السلام عليكم ورحمة الله وبركاته
انا بدخل بالموضوع لاني تعبااااااااااااانه وضايق صدري
ومالي الا الله ثم انتم
انا امي مريضه وابوي بعد وحالتهم النفسيه سيئه بسبب فشل زواج اخوي
ومابغى احملهم اكثر مما هم عليه
عشان كذا انا ماكنت ابغى اروح لهلي ولا قلتلهم شسالفه
بس بذمتكم
تجاوبوني
انا عمري 19 سنه متزوجه من ثلاث سنوات ونص تزوجت من رجل طوال الثلاث سنين كان كلامه وتصرفاته تقول انه يحبني
وكان يموت واجيبله ولد وجبته والحمد لله
وصارت مشكله مع خادمه وشرحتها فالمنتدى بس ماعرف شلون احط رابط والكل قالولي انتي عقلك صغير لاتشكين فزوجك انتبهي لاتخربين بيتك وقلت الم الموضوع احسن
المهم قلت القصه كلها في المنتدى انو في شك والخ
( مشكلة صارت بسبب كلام واشاعات في البيت من اخوات زوجي وسلفتي ان في علاقه بينه وبينها)
وكان مجرد اشاعات
ولما رحت اواجهه ( طبعا اظطريت لانها سافرت ومابغيت ادخل احد بالموضوع)
وبكل هدوء قلتله الموضوع المهم من اعصبيه قعد يصايح علي وانتي وانتي وشكاكه وراح يقول لخوه شكلي بطلقها
وحسسني انه مضلوم
عديتها واحتسبت ربي
وبعد شهر كامل وانا امثل عليه اني طبيعيه وكان يوم جمعه اخر ساعه بالنهار والله اني ادعي ربي يااااااااااااااااااااااارب انك تكشفلي الحقيقه مهما كانت مره ( ووالله انها مرررررررره)
لاني تعبت من الشك وصرت عايشه بعذاب
اليوم الثاني اتصلت الشغاله من بلدها وكلمت البنت الصغيره وقمت سحبت البنت الصغيره اخت زوجي ودخلتها غرفتي وقلتلها تقولها تدق بعد شوي
وقلتلها اذا دقت بصير اقولك باذنك وش تقولين خلاص
قالت طيب ودقت بنت الكلب
وقامت تقوللها وش صار مع فلان وفلانه
قصدها انا وزوجي قلتلها قوليلها صارت مصيييييييييييييييييبه وقولي هي فبيت اهلها وطالبه الطلاق لانها عرفت
قالت يعني لسا ماطلقها
قالتلها لا
قالتلها احسن لو يطلقها
قلتلها تقولها ليش انتي ليش تكرهينه
قالت هو جاني وكان يبغى يغتصبني
ودايم يكلمني ويبوسني ويحضني
قمت سحبت التليفون وكنت منفعله وقلتلها ياحقيره ياحقيره يبغى يبوسك ويلمك شوفي نفسك اول بالمرايه ........ وكلك شعر وبواسير وسيلان ( فعلا هي فيها هالامراض)
انصدمت وسكرت
ورجعت تدق تسمعني اغاني
وبعد شوي دقت وسمعتني تسجيل بصوته وياليتني مت قبل لااسمعه
سمعتها تقول زوجتك وينها قالها عند اهلها قالتلها وانت قال بروح للشباب بس اذا بتزلين بديور
والله ياخوان اني قاعده اصيح وانا اكتب لاني احس انه يرن فاذني للان
دقيت على اخوي وقلتله يكلمه ويقولله اني باخذها لهلي ورفض اخوي ياخذني لان حالة اهلي النفسيه صعبه وقالي بكلمه
هو تفشل من اخوي لما كلمه
ومعاد كلمني لان متفشل ورحت اكلمه وقلتله انت طعنتني بسكين وعمري مارح اقدر اسحب هالسكين من ظهري لانه انغرز وبيرافقني للقبر انت دست على كرامتي وكبريائي ولوثت الصوره اللي انا راسمتها لك فبالي الرجل المحترم الثقل الوفي والمهم اعتذر وحاول يراضيني واعترف بس قال انها جرجرته وكانت ترسله مسجات جنسية وكلام قذر
والى الان وهو يحاول يراضيني وهو مستغرب مني لاني اخذت الموضوع بعقل ولاسويت فضيحه لان عند ولد ولا ابغى احد يدري لاني احبه ومارضى اي احد يحتقره
والحين هو ممتن لي لاني رجعت الامور لطبيعتها وشرالي جوال وخاتم زمرد
بس والله لو يعطيني كنوز الدنيا ماتعوضني عن كسرة القلب اللي حسيتها والمذله وكرهي لنفسي وغبائي لان المويه تمشي من تحتي وانا ولا داريه
كرهت طيبتي وكرهت حبي له
وكرهت صبري وكرهت هالدنيا وكرهت اهلي اللي زوجوني وانا صغيره ( يعني فوق المسؤليه وهم ولدي وهمه وكنت راضيه بالهم والهم مارضا فيني وكنت اقول معليش تعب ومسوليه وانتي صغيره بس زوجك يحبك ويموت فيك
اي يموت فيييييك ياشيخه الحب فجهه وهو بجهه
ومع مين شغاله قبيحه المنظر واللسان والتصرفات
واللي قاهرني انه عمره ماشكى مني ودايم يمدحني واخوه دايم يقولله ياليت زوجتي زي زوجتك
والله اني لارحت زواجات يخطبوني من خالتي يحسبوني بنتها واالله ان كل مره انخطب فيها احس وش كثر ذلني واهانني .......... وخلوقه وهو بنفسه لما واجهته وقلتله لييييش مني انا
قاللي كلمه وحده ( انتي لو كل الحريم مثلك كان الدنيا بخير) طب لييييييييييييييييييييييييش والله لو انه ذكر فيني عيب كان هانت
ليييييييش وحده تحب زوجها اكثر من عيونها وضناها ونفسها وتداري عليه وتهتم فيه وبنفسها علشانه وتداري امه وخوانه وخواته وتحبهم زي اهلها ومشبعته جنسيا وعاطفيا بشهادته هو اني مثيره ومتجدده
طب ليش ليش انتف شعري احرق نفسي ااموت نفسي والا ايش عشان يحس بالقهر اللي انا حاسه فيه

