السلام عليكم ورحمة الله وبركاتة
تزوجت وعمري37 سنة ومر على زواجنا سنة وستة شهور تزوجت من رجل متزوج يسكن في جدة وانا في الرياض طبعا لظروف عملي وعملة لابد ان نعيش على الاقل 5 سنوات كل واحد بديرتة حتى تزين الظروف ونجتمع مع بعض طبعا مسوي لي بيت في الرياض وكل شهر او شهرين يزورني من 10 الى 15 يوم ومكالمات بالتلفون كل يوم وعايشة معة احلى عيشة حب ورومنسية وحنان ومعاملتة راقية جدااا ومحترم جدااا واحبة بقوة لكن فية مشكلة ذبحتني انا للحين ماحملت ولمن جات اجازة عيد الاضحى قلت لة راح اجيك بجدة واتعالج عند مستشفى حتى احمل قالي معليش خليها في الاجازة وراح اوفر لك شقة مفروشة وتجلسين طول العطلة وتتعالجين براحتك قلت ماشي ولمن جات الاجازة جاني وجلس حوالي20 يوم وقالي مقدر اخذك معي عندي شغل قلت ماااااااشي مع اني ميتة قهر بس مابي ازعلة وطول الاجازة وانا جالسة عند اهلي واشوف زميلاتي كل وحدة مع زوجها وسفريات وانا جالسة لحالي وابكي على حظي اللي صبرت طول السنين اللي فاتت بدون زوج ولمن تزوجت صار بديرة وانا بالثانية المهم هذا مو المهم عندي المهم اني ابي احمل وبس العمر رررررررراح وانا كبرت والله العالم احمل ولالا المهم على اخر العطلة اتصل فيني وقالي تعالي نقضي اسبوع بجدة وعلى طول جيتة وانا ماكان قصدي اتمشى كنت اقصد امر على دكتور واتعالج وبعدين قضيت معة احلى اسبوع وقلت لة لازم امر دكتور وافتح عندة ملف واكشف قالي اوكي ورحت للدكتور وقالي لازم تجين بعد 15 يوم وبعدين سافرت وبعد15 يوم قلت لزوجي راح اجيك لجدة قالي خليها بعدين انا مشغول ومادري ايش حسيت انة مايبي اني اجي واصريت علية وقالي طيب تعالي وياليتني ماجيت تغيررررررررررت نظرتي فية استقبلني في المطار في الصالة برى عند المواقف ولمن ركبت معة حسيت انة زعلانومو زوجي اللي اعرفة تغيرت معاملتة لي بالمرة انا انسانة حساسة ومابي احس اني ثقيلة على احد نزلني بالشقة وصار يغيب عني بالساعات واذا جاء اخر الليل جاني ومرة من المرات جاء اخر الليل وماوصل اتصلت علية مايرد وخفت يكون حصل لة حاجة ومانمت طول الليل ولمن جات الساعة9 الصبح اتصل علي وقالي معليش نام عند زوجتة طيب ليش مارد على الجوال او قالي انة بينام هناك مافيها شئ بصراحة انقهرت من تصرفة وحسيت بحالة نفسية رهيبة عشت معة20 يوم من اخس الايام اللي مرت علي بحياتي وبعدها رجعت للرياض وقررت اتعالج في الرياض وهو اللي يجيني احسن لكن انا خايفة انة يقهرني ومايجي على الموعد اللي راح يحددة الدكتور على الرغم اللي سواة فيني زوجي الا انني صامدة مابي اظغط علية ثم اخسرة ماصدقت اني اتزوج على شان اجيب عيال انا اكتشفت ان زوجي يبيني في الرياض وبس ويبيني وقت راحتة وفضاوتة ماعلية مني اهم شئ نفسة وبس ويبي سوالف على التلفون بالساعات احس اني عشيقة مو زوجة ااااااااه بس انا ابي احمل مادري كيف الطريقة الايام تمر وانا اكبر والامل راح يكون ضعيف وزوجي مايبي يساعدني .هذة مشكلتي عايشة بين نارين اخاف اواجهة بالموضوع ثم تحصل مشاكل ثم يطلقني وفي نفس الوقت مقدر اصبر وانا جالسة لحالي ذبحتني الهواجيس والافكار .وش اسوي اصبر واخلي الامور على الله مثل ماتجي تجي ولا اواجهه حتى لو اتطلق دلوني ارجوكم.

اختى بنت الرياض
من سردك للموضوع يتبين مدى تفتحك ووعيك وادراكك الجيد للواقع
وايضا من الجميل فيكي ترتيب اولويات وعندك كل الحق فيها ان ترزقى بطفل يشغل وقتك وحياتك
لكن المشكلة فى هذه النقطة
لان المواجهة التى تقصديها هنا اختى والتى يمكن ان يحصل مشاكل بناء عليها اكيد ستكون مختلفة عن الاسلوب الذي اعتاده معكى
هو اعتاد معكى على الكلام والعواطف والخيال ولانه زوج ومتعايش مع الواقع فضل فيكى هذا الجانب الرومانسي الذي افتقده فى حياته السابقة
لذا اذا اردتى اكمال مشوار العلاج وان يظل مطيعا محبا كذي قبل يجب ان تظلى ايضا العاشقة الحالمة وتجعليه لا يستطيع الاستغناء عن كم المشاعر الفياضة التى تعطيها له
وادعو الله ان يرزقكى بالذرية الصالحة ويجعلهم قرة عين لكى

__________________

السلام عليكم ...

