انا عمري 16مخطوبه (بدون عقد قران)
بس خطيبي عنده رقم جوالي ويرسلي من وقت لاثاني رساله
طبعا منها (انه اشتاق لي وليه ما ابادله مشاعر الحب وليه اتهرب اذا سمعت اسمه واذا كانوا يسولفون عنه اسكت ولا كانني موجوده ويقول ارجوك ردي علي ابي احس انك بحياتي)
يعني بالعربي هو يفكر اني ما احبه او مغصوبه عليه ومو متعلقه فيه

بالعكس والله اني احبه واشتاق له ومتعلقه فيه تعلق مو طبيعي والحركات اللي اسويها مو بايدي خاصة هم يحرجون زياده كانهم يستمتعون اذا انحرجت
بس انا مدري وش اسوي معاه
كيف يبيني ابادله الحب والمشاعر وهو الى الحين من الاجانب
واحس باقي بدري يعني باقي ثلاث سنوات بالقليل عشان املك واصير حلاله

(هو يحبني حب مو طبيعي ومره رديت عليه بكلمه قلت: ارتاااح انا ابيك , وبحاول عشانك بس)

طبعا خالتي تدري بالرسايل وتقراها وهو من محارمها وماتقول شي بس احس ان اللي اسويه غلط مدري ليه؟؟
وفي شي ثاني انا حركاتي وشكلي الخارجي طفوليه يعني كلها براءه في براءه
طبعا تفكيري الكل يقول انه واعي وكبير
بس مدري احس ان الرجل ما يبي وحده حركاتها كذا يعني طفله ؟؟

وهو دايم يقارني بزوجه اخوه قبل ماتتزوج يعني بعلاقتها مع اخوه .وانا ما احب احد يقارني باحد ثاني .


الخلاصه :مدري اذا ارسل ارد عليه والا اطنشه ؟؟
برائتي وطفولتي اللي ما اظن انها بتتغير ؟هل راح يقبلها كأي رجل؟ (لان امي وخالاتي كلهم كذا طول اعمارهم واشكالهم وحركاتهم طفوليه)
وش السواه مع اللي يقارني فيها ؟والله رفع ضغطي فيها ..

الله يسعدكم ويوفقكم دنيا واخره
بلييييز لاتخلوني والله حتى دراستي اهملتها والسبب هو

تم تعديل العنوان ليكون باللغة الفصحى
المشرف / شاطئ المحبة