مطلقه ومحرومه من عيالي .. بليييييييز محتاجه لكم - منتدى عالم الأسرة والمجتمع
logo

الملاحظات

المطلقات والأرامل والمتأخرات يعتني بالمطلقات والأرامل والمتأخرات عن الزواج

موضوع مغلق
أدوات الموضوع
انواع عرض الموضوع
قديم 29-01-2007, 03:31 AM
  #1
التاجره الصغيره
عضو نشيط
تاريخ التسجيل: Jan 2007
المشاركات: 146
التاجره الصغيره غير متصل  
مطلقه ومحرومه من عيالي .. بليييييييز محتاجه لكم

السلام عليكم ورحمة الله


اخواتي واخواني .. هذي اول مره اكتب فيها عن مشكلة تخصني انا وعلى النت وبالعاده دائماً اعطي نصائح ، مشكلتي بإختصار شديد انا بإنتظار الطلاق من زوجي وانا اللي طلبت الطلاق لأسبابي الخاصه ولكن المشكلة اني ابغى عيالي ، يعني زوجي ماابيه ولا اطيقه لكن عيالي ماني قادره على بعدهم

الحين صار لي شهرين من تركت البيت وزوجي خلاص بيطلقني ولي شهر ما جلست معاهم بس اكلمهم بالتليفون بدون مايدري هو لأنه مانعني حتى اكلمهم

مدري ايش اسوي .. محتاره ومتضايقه

ابي عيالي بس زوجي ما ابيه ابد ابد ابد .. وهو يقولي مالك إلا كل شهر تشوفينهم مره

الله يخليكم اللي بينصحني لا يقولي ارجعي للبيت ولزوجك .. لأن الإنسان هذا انا ما اقدر اكمل معاه حياتي ارجع واقول لأسباب احتفظ فيها لنفسي بس عيالي ماني متخيله اني انحرم منهم او اني اشوفهم كل شهر مره

انا متضايقه ومتضايقه ومتضايقه

الحمدلله على كل حال وانا كل يوم استغفر لأني ادري انه الإستغفار يحل اشياء كثيره واصلي وادعي ربي انه يفرج همي ويجمعني بعيالي

بس بليييييييييييييييييييز اللي يقدر يساعدني بكلمه لا يبخل علي

شاكره لكم
__________________
كفارة المجلس

" سبحانك اللهم وبحمدك اشهد ان لا إله إلا انت ، استغفرك واتوب إليك "
قديم 29-01-2007, 03:47 AM
  #2
الوفية لوالديها
كبار شخصيات المنتدى
 الصورة الرمزية الوفية لوالديها
تاريخ التسجيل: Apr 2006
المشاركات: 6,817
الوفية لوالديها غير متصل  
الله يعينك اختي ..

كيف يعني قانون البلد يحرم المراة كليا من اولادها عند الطلاق؟ و لماذا شهر يعني ؟ ألا يوجد محامي يأخذ لك حقك ؟

أنصحك بأن تكلمي أحد الأشخاص المؤثرين على ابو اولادك عل قلبه يلين و يسمح لك باحتضانهم ..

دعائي لك اختاه
__________________
اللهم تقبل دعاء
قديم 29-01-2007, 04:58 AM
  #3
الكبير
من كبار شخصيات المنتدى
تاريخ التسجيل: Nov 2003
المشاركات: 2,573
الكبير غير متصل  
أختى

يقول المثل الكلام اللين يغلب الحق البين

إذا كنتى نهائي لاتستطيعين الصبر معه وعليه

فصارحيه وذكريه بالخوف من الله وأن هناك قبر

وحساب وجنة ونار ،

ذكريه انك ام وان ظلمك بالحرمان من رؤيتهم

فقد يعرض نفسه لدعوة مظلوم ليس بينها وبين

الله حجاب 0

وان كنت تستطيعي ان تجربي الابتعاد دون طلاق

لفترة فسيكون افضل لربما تغيرت المشاعر بعد وقت

وربي يستر عليكم ويهديكم
قديم 29-01-2007, 05:38 AM
  #4
حائزة الأمل
عضو المنتدى الفخري
 الصورة الرمزية حائزة الأمل
تاريخ التسجيل: Aug 2005
المشاركات: 10,658
حائزة الأمل غير متصل  
حسبي الله ونعم الوكيل على هذه النوعية من (اشباه الرجال) احس بنارك ياغالية فهؤلاء النوعية يجدون

قوة في حرقة قلب ام على اطفالها..وان وجدوا مقدرة على الظلم في الأرض فهناك جبار اقوى منهم في

