السلام عليكم اخوان انا قضيتي بسيطه ولها الف حل

لاكن ماني عارف اخذ الحل الانسب .... وسبق شرحت لكم القضيه لاكن بغموض ,,, والان ابي اشرحها لكم بكل وضوح ....

انا مملك على وحده تسكن في نفس مدينتي وعمرها 17 سنه ...

والأن انا مملك ولي 9 شهور ..... وبصراحه زواجي مطول الى سنه ونصف تقريبا,,,,
في البدايه كنا نتكلم جوال ,, ورسائل شبه يومي من الطرفين ... ونتكلم كل يوم وسمن على عسل الحمد لله ... ونتقابل تقريبا في الاسبوع مرتين او مره ,,,, بما انه اهلها يقربون لي وبعض الاوقات اوصل اهلي عندهم واشوفها ونتكلم وزي كذا ..... سار لقائنا في الاسبوع مرتين او ثلاثه.. ومثل نطلع نتمشى وهم معنا وهي معنا لازم ^_^,,,,
المهم ......
الحين بصراحه الي ملاحضه منها ,,, انها ما صارت تدق ,, ولا ترسل مثل اول ,,,, جوالها على الصامت

24 ساعه ... يا مشغوله او نايمه او ما ترد الى بعد طلعة الروح ,,, حسيتها ملت ,,,
ونا بعض الاوقات ادق فوق 5/ 4 نرات ما ترد وربي يجيني ضيق ..صرة اتصل على امها واسال عنها بس بي احتراف هههههههه مثل كيفك وكيف حال..... تقولي طيبه ونايمه ,,,
تصحى من النوم ما تدق هي لازم انا ابادر واتصل ,,,
وسبق وصارحتها وقلت لها انتي متغيريه وش فيك ومن ها الكلام الحلو والله ,,, قالت انا اسفه وزين وانت قلت لي .. وما كملة يومين الى رجعت حليمه لعادتها القديمه
...ويشهد الله علي علي اني ماني مقصر معها لا فلوس ولا جوالات .. شحن وربي يوميا اشحن لها بـ10 او 20 في اليوم ,,, كلام رومنسي حب ضحك فله كله موجود والحمد لله ,وما قصرة معها بها الكلام ,, ولو زعلتها وربي انا اروح اتاسف لها حتى لو هي زعلتني انا اتاسف ,,,,
وصرة اعاتبها اقولها ليش وليش .. بعدين شفتها سكتت تقولي كل مره تقولي ليش وتعاتبني وربي حزنت وقلت لها اسف معد تسمعين ها الكلمه لاكن بداخلي وربي اني زعلان بس مابي ابين لها زعلي
بلاك بيري اشتريت لها قلت تتواصل مع صحباتها عن طريق الببي بما انه مافي عندهم كمبيوتر ,,
واشتريت لها جوال ثاني برضو فخم وتستاهل ,,,
والبارح رحنا منتزه وكانت معي نمشي ,,, شوي مطلعه بلاكها وتسولف مع صحبتها وانتضرتها لين خلصت ما قلت لها شي ومشينا ,,,,,,
ونا من النوع الي طيب لدرجه محد يتوقعها ...
قلت اطنشها اسبوع . شهر ما اشحن لها ما اكلمها ما ازورها ؟؟ . بصراحه انا ما احب التطنيش لازم اكلمها واخذ علومها



تكفون عطوني حل لي انه وربي بجد تعبت ؟؟؟؟ بعض الاوقات اعصب ودي اخاصمها ليش كذا بس امسك نفسي واكلمها بكلام حب وانسى عشان لا ازعلها .. بس مهما كان الانسان عنده طاقه ونا احسها نفذت ها الطاقه
...؟؟ ويش اسوي معها في ها الفتره ؟؟؟
وما طرحت لكم ها المشكله الى اني ابي مكم الفائده ولا تبخلون على اخوكم

وين ردودكم يا حلوين انتضركم

بعطيك قاعدة بالحياة لو نفذتها بتصير كل أمورك تمام
دائماً نقول : خير الأمور الوسط وفعلاً لو طبقتها بحياتك بتكسب
خليك وسط في كل شي حتى بمشاعرك بترتاح
أجواء الملكة وأيامها حلوووه لا تضيعها بالزعل وعلشان ماتزعل لا تقرب لها كثير ولا تبعد
خليك وسط
ملكتكم مطووولة يعني أيامكم الحلووة مطووولة
خلي فيها مساحات من الابتعاد بس مو من زعل .. لا كذا يعني اشغل نفسك بأي شي عنها راح ترجع مشتاقين
متحمسين
كثرة العتب مو حلوة بتصير فيها حزازيات وكلام وشد انتم في غنى عنها
وحتى عمرها تقدر تكسبها بطباعك الحلوة
لا تدقق ومشّي حالك ؛ حالك يمشي بس يمشي بطيب نفس وراحة

