مشكلتي مع خطيبي
السلام عليكم اخواني
انا سجلت عشان اسمع نصيحتكم لي لاني متابعه هنا وماشاء الله ردودكم عقلانيه كثير
انا متملكه ع شخص اصغر مني ب3سنين>>طبعا السن عادي بالنسبه لي لاني واثقه من نفسي ولله الحمد بالاضافه ان هو كان مصر يبيني ...
لكن بعد الملكه وانا الان لي 6 شهور متملكه تقريبا خطيبي كلمني 6مرات كل مكالمه ماتتجاوز ربع او نص ساعه..انا ادري ان المكالمات وكثرتها مو دليل ع حبه من عدمه
لكن انا ابي افهم شخصيته ..ع الاقل بعض الاشياء..لكن مو معطيني فرصه..مادري هو يستحي!او ايش....
بصراحه انا اول ملكتي كنت متحمسه لذي الفتره حيل وعارفه انها احلى فترات الحياه يمكن..لكن هو حرمني منها..كنت بداية ملكتي متعوده قبل ماانام ارسله مسج اتكلم عن اشياء حصلت لي..بطريقتي الخاصه وباسلوبي..
كنت ابي ادخله بحياتي اكثر واكثر..لكن ماكان يرد عليها..قلت بتكلم..ارسلتله مسج عتاب لكن بلطف..قالي انتي كيف تفهمين الاهتمام!انا مشغول بكذا وكذا وكذا...بس عن جد يااخواني هذا مو عذر انه يسحب علي كذا..
ع الاقل ارسلي مسج اسأل عن حالي..اذا ارسل ارسل مسج صباحي اومسائي للدرجة اني مليييييت منهم وصرت اطنش..صرت ماتحمسله لارسائل ولامكالمات..جوالي كان دايما معايا من خوف يتصل اويرسل ومارد ع طول..لكن الان ارميه بكل مكان مااهتم ابدا له..
خلينا من كل هذا..انا طبعا انشغلت بنفسي ونسيته بس عشان نفسي..لكن الان بما ان زواجي بالاجازه ان شاء الله..فيه عدة امور لازم يكون لها حجوزات والخ ..ومتوقفه ع تحديد يوم الزواج..والاشياء هذي لازم احجزها الوقت هذا عشان الزحمه..ارسلت له..قال قريب بنحدده واردلك خبر..
انتظرت اسبوع..اسبوعين..ثلاث..لاحياة لمن تنادي..ارسلته مسج قلت انا تعبت افهمني,,براسي مليون شغله ابي اتخلص منها......الخ المسج...ولحد الان مارد
بذمتكم الشخص هذا كيف اتصرف معاه؟؟
لاتقولوا كلموا اهله والخ..ماحب اعود احد يتدخل بحياتي لا اهله ولااهلي وكل اللي صاير هذا ماحد يدري عنه ابدا..حتى المكالمات والمسجات يعتقدون انه يوميا يكلمني..مع ان اخباره اعرفها منهم مو منه..اسفه ماعرفت اكتب وانسق بكلامي..لكن هذاي اتكلمت وانتظر ردودكم
29-01-2012, 01:38 AM
ضوابط المشاركة
العرض الشجري