نصيحتي لك ،
1) حاولي تصوري المحادثة وتخفيها للصورة بجوالك او بلابتوبك او غيره فقط علشان تحمي نفسك لو صار اي شيئ مستقبلا لاسمح الله مثل انه زوجك انكر العلاقة او المحادثة بينه وبين زميلته امام اهلك في حال لاسمح الله تطورت الامور ( وهذا الشيئ لا نريده ابدا ) 2) تتصلي على زميلته بالعمل بنفسك وتخبريها انه تسمع مكالمتك للآخر والا سيحدث مالا تحمد عقباه ، قوليلها انك قريتي المكتوب وعندك صورة للمحادثة وعندك ادلة اخرى مخبيتيها عندك وتخبريها انك ماراح ترحميها وتخبري زوجها على كل شي وترسليله المحادثة وبعدين بعد ماتخاف تقوليلها انك راح تستري عليها بشرط واحد انه تبتعد عن زوجك تماما وماتتعامل معه حتى لو تقدري تقوليلها استقيلي من عملك وتهدديها انه راح تخبري اهلها وزوجها وراح تفضحيها اذا تقرب على زوجك مرة ثانية وبالنسبة لزوجك قوليله انك قريتي المحادثة بالصدفة لما طاح الجوال ولا تحسسيه انك كاين مراقب منك لانه ممكن يحاول يقلب الآية عليكي (( لانه اهم عنصر بالحياة الزوجية الثقة وعدم الشك والتخوين )) وبعد ماتقوليله انك قريتيها قوليله ابغى اروح بيت اهلي وانا مو قادرة اتحمل هذا الموضوع كبير وانت جرحت كرامتي وعفتك لي وكوني زعلانه وحسسيه انه الدنيا قفلت بوجهه لكن لاتغلطي عليه ولا تشتميه فقط اجرحيه بكلمات ضمنية مثل ماقلتلك وايضا مثل هذي اخرتها بيننا او هل انا استاهل انك تكلم وحدة من غير اصل وتبديها على بنت العالم والناس الي صاينة بيتها وزوجها .. الخ حاولي تكوني قوية بكلامك بدون زي ماقلتلك سب او شتم او تحقير له (( حفاظا على خط الرجعة علشان تعرفو تعيشو حياتكم بدون حواجز واحراجات ونفسيات منكسرة لاحقا )) لكن اهم شيئ : 1) تهديد زميلته فقط مجرد تهديد واياكي تفضحيها عند اهلها او اهلك او ايا يكن لآخر رمق علشان موضوع الفضيحة مشاكله كثيرة جدا انتي فقط استغلي قوة موقفك لاخافتها 2) زوجك ايضا اياكي تفضحيه عند اي احد من اهلك او اقاربه حتى لو رحتي بيت اهلك لاتخبريهم بالمشكلة حاولي تختلقي شيئ اخر امام اخوانك لكن خلي شخصية واحدة فقط بالبيت تعرف مشكلتك حاولي تكون امك لو كانت متفهمة وغير اندفاعية وعاطفية بقراراتها او اختك الكبيرة وانا ذكرتلك ماتغلطي عليه وتشتميه لانه هدفي الاساسي اكيد انه ترجعو لبعض ولا احبذ ابدا ابدا الطلاق ، كل انسان يخطأ ويستحق فرصة اخرى ، ممكن زميلته كانت تلف حوليه بالعمل والانسان بالذات الرجل ممكن يوقع بنزوته وكل انسان معرض لذلك لكن تتفاوت نسبة الانجرار خلف النزوة من انسان لآخر تبعا لعدة عوامل منها الديني والانساني ، لذلك كل هدفك الآن انك تركزي على : 1) تخويف زميلته لدرجة الهلع علشان تسيب زوجك بحاله وبذلك انتي تستري عليها علشان ماينكشف امرها عند زوجها 2) تزعلي من زوجك وتحسسيه انه الدنيا قفلت بوجهه وتحفظي بشطارتك خط الرجعة له ولما تحسيه انه فعلا صدق بنيته ترجعي وتسامحيه على شرط انه خطأ واحد حصل بحياته وراح تسامحيه علشان العشرة وعلشانك بنت عالم وناس لكن اي خطأ اخر مستقبلا راح يكون نهاية هذا المنزل الجميل الي فيه انا وانت وابني ومع الزمن راح تتحسن الامور بينكم ، اكيد نفسيا صعبة عليكي لكن دعي الزمن يصلح العلاقة وان شاء الله اموركم بتتحسن وانتي برضه اعطي لنفسك بداخلك تبرير لزوجك لا يعفيه من خطأ لكن يبرر وقوعه بطريقة غادرة انه انتي ظروفك الصحية ماسمحتلك انه يجامعك وفي شريرة حوله بالعمل هية الي لفت عليه واغوته لذلك هوة شبه وقع في براثنها لانه انتي زي ماذكرتي كانت مصرة انه يجي وتقوله انا لوحدي وغيره ، وطبها لانه الرجل ممكن استغلاله بسهولة بهذي الطريقة لو المرأة الي امامه ماهي محترمة وناوية انها توقعه (( ممكن هذا التبرير تكون نسبته 80% لذلك التمسي له العذر لهذي المرة فقط واعتبريه انه وقع ضحية وحدة كانت ناوية تاخذه منك )) في عندي ملاحظة وانتي حاولي تحكمي فيها الا وهي يوم تفاتحيه الموضوع وتزعلي منه وتقوليله ابغى اروح بيت اهلي ، لو اصر وشد انك تبقي في البيت اجلسي ببيتك يوم يومين زعلانه وماتكلميه وخليه بعيد عنك على اساس انك تبغي تفكري وتقرري مصير البيت لو عندك قدرة تكوني سيدة الموقف ببيتك لمدة يومين او ثلاثة بالكثير حيكون افضل علشان تستري على مشكلتكم وما تتفاقم بسبب انه مثلا ممكن امك تزعل وتقويكي عليه او احد اخوانك يعرف وتيجيه عزة نفس ومايقبل الوضع ، واذا كنتي مخنوقة ولازم تكلمي احد حاولي تكلمي والدتك اذانها متفهمة وغير اندفاعية او اختك اذا لك خوات علشان تنفسي عن غضبك لكن اولا واخرا خلي هدفك انك تسامحيه وتصلحي الي صار علشان يرجع يلتم شمل البيت انا مش خبير بالامور الاسرية وهذا اجتهادي الشخصي فقط وهذي اول مرة بدخل هذا المنتدى وسجلت فقط علشان اجاوبك واحاول اساعدك بمشكلتك ، بتمنالك الخير واذا باقي الاعضاء عندهم فكرة او حل آخر افضب بتمنى يساعدوكي والله يوفقك وتنحل اموركم على خير قريبا ان شاء الله |
مواقع النشر |
![]() |
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|