انا عمري 16مخطوبه (بدون عقد قران)
بس خطيبي عنده رقم جوالي ويرسلي من وقت لاثاني رساله
طبعا منها (انه اشتاق لي وليه ما ابادله مشاعر الحب وليه اتهرب اذا سمعت اسمه واذا كانوا يسولفون عنه اسكت ولا كانني موجوده ويقول ارجوك ردي علي ابي احس انك بحياتي)
يعني بالعربي هو يفكر اني ما احبه او مغصوبه عليه ومو متعلقه فيه

بالعكس والله اني احبه واشتاق له ومتعلقه فيه تعلق مو طبيعي والحركات اللي اسويها مو بايدي خاصة هم يحرجون زياده كانهم يستمتعون اذا انحرجت
بس انا مدري وش اسوي معاه
كيف يبيني ابادله الحب والمشاعر وهو الى الحين من الاجانب
واحس باقي بدري يعني باقي ثلاث سنوات بالقليل عشان املك واصير حلاله

(هو يحبني حب مو طبيعي ومره رديت عليه بكلمه قلت: ارتاااح انا ابيك , وبحاول عشانك بس)

طبعا خالتي تدري بالرسايل وتقراها وهو من محارمها وماتقول شي بس احس ان اللي اسويه غلط مدري ليه؟؟
وفي شي ثاني انا حركاتي وشكلي الخارجي طفوليه يعني كلها براءه في براءه
طبعا تفكيري الكل يقول انه واعي وكبير
بس مدري احس ان الرجل ما يبي وحده حركاتها كذا يعني طفله ؟؟

وهو دايم يقارني بزوجه اخوه قبل ماتتزوج يعني بعلاقتها مع اخوه .وانا ما احب احد يقارني باحد ثاني .


الخلاصه :مدري اذا ارسل ارد عليه والا اطنشه ؟؟
برائتي وطفولتي اللي ما اظن انها بتتغير ؟هل راح يقبلها كأي رجل؟ (لان امي وخالاتي كلهم كذا طول اعمارهم واشكالهم وحركاتهم طفوليه)
وش السواه مع اللي يقارني فيها ؟والله رفع ضغطي فيها ..

الله يسعدكم ويوفقكم دنيا واخره
بلييييز لاتخلوني والله حتى دراستي اهملتها والسبب هو

تم تعديل العنوان ليكون باللغة الفصحى
المشرف / شاطئ المحبة

سبحان الله وبحمده
لا يصير خاطرك الا طيب هذا أنا رديت عليك
بداية الله يبارك لك بعقلك فأنت فعلا مميزة
والا كثير في مثل سنك ما يمسكون أنفسهم
موقفك من عدم الرد عليه غاية في الحكمة والعقل
وأنا أكلمك كرجل وأفهم تفكير خطيبك أكثر منك
هو يلح عليك وسيلح علشان يكون فيه اتصال أو نوع من العلاقة بينكم ولكن تأكدي تماما أنه سيحترمك أكثر وستزيد محبتك في قلبه أن رأى تمسكك بسترك ودينك
لا يغرك كلامه فمن داخله الأمر يختلف
فهو يفكر أن تعاملها معي وأنا زوج المستقبل بهذا الشكل فهي بالتأكيد مع غيري أستر وأكثر محافظة على حيائها
هذا مدعاة للفخر والاعتزاز
نقطة أخرى في تفكير الرجال
أن كل ممنوع مرغوب
وكلما تمنعت ازداد طلبا لك
فاثقلي وكلمي خالتك تشرح له موقفك وأنه ما زال أجنبي عنك ولا يحل لك بدء علاقة معه
أما اللي يقارنك فيها فما عليك منها هو بس يبي يستفزك مو أكثر
وفقك الله وكملك بعقلك وجمعكما على الخير

__________________

ما حرّك داواك

اخوي انا مارديت عليه الا برسالتين بس وبعدها اطنش
تسلم ياخوي الله يعطيك الف الف عافيه
الله يسعدك ويريحك زي ماريحتني

اختي تدرين ان حرام تبادل كلام مغازل بدون عقد
ما فكرتو برب العالمين أبد!!

