السلام عليكم ورحمة الله وبركاته
هذي اول مشاركه لي بهالمنتدى الاكثر من رائع
وابي رايكم ومشورتكم في استشارتي المعقده واللي احس اني انا نفسي مو فاهمتها...

اول شي انا عمري 22 سنه واعاني من الام غريبه في منطقة اسفل البطن من الجهه اليسرا,,
امي تقول انها من الرحم وعندي ضعف باربطته ومن هالكلام اللي ما افهمه..
انا ماحس انه صدق لاني صرت احس بهوا جوا ولما اسوي تمارين او اكون منسدحه وارفع رجولي بسرعه يخرج هوا واحس فيه وبصوت بعد..
وهذا كله سبب لي خوف وشكوك خوفتني حتى من زيارة الطبيب...
كمان من فتره للثانيه تنزل علي افرازات ثقيله واحيانا تكون مصحوبه بدم خفيف..
بس من اسبوع نزل علي دم وافرازات وكان الدم اكثر واوضح..
لمدة 3 ايام بس مو طول اليوم لا تقريبا مرتين باليوم وطول اليوم يروح ويجي علي الم شدييييد بنفس المنطقه اسفل البطن و الظهر تقريبا زي الم الدوره..
علما بانه وقتها مر ع الدوره حول اسبوعين وباقي اسبوعين..

و كل مارحت لطبيبة الباطنيه حولتني لطبيبة النساء لان دورتي تمتد 13 يوم تقريبا او اكثر وعندي فقر دم بسببها الهيموجلوبين عندي 6 تقريبا.

سؤال اختي هل انت متزوجة؟؟ اذاكان نعم فاعملي منظار للرحم

و يمكن بكون عندك سماكة في جادر الرحم و هذا سبب الافرازات التي تقولين عنها..

و لكن انصحك بالذهاب الى طبيبة فهي ادرى بهذه الامور

__________________
اللهم احفظ اخي و ارفع عنه..و اكشف ضره..و اعده الينا سالماً معافى..عاجلاً غير آجل..

و احفظ اهل بيتي من كل سوء...

يا حي يا قيوم برحمتك استغيث..
حسبي الله و نعم الوكيل..
لا تنسونا من الدعاء..

حبيبتي ...لازم تروحين تكشفين عند دكتورة مختصه (نساء وولادة) ... أما إذا سبق ورحتي بس ما حصلتي فائده فأنا أشوف تلجأين للطب الشعبي ... خاصة في حالة خروج هوا وبصوت من الفرج ... هذي حسب علمي وحسب كلام أمي والحريم الكبار(بغض النظر عن تقدم الطب وماالى ذلك) مالها حل الا انك تروحين عند وحده لها سمعتها ومعروفة بمعالجة الحريم .. أسألي أمك وأتوقع راح تأيدني .... ولا تخافين ... كل داء وله دواء بإذن الله ... وقدامك العافية

cutiepie :
لا مو متزوجه.. وقالوا لي بيسوي صوره ملونه للرحم بس مارحت اسويها لان الدكتور اللي حولني قال مشكلتك مع الزواج بتنحل عشان كذا اهملتها وماهتميت..بس وقتها ماكان فيه افرازات او اهوا..
وتسلمين ياقلبي ع الرد..

أم الطاحوس..
انا اخاف من هالشغلات وماتخيل اني باروح لوحده كذا.. بس فعلا هالهوا مسوي لي قلق مو طبيعي وانتي فهمتي علي 100% واخاف انه اثر علي الغشاء لانه شي غريب وماعمر وحده قالت انه صار لها..
وماقصرتي ع الاشاره ياعسل

لا تخافين ولا شيئ ريوف ... ترى شغلتك من أبسط الأمور .. وحده من صديقاتي وقبل ماتتزوج صار لها نفس الشيئ اللي معاك بالضبط واذكر انها كانت تقول ان الهوا ماتقدر تتحكم فيه ويسبب لها احراج بعض الأحيان!!