تعرفون ليش انا مقهوره لاني احببه لو اني ماحبه مانقهرت هالقد
ولاني عطيته عمري وحياتي وظيعت دراستي الجامعيه لاني جبتله ولد بطلب منه
الكل عارف مدى حبي له
حتى هو عارف اني اتنفس انفاسه
ياربي وش اسوي اكثر
كنت اظنه يحبني كنت اظنه يعشقني كنت احسبنا احلا اثنين
وفجاة زي اللي عطاني احد كف وفقت ولقيت نفسي فقت من حلم جمييل والاقي نفسي فجهنم القهر والكره
رح تقولون ابالغ بس اللي يحب من كل قلبه ويعطي بلا حدود ويكرس حياته للي يحبه وفجاه يلاقيه يخونه ينكسر واللله ينكسر ويذبل ويمل من هالدنيا
والكل عارف الا انا كان ينضحك علي ويقولون مسكييييينه تحبه ويسوي فيها كذا
ااااااااااااااااااه ياقهري حسبي الله ونعم الوكيل حسبي الله ونعم الوكيل حسبي الله ونعم الوكيل اللهم اجرني في مصيبتي واخلفلي خيرا منها
اخواني انا قاعده افضفض وابغى رايكم باللي سويته باني رجعت الامور لطبيعتها طبعا بعد عتاب دام اسبوعين مني له الين كان يجي ويصيح ويضرب راسه بالجدار من القهر ( وصرت احسه يمثل لان ثقتي فيه انعدمت)
فوش رايكم باني رجعت الامور لطبيعتها الان هل هذا صح اوغلط؟ هل كان مفروض اطلب الطلاق؟
او اني اروح لاهلي ؟ او اني اقاطعه لمده طويله ؟ بس والله انه كسر خاطري وانا قلبي رحوم مايتحمل دموعه
شورو علي وادعولي ان ربي يفرج همي ياخوان وقولولي وش اسوي
مع العلم اننا اكتشفنا ان هذي الشغاله كانت تدخل رجال من المنور على غرفتها وجا راعي البقاله يسال عنها وبلاااوي وعرفنا انها وسخخخخخخخخه وماخلت احد الا نامت معه وكانت تكذب ببعض الاشياء ان زوجي سوالها وفعل وفعل وتاكدت من كذبها لان فيها مرض نفسي تحب تقول للناس انها حلوه وجنسية والرجال ينجذبون لها

