كيف نتعامل مع المقارنة بين الأطفال ؟
سبحان الله كل طفل يختلف عن الآخر
لكن في ناس ما شاء الله عليهم هوايتهم المقارنة بين أطفالهم والآخرين
وخصوصا بين الأطفال اللي يكونون بنفس العمر
صحيح الواحد يحصن الطفل وما عليه إلا العافية لكن هذا اسلوب يزعجني شخصيا
أقولكم أمثلة من عندي
زميلة أعرفها طيبة وعلى نياتها ما بين بنتي وبنتها إلا أقل من شهر
دائما تسأل عن حسن نية
بنتك كم وزنها ؟
تصدقين وزن بنتي كذا
طيب أنا بنية بنتي غير وكثافتها العظمية غير ما في مجال للمقارنة
وقت كانت أسنانهم تطلع تفتح فم بنتي تشوف أسنانها فين طالعه وكم سن
وتقول بنتك تحت وبنتي فوق
عدد أسنان بنتك كذا وبنتي كذاك
بنتي ماشاء الله تمسك الصيصان عادي وبنتها تخاف
تقول بنتك عادي تمسك ما تخاف !
أنا أخاف وبنتي تخاف كل هذا على مسامعهم
أقولها أنا ما أخاف ولا خوفتها
وفطرة الطفل ما يخاف يمسك الحيوانات الصغيرة إلا إذا أحد خوفه منها لكن لا حياة لكن تنادي
بنتي الحين ما شاء الله قريب 3 سنوات إذا قالت لي أبغى الحمام
تقول ماشاء الله تعرف
أنا بنتي لسه والمشكلة المقارنة ممكن تتضرر منها بنتها لأنها تقول لها
شوفي صارت صديقتك تروح الحمام وانتي لسه
بنتي من وقت كملت السنتين وأنا أحاول معاها وما تعلمت غير من كم شهرين
مع وجود بعض الحوادث النادرة
يعني بيصير لي قريب سنة وأنا أعلمها والناس يعلمون أطفالهم في شهر واثنين
لكنها ما تشوف التدرج فقط تشوف النتيجة إنها تعرف
تقول لبنتها ان بنتي تتكلم وتسولف معانا وانتي لسه دائما تسكتين مع الناس
وأنا أقولها حرام تقولين لها كذا ما تهتم
وكثير أقولها في سياق الكلام مو على موقف معين عشان لا تزعل انه كل طفل يختلف سبحان الله
لكن أحسها ما تستوعب
هي بحسن نية تسوي هذه الأمور وطيبة جدا وتحب بنتي وتتمنى لها الخير
لكن هذه الطريقة تزعجني وتطفشني
وعلى فكرة هي مرضعة بنتي هل هذا مسوغ إنها تقارن بهذا الشكل ؟
وناس ثانين من أقارب بنتي عيالهم الحمد لله الذي عافانا يتأخرون في الكلام ولا يكون واضح
ربما لأنهم يصيرون مع الشغالات ولا هم كذا الله أعلم
إذا بنتي تكلمت بشيء يقولون ماشاء الله تقول كذا
هم يذكرون الله لكن أنا استغرب من استغرابهم
ليش هم ما يدرون إن الأطفال قدرات ويختلفون حتى البنت تفرق عن الولد والاخوان يختلفون فيما بينهم
وغيرها من المواقف
كيف تتصرفون في مواقف المقارنات
مع العلم إن بعضها ممكن يؤثر على نفسية الطفل
مثلا يحس أحد يقول انه طفل ثاني أحسن منه ولا يرسخون فيهم أمور
يقولون فلان قوي وانت خواف هو دائما يسمع كلام أمه وانت مزعج فوضوي
التعديل الأخير تم بواسطة colors ; 05-07-2009 الساعة 02:22 AM
05-07-2009, 02:14 AM
ضوابط المشاركة
العرض الشجري