السماء

الجأي للمحكمة والله ينصرك ويرد لك ابنائك يالله

أختك

حائزة الأمل
__________________
قديم 29-01-2007, 08:23 AM
  #5
التاجره الصغيره
عضو نشيط
تاريخ التسجيل: Jan 2007
المشاركات: 146
التاجره الصغيره غير متصل  
الوفية لوالديها

قانون البلد والشرع قبل يسمح لي إني اشوف عيالي يوم بالأسبوع وانا راضيه لو يومين بس اجلس معاهم ومن ناحية المحاكم انا ما ابي اتقابل انا وهو في محكمة لأنه طال الزمن او قصر هذا ابو عيالي ومستحيل اوقف في وجهه لأني حتى ماابي عيالي يحتقروني بعدين لو عرفوا بهالموضوع

وان شاءالله بدور احد يلين راسه مع اني جربت جميع الوسائل
عموماً جزاك الله خير وماقصرتي على كلامك ونصيحتك


الكبير

انا جربت معاه هالشئ وقلت له إذا انا ماابيك وانت عارف هالشئ من تزوجنا فـ ماله داعي نأثر على نفسية العيال وقلت له كمان انا ماعندي مشكلة يعيشون عندك بس لا تحرمني شوفتهم وقت مابغيت لأنه عمري ما غلطت في حقك ولا في حق اهلك وبيتك والكل يشهد علي وبرضوا قلت له انه انا ما ابغى لعيالي المرمطه يعني ما ابيهم كل يوم في بيت مره عندي مره عندك مره عند اهلك ؟؟

وجربت اخوفه وقعدت ادعي عليه بس اتحسب عليه واقولها له في التليفون وارسله مسجات وبعدها خاف وجاب لي العيال لكن بعد كذا مامشى الحال مع اني ويشهد الله علي انه إلى الآن اقوله انه كويس وامدح عند كل الناس وانا صادقه وحتى لما يبغى سواقي وسيارتي هو يتصل على السواق ويطلبه يخلص له اغراض مع انه زوجي جاني في بيت اهلي ومد يده علي وضربني وانا ما سويت شئ ولا حتى استفزيته بكلمه ومن بعدها حرمني شوفة العيال ولين الحين ماجلست معاهم من ضربه لي

وعلى موضوع اني ابعد عنه جربت كثييييييييييييييييير وكانوا اهلي يضغطوني عشان ارجع وارجع له وانا ماابيه لكن هالمره ولي شهرين بعيده عنه احس انه ابد انا ما اشتقت له ولا لبيته ولا خطر في بالي بس اشتقت لعيالي

لكن ما اقول غير الله يهديه والله يلهمني الصبر ويفرج علي ان شاءالله

شاكره لك اخوي الكبير مرورك ونصيحتك ولا عدمناك ان شاءالله





حائزة الأمل

ايه والله حسبي الله عليه ونعم الوكيل وعلى كل اللي زيه بعد

وأنا لو تعبت بكل الوسائل اكيد في نهاية المطاف راح ألجا للمحكمة والله يعيني ان شاءالله

شاكره لك اختي نصيحتك ومرورك
__________________
كفارة المجلس

" سبحانك اللهم وبحمدك اشهد ان لا إله إلا انت ، استغفرك واتوب إليك "

التعديل الأخير تم بواسطة التاجره الصغيره ; 29-01-2007 الساعة 08:27 AM
قديم 29-01-2007, 09:31 AM
  #6
ليلة البدر
عضو نشيط
تاريخ التسجيل: May 2006
المشاركات: 140
ليلة البدر غير متصل  
لاحول ولا قوة الا بالله
ما ادري اذا كنتي بعد طلاقك بتفكرين تتزوجين مرة ثانيه والا لا ؟
اذا كان جوابك لا فاقول لك اجلسي عند عيالك ولا تطلبين الطلاق
خليه محرم لك اذا بغى يشوف عياله..
وخلية يتزوج وحدة ثانية وبقريح هو وياها ..
اهم شي عيالي ما يتيتمون وامهم وابوهم على قيد الحياة
هذه وجهت نظري والله يكتب لك اللى فيه الخير لك.
قديم 29-01-2007, 10:00 AM
  #7
lovepeaceangel
قلم مبدع
 الصورة الرمزية lovepeaceangel
تاريخ التسجيل: May 2006
المشاركات: 1,422
lovepeaceangel غير متصل  
اختي الكريمة

