صباح الخيرااات
كتبت موضوع ولاأدري وين طار
الله يعين بعيد كتابته
وحده منكم نصحتني بأرائكم
مشكلتي: زوجي لاسامحه الله
كنت أتمنى حياة زوجيه أن ماكان بها حب فبها الرحمه
تمنيت زوج فاهم عاقل متعلم
وللأسف اكتشفت أن زوجي همجي لئييييييييم التعليم في جهه وهوبجهه
يستحق مني أكثر من هذا الوصف لكن المنتدى محترم مايستحق أن أكتب فيه كلمات أكثر من تلك
زوجي من النوع اللي مايملا عينه شئ>>>هذه الصفه اكتشفتها طبعا مع العشرة
شافني قبل الملكه واعجبته
انا موناقصني لاجمال ولاأخلاق ولادين ولاتعليم
في بداية الزواج كان طاير فيني شهرين وبعدين صرت ماأعجبه خلاص مل مني
على فكره لنا تقريبا 9 شهور متزوجين
من أول شهرين سافر مع ولد عمه وصارت السفريات غصب عني ونظام يمشي عليه
انا بالنسبه له زوجه أجهز أكله وملابسه بالوقت المحدد مالي لاكلمه ولارأي ولالي حق اناقشه بشئ
وياويلي لوقلت (يافلان بتتأخر؟)وإلا سألت عن شئ ولي مصروفي وعلى قولته
أحمد ربي أنه يصرف علي!!!
ونسيت حرام أظلمه تراه يوديني لأهلي كل خميس حتى لومابي أروح فهو غصب يوديني لأن خواته يجون لأهله كل خميس لازم نمشي على نظامهم
أما مستشفى تعبانه أو زيارة أحد مريض او شئ فلااااااااااا
عندي أهلي وعلى قولته أحمد ربي أنه يسمح لي أروح معهم!!!
إذا فتحت فمي بكلمه بناقشه أوبينت له أني متضايقه من شئ من تصرفاته بأسلوب هادئ يصارخ علي ويسمعني ألفاظ قذره وبدال ماأنا اللي أزعل فهويسفهني فتره طويله ويعاندني مثلا مجهزة عشى
يروح يشري عشاه من برا وياكل قدامي وأنا آكل طبخي ولايكلمني ولايرد علي عاد تبون الصدق زعله ورضاه مثل بعضه بالعكس إذا سفهني أرتاح شوي من انتقاده
دايم صااامت أنا انسانه احتااااااااجه وهو ولاعندي يقول لايكون تبين أقولك أحبك وإلا ياحياتي!!
مابي منه كذا على الأقل ابيه ياخذ ويعطي معي
ينتقد كل شئ فيني أحس جاتني حاله نفسيه ولاكأني عايشه في بيت تقولون معتقل
تخيلوا مثلا الغدا خلص وانا في المطبخ أحطه يوقف عند باب المطبخ يناظر بساعته ياويلي لوتأخرت دقيقه
حياتي كذا معه كل شئ بالدقيقه وياويلي لوتأخرت
أحس اني عدوته موزوجته
مثلا نظفت المطبخ يدخل ويفتش الأواني يدور أي شئ عشان يهاوشني وينتقد
ينتقد لبسي أقولكم موقف لبست ملابس نوم جديده دخلت عنده قال بكل جديه وثقه موحلو لونه بكره حطيه بالزباله!!!
احسه يتعمد جرحي
مهما اسوي له مايبين بعينه
لوأحط سفرة من إلى يقول ماسويتي شئ
وإذا ماحصل شئ على طبخي مثلا طبخت له على الغدا كذا طبق يقول غيري بالشكل زيني الأكل
والمشكله ماياكل إلا كبسه بس كذا لازم أسوي كذا طبق عشان ماينتقد
