منتدى عالم الأسرة والمجتمع

منتدى عالم الأسرة والمجتمع (http://www.66n.com/forums/index.php)
-   المتزوجين (http://www.66n.com/forums/forumdisplay.php?f=6)
-   -   صدمتي سودت الدنيا بوجهي (http://www.66n.com/forums/showthread.php?t=119022)

غدير الابرار 28-02-2007 02:30 PM

اقتباس:

المشاركة الأصلية كتبت بواسطة زوج في المستقبل
أول شي أعرفي (أن الله إذا أحب عبد ابتلاه)

وترا هذا حال الدنيا (لقد خلقنا الإنسان في كبد)


وإذا شفتي مصايب غيركي تهون عليكي مصيبتكي


يا شيخة شوفي المواضيع اللي بهالمنتدى (يا حليل مصيبتكي عند مصيبتهم)


وترا الإنسان لازم يمشي الامور لا يدقر عندك كل شي


نرجع لموضوعكي :


أنا بصراحة ما أنتبهت لبداية الموضوع وبعد ما قريته قلت أكيد هذي الحرمة عمرها بالثلاثينات

ويوم دققت لقيت أن عمركي 19 سنة <<<<<<ما شاء الله على هالعقل الكبير وعلى هالحكمة والتدبير


وتلومين الناس إذا جو يخطبونكي (الله يلوم اللي يلومهم) أكيد يخطبونكي إذا أنتي بهالرزانة والحكمة


إنتي تصرفكي تجاه المشكلة وتجاه زوجكي إلى الآن ممتاز بل 100% لكن ينقصكي بعض الشيء


أول شي تجاه زوجكي

حنا متفقين إن زوجك أخطأ بل خطا كبير.. لكن بصراحة جيبي لي واحد خالي من العيوب (الناس مليانة عيوب)

وترا كلن يخطي لكن ترا مهو كل الناس يعتذر

زوجكي أخطا واعتذر وحس بغلطه وجا إلى عندك ويبيكي تسامحينه وأكيد إن ضميره يأنبه من داخل

ترا كثير من الأزواج يسوون اللي سواه زوجكي وأكثر بعد لكن ما يعتذرون بل ويستمرون على ما هم عليه وزوجاتهم يحترقون من داخل

والآن إذا عرفتي صدق زوجكي وتأكدتي إنه تايب وندمان سامحيه بعد ما تقررينه بغلطته

وغير كذا لازم تحسسينه إن الثقة ما زالت باقية (حتى لو تبينين له ظاهراً) علشان ما يحس إنكي فقدتي الثقة فيه .....لأنه إذا حس بهالإحساس راح يسوي في المستقبل أي شي لأنه ما يشعر أنه محل الثقة

فإذا أكدتي له إن الثقة ما زالت فأكيد زوجكي راح يحسب حساب أي خطوة يعملها

غير كذا ترا الشغالات وقحات وجريئات وتراهن جايات من بيئة وصخة

فإيش تتوقعين منهم ؟؟ والله ما يجي منهم إلا الشين



وتوقعي يا أختي إن هالمشكلة يمكن تزيد من تقاربكم في المستقبل ويمكن تخلي زوجكي حريص عليكي أكثر


زي ما قلت لكي أنتي امام مشكلة ....فحاولي إنكي تسيطرين على هالمشكلة ولا تخلين المشكلة تصيطر عليكي



ولا تنسين إنكي ما تزوجتي (نبي)

إنتي تزوجتي (بشر) قد يخطئ ........وهذا هو جاكي يطلب السماحة




وأهم شي إنكي ما تشيلين هم ........ترا الدنيا ما تسوى


ماشاء الله عليك اخوي على هذا الكلام . وماشاءالله عليكي اختي على تصرفك ......موقف لن ينساه زوجك :22: :22:

Crestalla 28-02-2007 02:33 PM

انا اتذكر قصتك وماكنت مقتنعه انه زوجك ممكن تكون له علاقه مع الخادمه.

ماعندي شي اقوله لك الا انه الله يرد زوجك لحضنك ردا جميلا ويعمي بصيرته عن اي انثى غيرك في هالدنيا.. مشيها المره هذي لكن فتحي عينك 10-10 بعد كذا وابدا لا تحسني النيه في زوجك لانه المؤمن لا يلدغ مرتين.

الله يوفقك ويسعدك.

