زوجي أفقدني الثقه بنفسي
صباح الخيرااات
كتبت موضوع ولاأدري وين طار
الله يعين بعيد كتابته
وحده منكم نصحتني بأرائكم
مشكلتي: زوجي لاسامحه الله
كنت أتمنى حياة زوجيه أن ماكان بها حب فبها الرحمه
تمنيت زوج فاهم عاقل متعلم
وللأسف اكتشفت أن زوجي همجي لئييييييييم التعليم في جهه وهوبجهه
يستحق مني أكثر من هذا الوصف لكن المنتدى محترم مايستحق أن أكتب فيه كلمات أكثر من تلك
زوجي من النوع اللي مايملا عينه شئ>>>هذه الصفه اكتشفتها طبعا مع العشرة
شافني قبل الملكه واعجبته
انا موناقصني لاجمال ولاأخلاق ولادين ولاتعليم
في بداية الزواج كان طاير فيني شهرين وبعدين صرت ماأعجبه خلاص مل مني
على فكره لنا تقريبا 9 شهور متزوجين
من أول شهرين سافر مع ولد عمه وصارت السفريات غصب عني ونظام يمشي عليه
انا بالنسبه له زوجه أجهز أكله وملابسه بالوقت المحدد مالي لاكلمه ولارأي ولالي حق اناقشه بشئ
وياويلي لوقلت (يافلان بتتأخر؟)وإلا سألت عن شئ ولي مصروفي وعلى قولته
أحمد ربي أنه يصرف علي!!!
ونسيت حرام أظلمه تراه يوديني لأهلي كل خميس حتى لومابي أروح فهو غصب يوديني لأن خواته يجون لأهله كل خميس لازم نمشي على نظامهم
أما مستشفى تعبانه أو زيارة أحد مريض او شئ فلااااااااااا
عندي أهلي وعلى قولته أحمد ربي أنه يسمح لي أروح معهم!!!
إذا فتحت فمي بكلمه بناقشه أوبينت له أني متضايقه من شئ من تصرفاته بأسلوب هادئ يصارخ علي ويسمعني ألفاظ قذره وبدال ماأنا اللي أزعل فهويسفهني فتره طويله ويعاندني مثلا مجهزة عشى
يروح يشري عشاه من برا وياكل قدامي وأنا آكل طبخي ولايكلمني ولايرد علي عاد تبون الصدق زعله ورضاه مثل بعضه بالعكس إذا سفهني أرتاح شوي من انتقاده
دايم صااامت أنا انسانه احتااااااااجه وهو ولاعندي يقول لايكون تبين أقولك أحبك وإلا ياحياتي!!
مابي منه كذا على الأقل ابيه ياخذ ويعطي معي
ينتقد كل شئ فيني أحس جاتني حاله نفسيه ولاكأني عايشه في بيت تقولون معتقل
تخيلوا مثلا الغدا خلص وانا في المطبخ أحطه يوقف عند باب المطبخ يناظر بساعته ياويلي لوتأخرت دقيقه
حياتي كذا معه كل شئ بالدقيقه وياويلي لوتأخرت
أحس اني عدوته موزوجته
مثلا نظفت المطبخ يدخل ويفتش الأواني يدور أي شئ عشان يهاوشني وينتقد
ينتقد لبسي أقولكم موقف لبست ملابس نوم جديده دخلت عنده قال بكل جديه وثقه موحلو لونه بكره حطيه بالزباله!!!
احسه يتعمد جرحي
مهما اسوي له مايبين بعينه
لوأحط سفرة من إلى يقول ماسويتي شئ
وإذا ماحصل شئ على طبخي مثلا طبخت له على الغدا كذا طبق يقول غيري بالشكل زيني الأكل
والمشكله ماياكل إلا كبسه بس كذا لازم أسوي كذا طبق عشان ماينتقد
القهوة بعد المغرب مع حلا وغيره يقول غيري حلوياتك وش بقى ماتركت شئ في الكتب والمنتديات إلا سويته كأنه بيعطيني شهادة
مره لابسه بروح لحفلة ملكة اخته جيته مبتسمه قلت وش رايك
قال كحلك قليل!!!!!!لوقليل بقول مومشكله صادق بس يكذذذب خلاص حرمت أسأله
ماهوشايف شئ ياناس حتى أهله أجلس أوقف يمدحون فيني
مره رحت مع أمه لزواج جات وحده خطبتني منها يوم رجعنا كانت تضحك وتعلمه وتمدح بشكلي
يوم دخلت غرفتي ببدل قال لاينتفخ راسك بس
قلت من ايش
قال عشان الحرمه اللي خطبتك
قلت طيب يافلان ممكن سؤال انا عاجبتك أو لا
قال غصب تبيني أمدحها و عطاني ظهره ونام
قبل شهرين قال ريحتك موحلوه من عرفتك ماشميت العطر الحلو معك!!!!!!!!
من الصدمه مارديت
وجلست طول الليل أبكي وأبكي مهما شرحت لكم مستحيل تحسون بالجرح اللي سببه لي وبالقهر والحزن من كلامه لوقطعني وضربني أهوووون بكثييير من اللي قاله
الله لايسامحه ولايحلله على معاملته معي وعلى اسلوبه وعلى تجريحه
مايحتاج أنتم عارفين تجهيزات العروس واهتمامها انا من قبل أعرفه أهتم بنظافتي وعطوراتي لوكنت شاكه أن فعلا عطوراتي موحلوة كان مازعلت ولابكيت
لكن الله لايسامحه أنا أستخدم عطورات كثييييييييييرة من محلات مختلفه من غير اللي يمدحونه البنات في المنتديات ومن غير اللوشنات وعطورات الجسم وغييييييرها وباليوم الواحد أتسبح بكل وقت
والله ياناس مومقصره وأدري أنه كذااااب وهذا اللي قاااااااااهرني أفقدني الثقه بنفسي كررررررررررهت نفسي منه
ماعاد بقى شئ ماأنتقده أوسبه فيني هذا الآدمي مايبحث عني إلا وقت النوم فقط
وقبل شهر صارت أمه تزن عشان الحمل ورحنا نحلل طلع عنده مشكلة بالإنجاب
بس بحياتي ماشفت مثله لئييييم مرررررره ولايرحم حتى يوم تجيني أنفلونزا وإلا شئ يزيد علي بالشغل
مثلا ملابسه نظيفه وجاهزة
وفيه قطعتين ماغسلتهم يجي يصارخ قومي غسليهم
أنا من أول شهرين كارهته بسبب معاملته والله حتى حقوقه أقوم فيها لوجه الله حتى بالفراش كارهته
وحاسه أني مظلومه عنده ولاهوحامد ربه على النعمه اللي هوفيها لدرجة اني الآن إذا طلع من عندي أقول بقلبي عساك ماترجع عساني أترمل, انا فعلا حزينه على قلبي اللي ماعمره كره أحد وصار يكره من بيوم سكن فيه
نسيت أقولكم مره طنشني شهر ونص يجي من برا يشوفني ويعطيني ظهره وينام طبعا أنا ماناقشته بهذا الموضوع وفجأة رجع عادي وبعد فتره قالي تذكرين يوم طنشتك شهر ونص عشان تعرفين أني أقدر أستغني عنك يقصد بالنوم الحمدلله والشكر موصاحي وتفكيره غلللللللللط
عطوني أرائكم قبل أنجن
التعديل الأخير تم بواسطة بسمــــه ; 17-06-2011 الساعة 04:25 AM
17-06-2011, 04:17 AM
ضوابط المشاركة
العرض الشجري