طيب شوف كلمها واتفقو تقللون من المكالمات
عشان تشتاقون لبعض اكثر
وترا البلاك الزفت يشغل اللي ما ينشغل ويطير الوقت
وغير كذا هي تدرس صح
يعني اكيد ضغط وقلق المدرسه انت عارف
وفيه احتمالات كثيره
لكن انسب حل تبعد شوي
تخف مكالمات وزيارات
وكله باتفاق بينكم عشان لا تحسب انك زعلان او شي
ادري بتقول صعبه وو
لكن وش تسوي مافي حل انسب

__________________
... هذا المستخدم لم يعد موجودًا...~ حللونا ~

همسھٓ ....
إن مرت ذكرايےّ علےّ قلوبكم فاذكرونيےّ بدعوھٓ فيےّ ظهر الغيب..

كلامك جميل ورائع بصراحه ....
بس المشكله انه تعودنا على مكالمات ورسائل .... وشوي تتغير فجاءه !!
ونام ن النوع الحساس والله ....

بس ومن اول ادق ما ترد !!

ارسلت لها مسج وبشوف وش يكون الرد

المسجل هو :
دقيت عليك كذا مره بس ما تردين شكلك مشغوله او جوالك على الصامت ... عاد حبيت اطمن عليك ونا الحين بسكر جوالي>>> الثقل على اصوله

والله يالغلا كلمتها قبل كذا وقلت لها نحدد وقت للمكالمات ؟؟؟ قالت لا بي وقت نتكلم عادي قلت لها اوكي الي يريحك بس للأسف ما شفت المكالمات هذي الي بي وقت هههه
بس خلاص انا معد بدق والله حسيت بمذله دقيت كثير ... ما ح ادق ولو دقة ماني راد ولو ارسلت رساله بقعد فتره وارد لها اقولها جوالي عـ/صامت وبكون رسمي شوي حسين اني دلعت وادهرت كلام حب ورومنسيه ودلع وشوق ولهفه كثير بكو رسمي لمدة شهر او اكثر وش رايكم

طيب يمكن ملت من الرومنسية
وتحب تحكي مع صاحباتها عن المدرسة و اخبار البنات
و البنات خصوصا بالمدرسة بينهم و بين بعض كلااام كثير و جو امرح
خليها على راحتها
مصيرها راح تدق عليك
يعني انت دق مرة ..ماردت خلاص يجي دورها تكلم

__________________

اللي صآر لخطيبتك طبيعي جدا جدا جدا
ويصير معآآآنا كلنـــآ
إنتآ شوي حســآس وتبغى البنت على طوول رومنسية وتتصل عليك وتراسلك ولاتنشغل إلا بيك
وتتضايق إذا قللت
مو معنآآتهآ ماتحبك ولآ معاد تهتم فيك لآآآ ابداا
احيـــآنا إحنآ نتعب من التوآصل المستمر نحتآج فترة رآحة
نبتعد شوي عن اللي نحبهم عشآن نرجع لهم بقوة
فإنتآ بمعاتبتك لهآ تمنعهآ من فترة الرآحة هــآذي فتستمر هي على نفس النمط وبتدني
خفف شوي من اتصآلاتك ومن رسآيلك ..لاتقطعها بس خفف (=
وبليييز ابتعد عن العتآب يضر أكثر من إنه ينفع


الملل وآآرد وآآرد وشيء طبيعي جدا
ليش نرفضه (=
بالعكس
الأفضل نستغله في أخذ رآحة عقلية و ونفسية من الحب وعمــآيلو :$
ونتوجه لأصحآبنآ و هوايتنا حتى تتجدد أروآحنــآ
و نرجع بنشآآط وحيوية لحبآيبنا
سجل في نآدي أو خذ كورس إنجليزي و جدد حيآتك

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

والله ما اعرف ايش اقولك
انت طول بالك وخليها تاخد وقتها . ممكن تكون من البنات الي تاخد فتره على ما تتعود عليك
وانت لا تخليها محور اهتمامك اتصلت وما ارسلت و ما ردت مارس حياتك عادي عشان ترتاح


وبعدين الي لا حظتوا الى الان بس ما اعمم ترى اغلب دا السن عليهم طلعات ويسمعوا نصايح صحباتهم على بالهم لما يتقلوا ويتغلوا خطيبهم حيتعلق فيهم زيادة ما يعرفوا انها قاعدة ليست عامة والي ينفع مع شخص ما ينفع على شخص تاني .

الله يوفقك اخوي

إذا تزوجتوا على خير بينقلب الحال
اذكرني بالخير وقتها بس

__________________
## مهم ##
هل تتعرضين للابتزاز في الانترنت؟


هنا من ينقذك