|
رد : الى هنا انتهينا
لازم تتخلصي من مشاعر الغضب موهبه
سؤالي ولا تزعلي مني تبغي ترجعي له لو فتح موضوع الرجعه بترجعين |
رد : الى هنا انتهينا
عادي جدا موهبة
فترة وتعدي |
رد : الى هنا انتهينا
مبتعثة لا والف لا ماراح ارجع له
الحمدلله انا وايد احسن الحين بوضعي بس هاليومين مشاعر الغضب مشتعلة فيني ما اقول الا حسبي الله ونعم الوكيل هذي كلمتي وانا قايمة وانا قاعدة وانا نايمة وبكل حزة |
رد : الى هنا انتهينا
خلاص وكلي امرك لربك
ان كنتي نظلومه تاكدي لك رب ما يظلم ركزي بهالبنوته العسل ووظيفتك وونسي عمرك تقربي من ربك وانسغلي بتحفيظ والخير قدامك تجنبي الاحتكاك بطليقك او اي مشاعر سلبيه قلبي معك |
رد : الى هنا انتهينا
انسيه مايستاهل منك اي تفكير او اهتمام ..متاكده هو عايش بالطول والعرض ونسى مافيه خير لام عياله الاوليه ولا لك هذا بلاه نفسه الله يعينه عليها حتى لو ياخذ الثالثه بيصير لها نفس ماصار لكم
|
رد : الى هنا انتهينا
عدت من جديد
مجرد فضفضة هالايام احس ببرود فظيع بمشاعري لا مبالاة لكل شي وبكل شي بدأ الكورس الثاني وانا في سبات عاطفي عميق بس ودي انام وما اصحى الفرج يا رب قبل فترة دزلي مسجات وايد ان انا وايد افكر في بنتنا وان ما آكل ولا انام من التفكير فيها وان ارجو ان تصونني مثل ما صنتج - ما ادري عن اي صيانة يتكلم- كلام وايد وايد وايد طبعا ما رديت ابدا اعرفه هو اذا ابتعد يصير خوش ادمي اما اذا اقترب يقلب ابليس اللعين |
رد : الى هنا انتهينا
استخيري موهبة في كل خطوة
الرجال صعب انه يتغيروا شوفي ظروفك و قيسي ايش الافضل لك ! |
رد : الى هنا انتهينا
خليك على صمتك واستخارتك
لين يقولها بنفسه " ابيك يا موهبه ترجعيلي " غير كذا اذن من طين واذن من عجين بكره يقولك ما قلتلك نرجع كنت افضفضلك عن بنتنا😴 واذا قالها صريحه وحسيتي بعد الاستخاره انك تبغين ترجعين ساعتها عطيه وجه وردي وقولي "كلامك مع ابوي" <<بس ولا تزيدين كلمه خليه يعرف ان رجوعك لحياته فيه عقبات ومرمطه مو بسهولة كلمة طالق وبعد ما يجي عند ابوك كلام ثاني وشروووووطك من الى ما املي عليك اش تقولين واش تسوين يا موهبه لكن حطيت نفسي مكانك لقيت اني بتصرف زي كذا |
رد : الى هنا انتهينا
تذكرت شي << قمت اضيع افكاري يوم قربت تخلص اجازتي ونرجع للكرف
يمكن ما يبغا رجعه ولا شي بس يبغا يشوف هل ما زلتي موهبه اللي على طول بتعطيه وجه وتسولف معه ولا منجد خسرك😭 ف خليك ذكيه والزمي الاستخااااره يا رب نسمع اخبار حلوه عنك ان شاء الله.. |
رد : الى هنا انتهينا
ان مع رايي فاطمة في كل الي قالته
|
رد : الى هنا انتهينا
عمري انتي خيرة لك ربي كاتبلكم جذي
|
رد : الى هنا انتهينا
كﻻمك عين العقل ي فاطمة بس ي موهبة ترا الرجال ماراح يتغير هذا هو وهذي شخصبتة اللي تكونت معه من صغره تبين تغيرينه الله يكون بعونك واﻻ روحي من طريق وهو من طريق
|
رد : الى هنا انتهينا
فاطمة حبيبتي مشكورة على مشاركتج
بس هو مستانس من هالوضع الحين وعاجبه وبالنسبة له افتك من المشاكل وعوار الراس لاني بالنسبة له مصدر لكل المشاكل وما اعتقد ولا اطن حتى ربع بالمية ان بيرجع الحين بالدوام وياينا وفد من امريكا الدنيا مختبة وانا ابرد من الثلج صايرة كل شي عادي |
رد : الى هنا انتهينا
موهبة حنيتي ؟
|
رد : الى هنا انتهينا
بالعكس انا مرتاحة
بس اول مرة اتييلي هالحالة شرود وسرحان وبرود حتى اليوم ما جهزت ولاشي حق الوفد |
رد : الى هنا انتهينا
حالة اكتءاب عابرة .كلنا نمر بها . لاتستسلمي لها .
