السلام عليكم
ممكن تساعدوني بافكاركم
زوجي مسافر قبل يومين وانا بسافر مع اهلي يوم الاحد بغيت افكار شو

اسوي في غرفتي
ابغي اسوي له مفاجاه حلوه
هو بيرد قبل لا ارد
اريده يوم يرد البيت يتفاجأ
ساعدوني لاني محتاره
للعلم انه قبل لا يسافر اهديته
اختكم ام راشد 2006

الإشراف : تم تعديل العنوان بما يتناسب مع النص ..

وعليكم السلام ورحمة الله وبركاته

تفضلي هذا الرابط

http://www.66n.com/forums/showthread...204&highlight=

__________________
فـيْ آليومَ الوآحِد نستطيعَ آن ننسـْى الف لحظه نريدَ الإحتفَآظ بــهآ

وبـِ نفَس اليومَ نِستَعيَد لحظَهَ نُـريد نِسيـآنهآ ..

زيني الغرفة والسرير بالورد الطبيعي وحطي له هدية بسيطة واكتبي عبارات على المراية باحمر الشفاه والله يهنيكم ببعض

زيني البيت ..
غيري ديكورات البيت..
أعملي باقة ورد واكتبي في الإهداء:/
(بعد أن أعطيتك قلبي وأسكنتك بين حنايا روحي,كيف سأهديك الورد؟
وكل ورود الدنيا عبيرها منك ,كيف سأقترب منك أكثر وأكثر وأنت تسكن القلب بين أحشائي ؟
وكيف سيقول لساني أحبك؟
وكل نبضات قلبي تقول لك وحدك ياأغلى الناس)

تسلمون كلكم على مروركم
وافكاركم
يعطيكم الف عافيه
واتمنى للمنتدى الرقي والازدهار
دمتم بود
اختكم : ام راشد 2006

وين افكاركم يا خواتي
اختكم : ام راشد

يامرحبا السااااع بام راشد

اسمعي

روحي واشتري كفر يديد وغيري فراش السرير

واطبعي ف مرآة التسريحه مالتج كلهاااا بوسات منج له

يعني حطي روح واطبعي عالمرآه

واكتبي رساله تعبر عن اللي ف قلبج ...وحطيهااا ع مخدته

...........


وبعد رتبي ملابسه

وجهزي له الفوطه والملابس الداخليه وكل شئ عالسرير يعني

لما يرجع من السفر اكيد بيركض عسب يتسبح وبيستانس لما يشوفج مهتمه بهالنقطه قبل لاتروحين

وقبل لاتظهرين

دخني البيت كله بالعود وعطريه

واذا تقدرين غيري ترتيب الغرفه

يعني غيري مكان السرير والكبت ...الخ


................


وحطي عالكوميدين ورقه وقلم وقوليله

اكتب لي شعورك الحين وانا بعيده عنك...لاتنسى ترى برجع وبشوف شو شعورك

......................


اعصري مخج وتفنني وشوفي الاشيا اللي يحبها وسويهاا

وموفقه يالغلا

مشكوره حبيبتي عالفكره
بصراحه فكرتج حلوه
ربي يوفقج
ما قصرتوا والله
واللي عندها افكار احلى لا تبخل علينا