قولي له ان هالشي ما يرضى رب العالمين ان نتبادل كلام غزل
لو مكلتي يصير خير
بس لازم توضحين له السبب وانج تخافين عليه وتبين الله يكون راضي عليكم

__________________
سبحــــــان الله وبحمده ,,,, سبحــــــان الله العظيم

لا اله الا الله العظيم الحليم ربي اني لما انزلت اليي من خير فقير
دعائكم الصالح لي بالرجل الصالح

الله يوفقك ويستر عليك

أختي كما قالت اختي نايت

اهم شيء تقوى الله ( ومن يتق الله يجعل له مخرجا.....ويرزقه من حيث لايحتسب...ومن يتوكل على الله فهو حسبه...إن الله بالغ أمره ...قد جعل الله لكل شيء قدرا) الله يوفقك أختي

__________________

الله يكملك بعقلك ما شاء الله تبارك الله اخوانا واخواتنا الاعضاء كفو و وفوا بالنسبة للشكل الطفولي ترا كثييييييييير من الشباب يحبون البنت الي شكلها طفولي ولا يمنع التواصل بينكم بشكل محتشم مثل توصين خالتك توصل له السلام وزي كذا بحيث يدري انك مايله له ويرتاح والله يوفقك

اخوك تعبت اعطي

السلام عليكم ...

اختي الفاضله ....

مع صغر سنك ...الا انك - ماشاء الله تبارك الله -

اعطاك الله عقلا حكيما ...

وبيئة طيبه انبت فتاه صالحه نحسبها والله حسيبها ...
::
سأجيبك مع ان الاخوان والاخوات ما قصروا ...

بالنسبه للرسائل .... من الخطيب ...

يا اختي زادك الله حرصا ...

الرسائل لا تردي عليها فكما قلتي هذا لازال رجل اجبي عنك ...
وحتى لا تتطور علاقتكم ...
و ايضا لسا باقي ثلاث سنوات يالله العافيه .....لماذا العجله ....والرسائل ونحوها ...

الحل ...

عدم الرد على رسائله وعدم استقبالها ...
واخبار خالتك ان يلزم حدوده وان لا يرسل لك ....
وان تخبره بذلك ...

::

بالنسبه لبراءه الطفوله ونحوها ...

سأقول لك حكمه ..

( اذا الرجال اختارك من بين كل هالبنات فاذا سيتحمل اختياره ولن ينظر الا لما يسره منك ) ..

المقصود لا عليك ولا تفكري بهذا التفكير ابدا بالعكس ...
يبدو عليك انك اكبر من عمرك وهذا شيء جيد ورائع ...
لذا لا تعيري الموضوع اكبر من حجمه ...
ولا تهتمي له خليك على طبيعتك واهتمي بامورك الدراسيه وتعلمي ما يفيدك من طبخ ونحوها تخص امور الزواج ...

::

اما

المقارنه فلا يهمك ....

لانه يقارن من خلال الرسائل ...واذا قطعنا الرسائل فلن يقارن ...
وايضا هو يقارن لكي ترضي وتخضعي معه ....وتتنازلي وترسلي له ...

لذا افهمي بارك الله عليك ان هذه المقارنات لا يقصد بها سيء ....

فلا تتحسسي من الموضوع وكوني واثقه من نفسك فلا يهمك احد ....

ولا تهتمي للمقارنات و لا تتحسسي منها ...

هذا و أسال الله ان يوفقنا واياك لكل خير ...

__________________
سبحان الله وبحمده سبحان الله العظيم

بالنسبة للرسائل إذا سئلك عنها فأخبريه ان حرام تبادل رسائل الحب طالما لستما عاقدين
و بالنسبة للبراءة فميزة و ليست عيبا أبدا
و خليكِ على موقفك , الراجل على فكرة ممكن يكون بيختبرك و طالما انت لسه مش حلاله لا يجوز شرعا انك تراسليه بحب و غيره
بالتوفيق

__________________

انا ادري انه حرام عشان كذا سالت بالمنتدى
ان شاء الله باوصلها له
يعطيك الف الف عافيه يالغلا

تسلميييين الله يوفقك