المشاركة الأصلية كتبت بواسطة بنت الحكمي (المشاركة 2584727)

شوفي إذا زوجك مايحب يروح لرقاه ترى أخوه عندي زوجي نفس الشئ مايرو ح لرقاة أذكر مرة صابته حساسيه بجسمه كامل وأمتحنته تسلخ جلده تسليخ وكل ما أقول له روح إرقي نفسك يقول أنا بخير مافيني شئ هاذا بس البيض يسبب حساسيه ومره يقول السمك يجيب حساسيه رغم إنه طول عمره ياكل بيض و سمك بس كلامه تصريفه ليه وأنا لو أقول راسي يوجعني يقوم بنفسه يقرأ عليه آيات الرقيه ويقول أوديك لشيخ يقرأ عليك بصراحه أتعجب منه بس أنا ما تركته كان عندي زيت زيتون مقري عليه وأجلس حتى في اليل وأجيب صحن وأحط فيه زيت زيتون من المقرؤ عليه وأسخنه شوي وأقول له بسوي لك مساج دافي عاد هو يفرح يموت في المساج وأدلكه من راسه حتى رجوله وأستمريت على كذا حول أسبوع والحمدالله إبتدت تخف وآخر شئ إختفت من جسمه .
وأنتي الحين كل إللي عليك تخلين أي واحده من أخواتك أو صديقاتك إللي تثقي فيهم تجيب لك ماء وزيت زيتون مقري عليه
والماء خليه في جركل كبير وزيدي عليه مويه كل مانقص شويه إخلطي معاه ماء إضافي علشان مايخلص عليك الماء وكل ماطلب ماء أعطيه يشرب منه بدون مايدري وبالنسبه للزيت جيبي قاروره ثانية وكل مانقص زودي عليه من العلبه الثانيه علشان مايخلص وخليك حتى عيالك ينامو ا وأستعدي زين ألبسي أحسن لبس
وإ كشخي زين وسخني لك شوية زيت زيتون من اللي مقري عليه ودقي عليه باب غرفته وأطلبي منه إنك تسوين له مساج دافئ ودلكيه تدليك صح وأستمري على كذا وبتشوفي نتيجه مذهله بإذن الله تعالى وبالنسبه لسالفة نومكم منفصلين عن بعض هاذا شئ غلط إللي تسونه وهاذا هو سبب تبلد وبرود أحاسيس زوجك تجاهك لأنه كل ما أبتعدتوا عن بعضكم كل ماصارت هناك فجوه بينكم وجفاء وبرود لمشاعركم كل واحد تجاه الآخر أنتي بادري قولي له أنا يبو فلان بنام عندك أحس إني خايفه وأنا أنام لحالي معاك أنا أحس بالأمان
جنبك وتلزقي فيه و لامسي جسده بيدينك أحضنيه لاتقولي ما أقدر لا تقدرين ونص أنت زوجته وعايشه معاه كأنك غريبه زوجك إذا إنتي ما دخلتي
لقلبه و حسستيه بمسامحتك له ماراح يرجع لك بسهوله أنتي عليك نصف العلاج الحين زوجك خايف يطلبك للفراش وأنتي ترفضينه علشان إللي سواه وخايف من ردة فعلك تجاهه لو طلب منك العلاقه الخاصه فما فيها شئ إذا أنتي بادرتيه أقل شئ بكلمات تلمحين له مثلا تقولين له بعد هاذي المده كلها ما أشتقت لنا ولا تحركت مشاعرك تجاهنا ترى حنا فقدناك وفقدنا حضنك الدافي الحين أنتي حسسيه إنك راغبه فيه السكوت يا أختي يجيب الموت ماراح يفيد السكوت أنتي كما يظهر لي إنك غير صريحه مع زوجك في الأمور الخاصه وما عندك الجرأه إللي تقدري تصارحينه فيها وإلا تفاهمي معاه قولي له تعال حبيبي خلنا نتفاهم شوف أنت غلطت وأنا سامحتك وأسأل الله أن يغفر لك ذنبك فما فيه داعي لهاذي العزله والإنطوا ئيه أنا في حاجتك عيالك في حاجتك نبغى نرجع مثل أول أسره سعيده ومتماسكه ونحب بعض ونخاف على بعض حنا مالنا غيرك بعد الله عز وجل وأنت تاج رؤسنا وسندنا بعد الله عز وجل خلنا نطلع ونسافر نروح مكه نغير جو في رحاب بيت الله ونصلي هناك وندعي الله أن يوفقنا و تتصافى القلوب ونفتح صفحه جديده ونعيش حياتنا مثل الناس عيالنا في حاجتنا وحاجة
حنانا وعطفنا عليهم مو كل واحد منا يجلس بغرفه لوحده يندب حضه على مافات أنتي يا دلوعه لازم تصيري دلوعه على زوجك بصدق وحقيقه إقرأي كلامي هذا وأمعني فيه جيدا نسأل الله لك التوفيق والسداد .

