|
انا واقعة بنفس المشكلة
حامل وزوجي ناوي يسمي على امه وابوه هالمرة بناء على طلب ابوه انا عندي بنت وولد البنت ابوها سماها والولد انا سميته فعمي ابو زوجي يقول هالمرة الدور عليه يسمي انا تفاجأت لان اسمه واسم ام زوجي قديم فقلت حق زوجي مستحيل اسمي انا الي اتعب واحمل واولد وهو يسمي عاد ياليت اسامي حلوة او جديدة فرد علي انه بيسمي عشان لايكسر كلمة ابوه ولايكسر بخاطره طيب ايش ذنب الطفل الي بيجي انه ينتسمى بأسامي قديمة اندثرت انا سكرت الموضوع ولاعاد اتناقش فيه ليش اعور راسي بمشاكل من الحين اذا ولدت يصير خير الله يصبرنا ويعينك وان شاء الله يقتنع زوجك ويغير رآيه عن جد حاسة بمعاناتك |
اختي الكريمة........
تبغين رأيي اذا ان شاء الله ولدتي خلي اخت زوجك تسمي البنت طبع مستحيل راح تسميها عليها اكيد راح تسمية من الاسماء الجديدة.... وبكذا راح تكسرون الحاجز اللي بينكم.... قولي الاقتراح لزوجك وعلمينا بالرد....... وفقك الله...... |
مادام انها بنت فما اعتقد ان زوجك بيصمد كثير امام مطالباتك بتغيير الاسم كثري من الدق
لوكان ولد اختلف الموضوع |
خليه يحضر ولادتك مثل الولادة الاولى يمكن
يرجع ويحن من جديد ويخليكي انت تسمي البيبي. أو سمو بنتكم إسمين أنا هيك بعرف انه في ناس بيسمو ابنهم اسمين وهيك كل واحد بينادي بالإسم الي بيحبه. |
السلام عليكم ورحمة الله وبركاته
حسبي الله ونعم الوكيل نحن نحمل ونتعب حسبي الله ونعم الوكيل ذكرتوني كنت بس اولد وطبعا ارهاق وتعب يقول زوجي انتي ما عملتي شي البيبي اللي تعب وشد كل الشغل عليه |
انتي اصري او اعملي مثل الاخت الي قالت انها نذرت ولازم توفي نذرها تسمي علي كذا
او قوليلة حلمت حلمة وفي الحلمة انقالي اسمي هلاسم عشان البنت تطلع طيبة او اي حجة قوليها لة وزني فوق راسة الام تحمل وتولد اخر شيء يجي الاب يسمي بكيفة |
اقتباس:
انتبهي أختي الكريمة من الكذب في المنام فأمره خطير وفيه وعيد من الرسول صلى الله عليه وسلم لمن كذب في المنام ففي الحديث الصحيح قال صلى الله عليه وسلم "من تحلم كاذبا كلف يوم القيامة أن يعقد بين شعيرتين ولن يعقد بينهما" الراوي: عبد الله بن عباس خلاصة الدرجة: صحيح وعمر معصية الله ما كانت حل لمشاكلنا بل هي سبب المشاكل و لأن الله بيده يخلي النتيجة بالعكس سبحانه وتعالى لمن عصاه والرزق مكتوب فإن تعحلته بمعصية الله خسرت, وإن صبرت جاك رزقك إلى بابك وكنت من الفائزين إن شاء الله. وحتى النذر فلا تقولي له شيء من هذا القبيل وابتعدي عن الكذب افزعي إلى الله عز وجل وأطيعي زوجك وأرضيه ما استطعتي وإن استطعتي أن تقنعيه بالحكمة ولكن انتبهي أن تطفشيه وتزني فوق راسه لأن هذا يكره الرجل في المرأة وأضنك أعقل من أن تفعليه وقد أيضا يركب راسه ويعاند أنصحك بالتوكل على الله لعله سبحانه يرزقها اسم جميل ترضين عنه ويرضى عنه وأهم شيء البنت تطلع صالحة و سليمة إن شاء الله الله يجعلك تولدين بالسلامة ويبارك لكم ويرزقكم الذرية الصالحة ويرزق كل محروم |
صدقيني قال كذا عشان يبغى يشوف ردة فعلك انتي خليك هااااديه جدا ولا تناقشيه في الموضوع واذا قال الاسم مره ثانيه اضحكي وقولي حرام عليك تظلم البنت بهالاسم اسمي احسن منها مايسير كذا حرررام واذا ناقش كثير قولي خلها لوقتها وان شاء الله يحن عليك بعد الولاده ويقول سميها انتي اما اذا اصر فلا والله خليك مشدده شوي ما تستاهل بنتك تتسمى على وحده زي هذي وانتي اللي تعب انا متفقه مع زوجي يسمي الاولاد وانا البنات لان حرام تتسمى البنت هالايام باسم مو زين اما الولد فعادي رجال اي اسم مااايعيببه ............ ويمكن اللي في بطنك ولد مو بنت مايدري الا رب العالمين تحيااااتي ......حبة فشار |
لا تنسيييييييييين تتطمنينا وش بتسميين اذا ولدتي بالسلامه :d:15: |
اقتباس:
اخي الكريم اود ان اقول لك اني لم اكذب على زوجي حينما قلت له نذرت فاانا بالفعل نذرت |
| الساعة الآن 05:54 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©