القهوة بعد المغرب مع حلا وغيره يقول غيري حلوياتك وش بقى ماتركت شئ في الكتب والمنتديات إلا سويته كأنه بيعطيني شهادة
مره لابسه بروح لحفلة ملكة اخته جيته مبتسمه قلت وش رايك
قال كحلك قليل!!!!!!لوقليل بقول مومشكله صادق بس يكذذذب خلاص حرمت أسأله
ماهوشايف شئ ياناس حتى أهله أجلس أوقف يمدحون فيني
مره رحت مع أمه لزواج جات وحده خطبتني منها يوم رجعنا كانت تضحك وتعلمه وتمدح بشكلي
يوم دخلت غرفتي ببدل قال لاينتفخ راسك بس
قلت من ايش
قال عشان الحرمه اللي خطبتك
قلت طيب يافلان ممكن سؤال انا عاجبتك أو لا
قال غصب تبيني أمدحها و عطاني ظهره ونام
قبل شهرين قال ريحتك موحلوه من عرفتك ماشميت العطر الحلو معك!!!!!!!!
من الصدمه مارديت
وجلست طول الليل أبكي وأبكي مهما شرحت لكم مستحيل تحسون بالجرح اللي سببه لي وبالقهر والحزن من كلامه لوقطعني وضربني أهوووون بكثييير من اللي قاله
الله لايسامحه ولايحلله على معاملته معي وعلى اسلوبه وعلى تجريحه
مايحتاج أنتم عارفين تجهيزات العروس واهتمامها انا من قبل أعرفه أهتم بنظافتي وعطوراتي لوكنت شاكه أن فعلا عطوراتي موحلوة كان مازعلت ولابكيت
لكن الله لايسامحه أنا أستخدم عطورات كثييييييييييرة من محلات مختلفه من غير اللي يمدحونه البنات في المنتديات ومن غير اللوشنات وعطورات الجسم وغييييييرها وباليوم الواحد أتسبح بكل وقت
والله ياناس مومقصره وأدري أنه كذااااب وهذا اللي قاااااااااهرني أفقدني الثقه بنفسي كررررررررررهت نفسي منه
ماعاد بقى شئ ماأنتقده أوسبه فيني هذا الآدمي مايبحث عني إلا وقت النوم فقط
وقبل شهر صارت أمه تزن عشان الحمل ورحنا نحلل طلع عنده مشكلة بالإنجاب
بس بحياتي ماشفت مثله لئييييم مرررررره ولايرحم حتى يوم تجيني أنفلونزا وإلا شئ يزيد علي بالشغل
مثلا ملابسه نظيفه وجاهزة
وفيه قطعتين ماغسلتهم يجي يصارخ قومي غسليهم
أنا من أول شهرين كارهته بسبب معاملته والله حتى حقوقه أقوم فيها لوجه الله حتى بالفراش كارهته
وحاسه أني مظلومه عنده ولاهوحامد ربه على النعمه اللي هوفيها لدرجة اني الآن إذا طلع من عندي أقول بقلبي عساك ماترجع عساني أترمل, انا فعلا حزينه على قلبي اللي ماعمره كره أحد وصار يكره من بيوم سكن فيه
نسيت أقولكم مره طنشني شهر ونص يجي من برا يشوفني ويعطيني ظهره وينام طبعا أنا ماناقشته بهذا الموضوع وفجأة رجع عادي وبعد فتره قالي تذكرين يوم طنشتك شهر ونص عشان تعرفين أني أقدر أستغني عنك يقصد بالنوم الحمدلله والشكر موصاحي وتفكيره غلللللللللط
عطوني أرائكم قبل أنجن

