه الي ساكن فيها وانا بعيد عنه لا حماة ولا اخت ماحد بيضايقك ان شاء الله ومن هالكلام ... وانا الى الحين مو عارفه رده بالموافقه او بالرفض حاولت هي تدق عليه جوال ما يمسك معها الخط من الشبكه قامت ونزلت له الى باب المجلس عشان تسأله طلعت ونا اعصابي مشدوده ودخلت غرفتي شوي تناديني الوالده وماقالتلي شي غير كلميها تبيكي اول ما دخلت تقلي تعالي والله مو موجود وندخله لك مره ثانيه خلاص هي مره وحده الى ان ربي يتمم ولا تخافين الحمدالله لبستني اسوره دليل علىموافقته ونا مرتبكه من الحيا موطيا رسي شوي وهي كمان مو عارفه وش تقول حاست وحوستنس معها وخلاص رحو الجماعه.
ومن راحو احاول اتمالك نفسي واعصابي قدام ابوي وامي واتكلم بشكل كبيعي قدمهم وكل شي بس من جواتي خوف شديييد من المجهول هو الحمدالله الشخص ما ينعاب لا خلقا ولا أخلاقا والاهم اني عرفت من كذا طرف انه باااار بوالدينه وهالشي ريحني كثير بس مدري وش فيني الصبح على الفجر دخلت الوالده علي ونا ابكي شوي ابوي وراها ماقصرو هدوني بس شككهم هالشي برفضي مع انه غير كذا سارو يزنون علي بطريقه متواصله مو عارفه اقرر لوحدي خصوصه امي مر الصبح الى لعصر اتصلت اخته تقول لامي صراحه اخوي طلب مني انك تتاكدي منها هل هي مغصوبه او شي بالامانه انتي امها وادرى بحالها يبي يطمن .... طينها هو كمان اساسا امي متخوفه من حالتي وهو زودها مدري يمكن الغلط مني باحراجي وخوفي الزايد؟؟؟؟
كذا ابوي كمان ايد رأيه وقال له حق بالي شافه منك مع انه اول ما طلع بعد ماراحو قلي عجبتيني بالحيا وحسيت هذي بنتي الي ربيتها ..ملاحظه:كان متخوف من جراءتي الى حكم علي فيها من تعاملي مع اخواني خايف انا الي اسلم اول ما ادخل...
المهم بعدين طلبت من امي تطمنهم بنفس اليوم بالليل عشان يشيلون الشك وبررلهم بخوفي واني ابي فرصه شوي كم يوم عشان ارتاح ... سار هالشي وكلمتها لاكنها طلبت تكلمني شخصيا وتاخذ رأيي مباشره وكلمتها .... كانت تبي مني رد سألتني وشرايك موافقه ولا كيف حاولت اقلها مو الحين شوي كم يوم كذا مافي فايده مصرررررره قتلها عشان ترتاح ..مبدإيا موافقه لاكن ابي فرصه اقدر أأكد رايي لان متخوفه شوي من الغربه بعيد عن اهلي وكذا ردت على مارح يشيلك من بكره لسا باقي كثير يلا ايش قلتي طيب قوليلي انتي رافضه قتلها مو رافضه كليا مو قصة رفض....