الله يجزاكم خير جميعاً بدون استثناء

اشكر كل الاخوات اللي نصحوني بالدعاء والإستغفار والصدقه

واشكر الباقين

كما وان الجميع كان ينظر للزوج وانني انا المقصره ، بالعكس تماما انا كوني اجبرت عليه هذي لأن ظروفي ماتسمح اني اقعد بالبيت غير ماقعدت
يعني ماكان عندي احد فاتح لي بابه غير زوجي وبالتالي بالطول والعرض كنت اقنع نفسي
واسوي المستحيل لو زعل علي لأني بأفقد الملجأ لي ، لكن الحين تعبت مافيني استحمل اهانات طول الوقت صعبه وهو بعد طلاقنا الأول عرف اني ما استغني عن العيال صار يضغط علي اكثر

وبعد يجيني يطلب مني الـ 10 ريال والـ 20 بروح افطر بعبي بنزين السياره

ويرفع صوته انا ماراح اقدر انك تشتغلين لين هالوقت واعلى مافي خيلك اركبيه .. صار لا يطاق وخاصه بعد رجعتي له

والله العالم المره الاولى لما رجعت كان ودي اني اعدل اشياء كثيره وجلست واتكلمت معاه وسافرنا سوا بس لا حياة لمن تنادي صار وضعه اكثر سووووووووووووووووووووء بكثير من قبل

الحين صار همجي بزياده

وسلامتكم

شاكره لكم جميعا

بأصلي واستخير واشوف ربي وش كاتب لي وماقصرتوا جزاكم الله خير

ايش العذاب اللي شفتيه وانتي مستغنية عنه ماديا ..
ياختي ماشاء الله عليك تاجرة وموظفة وعندك راتب ووظيفة ويش اللي يحيجك له انا متاكدة انك تقدري تستقلي عنه وتبعدي وعيالك صدقيني ماراح يقدر عليهم اللي مو قادر يصرف على نفسه ومو لاقي بنزين السيارة بيصرف على عيال بيتحملهم كم يعني والله ماراح يقدر استقلي بحياتك واستاجري بيت لك ولعيالك والله يغنيك عنه خليك قوية لاتضعفي ...

على فكرة عيالك تقدري تطالبي فيهم في المحكمة ماراح يقدر يحرمك منهم كذاااااااااااااااااب لييييييييييييه وين حنا فيه عايشين في حكومة وفي قوانين وفي شرع ربي امر فيه ...

http://www.66n.com/forums/showthread.php?t=115273

هذا رابط موضوعك الأول لتكون الصورة واضحة

وفي ردك على الأخت فرويه كتبت

" شاكره لك مرورك اختي بس زوجي مايهيني ولا يشتمني ومو مقصر معاي ابد ، بس المشكلة حاجه ثانيه تماما ما اقدر احكي فيها
وبالنسبة لموضوع عيالي ان شاءالله يصير اللي تقولين عنه والله يفرج همي ان شاءالله يارب"

أختي الكريمة أتمنى أن مشكلتك تنحل

بس أنا نقاط أو تساؤلات أتمنى أنك تأخذيها بالاعتبار

1) المشكلة الي ما تقدرين تحكين عنها تمثل جزء كبير من المشكلة ،، إذا ما تبين تطرحينها هنا في قسم في المنتدى للاستشارات الخاصة ، أتوقع أنه يفيدك

2) أحي فيك تفاؤلك و استمتاعك بالحياة و أقدر تعلقك بأولادك , و أتفهم كرهك لزوجك

بس كيف تكونين طول اليوم تتهربين من زوجك على حساب أولادك ،، ثم تدعين أنك ما تستغنين عنهم ؟؟

فيه تناقض في الموضوع

3) الي تقول لك المحاكم راح تفك حقك ،، احترم وجهة النظر هذه

لكن الجميع يدري أن البلد ما فيها نظام و أن الخلافات تحل بالتسوية الودية بين الطرفين

4) لكن أثني على النقطة الماضية ،، واضح أن زوجك ما يقدر يتحمل مسؤولية الأولاد لوحده

5) اقتراح الأخ الي يقول خذي اجازة استثنائية ( كأنك مفصولة ) اقتراج جيد ،، و قد تزيدين عليه و توكلين أحد بالبزنس و تقولين له أنك خسرانة .

6) إعالة أي شخص زوج / ولد / أخ و تعويده على هالشئ ، مهما بلغ من الحيوية و الذكاء ، يهمشه و يخليه مترف و يصيبه بالخمول والإحباط . مع العملية في ظاهرها معروف و إحسان.

7) قرار الطلاق لا رجعة فيه ، لأنك شفتي نتايج الطلاق ثم الرجوع . استنفدي جميع الحلول قبل الطلاق

هذا الي في بالي الآن ، أعذروني إذا فيه لخبطة

لأني دايخ

ولي عودة ،، بالتوفيق أختي

القرار صعب
الله يعينك ويصبرك
واللي في الخير ربنا يهديكي الو
ربنا يوقف جنبك