كنت أوشكِ أن أقول لكِ " تَحَمّلي " من أجل أولادك

لكنك أوضحتِ أن هذا الأمر مرفوض نهائيا


حاولي " توسيط " أحد الحكماء الكبار أو ممن يثق بهم زوجك

لإقناعه بضرورة رؤيتك لأولادك بشكل منتظم


ولا " تضيعي" حقك خشية " احتقار " أولادك لوقوفك أمام والدهم بالمحكمة

بالطبع سيدركون ذلك الأمر

وأنكِ ما فعلتِ ذلك إلا محبة لهم



بالعكس ... لو تنازلتِ عن حقك هذا

لربما فهموا الأمر بطريقة خاطئة :

وهي أنكِ " تخلّيتِ " عنهم



لا أملك غاليتي إلا الدعاء لكِ أن يفرّج الله كربك وييسر لكِ جميع أمرك

مودتي وتقديري
قديم 29-01-2007, 11:38 AM
  #8
abumesfer
عضو جديد
تاريخ التسجيل: May 2006
المشاركات: 3
abumesfer غير متصل  
عفوا ختي العزيزة/ انالااجبرك على العوده ولكنى انصحك بالعوده الا ابنائك لان عطف الامومة لن يستطيع احد الوصول اليه سواك ارجعى من اجل ابنائك واذاكان هناك اخطاء فالانسان لايسلم من الخطأ ولايوجد على وجه الارض بيت يسلم من الاخطأ وماجعل الله الطلق الارحمت لااحد الطرفين ولااكن الاخير ان الصبر على الحياة الزوجية لهوخيرا كثير حلي مشاكلك قبل تأزمها وبحكمة ونضر بمنضار العقل (وبعد الطلاق ) بمنضاربعيد المد واوسطى اهل الخير واتمنا لكى حياه سعيده
قديم 29-01-2007, 12:33 PM
  #9
التاجره الصغيره
عضو نشيط
تاريخ التسجيل: Jan 2007
المشاركات: 146
التاجره الصغيره غير متصل  
ليلة البدر

انا طلبت من زوجي وقلت اني راح افتح بنفسي بيت لأني قادره والحمدلله واصرف على نفسي وعيالي وهو اخصصه له مجلس يجي يزور عياله ويقعد معاهم وقت مابغى ولا يطلقني لأني ما ابغى اتزوج .. ورفض
وفي المقابل هو يقول تعالي انتي عيشي مع عيالك وانتي بغرفه وانا بغرفه ورفضت لأني عارفه انه ماراح يتركني في حالي وكل شوي بيجيني ويكلمني وكذا انا ما ابي

مدري والله محتاره بس اني ارجع له ما اقدر ومن زمااااااااااااااان وانا اقوله ياليت تتزوج وهو يحسب اني امزح معاه

بس ارجع واقول انا مااقدر ارجع له بس ابي عيالي

عموماً شاكره لك نصيحتك وجزاك الله خير



lovepeaceangel

شاكره لك مرورك ونصيحتك بس انا حابه اخلي موضوع المحكمه للآخر ، بس مدري عن عيالي من الحين ايش قاعدين يفكرون فيني هل ياترى يقولون امنا فكرت بنفسها وتركتنا مع انه اعمارهم 9 ، 8 ، 5 يعني لسه صغار بس اكيد هذا تفكيرهم فيني وادري انهم ماراح يسامحوني لو صار الطلاق ؟؟

لكن ما اقول إلا حسبي الله ونعم الوكيل والله يجمعني فيهم ان شاءالله


abumesfer

انا زوجي مستحيل ارجع له لكن ارجع واقول ابي عيالي
شاكره لك نصيحتك اخوي وجزاك الله خير ان شاءالله
__________________
كفارة المجلس

" سبحانك اللهم وبحمدك اشهد ان لا إله إلا انت ، استغفرك واتوب إليك "
قديم 29-01-2007, 12:45 PM
  #10
narjis
عضو نشيط جدا
تاريخ التسجيل: May 2004
المشاركات: 740
narjis غير متصل  
و الله يا أختى حائزة هناك حتى أشباه نساء
ياستى طالما كويس و ما فيه شئ ضحيتى من أجل عيالك فيه نساء صابرات زواج ثانى و سوء معاملة صابرات عشان عيالهم ما يضيعون
عموما لك أسبابك و مشكلتك حلها براسك
موضوع مغلق

مواقع النشر


ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code متاحة
كود [IMG] متاحة
كود HTML معطلة

الانتقال السريع


الساعة الآن 01:01 PM.


images