غاليتي والله انا حاسه بالقهر الي انتي فيه وحاسه بنفسيتك والله يعينك بس ماعليه انتي خلاص سامحيه علشان ابنك وعلشانك انتي وان شاء الله ماتنعاد وهذولا الشغالات الله ياخذهم يجرون الواحد جر حتى ولو كان زوجك يحبك ويموت فيك حسبي الله عليهم والله يعينك وديري بالك على زوجك ومافي احد معصوم من الخطا وزوجك احسن من غيره اقلها اعترف بغلطه وحاول يعتذر لك ويتسامح منكوالحياه كذا لزم شويه تنازلات علشان يسير المركب ......

الله يصبرك يارب على ما أبتلائكى
الحمدلله يا اختى ان زوجك اعترف بغلطاته وطل منك السماح
انسى يا اختى الى حصل واحتسبى الاجر عند الله
والله يعوضك كل خير يارب فى زوجك وابنك
وابتدى جوه نفسك صفحة جديدة مع زوجك
الله يسر لك كل خير ويريح بالك يارب

__________________

الله يعينك اختي..
فعلا أنا قريت موضوعك الأول وكنت مستبعده جدا سالفة الشغاله!!
معقوله!!
إذا الشغاله وبالمواصفات هذي وخانك معها شلون أجل لو مقبولة الشكل!!!
شغاله حقيره وتتصل بعد!! لازم تغيرون رقم البيت عشان ماتتصل!!
وماألومك والله لكن احتسبي واصبري وادعي الله يهدي زرجك..
مشكلتك على الرابط هذا:
http://www.66n.com/forums/showthread.php?t=114014

السلام عليكم:
حبيبتي انتي عملتي الصح 100% لو انا مكانك بعمل نفس الشئ ربنا بغفر الذنوب لازم انتي تغفيره لانك بتحبيه وإلى بحب ما بكرهه وعندك طفل منه لاجل عيون ابنك لا تكبري الموضوع حبيبتي.

عاتبي زوجك على الصار وقولي لو طلع معها اديز لا سمح الله شو كان صار فيك حتى لو من بوسه واحيكله خاف الله في نفسك وباسرتك.

حاولي تنسي اللي فات..وابدئي صفحة جديدة معاه....وكملي حياتج عشان ولدكم ما يحس بهالشي ويتعقد... خلاص غلطة وان شاء الله ما بيكررها... الله يسعدج ان شاء الله..

__________________

والله يأختي بجد قصتك أتعبتني نفسياً لأني أنا بعد مأحب الخيانة لكن أقولك زين سويتي زين العقل أنا أحسدك على كبر عقلك أنتي مرأة ناضجة فعلاً لأنك ماكبرتي الموضوع وبعقلك هذا لميتي الموضوع بطريقة فعلاًراقيا لو وحدة غيرك كان سوت مشكلة وكبرت الموضوع لأن بصراحة موسهل أن الوحدة يخونها زوجها ,حبيبها , خليلها والله صعبة والبركة فيك وفي أهلك على ها التربية اللي تربيتي بها وربي باركلك في أبنك ويحفظلك زوجك من كل فاجرة وربي هدي سركم

انا اكره الشغالات وكرهتيني فيهم اكثر



(سمعتها تقول زوجتك وينها قالها عند اهلها قالتلها وانت قال بروح للشباب بس اذا بتزلين بديور ) بديور ايش معناتها ما فهمت الكلمه
وهل معنا كلامه انه نام معاها اي مارس الجماع معاها؟؟
لازم تخليه يكشف على نفسه اعوذبالله من الامراض بما انها بتقولي فيها امراض لا يروح يعديك ولا ترضي يقرب منك الا اذا كشف على نفسه
وانا في رايي انك ما تمشي الموضوع ببساطه لانه ممكن يكررها اذا شاف ردت فعلك عاديه
وادعي له بالهداية في صلواتك وان ربي يسخرلك هو ويهديلك هو