هل زوجته تدري عن زواجه .؟؟؟

هل عند زوجك اولاد ؟؟؟

اذا كان الجوابين بنعم ...

فاقول لك ...

تعالجي بالرياض ولله الحمد ......

ولكن ماذا قبل العلاج ...

اتكلي على الله فهو الرازق وليس غيره رازق ..

اتقي الله ... يجعل لك مخرجا ...

الاستغفاااااااااااار ...

الذكر ....

::

اذا انتي يا اختي راضيه بهالعيشه وعارفه انه متزوج وحده ثانيه غيرك وانه يجلس بمده كذا ما يأتيك ..

ووضع شروط لك ...

وانتي وافقتي عليها قبل الزواج فليس هنالك مشكله اذا ....

:::

اخيتي تكيفي مع الوضع ... وبالنسبه لزوجك فيمكن بسبب اصرارك على الذهاب لجده دون رضاها هو ما جعله غاضب منك ..

لذا لا عليك سينسي كل شيء ...

وستعود السعاده ادراجها اليكم ولكن ....

الحرص على اسباب السعاده ....والبعد عن المشاكل ...

لذا ...

هذا ردي عليك ...

و أسال الله ان يرزقك الذريه الصالحه ..

__________________
سبحان الله وبحمده سبحان الله العظيم

اختي بنت الرياض ..

ما شاء الله عليك انت كبيره و واضح انك فاهمه و واعيه وحريصه على حياتك ..

انت اخترتي زوجك وانت عارفه انه متزوج ويعيش في منطقه ثانيه ..

فلازم تتقبلي انك متزوجه من نصف رجل ..

الشي الثانيه قد ما تكون عندك مشكله صحيه تمنعك من الحمل ..

انما قلة اللقاءات بينك وبين زوجك تقلل عندك فرصة الحمل ..

وبعدين ليه ما تتعالجين عند طبيب في الرياض مو لازم يكون علاجك في جده ..

عشان يتسنى لك مراجعة مواعيدك بكل سهوله .. وكذلك مو شرط ان يكون زوجك

متواجد في كل موعد ..

بعدين اختي الحاله النفسيه وكثرة التفكير في الحمل قد تكون هي العائق الاساسي

للحمل ..

حاولي فتره اللي يكون زوجك مو موجود معك انك تشغلي نفسك بممارسة هواياتك

او تدرسي في دورات تلهيك عن التفكير في مسألة الحمل ..

اختي لا تطالعي قريباتك و صديقاتك اللي عايشين مع ازواجهم ويسافرون ويروحون

ويجون .. انت وضعك مختلف ..

واحمدي ربك ان زوجك انسان فاهم و يحبك .. ويعاملك مثل عشيقته ليه مستاءه

من معاملته لك كعشيقه .. عيشي وضع الزوجه العشيقه ما فيها شي ..

خلي املك بالله كبير اختي و مثل ما قلتي انك حريصه على حياتك وما تبغي تهدمي

بيتك ..

ما لك الا الصبر يا اختي .. وانت لسه قدامك العمر طوويل وان شاء تملي البيت

اولاد.. اهم شي لا تنسي الدعاء ..

وربي يرزقك بالذريه الصالحه ..

أعلم جيدا أن هناك مستشفيات أكثر من ممتازة بالرياض منها مستشفى الملك فهد التخصصى . تابعى مع طبيبه ثقة وأجرى عملية أطفال أنابيب أو حقن مجهرى ولا تضيعى وقتك بمواعيد ومراجعات قد لا تجدى وسنك مناسب جدا لهذه العمليات فكلما قل عمر المرأة تزيد فرص النجاح لديها.

ربى يوقفك ويكتب لك اللى فيه الخير.
نصيحة منى
لا تنكدى على زوجك فيعوفك. حددى موعد للعملية ويكون يناسب وقته ولن يحتاجوه الا يوم واحد فقط.

اللهم فرج همك ويرزقك الزريه الصالحه يارب

__________________

	اللهم استرنا تحت الأرض وفوق الأرض ويوم العرض عليك يا كريم

اشكرك جزيل الشكر على اهتمامك في موضوعي وفعلا كلامك صحيح ويدخل العقل ولكن كلامك يبيلة صبرررررررررر والصبرررررررر مرررررررررر

اشكرك جزيل الشكر على ردك على موضوعي وزوجي عندة اولاد وزوجتة تعلم بزواجة والصلة بيني وبين زوجتة مقطوعة بناء على رغبتها وانا احاول اتكيف مع وضعي ولكن كثيررررررررررا مايضيق خلقي واطفش مع اني مؤمنة ومتدينة واقرى القران كل يوم وادعو ربي ان يفرجها من عندة

اشكرك جزيل الشكر على اهتمامك بموضوعي وعندك حق في كلامك وانا تعالجت بجدة على شان اكون معة لانة لازم فترة العلاج اكون معة بس الله يهدية يتضايق ومدري ايش السبب

اشكرك جزيل الشكر على ردك وفعلا انا الحين افكر في الانابيب مع اني قريت انها لاتجرى لمن هم اكثر من 40 سنة وانا قربت خلاااص واخاف اصبرررررررر وتروح الايام عسى الله يكون في عوني