ابعديها بالدكر و الاستغفار. سيعوضك الله بمن يستحقك قلبك الطيب. احضني صغيرتك كلما شعرتي بالضيق و اشبعيها بالقبلات . |
رد : الى هنا انتهينا
اقتباس:
مرحباً بالعزيزة موهبة ، راجياً من الله أن تكوني بخير . سأتكلم معكِ لكن دون غضب إذا أردتي خذي بنصحي أو تجاهلي ردي .. أتذكرين نصيحة الأستاذ البليغ عندما نصحك وغضبتِ منه وكذلك الأستاذ رجل طيب جداً .. أُريدك أن تعلمي الإنسان من الصعب أن يتغير ، أنت كل مشاكلك معه لم تكوني متقبلة لما يفعله وأنا على يقين ولو وصلت لمرحلة التقبل ستتغاضي عن الكثير من الأخطاء .. وهكذا طليقك ، أنت تعبت من محاولة تغيير أسلوبه وووو حتى انفجرت وكان الطلاق هو النهاية .. قالوا لكِ أستخيري وعلى ماأظن قلت على ماذا استخير .. دوامي عالإستخارة فلن تخسري شيء وماسيكتبه الله لك هو كل الخير .. وإذا فتح طريق العودة لاتتسرعي وحينها يكون أمر أخر والمقارنة بين إيجابيته وسلبياته .. يسر الله أمرك .. |
رد : الى هنا انتهينا
الله يصلح مابينكم ويجمع شملكم إنه على كل شيء قدير
|
رد : الى هنا انتهينا
هل تقصدين يا سقيا ان استخير الان؟؟
طيب ممكن توضحين لي على ماذا استخير انا فعلا ماني عارفة على شنو استخير |
رد : الى هنا انتهينا
اقتباس:
مرحباً مرة أخرى بالعزيزة ، زوجك عندما رسل إليك في أخر مرة هو يريدك ، لكن يريد يرى ردة فعلكِ والحمد لله بأنك صامتة ودوماً كوني هكذا .. ولو فتح معك الحوار لاتتسرعي وحينها أستخيري .. أما الآن ادعي بكل مابداخلك يا موهبة فالله هو يعلم مابه وأن يربط على قلبك .. زوجك لو كان لايريد الرجعة كما تفضلت لقطع كل سبل التواصل معك ولم يهمه شيء أخر .. استغلي هذه الفترة بالدعاء في كل أوقات الإجابة ، واقرئي سورة يوسف فهي سلوى لكل محزون ، وأكثري من الإستغفار ولن يُخيبك الله ولن يُضيع ما فعلتيه بل سيكون لكِ المثوبة في الدنيا والأخرة .. لكِ الدعوات تترا .. |
رد : الى هنا انتهينا
موهبه الاستخارة بان ربي يختار لك الخير حتى لو ماتبغي ترجعي صدقيني تعطيك شعور بالراحة انه ربي الي قاعد يختار لي القرار عنده اولا وأخيرا
|
رد : الى هنا انتهينا
اوكي استخرت
وباجر باستخير بعد ان شاء الله |
رد : الى هنا انتهينا
اقتباس:
لكن للحق ولا اتكلم الا بما انا مقتنعه به كللللل القناعه.. انا اايد سقيا بما قالت بانه مازال يريدك ولو كان لا يريدك والله ما يكلف نفسه يرسلك دامك مصدر المشاكل عنده على قولك<<وصدقيني في قرارة نفسه عارف من مصدر المشاكل ليش يراسل مصدر المشاكل ..؟ خلاص هم وانزاح ويروح يعيش حياته لكنه بختصار " يريدك ".. هذا ما اقراه من بين السطور.. والله يختارلك الخيرة الصااااالحه عاجلا غير اجلا.. |
رد : الى هنا انتهينا
لا فاطمة بليز
اللي شاري يبين واللي بايع يبين واللي باعني برخيص ابيعه بتراب من الساعة 7 الصبح وانا بره البيت وقبل ساعة وصلت بنتي شفتها وهي نايمة حتى بنتي صاير ماكو احساس تجاهها حبيبتي |
رد : الى هنا انتهينا
الله يخليها لك
بوسيها لي😙 شبعيها منك يا موهبه احضنيها حتى وهي نايمه ترى تحس فيك وسمعت مره اظنه الدكتور ميسره طاهر يقول اذا صار ابنك نايم او بنتك قرب من اذنه وقله بهمس طبعا اي كلام تبغين توصلينه له احبك انت حبيبتي انتي عمري ووووو تاثر بعقلها الباطن او شي زي كذا نسيت بالضبط😄 |
رد : الى هنا انتهينا
موهبة لا تقنعين نفسج بأوهام
أنا مؤيدة لج بطريقة تفكيرج البايع يبين والشاري يبين وعلى شو الوحدة تصرع نفسها بالتفكير ! هو الواحد غاوي شقى وخلاص !! لما يرجع ويصرح أنا أبيج وقتها لكل حادث حديث ومابي أصرح بردة فعلج لأني أعرف شو ردة فعلج وقتها خله يراسل وأنت خلج على موقفج الله يفرج همج |
