السلام عليكم اخواني

انا سجلت عشان اسمع نصيحتكم لي لاني متابعه هنا وماشاء الله ردودكم عقلانيه كثير

انا متملكه ع شخص اصغر مني ب3سنين>>طبعا السن عادي بالنسبه لي لاني واثقه من نفسي ولله الحمد بالاضافه ان هو كان مصر يبيني ...

لكن بعد الملكه وانا الان لي 6 شهور متملكه تقريبا خطيبي كلمني 6مرات كل مكالمه ماتتجاوز ربع او نص ساعه..انا ادري ان المكالمات وكثرتها مو دليل ع حبه من عدمه

لكن انا ابي افهم شخصيته ..ع الاقل بعض الاشياء..لكن مو معطيني فرصه..مادري هو يستحي!او ايش....

بصراحه انا اول ملكتي كنت متحمسه لذي الفتره حيل وعارفه انها احلى فترات الحياه يمكن..لكن هو حرمني منها..كنت بداية ملكتي متعوده قبل ماانام ارسله مسج اتكلم عن اشياء حصلت لي..بطريقتي الخاصه وباسلوبي..

كنت ابي ادخله بحياتي اكثر واكثر..لكن ماكان يرد عليها..قلت بتكلم..ارسلتله مسج عتاب لكن بلطف..قالي انتي كيف تفهمين الاهتمام!انا مشغول بكذا وكذا وكذا...بس عن جد يااخواني هذا مو عذر انه يسحب علي كذا..

ع الاقل ارسلي مسج اسأل عن حالي..اذا ارسل ارسل مسج صباحي اومسائي للدرجة اني مليييييت منهم وصرت اطنش..صرت ماتحمسله لارسائل ولامكالمات..جوالي كان دايما معايا من خوف يتصل اويرسل ومارد ع طول..لكن الان ارميه بكل مكان مااهتم ابدا له..

خلينا من كل هذا..انا طبعا انشغلت بنفسي ونسيته بس عشان نفسي..لكن الان بما ان زواجي بالاجازه ان شاء الله..فيه عدة امور لازم يكون لها حجوزات والخ ..ومتوقفه ع تحديد يوم الزواج..والاشياء هذي لازم احجزها الوقت هذا عشان الزحمه..ارسلت له..قال قريب بنحدده واردلك خبر..

انتظرت اسبوع..اسبوعين..ثلاث..لاحياة لمن تنادي..ارسلته مسج قلت انا تعبت افهمني,,براسي مليون شغله ابي اتخلص منها......الخ المسج...ولحد الان مارد


بذمتكم الشخص هذا كيف اتصرف معاه؟؟

لاتقولوا كلموا اهله والخ..ماحب اعود احد يتدخل بحياتي لا اهله ولااهلي وكل اللي صاير هذا ماحد يدري عنه ابدا..حتى المكالمات والمسجات يعتقدون انه يوميا يكلمني..مع ان اخباره اعرفها منهم مو منه..اسفه ماعرفت اكتب وانسق بكلامي..لكن هذاي اتكلمت وانتظر ردودكم

مبروك الملكة
عقبال العرس يارب

لا تزعلين هذه طبيعته وبيعوضك بعد العرس ان شاء الله

براي لا تسوين اي شي وطنشي حتى يجيك منه خبر . عارفه انك بتتحملي نتائج التاخير بس ايش بتسوين
وبراي لا تعاتبينه خليه على هواه


الله يسخره لك
موفقه يارب

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

انت تقولي انه كان مصررررررر يبغاك
لكن ردود أفعاله تدل على عدم تحمسه ؟

أهلين نهـــى ألف مبروك الفرح مقدمــآ (=
حبيبتي عذري له أكيد بآله مشغول بتجيهزآت الزوآج المرهقه وهو يحتآج شكرك وتقديرك له مو لعتآبك
لآ تضغطي عليــه وتأكدي إنه لسى يبيك وقلة تواصلة مآتدل إلا على إنشغــآله
تعوذي من ابليس كثيير بنــآت وانا منهم يصير معآهم زيك
مو لأنه مآيهتم لآآ لأن اسلوبهم كذآ وتعبيرهم عن الحب يختلف عن تعبيرنــآ
اللي عليك الحين ارسلي له مسج :
(الله يعطيك العــآفية حبيبي على كل شيء تسويه عشــآنآ
أنآ مقدره تعبك لتجيهزآت الزوآج
وإن شاء الله يارب يجي اليوم إللي نعيش فيه انآ وانت بكل سعــآدة..احبك)
خليه يحس إنك مقدره تعبه
نهـــى نصيحه لك ابتعدي عن العتب مآينفع بين الأزوآج لأنه يظهرك بصورة المرأة النكدية
وتوجهي إلى شكره ومدحـــه وهآذا يبني لك قصوور في قلبه