حكرتني مرررره طلبت فرصه وان شاء الله خير سكتت شوي قالت طيب كم اسبوعين يعني رديت لا اقل تقريب اسبوع حسيييت صوتها تغيييييييييييير يشكل مو طبيعي قالتلي خير ان شاء الله يوم الخميس اخذ رايك النهاء اوكي قتلها ان شاء الله حتى قبل الخميس بإذن الله
وكلمت امي بعدي وقالتلها على كذا انتو ردو علينا نتظر منكم تلفون.
هي سكرت من هنا قامت علي القيامه امي وابوي زعلو من ردي وقالو ماتوقعنا منك هالرد ومدري ايش كانو يبوني اقولها موافقه على طول ...يالله ابي اعرف هل تصرفي خطا ولا ليش؟؟؟ انا بس كنت ابي اقولها ونا واثقه منها بيني وبين نفسي ماقدرت اغشها وقت مكلمتني ولا اغش نفسي ....بعد كذا لما اهلي ضايقوني اقترحت ان امي ثاني يوم تكلمهم بالظهر وتبلغهم اني موافقه فكان رأي ابوي اني انا اكلمها الاخت احسن من يكون بينها وبيني وسيط الي هي امي ومنو لاتشك ان احد أثر علي وردي يكون مني لها وتطمن...وحصل هالشي .... وأنا اكلمها قالتلي اكيد قتلها اكيد لاني ارتحت من مكالمتك لي أمس فتشجعت اكلمك بنفسي واقولك قالت على البركه وان شاء الله ابلغه اول ما يجي ويسير بعد كذا يتصل هو على ابوكي ويكمل باقي الترتبات وخلصنا المكالمه... ابوي نوعا ما ارتاح لاكن بقى ينتظر مكالمته بنفس اليوم ومافي شي ساير ابوي مو طايقني ولا يبي يشوفني وكل مايكلمني من غير نفس وقالي انتي الي بضيعي نفسك ورح تندمين على تصرفاتك وصدقيني بعدها رح اسلمك لاول واحد يدق الباب مو مهم من يكون بدون ما اشاورك ومن هالكلام حتى النت قالي خلاص ما ينشبك قاعد يستعمل معي اسلوب الضغط الحين كل هالتصرفات عشان ما دق ليش يمكن فيه خير وصالح اذا ماتم الموضوع احاول اقنعهم انه نصيب اذا ماسار لاكن هم حاطين اللوم علي....
يجماعه دلوني اذ فعلا انا على غلط بتصرفي اني ما ابي اغشه واغش نفسي.. كل الي طلبته فرصه بس
صراحه اهلي بهالأسلوب نفروني منه ..اعرف انه يبي رأيي بدون تأثيروهذا مو ذنبه...
ذنب اهلي الي اخذو الموضوع عناد معي هل انا على حق ام ماذا؟؟
ساعدوني بردودكم واتمنى تكون منصفه وواضحه وملمه بالموضوع حتى اعرف اتصرف ولا اظلم نفسي او اضايق و أسيء لأحد
وان شاء الله رح ابلغكم بأي جديد وآآآآآسفه على الإطاله