...المهم انها راحت لوحده وقالت لها هذا اسمه (الخوا)وتعني انه داخلها هوا برحمها.. وترى معروف عند الحريم الكبار والفاهمات ... وعلاجه عادي جدا ً ... أعشاب تشربينها ... وبعضهم توصف بخور ... وبإذن الله تشوفين بعدها العافية
:20: ...

إهتمي بنفسك أكثر وقت الدورة (شكلك مهمله) ... يعني ابتعدي عن البارد شرباً وأكلاً .. حاولي تلبسي شرابات .. ابتعدي عن التيارات الهوائية ... اتشطفي بماء دافئ ... وغيرها من الشغلات اللي اتوقع ماتجهلك ...

وارجع واكرر لاتهملين نفسك وروحي لوحده من الحريم ولا تخافين تراهم عاديات مو مشعوذات أو مثل اللي تشوفينهم بالتلفزيون ... واذا مرررره تحسين صعبه او ماتعرفين وحده تعالج ... روحي لأحد العطارين المشهورين بمنطقتك واطلبي منه دوا للهوا وأتوقع راح تلقين عندهم .... موفقه حبيبتي

اختي لازم تهتمين بنفسك وقت الدورة مثل ماقالت أم الطاحوس لأنه لو اهملتي نفسك الشئ هذا بينعكس عليك سلباً بعد الزواج ,,,

الله يسلمك يا ام الطاحوس وربي طمنتيني..
وهو فعلا انا بوقت الدوره اكل بارد واكثر من شرب المويه..
وماحب اشرب الدارسين(القرفه) والنعناع لاني وقتها اقرف من اي ريحه وتجيني لوعه وعلى طول ابكي..
مادري اذا المويه تاثر باحاول اتركها..وبالنسبه للشراب فانا ماتركه وقتها وغيره حر والا برد لاني من النوع اللي يبرد بسرعه..
/
/
/
وبالنسبه للعطارين وكذا مادري اذا كنت باتجرا واروح او لا.. بس اذا عندك شي تعرفينه ياليت تقولين لي ولا تبخلين لاني قريت ان منقوع المره مفيد وماعرف اذا كان شرب وكمان قريت ان تمارين كيجل كويسه..
ودورت ع الخوا اللي قلتي عنه طلع من اهم اسبابه العلك مع اني ماحبه والجلوس ع الاماكن البارده..وهذي اسويها بصراحه
والاكلات الهلاميه مثل الملوخيه والباميه وهالاكلتين من احب الايدامات لقلبي
مع اني للحين مو متاكده الخوا هذا هو الهوا اللي بالبطن والا بالرحم لاني اعتقد ان فيني الاثنين
عموما باحاول امتنع واهتم والله يعين ويشافي..
وماقصرتي ياقلبي..

اختى ريوف لا تخافى من زيارة الطبيبة لانى اظن انك ستسمعى منها شيئا جيدا وليس سيئا كما تظنين

هذا الدم الذي رايتيه اختى هو وقت التبويض وهو تماما كما وصفتى فى منتصف الفترة ونزوله بهذا الوضوح يدل على انكى ماشاء الله عليكي عندك خصوبة عالية
فان كان الالم مزعج ولا تستطيعي الصبر عليه فزورى طبيبة النساء ربما لن تعطيكي اكثر من مسكن
وان كان محتمل فلا تشغلى بالك وتجاهلى الامر فمعظمنا مررنا باشياء مشابهه قبل الزواج

__________________

اختي لحضه طمنتيني الله يطمنك يارب...
يعني الفتره اللي بعد الدوره باسبووووع هي فترة التبويض؟؟
وبهالفتره نزول الدم مع الافرازات شي طبيعي ومايخوف؟؟

حبيبتى انا مثلك وكنت استدل على ايام التبويض بغرض الحمل من هذه النقاط المدممة وهى بالحساب من اول يوم فى الدورة اليوم 14 تقريبا واحيانا قبلها واحيانا بعدها
وهذه المعلومة ماخوذة من طبيب محنك صديق زوجى

لذا فهى ليست شىء طبيعي فقط بل انها شىء جيد ايضا

__________________