شهلاء24 28-02-2007 02:33 PM

ما أدري وش أقولك
أمر أبكاني بحق وأحزن قلبي
ما أتخيل كذا ابدا أتعجب منك أنك ما زلت تحبينه شيءطيب
علشان ولدك دوسي على قلبك وما دام اعتذر والاهم ان يتوب لربه قبل كل شيء ويعاهد الله أن لايعود لما فعل حتى تثقي به


أنا يمكن لو مر بي نفس الموقف يمكن أسوي مثلك لكن لو بقيت بقيت بقاء مشروطا يعني راح أحسسه لو صدر منه شيء يخص شرفه لن أبقى معه مطلقا
ولا تقولوا لا لانه لو فعلا يحبها ماراح يكرر غلطته أبدا بالعكس بيتودد لك أكثر من اول ويحرص على رضاك وإذا الامر عنده سيان فهذه مصيبة أعظم.


إلجائي إلى ربك ادعي أن الله يفرج همك ويزيل غمك
ياالله كم هو جرح مؤلم وكم انت امرأة صبورة.........

Sun_of_me 28-02-2007 02:39 PM

هدي نفسك و أعصابك

اللي عملتيه عين العقل و الصواب ،،، انت علمتيه إن الموضوع مش سهل و كمان حافظتي على بيتك و ابنك

حاولي تشغلي بالك و تفكيرك و حياتك اليومين دول بأي شئ ،، روحي أنشطة خيرية ،، اشغلي وقتك بأي شئ مفيد لأن هو ده اللي هيخفف من حدة تفكيرك و يخليكي مش تفكري في الموضوع ليل نهار

أما عن الشغالة ،، الله يرحمنا برحمته من مشاكلهم و مصايبهم و الحمد لله إنها راحت بلدها و سلمكم الله من شرها ،، مش في حد كان يعرف ممكن كانت تعمل إيه أكتر من كده ، الحمد لله رب العالمين

كمان كلام الأخ زوج المستقبل لا غبار عليه

استغفري و تقربي من الله ... برد الله لك قلبك و رد لك زوجك رداً جميلاً

رمول 28-02-2007 03:01 PM

عزيزتي
خير ما سويتي وحاولي تنسين اللي صار هو صح في بداية يكون صعب ان تنسين الموقف اللي حصل بين زوجك وبين الخدامه بس مع الايام كل شئ راح يكون احسن ان شاء الله
وصدقيني زوجك ابدا ما راح ينسى موقفج معاه ومسامحتج له وانت جذي بينتي له انج تحبينه وايد ومستحيل يجرحج مرة ثانية
عزيزتي حاولي ما تحضرين خادمة اخري لج
ربي يبعد عنج الهم والغم ويفرج عنج عاجلا وغير اجلا
وان شاء الله تعيشين مع زوجك وابنك في سعادة دايما

سردينه 01-03-2007 10:31 AM

afa-غزالة الورفي-وسام الحب - زوج في المستقبل-زوجه مخلصه -غدير الابرار-crestala-هلاء 24-sun-of-me-رمول
ورب العباد اني حسيتكم اخواني اللي يخافون علي ويحموني
اشكركم على كلامكم اللي ربما ريحني شوي من الجهنم اللي عايشه فيها
فديتكم وربي لايوريكم خيانه ولايوريها انشالله لكل زوجه مخلصه ووفيه
لان وقع الخيانه على اللي تحب وتوفي وتتعب وتسهر اشد واوقع من اللي مستهتره بزوجها

