السلام عليكم

انا عضوه جديده في المنتدى

متزوجه عمري 28 وزوجي 34

عندي بنت


والان حامل وقالو فيني بنت


احب ابين لكم حاجه مهم في حياتنا


زوجي كان متزوج وحده اهله اختاروها له


جميله ولكن لم يتفاهم معها لانها كانت تبي تفرض رايها عليه من ايام الخطبه وهم في مشاكل

حتى كان بيطلقها في الملكه بس ابوها اقنعه

يعني المشاكل هذي من زمان

تزوج وحياتهم كلها مشاكل تبي تلبس عاري وعبايه كتف وتتريق على اهله لانهم على قولتها قراول ويفشلون


بس اهله وخواته خاصه متمسكين فيها لان المظاهر تهمهم وهم عاجبهم جمالها واناقتها


المهم هو اصر وطلقها وقبل لا يطلقها بس لما كانت عند اهلها وارسل لها اغراضها

خطبني لاني قريبه لهم وهو كان من زمان معجب فينا وفي عائلتنا بس اهله خطبو له وسكت

بعد ما طلق رجع وخطبني وامي وافقت امه وخاصه اخواته اتجننو

وما رضو بزواجنا

امه كانت تجي بس باين انها مغصوبه من ابوهم والبنات سمعنا منهم كلام يضيق الصدر وصارت مشاكل بينهم وبين اخوهم عشاني

وزعل من خواته وقال محد يتدخل في حياتي انا سمحت لكم مره تدخلون ولا عرفتو تخطبون لي انا ما ابي جمال ابي اخلاق والبنت هذي اذا ماتزوجتها ماراح اتزوج طول العمر

المهم انا وافقت وتزوجته لانه اصر علي واخواته ما جو لا خطبه ولا حتى حفله زواج اخوهم تخيلو؟؟

حتى بعد الزواج ما كانو يحترموني وكان فيه همز ولمز بالكلام وكنت متحمله عشان زوجي

حتى لما جبت بنتي ماباركو لي ولا حتى زاروني

وانا اروح ازورهم في المناسباب بس عشان ام زوجي وابو زوجي رغم ان ام زوجي ماقصرت بس الان بعد خمس سنوات من الزواج تحسنت ام زوجي واخته الكبيره الي طبعا ما حظرت زواجل ولا باركت لي ببنتي حتى ما عمرها زارتني في بيتي


مره عزمت ام زوجي وقلت خلي فلانه تجي معاك قالت طيب جت ام زوجي ورقت عندي فوق واخت زوجي هذي مارضت رغم انها كانت متحسنه معاملتها معي واقصد بالتحسن انها صارت تقول هلا كيف الحال وشلونكم

طبعا اول ما كانو يتكلمون معي ابد اذا جيتهم كاني كنبه او اي شي غير معترف فيه



وهذا كله لمده ثلاث سنوات والان تعدلت شوي

المهم المشكله اني قلت لزوجي امس وش رايك وش نسمي بنتنا الجديده

ماعنك اسم قال الا عندي قلت وشو قال فلانه على اخته الكبيره

قلت حرام عليك اسمها شين وقديم حتى اسم امي احسن منه

قال حرام مسكينه ماعندها عيال قلت الله يرزقها طبعا اخته هذي عمرها فوق الاربعين وماتجيب عيال

قلت اختك انت على عيني وراسي اختك حبها ماقلت شي بس انا مستحيل اضحي ببنتي واخليها تتعقد

من اسمها واختها الي اكبر منها اسم حلو وهي الصغيره اسمها بشع والله الاسم بشع بمعنى الكلمه

وبعدين وين اختك ذي ليه مافكرت فيك ليه ماحظرت زواجك ليه ما باركت لك ببنت

ترا الي سووه فيني مو بسيط وانت عارف وكنت تسئلني كل ماطلعنا من عندهم عسى ما تضايقتي كنت اتكلم قبل واقولك بس ترا انا ما احب اضيق صدرك عشان كذا كل ماصار منهم موقف ماعاد اقولك ما ابي اضايقك

قلت الله بيحاسبهم والحين تبيني اسمي بنتي عليها لا وياليته اسم حلو والله اسم بشع جدا

انا دايما انصح زوجي واقوله رح لاهلك تكلم مع خواتك عادي لاتزعل منهم ولا يزعلون عليك

خلاص الي راح راح بس انا ما اروح لهم الا في المناسبات لاني انسانه وعندي كرامه بس انت وبنتك لا لا تقصرون معهم


والله من امس وانا احلم وكوابيس كله من هالموضوع المشكله ان اخوه الكبير مسمي بنته عليها

وزوجته ما رضت وصارت بينهم مشاكل حتى الان ما تسميها باسمها تسميها اسم دلع ثاني هذا وهم طايرين بزوجه ولدهم هذي ورغم كذا ما تبي تسمي لان الاسم شين

اخر شي قلت لزوجي انت صادق جاد يعني قال ايه انا رحت انام وتركته لاني ما ابي ارفع ضغطي اكثر قلت له الي بخاطري وخلاص بس الحين لو اصر على كلامه وش اسوي انا ما ادري هل هو تاثر بكلامي امس والا لا


تم تعديل العنوان

يمكن اذا سميتي عليها تكون بادرة صلح ؟

__________________

والله انا ما ابي الصلح

لاني الحمد الله ماغلطت عليها بالعكس هم اهانوني


خلو الناس كلها تعرف انهم ما يبوني وفشلوني عند الناس وحسيت اني وحده من الشارع او وحده مالها اصل