أول شي أعرفي (أن الله إذا أحب عبد ابتلاه)

وترا هذا حال الدنيا (لقد خلقنا الإنسان في كبد)


وإذا شفتي مصايب غيركي تهون عليكي مصيبتكي


يا شيخة شوفي المواضيع اللي بهالمنتدى (يا حليل مصيبتكي عند مصيبتهم)


وترا الإنسان لازم يمشي الامور لا يدقر عندك كل شي


نرجع لموضوعكي :


أنا بصراحة ما أنتبهت لبداية الموضوع وبعد ما قريته قلت أكيد هذي الحرمة عمرها بالثلاثينات

ويوم دققت لقيت أن عمركي 19 سنة <<<<<<ما شاء الله على هالعقل الكبير وعلى هالحكمة والتدبير


وتلومين الناس إذا جو يخطبونكي (الله يلوم اللي يلومهم) أكيد يخطبونكي إذا أنتي بهالرزانة والحكمة


إنتي تصرفكي تجاه المشكلة وتجاه زوجكي إلى الآن ممتاز بل 100% لكن ينقصكي بعض الشيء


أول شي تجاه زوجكي

حنا متفقين إن زوجك أخطأ بل خطا كبير.. لكن بصراحة جيبي لي واحد خالي من العيوب (الناس مليانة عيوب)

وترا كلن يخطي لكن ترا مهو كل الناس يعتذر

زوجكي أخطا واعتذر وحس بغلطه وجا إلى عندك ويبيكي تسامحينه وأكيد إن ضميره يأنبه من داخل

ترا كثير من الأزواج يسوون اللي سواه زوجكي وأكثر بعد لكن ما يعتذرون بل ويستمرون على ما هم عليه وزوجاتهم يحترقون من داخل

والآن إذا عرفتي صدق زوجكي وتأكدتي إنه تايب وندمان سامحيه بعد ما تقررينه بغلطته

وغير كذا لازم تحسسينه إن الثقة ما زالت باقية (حتى لو تبينين له ظاهراً) علشان ما يحس إنكي فقدتي الثقة فيه .....لأنه إذا حس بهالإحساس راح يسوي في المستقبل أي شي لأنه ما يشعر أنه محل الثقة

فإذا أكدتي له إن الثقة ما زالت فأكيد زوجكي راح يحسب حساب أي خطوة يعملها

غير كذا ترا الشغالات وقحات وجريئات وتراهن جايات من بيئة وصخة

فإيش تتوقعين منهم ؟؟ والله ما يجي منهم إلا الشين



وتوقعي يا أختي إن هالمشكلة يمكن تزيد من تقاربكم في المستقبل ويمكن تخلي زوجكي حريص عليكي أكثر


زي ما قلت لكي أنتي امام مشكلة ....فحاولي إنكي تسيطرين على هالمشكلة ولا تخلين المشكلة تصيطر عليكي



ولا تنسين إنكي ما تزوجتي (نبي)

إنتي تزوجتي (بشر) قد يخطئ ........وهذا هو جاكي يطلب السماحة




وأهم شي إنكي ما تشيلين هم ........ترا الدنيا ما تسوى

__________________

عزيزتي
اعانك الله وصبرك على ما ابتلاك بة
فأى وحدة مكانك كانت ممكن تخرب بيتها لكنك ما شاء الله عليكي تصرفتي بما فية الخير لكي ولبيتك وما جعلتي انسانة كزرة ومنحلة كهذة تتغلب عليكى وتخرب لكي بينك فهذا النوع من النساء ليس ورائهم إيلا خراب البيوت .
والله انتى مو مسكينة بل انتى نعم المراءة والأم والحبيبة
والله يصبرك ويسبيت خطاك ويعطيكي العافية .