الله يهديك لو مكبرة الخط شوي كان احسن


هذا اولا

ثانيا .. الف مبروك وعسى الله يتمم بخير

ثالثا... الظاهر من زود الخجل والحيا اللي فيك .. صرتي ملخبطة والدليل الصندل اللي نسيتيه .. بالعكس موقفك عادي ومافيها شي ... انتي والله اعلم موافقة بس تزيلين الشك باليقين ..

والحين اهلك الله يهديهم كانهم شريطية بحراج السيارات ^^ بيع بيع .. يالله راحت ب ... ^^ والله

يعني اوكيه خلوني التقط انفاسي شوي ... وانا راح ارد عليهم

انا اشوف سالفة اسبوعين طويلة .. يعني والله لو كانت خطة لاقتحام مبنى فيه محتجزين كان خلصوا من يومين

انتي موافقة وارتحتي له ؟؟؟ شنو النقاط اللي خلتك الى الحين تبين تاخذين فرصة للتفكير غير الغربة

معليش اختي احسك خااااااااايفه مررره ومكبره الموضوع

انت كم عمرك؟

ترا الزواج موضوع كبير صغير!!!!!!!!!!!!!

بما انه مافيه عيب ، والاهل مبسوطين منه .

وانت ما حسيتي بأحساس الكره والنفره لما شفتيه

فرأيي توكلي على الله ووافقي ، واسمعي كلام اهلك ، هم ابخص

هذا رأيي

وفقك الباري

__________________

الله يهداك يا تركي بداية ردك بتحشش من الضحك
المهم,,,
شوفي حبيبتي,, ان شاء الله يتم الموضوع على خير,,, بس لفت نظري اهلك قديش فهمانين عاقلين ما شاء الله لانهم اعطوكي فرصة الحكي معه وغيرو وغيرو,,,,
انتي ما عملتي شي غلط بالعكس كل اللي عملتيه طلع عن ارادتك لانو الحياء هو اللي كان حاكمك...
مافي بنت ما تقنعيني انو ممكن تتصرف بكل جرئة,,,,
والله بتصير مع كل البنات واذا الله كاتبلك نصيب فيه بتاخديه,,
وبالنسبة لاهلك من خوفهم عليكي بيحكو هالحكي بس صدقيني انو لما يجيكي واحد حيالله ما راح يرضو يزوجوكي الو,,, كلو حكي بحكي تهديدهم
وبالنسبة للعريس,,, المفروض يتفهم رهبة الموقف بالنسبة للبنت,, والله حرام الوحدة بتكون متل الملخومة لما يجيها عريس,, مو من الفرحة لا بالعكس لانو وجود العريس بالبيت معناتو انقلاب شخصية البنت فوق تحت من الخوف انو ما تعجبه
الله يهديهم العرسان,,
سامع يا تركي هاي رسالة الك كونك لية عزابي,,,لما تيجي تطلب بنت وتشوفها ,, راعي انها راح تكون خايفة ومرعوبة
الله يوفق الجميع يارب ويرزقك ويرزقنا ابن الحلال االطيب

الله يوفقك يا حبيبتي..
وإن شاء الله يتصل خطيبك بأقرب وقت..
بالنسبة لتصرفك إنتي ابدا ماغلطتي..
أنا أشوف إن ثاني يوم من الشوفة بدري على الرد..
ولما طلبتي اسبوع أتوقع هذه أنسب فترة للتفكير والرد..
أنا لما تقدم لي زوجي.. أمي قالت لأمه عطونا فرصة أسبوعين نسأل عنه ونشوف راي البنت وبعدين نرد عليكم..
بصراحة الموافقة طلعت بسرعة لكن أهلي فضلوا تنتهي فترة الاسبوعين مثل ماتفقوا مع أهل زوجي..
ومثل ماقلتي إذا في نصيب راح يتصل ..
وإذا ماتصل فتأكدي إنه مو من موقفك..
بالعكس إنت موقفك سليم مية بالمية..

ننتظرك تبشرينا بآخر التطورات ..
وموفقة..

حبيبتي اللي سويتيه عاااااااااااااااااادي جدا
بالعكس متوقع منك
والخاطب شكله فااااااااااااااهم ومحترم ولا ينعاب
واهلك الله يهديهم حاسين انه لقطه ولا يبون يضيعونه لذلك متخوفين انك تضيعينه بقلة خبرتك
ما عليك حبيبتي
اهم شي انك تستخيرين
وخليكي واثقه من حالك
ولازم يصير شد اعصاب في مثل هالموضوع
انتي اهلك احسن من اهلي
اهلك خلوك على هواك بس انا لما قلت افكر قال ابوي والله مالك غيره وجهزي نفسك للعرس
والحمد لله اني وافقت...

لا تخافين ولا تشيلين هم
انتي اللي سويتيه عين العقل بس حاولي تهدين من نفسك وتقللين خجل شوي لانك اذا صرتي هاديه ورايقه كمان اهلك صارو هاديين ورايقين
واذا هو رفض معناتها انه متردد ولا يصلح
توكلي على الله وتراك صح

__________________
[/IMG]

همس القلوب
اسمك مره دلع

__________________
[/IMG]

حبيبتي الله يوفقك ربي ان شاء الله واذا كان في الموضوع خير ربي ييسره واذا كان فيه شر ربي يصرفه

بس الله يسعدك المرة الجاية سيبي فراغ بين الكلام او كبري الخط لانه فعلا تعبت وانا اقرا ومااقدر افرق بين السطور

الله يوفقك اختي وذكرتيني بحالتي يوم النظره الشرعيه

من زود الارتباك والخوف ماقدرت امشي فجلست بالصاله وهو جاء عندي....هههههههههههههه

الله يرزقنا الازواج الصالحين وجميع بنات المسلمين .....يارب

الله يباركلك يا اختي وما اري خطا مما فعلتيه هو موقف احسه صعب كتير وقمه في الاحراج وربنا يتمم لك بالخير

__________________