|
شيء مزعج أنا شخصيا لا أحب أن أقارن بنتي و لا أحب أن يقرنها أحد
أقارنها في البيت آحييانا لما بترضاش تاكل أقول لها شوفي فلانة هي أحسن منك.....بس هي لس صغيرة سنتين مش فاهمة بس لم تكبر إن شاء الله مش راح أقارنها عشان ما تتعقد |
عزيزتي حتى وهي صغيرة في عمر بنتك بسم الله عليها تتأثر والله
إحنا نظن إنهم ما يفهمون لكنهم يحسون ما تشوفين الأطفال مهما صغر سنهم يغارون إذا أمهم جابت طفل صغير إذا صرنا عن جدة ابنتي وحدث إنها ترفض تآكل تروح الجدة بحسن نية تقول فلانة واللي تقصد فيها بنت عمها بتجي تآكل وهي شاطرة تكمل أكلها وانتي لا ... أحس وجه بنتي يتغير لثواني وتمشي وتنطش ما تآكل فنعتقد إنها ما فهمت لكن تحس سبحان الله حتى لو ما فهمت بالضبط لكنها تحس إن أحد أحسن منها ويحبونها أكثر شاكرة لك |
حبيبتى colorsاعتقد هو يعتمد على شخصية الطفل هل كده بيتشجع بفعل الشئ المطلوب منه او يحبط ويشعر انه اقل من الاخر يعنى فيه اطفال بس تقول لهم فلان شطور ويشرب الحليب وانت لا تلقينه يبغى يشرب حتى يصير مثله وفى اطفال لا مثل ولدى اذا قلت له شفت ولد عمك شطور يشرب الحليب خلاص مايشرب لكن اذا جالس معه وشافه يشرب يسوى مثله علطول
اما بالنسبه لان بعض الناس تحاول المقارنه والاسئلة عن اشياء معينه دا الشئ يضايقنى جدا خاصة مثلا القى واحدة تسالنى ايش بنتك تنام كام ساعه فى الليل كم وزنها ثم تعلق انا بنتى او ولدى ماينام مثلها او ضعيف ماهو مثلها بالرغم انه احيانا يكون بحسن نية والحين بدأت اطنش ومااشغل بالى عادى اقرأ على اولادى وخلاص |
مادري عزيزتي أنا ما أحبذ المقارنات كثير
أو لأني وأنا صغيره كثير كانو يقارنوني باللي أحسن مني وهذا أبدأ ما خلاني أتقدم يعني أحب أربط المقارنة بالطفل نفسه يعني ممكن استخدم تآكل عشان تصير قوي وما تمرض بسرعة مو عشان فلان يآكل ويشرب والمقارنات شكله ما في غير نسمع ونرد ونطش مع انه يطفش يعني تجي جارة أمي تتصل فيها وتسأل عن اخوي اللي في صف ابنها كم أخذ في هذه المادة ايش مستواه في المادة الثانية يعني تحقيق شامل شكرا لمداخلتك |
آآآآآخ جيتي عالجرح
أنا أكره المقارنات ... مو أخاف على عيالي من العين لا والله العظيم .. يضيق صدري أحس أنهم أقل من غيرهم مثلاً فلان جلس وولدك لا .. فلان يحبي وهو أصغر من ولدك .. هذي سالفت أهل زوجي يدققون في هالامور والمقارنات لدرجه فضيعه مثلاً ولدي الان حول السنه .. وولد أخت زوجي 11شهر تخيلي عمرها حوالي حوالي 45 وتقولي ولدك يصفق .. يبوس .. يقول باي ..يغير من أخوه أسأله أستحي أكتبها إذا قلت لها لا توه قالت لا مو توه ولدي يسوي ويقول .. أحس أنها سخافات .. وصراحه أتضايق منها دائماً على هالحال ولدي الثاني في أول أبتدائي أولاد عماته في سنه يسألوني ولدك بدأ يهتم بالكوره والانديه إذا قلت لا قالت غريبه مو طبيعي أنا ولدي يتابع مباريات ويعرف انديه اوربيه يسألوني عن الدرس الفلاني في الرياضيات هل ولدي أستوعبه والا لا ينادون ولدي أقر هالجمله .. لان ولدها مااقدر يقراها وش رأيك شيء يقرف .. أنا أحس أن بس أهل زوجي يهمهم هالشيء لان اهلي ماعمرهم قالوا لي زي هالكلام أو سمعت من خوالي أو أي أحد هالمقارانات الا أهل زوجي بس |