تصدقون اني صرت اروح دكتوره نفسيه عشان افضفضلها لاني رجعت لطبيعتي معاه ومابغا ضيق صدره
تصدقون بعد كل اللي سواه ميهون علي اضيق صدره زياده
يغلط وانا اللي مابغى اضيق صدره
ااااااااااااااااه شكثر اكره طيبتي
ااااه وشكثر اكره حبي له
حبي له الزايد عن حده هو اللي عدم نفسيتي
اروح لدكتوره واحكيلها وابكي وتدرون وش قالت
انتي شكلك عطيتي كثير وندمتي
وقالت تدرين يافلانه في مثل يقول ( لاتعطي كثيرا حتى لاتندم كثيرا)
صحيح صحيح
انا موقصدي العطاء الحسي او المادي
انا قصدي العطاء العاطفي
يعني حبي بس بالمعقول وتكلمي كلام حب بالمعقول وتزيني بالمعقول واهتمي بالمعقول
بس لاتنجرفي بعاطفتك لحد الهيام والغرام الا اذا خلااااااااص تاكدتي من وفاءه
والله ياخوان اني ناويه اني اخلي كل شي طبيعي
وحياتي بعيشها عادي
بس كاسر ه خاطري نفسي ونظرتي الجديده للرجال والحب
بتقولون لي مو شرط كل الناس زي زوجي انا عارفه
بس خلاص مالي الاهو
وصعبان علي اني بهالعمر حصللي هالشي
لو صارلي هالشي وانا باخر العشرينات والا الثلاثينات كان اهون
عالاقل بتكون موجة الحب اهد
بس جتني الصدمه بهالعمر وانا بريعان شبابي وبكامل انوثتي ودلعي وجمالي
اجل بعدين وش بيسوي
كنت احلم برجل يحبني لاخر نفس اتنفسه لحد ماموت
والشيخ ماصبر ثلاث سنين
البنات اللي حولي وبعمري واكبر مني بخمس ست سنين لساتهم عزاب ولاهم ولاعيال واغلبهم مغازل بل كللللهم
عايشين حياتهم
وانا ولدي على كتفي وزوجي رايح يدور عالسرلنكيه
ياااااااالللله ياااارب فرج همي
طب لييييييييش ليش ليش هذا انا قدامك متزينه متجمله كل يوم شكل كل يوم لبس وكل يوم عطر مابغى الا رضاك لييييش ليش تجرحني ليش تكسر قلبي وتدوس على انوثتي وحتى حبي له صرت احسه غلطه غباء جنون
طول هالشهر وانا احلم بالليل انه يجي ويدوس علي ويتفل بوجهي وهي تتفرج وتضحك
وصرت اقوم متضاااايقه
حتى لو ابغا انسا هي تلاحقني
ارجوك ياخوان ابغا ادعيه تزيل الهم والكرب وادعيه ترجعني لزوجي جسم وروح مو جسم بس
ابغا ادعيه تحبب الزوج في الزوجه
انا قد قريت بس مادري وين عن ادعيه كويسه فهالموضوع
وادعولي انتم بعد عساالله لايخليني منكم ياحلى منتدى

سردينه 01-03-2007 10:37 AM

كل الغلا شكرا جزيلا عالرابط لانه رح يتيح للي مافهم القصه يفهم
amar84
anwar2004
zina-alisalem
اشكركم اخواني الله يجزاكم خير
معليش مكتبتكم في الرد الاول

عشقي للجنة 01-03-2007 11:16 AM

اختي العزيزه الي عملتيه الصح قلبك ابيض لا تبدلين هالشي في نفسك

صحيح انه قهر وانا حسيت بمشكلتك خاصتا اني قريتها قبل وللحين اذكرها

صحيح سالفت الشغاله ما جات في بالي وبعدتها بس الي سويتيه صح والمسامح كريم

واجرك ما بيضيع زوجك بيحس بالغلط وهو يحبك لانه جاء واعتذر لك وطلب السماح

عطيه فرصه واثنين وثلاله لا تهدمي بيتك وانت لك ولد الله يحفظه لكم يا رب

الله يهدي الجميع وإن شاء الله ترجع المياه لمجاريها ومثل ما قلت

"المسامح كريم "

الله يحفظك اختي

ظلم الناس

عشقي للجنة 01-03-2007 11:16 AM

---------------------------------------------------------

Crestalla 01-03-2007 05:24 PM

اختي سردينه،،

جدا موضوعك مضايقني وانا مو متضايقه عشان اللي صارلك لانه اللي صار صار لكني متضايقه عشان زعلك ..احس انه نفسك عافت الحب ،، يا اختي اعتبريها نزوى اعتبريها غلطه ارتكبها زوجك في لحظة الشيطان زينها له ..

ابغى اقولك شي زوجك الان رجعلك وفي حضنك خلاص وهي راحت لبلادها وان شاء الله انتهى الموضوع لحد هنا ،، ابغاكي تنظري للموضوع بناحيه ايجابيه الان زوجك حاطط جميلك فوق راسه لانك سامحتيه وبيني وبينك اشوى انه زوجك جاك وطلب رضاك واعتذرلك فيه رجال يغلط ويكابر وينتقم من زوجته اكثر واكثر اذا درت بغلطته .

هذا ابو طفلك اللي هو قطعه من جسمك رب العباد يسامح عبيده على اغلاطهم وذنوبها مهما كانت كبيره واحنا العبيد ما نسامح بعض؟!!

اعرف انه الجرح اذا جاه من شخص تحبيه وتغليه اصعب الف مرررررره من جرح يجي من ناس مالهم قدر كبير بقلبك بس انا اقولك خلي هذا الحب والغلى اللي حبيتيه اياه يكون شفيع بينكم خليه يشفعله لعل وعسى تعود الامور الى مجراها..

سامحيه سامحيه ارجوك سامحيه وانتبهي عليه اعتبري انه عندك طفلين مش طفل واحد فتحي عينك عليه عشان لا يتكرر اللي حصل..

الله يوفقكم ويسعدكم..


الساعة الآن 09:28 PM.

Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©