والله اني احسن منهم كلهم انا تحملت في البدايه بس قلت يمكن اذا تزوجنا راح يتقبلون ما توقعت انهم استمرو في قله ادبهم لمده سنوات

والباقي ما تحسنو بس هي هي الوحيد الي تحسنت شوي

بس انا مو على كيفهم سويت الي علي واكثر ولا حسيت اني عروس مثل باقي البنات

لحد كذا وكفايه ما عاد ابي احد اهم شي زوجي وامه وابوه بس والباقي مايهموني ولا ابيهم حتى

قولي له يسمي علي اسم امه (هذا اذا كان اسمها حلو)


او قولي له ايش رايك نخلي ابوك اهو الذي يسمي

او اعملوا قرعه

المهم لا تسوي مشكله

والحلول كثيره بس انتي هدي بالك

__________________

	اللهم انا نسألك الجنة وما قرب اليها من قول وعمل

انا حامل وزوجي يبغى يسمي على امه اذا كانت بنت
ويسمي على ابوه اذا كان ولد
وانا في كلا الحالتين رااااااااااافضة
الولد ممكن اتنازل عنه لان في مجتمعنا يهتمون بهالنقطة بس مابغى الولد الاول عشان ماكون ام 000000
لكن البنت مابغى ولو غصبني الشكوى لله

احمل واتعب 9 شهور ومايصير لي حق باختيار الاسم
والله يحبوني ولامايحبوني اسمهم شين ولازين
لازم الام يكون لها دور في الاسم


انت حاولي مع زوجك باللطف باللين ان قدرتي الحمدالله ماقدرتي الشكوى لله

ياشين بعض الرجال وانانيتهم قسم بالله قهر!!

وانا بصراحة تعببببببببت مع زوجي لين اقتنع ماشاءالله لدرجة اكسر خاطره مثلا يقولي اسم البنت حصة
اقعد امشي في البيت واقول حصة تعالي حصوص <<< مسكينة بنتي شذنبها اسم امها احلى من اسمها
واروح اجيب اسم ثاني حلو واقعد انادي في البيت واقول ياحلو هالاسم اللي يخلي لك امك وابوك اللي سموك

__________________
اللهم لك الحمد والشكر
"ولئن شكرتم لأزيدنكم"

الف مبروك اختي على الحمل انا من زمان كنت ادخل الموقع بس ما اشتركت

وكنت اشوف بعض مواضيعك والحمد الله حملتي الله يتمم عليك ماشاء الله

المشكله ان زوجي طيبه وما كان يهتم انه يسمي على فلان ولا على فلانه

بس امس فاجئني

وقلت له امي اسمها احلى من اسم اختك وامي اغلى شخص بحياتي ومافي ابد احد اغلى منها

بس مستحيل اسمي عليها قال ليه انتم الحريم كذا حساسين

قلت والله حرام اسميها اسم شين عشان ارضي اي احد

الحب والمعزه في القلب مو باني اسمي عليهم هو سكت بس انا تفاجئت وارتفع ضغطي


ولا حبيت اسوي مشاكل قلت بعدين افتح معاه الموضوع ورحت انام

نتي الاولى انا الي اخترت اسمها وهو ما كان مقتنع مو عاجبه

بس لما دخل معي غرفه الولاده وحس بالتعب الي فيني

قال سمي انتي الي سميها

ازال اسم امه بعد مو حلو

وابوه ما يعترف بالاسامي الجديده تعجبه الاسامي القديمه مو الي زي اسمي واسمك


لا اسامي اجدادنا الاسامي القديمه جدا

انا قلت له كم اسم ناعم وخفيف

وقلت انت الي اختار المره هذي

اخوي العابر

انا قلت لزوجي كم اسم وقلت له انت اختار

بس اهم شي اسم خفيف وجديد واهم شي البنت ما تتعقد لما تكبر


وقلت له لو تسميها الاسم هذا انا ماراح اناديها بهذا الاسم وحتى عند اهلك بناديها باسم ثاني وبكذا راح يتضايقون بس انا والله ماعلي من احد اهم شي عندي بناتي

وماله داعي نسبب بينا مشاكل عشان اسم

وعلى فكره ما اتوقع ان جايته اوامر من احد لان زوجي اعرفه مايهتم كثير في اهله انا الي دايما انصحه يتقرب من اهله

شكرا لك

انا نفس الشيء لااحب اهل زوجي تقريبا مثل اهل زوجك في كثير من الاشياء وتفاجئت في حملي الثالث ان الام تشترط علينا اسم ولد لااحبه ابدا

وبدون مااعمل مشاكل قلت لزوجي لااستطيع ان اسمي هذا الاسم قال لماذا قلت لانني نذرت للرحمان اذا كان الحمل جيد وولد اسمي كذا اسم
واخاف اذا لم اسمي الاسم الي في النذر اخاف على الطفل
في البدايه رفضت وقال ندفع صدقه ولكن انا اصصررت وقلت انا اخاف على الولد

وبعدها اقتنع وسميت ابني حبيبي على الاسم الي اريده والان ابوه يقول مااحلى اسمه

وانا مثلك لا احد حظر زواجنا ولاشي ولاهديه ولنا الان عشر سنيين زواج وهم لم يتحسنوا لالشيء ابدا بل انهم يكرهون اسم كنه كره غريب
ويتابعون المسلسات التي بها الكنه شريره
علما بااني في الغربه ولااراهم لكن شرورهم تلاحقني

__________________