المشاركة الأصلية كتبت بواسطة ابو جـــــوري (المشاركة 2583442)

الله يهدي سركم يا اخت دلوعه

لي عندك طلب صغير

اهدأي شوي وخل نفسيتك ترتاح وتهداء اعصابك وارجعي اكتبي وش اللي حصل بالظبط وأعصابك هادئه

عمر العصبيه ماتجيب نتيجه

والطلاق ابداً مو حل

الطلاق تشتيت اسره

ضياع اطفال

مأساه بصراحه

سهله كلمة انتي طالق , بس وراها مصائب

وانصحك انك تبتعدي عن زوجك ولا تقربي منه وخليه لحاله

واستغفري واكثري من الاستغفار

وان شاء الله ربنا يسوق زوجك لك ويتعذر منك

الله يصلحه ويصلحك يارب ويصلحنا كلنا

الله يهدي سركم

المشاركة الأصلية كتبت بواسطة زوج الصخرة (المشاركة 2583454)

المعذرة ياصاحبة الموضوع .. كيف تضعين طفلتك بهذا الشكل ؟؟؟!!!
الأطفال مالهم علاقة بالمشاكل هذا أولاً ...

غصب عني والله لازم يتحمل معي مسئولية الاطفال وهذا واجبهواذا نفسيته سيئه انا اسوأ وهو اللي جاب لنا هذا كله


ثانياً .. بعض الردود كتبت عن أشياء لاأدري عنها ، بالنسبة لي أكتفي بالإدلاء برأيي من خلال الموضوع ..
والحقيقة أن المشكلة فعلاً صعبة بس من الطبيعي أن نقول : أن الطلاق أصعب من كل المشاكل ..
فإذا أنا تذمرت من طريقة إقحام الطفلة بينكم بهذه الطريقة رغم أن أساس الموضوع تافه ( فلذة كبدكم تبكي ) فكيف لو صار الطلاق وين تبي تروح البنية المسكينة...!
معقولة ماهمتكم ..!
وبالذات أنتي كـ أم المفترض أول مايطري عليك أطفالك ...

الشي الثالث .. الآن لا أدري إن كنتي في بيت زوجك أو أهلك ..
على كل حال إبقي على ماأنتي عليه إلى أن يعتذر ، وان اعتذر كوني أكرم منه إقبلي عذره مع تجديد الدماء في بيت الزوجية بأن تأخذي منه - بطريقة حلوة - عهد أن يحفظكم وأن لايكرر مد يده بالذات وأن يضعكم على رأسه ومن هالكلام ...
ولكن لاتنسي أن مسؤولية البيت مشتركة ، والأطفال لهم حق التربية والترفيه فليكونوا ثمرة لاضحية .

بالتوفييييييييييييييق ،،،

المشاركة الأصلية كتبت بواسطة تــرف (المشاركة 2583478)

حسبي الله ونعم الوكيل

حبيبتي روحي بيت اهلك واجلسي اسبوع اسبوعين شهر لحد مايعتذر وترتاح نفسيتك ونفسيته وواضح ان حتى نفسيته تعبانه وبعد هالشهر قرري تقدرين تستمرين معاه او لا.
الله يهديه دعواتــــــــي.

المشاركة الأصلية كتبت بواسطة Baraa1123 (المشاركة 2583488)

المشاركة الأصلية كتبت بواسطة نونه الغيورة (المشاركة 2583497)

حبيبتي :

أشعر بمعاناتك بالرغم من أنني لاأعرف سوى القليل من مشكلتك

لكن الذي أعرفه أن لنفسك عليك حقآ أنتي محتاجه فترة نقاهه

أذهبي لأهلك وأرتاحي إلا أن يأتي إليك ويعتذر

ونصيحتي أشركي أمك أو أختك بهمك لاتدعي

كل هذا الحمل على قلبك الأنسان يحتاج لمن

يفضفض له ويشعر بمعاناته...

لاتنسي الدعاء بكل سجده تسجديها لخالقك

وأكثري من الأستغفار ....

الطلاق ليس حلآ عندما تطلبيه وبين ذراعيك أطفال...

فرج الله همك وهمنا ....