مرحبا يا جماعة
انا طالبة المشورة من اهلها ياجماعة انه اشتغلت عند واحد لا بخاف الله ولا بخاف العبد بحس وانا بتعامل معه اني بتعامل مع فرعون .
بتتذكرو لما كان فرعون عليه اللعنه يقول " انا ربكم الاعلى " استغفر الله هاد الانسان هيك مو شايف الناس بنآدمين انسان كذاب يعني جبريل عليه السلام كره فرعون وهوه ملك انا شو اعمل وانا انسان ضعيف.

لما دخلت شركته دخلت على اساس محاسبة من طرف صديق اله هوه من اقربائي ولكن للاسف اشتغلت عنده سكرتيرة في شركته وهيه شركة كبير ما بنكر موقعها
ولكنه يحاول يغويني باي شي حتى انه صار يحاول يحكي معي بالمواضيع الي مو مؤدبه ولما صرت اصده عني صار يحاربني بالشغل وحرمني من المكافآت والزيادة السنوية ودايما يقولي انك ما بتعرفي تشتغلي وانك وانك حتى كرهني حياتي
شو اعمل مع ابن ال............ هاد الي طفرني حياتي وطلعني عن شعوري وخلاني عصبية ولساني طويل انا بعمري ما غلطت بانسان انا تربايتي منيحة بس صرت ارد بوقاحة بسبب الضغط
انا فكرت اني اترك الشغل وين بدك تلاقي شغل هلايام بالسهوله هادي وانا اهلي بحاجة الشغل وانا كمان 28 سنه يعني ماعدت صغيرة وبدي شي يساعدني واذا تركت الشغل ما بضمن الشغل التاني يكونو الناس احسن لانه نفسية الناس كلهم صارت غير وانا اهلي لو بعرفو بالشي الي بصير معي ما بشغلوني .

مابقول الا حسبي الله ونعم الوكيل


شو اعمل صرت ادعي علانسان هاد بكل صلاه وكل يوم انه الله لا يسامحه

لو كنتو مكاني شو بتعملو ..... شو اعمل

__________________

	لا الــــــــه الا انت سبحانك اني كنت من الظالمين