السلام عليكم ورحمة الله وبركاته

حبيت أستشيركم في نقاش حاد صار اليوم بيني وبين زوجي .......وصراحة أنا زعلانة وإلى الان حاسة إني

ما أخذت حقي ....

الموضوع ومافيه بإختصار أن صديق زوجي في العمل رجل وقور (هذا على كلام زوجي ولا أنا أحس إنه بينه

وبين الوقار أميال)المهم دائما يقول لزوجي كلام تحريش ........يعني مره زوجي أشترى فطور.......فقال

له ليش زوجتك ما تسويلك فطور ؟إنت ما كأنك متزوج ..........ومرة قال له ليش زوجتك تقوم من النوم متأخر

أنا زوجتي تقوم من النوم الساعة تسع .........وهلم جرا .........طايح مدح بزوجته هذه الملاك .....طبعا

زوجي ما

يقول لي ولكن غلط مرة من المرات وقال لي .....قمت أنا إيش سويت أنفجرت عليه .....وطلعت الوجه

الأخر......وبدأت أسب في الرجال والدولة إللي هو منها وكمان زوجته ...........زوجي سكت بعدين قاللي

خلاص إنتي أكبر من كذا ........الغلط مو منه الغلط مني أنا اللي قلت لك ......المهم قلت له المفرووض

ما تسكت له وتقول له شي ما يخصك .......وهذا صديقك ناويلك على شر ........ويبغ يخرب بيتك .....

والمفروض ما تسمع له

والله يا ناس مو عارفه إيش أسوي ......الرجال شغال تحريش وطايح في أسئلة ومقارنات بين زوجته وبيني

وزوجتي تسوي كذا وزوجتي تسوي كذا ......قلت له إيش ذنبي إذا زوجته عايشه في قرية وفلاحة

إحنا غير وهما غير ........

أنا تشتت أفكاري أبغ طريقة أوقف هذا الرجال عند حده .........وأقنع زوجي يرد عليه ويقول له وفر

معلوماتك وألف فيها كتاب وبيعه وأستفيد أفضل من إنك تطرحها مجانا

ترا كثر الدوي (الزن ) يغلب السحر هذا مثل عندنا

أنتظر ردودكم ...........

أسمحيلي وتقبلي مني بصدر رحب؟
زوجك هل هو مراهق يتأثر من كلام الغير؟أنا أتوقع أن زوجك يبغايفاتحكي في الموضوع علشان نومتك والفطور ولكنها جابهاعن طريق زوجن زميله أنها تسويله وتفعل فيه وألاقوليلي بربك كيف زوجك يخرج من المنزل وأنتي نايمه حتى ولا مع السلامه ؟وبعدين الزوجه الصالحه صالحه سوآء بنت فلاح أوبنت وزير أوبنت ملك ؟؟؟؟؟؟

زوجك حب ينقل وجهـة نظره او رفضه لسلوك معين بطريقه غير مباشرة وما اعتقد ان الرجل الثاني اخطأ في شيء لأنه اخبر صديقه بالوضع الامثل الذي يجب ان تكون به الزوجه يعني وجه نصيحه لزوجك وزوجك حر يأخذ بها او لا .

أخوي (شايب وبس )

أنا ما أقصد فلاحة يعني مو صالحة لا أنا أقصد أن سكان القرى غير عن سكان المدن وشغلهم وعاداتهم غير

الفلاحين لهم إهتماماتهم .......زراعة وسقي .ورجالهم يشوفو إن هذه سناعة (يعني زوجة خدومة )

هذه عاداتهم فلذلك يشوفو أن الزوجة اللي في المدينة مدللة بالنسبة لهم

بس حبيت أوضح معنى كلمة فلاحة

أما عن إنه يطلع وأنا نايمة أبدا ........أنا الحمد لله أحاول أنجز واجباتي على أكمل وجه كأي

زوجة تجاه زوجها ولابد أخويمن التقصير فمن منا لا يخطئ ومن منا كامل

أشكر لك مرورك

أختي

قولي له الرجال اللي يتكلم كذة ، تلاقيه في البيت عكس عكسسسس الكلام اللي يقوله

و المفروض زوجك ما يفتح له المجال إنه يتكلم !

المهم أغلب الرجال اللي يمدحوا نفسهم و حياتهم الزوجية

تلاقيهم أتعس خلق الله

و أكبر مثال ، الوحدة إذا كانت مبسوطة مع زوجها تحاول ما تتكلم عن حياتها و لا تمدح بحياتها معه

تبعد العين عن نفسها و الحمد لله تكون شبعانة : )

لكن صديق زوجك من الناس المحرومة و تبغى تعوض عن حرمانها بالطريقة هذه و الله أعلمممممم

زوجي يعلم يقينا أن ما قاله صديقه غير صحيح

أنا أسوي الفطور لزوجي ولكن صديقه يحاول يتصيد النقص فقط لا غير

ولماذا لا يخبر زوجك هذا الصديق انك تعدين الفطور وتصحين من النوم مبكرة !! لماذا لاينفي زوجك النقص عنــك ؟ موقف زوجك عليه علامة استفهام ؟

أختي فيه نقطة تنبهت له من خلال رد الأخوان فوق ، معليه : )

أختي حاولي تطبقي الشئ هذا كذلك

يعني حاولي تستفيدي من الملاحظات اللي قالها زوجك و نفس الوقت لا تسمحي لصديقه بالتدخل

والله كلامك ريحني ......أخيرا أحد وقف في صفي .........

بالفعل أختي يمكن يكون تعيس وعلى فكره هو هنا مغترب يعني زوجته مو معاه

وعايش هنا سنيييييييين بدون زوجة وأولاد

يمكن يكون هذا سبب من الأسباب

أشكر لك مرورك ......بس أنا اللي خايفه منه إن زوجي يتأثر بكلامه وهذا اللي ما أبغاه يصير

كلا هما مخطأ

صديق زوجك / خطأه التحدث عن زوجته عند الغير

زوجك / مخطأ لأنه حدثك بشيء ليس له ذاك الأهميه


لكن ربما زوجك يعاني من نومك وغيره وأحب أن يعاتبك ويوصل له كيف تسوين اللي يبي

قام يبغى يكحلها أعماها ( يعني خربها ) ...


وفي النهايه / أعتبرها قضيه لا تستحق الطرح وإنما تستحق التزليب والتطنيش من قبلك

فقط هذا الحل الوحيد ولا وش رأيك تروحين تضربين صديق زوجك لأن هذا هو اللي أنا حاسه

ناويه عليه شر .

__________________