السلام عليكم

بادخل بالموضوع على طول


يوم السبت الماضي مرضت بنت زوجي وكلن المفروض ينام عندي وقالي بنتي وايد تعبانة ماراح اقدر اييج

قلت له اوكي والله يشافيها بس ظل بقلبي شي لي متى اصبر عشان بناته وامهم نايمة بالعسل في بيت اهلها ليش اتحمل انا بس ؟؟؟ بس طبعا ما كلمته ولا كلمة ونمت وقلبي محروق

خصوصا ان مرة فتحنا اني صبرت عليه سنة ونص ما ينام عندي بليلتي قالي لانج اضحوكة ومغفلة

من بعدها وقلبي كارهه جدا

المهم لما قعدت الصبح كنت نافرة منه يس كله بيني وبين نفسي،، واتصل فيني الصراحة ما رديت قلت مابي تطلع مني كلمة تضايقه وظل يتصل ويتصل بعد ما هديت شوي رديت عليه الا الاخ شاب نار ومعصب

انتي وينج وليش ما تردين وانا عيزت وانا ادق ،، طبعا انا احاول اني اهدي الوضع واذكر الله بس ماكو فايدة اخر شي قالي الله لا يوفقج!!!! وسكر التلفون


انا ما رديت عليه ابدا وبعد ما هديت دزيت له رسالة بينت فيها سبب عدم ردي وان ليش يدعي علي

بعد مدة دق علي اهني انا انفجرت ليش تدعي علي وانا شنو سويتلك وهذا جزا صبري تسميني اضحوكة


وكلام وايد


وسكرت التلفون،،، بعد نص ساعة ارسل لي رسالة انتي مينونة ومعقدة وكلام يسم البدن

ودزلي رسالة احنا ما نقدر نكمل مع بعض ولازم ننفصل - دايما يقول هالكلام وقت الهواش-

انا سكت عنه وقالي عطيني 3 ايام افكر عدل وعطيته 3 ايام

واليوم ارسلي


(( صليت استخارة والله يعوضج خير وانا طلقت))


فعلا احس نفسي وايد ظلمت نفسي معاه،،،

اللهم ربي لك الحمد الذي لا يحمد على مكروه سواه

__________________
لا اله الا انت سبحانك اني كنت من الظالمين

لاحول ولاقوه الا بالله

لاحول ولا قوة الا بالله

الخيرة فيما اختاره الله سبحانه وتعالى

الله يجيرك في مصيبتك ويعوضك خيراً منها

عليكي بقراءة القرآن

وفوضي امرك الى الله سبحانه وتعالى

ولي رجعه ان شاء الله

لا اله الا الله
ما قدرت اقرا الموضوع ركضت على نهاية الموضوع بشوف
وعيوني على الاسم

لاااااا

ربي يعوضك حبيبتي ربي يعوضك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

روحي صلي واستخيري
لا تكلميه تلقينه متنرفز
هدي اعصابك والله يكتب الي فيه خيره

يابعد عمري موهبة

قدر الله وماشاء فعل

الخيرة فيما اختاره الله عزوجل

الله يعوضك خيييير .

__________________
lk

أعوذ بالله من الشيطان!!!!!



أبداً ما تستاهلين يا موهبة!!

__________________


اللهم طِيبَ الأثر .. وحُسْنَ الرحيل.

حياتي معاه اشبه بالموت البطيء

كنت انفخ في قربة مقظوظة ... كل صبري ومحاولاتي ما يبوا اي نتيجة

هو ما يبيله وحدة حافظة بيته وصانته ... يبيله وحدة دايسة على راسه عشان يصير زين معاها

وانت الصراحة ما اقدر استاثم والبس ثوب مو ثوبي واصير نذله وحقيرة عشان يحبني والا عشان يمشي الحياة معاي


الحمدلله وايد مرتاحة وقلبي مطمن

الله يقدرني على تربية بنتي التربية اللي ترضي الله

__________________
لا اله الا انت سبحانك اني كنت من الظالمين

اختي مبتعثة صليت 3 مرات استخارة

ومرة منهم كانت عن الخلع مو طلاق


الحمدلله على كل حال

__________________
لا اله الا انت سبحانك اني كنت من الظالمين

الله يعوضك حبيبتي
خيرة لج و لبنتك و صحتك
دام هو على كل صغيرة و كبيرة يهدد بالطلاق
خلاص .... راحتك اولى

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~