أحس إنه ( مريض نفسي ) ..
و لا أحد معبي راسه بقصص عن الحريم و مكايدهم ..

طيب صارحيه ليه هالتعامل في احد بخياته يمكن مجبور

بس غريب امره والله هذا وانتو توكم 9شهور

وشس ثاني غريب يدري عنده مسكله بالانجاب وكذا يعاملك

شوفي صارحيه وخليك جديه معه بالحوار وقولي له هذي مو عيشه ماتبيني منت مرتاح قولي وكلن في طريق

انا مو عبده عنده او وقت تقضي حاجتك وتروح وقولي بروح لاهلي مااتحمل هالعيشه

طيب كيف تعامله مع اهله

وبعدين وشلون تقولين لو بغيت مستشفى مايوديني

__________________
ليتك بعمري ثلاث اشخاص ما املك

واحد معي دوم

وواحد روحي يملاها

والثالث بجفن عيني....لا فقدت حسك...اوغمض الجفن جاني فيك يتباهى

مو بس احبك,,,,

انا والله من حبك احب حتى الارض اللي تاطاها

الله يعينك
بس بالعادة الرجال اول سنة يفرد عضلاته وبعدها يصير خاتم في صبع زوجتة
والله اعلم ويمكن الخوات المجربات يفيدونك
تقبلي وجه نظري

شوفي حبيبتي
لاتسمحين لأي شخص مهما كان انه يهز ثقتج بنفسج
انتي معطيته اكبر من حجمه!! اذا لبستي لاتاخذين رايه
عطيه بولباس يعني طنشيه
لاتقصرين معاه بشي واذا لزم الامر اعتبريه وسيله لاشباع حاجتك فقط
دللي نفسج اولا ، كل خميس طلعي مع خواتج واستانسي
وشيليه من تفكيرج!!
خليه يحس انج ماعدتي مثل اول حسسيه بالتغيير!! وشوفي اشلون راح يدور رضاج
و
هااا لاتطبخين الا صنف واحد عجبه اهلا وسهلا ماعجبه يدق على اقرب مطعم!!
خليه يحس انج انشغلتي عنه!!

سؤال
انتي تحسين انه يحبج؟؟
وانتي تخافين منه؟؟

__________________
اللهم احفظ لي زوجي وسخره لي واحفظ لي اولادي

هومن النوع اللي يرخي اذنه لخواته
ومن عشرتي معهم حسيت أن زوج البنت عندهم مثل العدو وأتوقع أني مثل زوج البنت
يعني مثلا يوم أكون عندهم جالسين زوجي وأخته المتزوجه وامه يستهزأ زوجي بزوج أخته أويستهزأ على أطفالها بأبوهم يعني أحسه يتكلم عن زوج اخته كأنه عدو وكذلك أخته مبسوطه وامه كذلك
مع أن اللي يظهر لي انها مرتاحه معه ومومقصر معها بشئ أدري أن البيوت اسرار لكن فعلا واضح أن اعتقاداتهم خاطئه

حسبي الله ونعم الوكيل
يعني تعالج الخطأ بالخطأ
عجبتني تطبخ صنف واحد عاجبة ولا موعاجبة
هذي قالت تبي تعدل زوجها مو تخرب بيتها
الله يعينة اللي ________ امة داعية علية
تقبلي نقدي بصدر رحب

اقتباس:

المشاركة الأصلية كتبت بواسطة دنيتي بك جنه طيب صارحيه ليه هالتعامل في احد بخياته يمكن مجبور ماتوقع اللي مثله ينجبر على شئ بعدين هوترك كل بنات عمه وخالاته واختاروني له زواجنا تقليدي بس يقرب لي من بعييييييييد بس غريب امره والله هذا وانتو توكم 9شهور وشس ثاني غريب يدري عنده مسكله بالانجاب وكذا يعاملك ايه ولاهميته صحيح تضايق من الموضوع بس انا مدري عنه لأنه لايسولف لي ولايجلس عندي شوفي صارحيه وخليك جديه معه بالحوار وقولي له هذي مو عيشه ماتبيني منت مرتاح قولي وكلن في طريق انا مو عبده عنده او وقت تقضي حاجتك وتروح وقولي بروح لاهلي مااتحمل هالعيشه اقولكم همجي جربت أفتح فمي بكلمه يجلس يصارخ بألفاظ قذره سكررري فمك ولاكلمه لسانك يبي له قص على تبن على مدري ايش كلام يسم البدن ويصارخ تقولين أني سابته فضحنا حتى بالجيران ومره يصارخ يقول هذا انا كذا ماني متغير طقي راسك بالجدار واحمدي ربك غيرك يتمنى ربع العيشه اللي انتي عايشتها عندي ولوبغيت أرد ممكن يكسرني العيشه معه تودي للقبر والله نفسيتي تعبت من حياتي معه صرت أعيش برعب من صراخه ومن المشاكل أنا انسانه هاديه وماحب المشاكل والصراخ ماتعودت على كذا صرت لاشعوريا أفتش بالبيت واشوف وش ناقص عشان مايفتح فمه حسبي الله عليه طيب كيف تعامله مع اهله مثل وجهه إلا أمه وخواته يخرخر عندهم يموت بالجلسه والسوالف مرت عمه غارت منهم وعمته طق فيها عرق منهم الحمدلله الذي عافانا مما ابتلاهم فيه أما مع أبوه ساحب عليه ولايلقي له بال حتى مره قال عنه كلمه قدامي قلت حرام عليك هذا ابوك المشكله أن ابوه طيوووووب وحنون معهم واشوف ابوه يكرف ويسوي أشياء للبيت ومره قلت له ساعد عمي وسفهني ومع خواته اللي مومتزوجات زفت إذا سمعوا اسمه كأنهم سامعين طاري جني ويخافون منه بشكل عجيب وحده منهم سألتني أنتي تحبينه؟ قلت ليش هذا السؤال,,قالت احسه ماينحب الله يعينك عليه ومره جالسه تحت مع خواته وامه ماكانت موجوده وجاء قال ولاصوت(كان يتابع مباراه) الصغار طلعوا صوت ضربهم بسلك قسم بالله جلست أنا أرتجف تخيلت أنه يضربني مثلهم المصيبه أن مافيه سبب يستاهل لضربهم وبعدين وشلون تقولين لو بغيت مستشفى مايوديني ايه مايوديني سبق أن تعبت ويقول مافيك إلا العافيه ويقول انطقي إلين يجي الخميس اخوانك يودونك

يعطيكم ربي العافيه

ادري ان فيه رجال يفرد عضلاته بالبدايه بس مايظلم زوجته
ويكون اسلوبه طيب
مومشكله يصارخ مره مرتين
يقصر مره مرتين ثلاث
بس زوجي منتهي

انا صرت ماعاد أسأله عن لبسي بس هوصار يعلق بدون ماأطلبه
مثلا يقول هذا جديد ويلف عني ويناظر التلفزيون أو يقول موحلو لونه
بس الطبخ أنا أخاف منه أدري مايستاهل أسوي له لوطبق واحد بس مالي خلق لصراخه
والخميس هويدري أني أطلع مع اهلي كل خميس ولاهمه ولاعليه مني ولايسألني وانا غصب أحس بضيقه من حياتي معه كنت أقول بعيش وبنشغل إذا الله رزقني بأطفال وطلع عنده مشكله الحمدلله على كل حال

لا ماأحس أنه يحبني وأحس أنه مايحب إلا نفسه أحسه يحب شكلي الظاهري فقط بالوقت اللي هويبي وغيره لا حتى مصروفي ولبسي يقول عشان الناس يقولون زوجة فلان كاشخه ولابسه والجوال كذلك كل فتره يبدله يقول انتي تعكسين مستواي امام الناس
اي أخاف منه بشكل ماتتصورينه يمكن اخاف من صراخه أحس بضغط نفسي كبييييير لمايصارخ علي ويعصب احيانا وهو في الدوام أصحى وإذا خصلت من شغلي أجلس أبكي وأبكي