هو ربما يكون مدعاة للعين في بعض الحالات وللناس اللي ما يذكرون الله لكن الواحد يحصن عياله والله يحفظهم وما عليهم إلا العافية إن شاء الله
لكن سالفة المقارنة هذه تطفش سواء كان ولدك هو المتقدم أو العكس مادري ايش يستفيدون وذكرت في رد سابق إن بنتي نفس الشيء وقت صغيرة من قبل أهل زوجي فلان قعد وهي لسه فلان بدأ يحبي وهي لسه وهو نفس عمرها ولا أصغر منها بشهر وما شاء الله وبنتك لسه شكلها ما ترضع زين ولا ما تنقزينها وتلعبينا عشان تقوى شوي ما أدري ايش يبون ولا ايش يبوني أقول إذا هي ما حبت ولا قعدت أقعدها غصب كل طفل له قدراته ويمكن طفل متقدم في أشياء والآخر في أشياء ثانية يعني ماله داعي ولا يصير العكس تقول بنتك تسوي كذا ما شاء الله وتعرف وأنا بنتي لا مو زي بنتك وهم في نفس العمر طيب يا اختي كل طفل شكل وماله دخل إنهم نفس العمر وكل طفل اهتماماته غير إذا الاخوان في نفس البيت من نفس الام والأب يختلفون واحد يمشي على 11 شهر وواحد على سنة وآخر ممكن يتأخر سنة وكم شهر كل واحد له شخصيه واهتمامات لكن الناس ما يستوعبون أو ما عندهم سوالف ثانية غير سوالف الطفش والمقارنات اللي مالها داعي ومشغلتهم دايما حتى لو الواحد طنش لكن بيبقى الزهق وبتبقى الأسئلة والمقارنات اللي ما بتخلص خصوصا للي أعمارهم متقاربة حتى يمكن لين يتوظفون ويتزوجون بيقولون ماشاء الله فلان حصل وظيفة زينة وولدي من نفس الكلية متخرج لكن يشتغل براتب أقل شكرا عزيزتي لمشاركتنا الله يحفظ لك عيالك ويشفي ولدك يارب |
ذه كثري منها قريبتي ما شاء الله ولدها اكبرر من ولدي بسنه و شهر
لمن جلس ولدي قالت يااي جلس ولدي مدري متى جلس لمن مشي بالمشايه قالت يازينو يمشي طيب ولدك اساسا كبير ما شاء الله وولدي صغير باسم الله عليه و الحين لمن مشي قالت يا حليله يمشي متى مشي ليش ما ياكل انا ولدي ياكل يا بنتي طيب افهمي ولدك بيصير 3 سنين ما شاء الله يعني كبير و انا ولدي بيصير سنتين ما شاء الله يعني اصغر بشويه موشرط يسوي نفس الشيء ولدك لون شعره كذا وولدي لا و من هذا الكلام الي احسه بصراحه تصغير عقل ما فهمت للحين ايش المغزى بس صرت اقول اممم بسم الله عليه و اسكت و على فكره يا ويل تمدحي ولدها او شيء تحسب انك بتحسديه بس هي تصرفاتها شكلها عشان ما تلفت النظر لولدها و الله اعلم عشان لا اظلمها |
ما دري صراحة يقهروني إذا ما لقوا سوالف غير المقارنات هذه اللي مامنها فايده
وتتعبيبن وانت تقولين كل طفل يختلف عن الثاني وايضا مافي فايدة الله يعين شكرا لمرورك |
| الساعة الآن 05:26 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©