وإذا ارسلك مسج مســآئي أو صبآحي لآ تطنشي بالعكس اغتنمي الفرصة وقولي له( شكرا حبيبي على اهتمــآمك)
وحتشوفي كيف حيتغير شوي شوي

موفقة حبيبتي وتجهزي لزوآآجك يآعروسسة (=

__________________
( وَالَّذِينَ يَقُولُونَ رَبَّنَا هَبْ لَنَا مِنْ أَزْوَاجِنَا وَذُرِّيَّاتِنَا قُرَّةَ أَعْيُنٍ وَاجْعَلْنَا لِلْمُتَّقِينَ إِمَامًا )

ح ــبي
يعني تقصدين آهتمآمه فيك قليل آو مآآيهتم فيك
يمكن من نآح ـية العآطفه مآآيعرف كيف يعبرهآآ لك
آومن النوع لي مآيهتم بمشآآعروالآحآسيس يعني في نوع من آلج ـفآء!
بس مآآيدري انه آلتطنيش يفتح مجآل كبيرللكره
ح ـبيبتي آنتي لآزم تصآآرحينه بي هآآشي
آنتي صآرحتيه بي هآآشي ولآ وش كآن ردة فعله!!؟؟
بس اهم شي آنك مآتستعجلين وآنا حآسه فيك وربي ومقدره موقفك
بس آنتي جآآوبيني
طيب كيف معآملته معك وهل هو كريم معك آما بخ ــيل!!؟؟
آخلآقه كيف معك ومع آلنآس!!؟؟
كم عمره!!؟؟
تح ـسين آنه طبيعي معك..!؟

يجيك للبيت ولآ بس مجرد يكلمك في آلجوآل..؟!

__________________
قآل آلرسول صلى لله عليه وسلم
آفضل آلذكر:لآآله آلآآلله,’.

ربي يسر لك أمورك وجميع المسلمين

الله ييسرلك جميع امورك ياعسل ,’~
دمتم بأماان

__________________
الناس يمحون ماضيك الجميل مقابل آخر موقف سيء منك ، و الله سبحانه يمحو ماضيك السيء مقابل توبة منك ، فأيهم أحق بطلب الرضى ؟

اول شي الله يسرك امروك كلها
خيتا بالفعل اعذريه انا حبيبي كان بالاول هيك وانا كنت كثير اتذايق
منو واحس انو مو مهتم فيني بس بالاخير كنت ظالميتوا لانو هو كان
مشغول كثير ..او في مثل بقول الغايب عذروات معو يعني ان كان
ما يتصل فيكي كثير او ما يبعتلك مسج بالفعل حيكون مشغول...
انشالله بالتوفيق

الحل سهل
أبوك يتدخل ويعزمه في البيت ويفاتحه في الموضوع
ويشوف وش عنده... وليش كل هالتطنيش
وإذا في باله شي يقوله ولا يستحي
ويفهمه أبوك إنه معه عون والزواج قسمة ونصيب
........

والله يا حبيبتي اذا انتي انسانة رومانسية وعاطفية بزيادة
والاحساس عندك أهم من الأكل والشرب زي بعض البنات

أنصحك انك تترويين كثيررر قبل ما تكملي اجراءات الزواج
يمكن هوه طبيعته كذا انسان جدي ما عنده وقت للغزل وانتي تتعذبين
وتموتين على هالكلام وساعتها محد بياكلها غيرك
الله يعينك بصراحة الوحده صاير تفكيرها تعنس أزينلها
وش الزواج بالله غير تبادل الحب والاهتمام والاحترام والتقدير ؟

__________________

‏
الوعي هو الملاذ ..

أستغفر الله العظيم ؛
( الفردوس غايتي )