رد : الى هنا انتهينا
طبعا انا ما قلت ولا اقول ردي عليه
بل لاخر رد وانا اقولك طننننننشيه وما زلت وقلت اذا صرح ساعتها ردي بكلمة ورد غطاها .. ما يحتاج اعيد ردي😆 لكن افسر مراسلته انو لساتو " بدوياك "😙<<وجهة نظري ليس معناه ردي عليه😈 |
رد : الى هنا انتهينا
فاهمة عليج فاطمة حبيبتي
فاكهة حبيبتي اصلا ماراح تكون لي اي ردة فعل او ممكن تقول ببلوك فقط شنو تتوقعين فاكهة ردة فعلي شوقتيني اشوف نفسي فيكم😊 |
رد : الى هنا انتهينا
بصراحة موهبة
لو رجع وقال أبيها... أنا شبه جازمة إنج راح تعطينه فرصة مرة ثانية ولكن بشروط أقوى وأوضح أنت إنسانة طيبة وعاقلة ما شاء الله عليج بس بعد نفسج ماتهون عليج الله يوفقج حبيبتي |
رد : الى هنا انتهينا
عندي توضيح موهبة
أدري أن أنت والبنات مب قصدكم تردين عليه ولكن أنا حتى مابيج توهمين نفسج ان حركاته المقصد منها يبي يرجعج ! ممكن تكون رسائل مقصدها المكتوب فيها بس (بنته) لانه بطبيعته حنون على كل بناته وممكن مثل ما قالوا البنات يجس نبض مع اني أتوقع انه يعرف طبعج زين ويعرف يرضيج بطريقته وممكن لا سمح الله لو بنسئ الظن بنقول نيته سيئة فاللي أبي أوصله بالنهاية كلها ظنون لاتسمن ولا تغني من جوع فالأفضل الانسان يكون واقعي واحنا الحريم من شفنا اشارة ولا عطف من الرجل قلنا أكيد يبيني وشاريني طيبة قلب زايدة وهبل !! والرجال غير جذي تماما خطواتهم بعقل يحسبون مصالحهم والمنفعة في الامر اللي هم مقدمين عليه انا طبيعتي جيه مع الرجل مادام مافي شي ملموس وصريح يبقى مايدور في الاذهان ظن و وهم الى أن يثبت هو العكس والله يكتب لج كل خير |
رد : الى هنا انتهينا
اقتباس:
الحب افعال مش مجرد كلامfg استغرب بعض القصص هنا تشتكي الويل والثبور وعظاءم الامور من زوجها لعشرين صفحه وفي الصفحة ال21 نتفاجا انها تقول.. ارسلي يعتذر شكرا لكم يلا قشيت قشي وانا عنده الحين:eek: طيب عطينا فرصه بس نمسح دموعنا! لكن موهبه بتوازن امورها هذي المره ودربها خضر ان شاء اللهdff |
رد : الى هنا انتهينا
موهبه انتي قطعتي شوط لا بأس به في الثبات
ما ابيش تتخبطين لمجرد رسايل غير واضحه المغزى اذا يبيش كان وضح من غير تساؤلات وحركات لفت نظر يبي يعرف قيمته !! تذكرين كيف كان يرسل لزوجته وهي ما تبيه ممكن حب يجرب نفس الحركات وياش ويشوف تصرفش ، شكله يحب الثقل والتمنع انتي لا تعلقين قلبش بأي أمل معاه عليش فقط التقرب لله والاستخاره الله يوفقش لم فيه الخير |
رد : الى هنا انتهينا
صبحكم الله بالخير
عارفة حبيبتي فاكهة انها كلها ظنون وظنون سيئة ما تفرحني عموماً لكل حادث حديث والله يكتب كل خير للجميع |
رد : الى هنا انتهينا
كوكي اساسا احس ما عاد لي قلب عشان اعلقه باحد هههههههههههه
بس هو فعلاً يحب يعيش جو المراهقة وان يركض ورا المرة مبدئيا ردة فعلي الصمت فقط اعتقد ومن خلال خبرتي معاه لو بيرجع بيرسل رسالة وبيقول ابيج بموضوع ضروري جداً لازم تردين علي وقتها راح اقوله كلامك مع ابوي وبلوك |
رد : الى هنا انتهينا
اقتباس:
|
رد : الى هنا انتهينا
اقتباس:
الله عليك يا فاطمه، الله لا يحرمك روحك الحلوة |
رد : الى هنا انتهينا
^
يحلي ايامك يا قمرgggh دووووم الضحكه مو يووووووومlk |
رد : الى هنا انتهينا
خليك معاه على جمودك وبرودك وتطنيشك..لحد مايتخذ خطوه حازمه انه يجيك برجله للبيت ويقول ارجعي ..والا خليه بس يطاطي ماعنده الا الضعوي
|
رد : الى هنا انتهينا
موهبة الكويت احتاج الى رائك بموضوعي في نفس القسم
|
رد : الى هنا انتهينا
منتصف شهر فبراير ستكون نهاية العدة باذن الله تعالى
|
| الساعة الآن 07:22 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©