|
سكوتج من البدايه وتهاونك عن بعض حقوقك ادى إلى هذه النتيجة مو دايما السكوت يجب نتيجة مرضية
احيانا السكوت اللي مثل سكوتج يدل على ضعف الشخصية وعدم مبالاه للعلاقه والحقوق والواجبات طبعا الحين الحين صار اللي صار وربي يعوضك خير يارب في اولادك ويطرح فيهم البركة آمين انتي بنت والنعم فيكي وفي تربيتك نادر ما نلقى حريم زيك والله واذا هو تعامل معاكي بهالطريقه هو الخسران مو انتي عالاقل ترتاحين منه ومن شخصيته الضعيفه ومن اتكاله عليك...بارك الله فيكي اختي الكريمة وربي يفتحها عليج يارب ويعوضك خير آمين |
سبحان الله من بعض الرجال
صدقينى راح يرجع لك ندمان ولو بعد حين لان مثلك نادر بس الحق عليك انت من اول يوم خليتى وعودتيه على انك الى تصرفى فى مثل عاجبنى يقول (زوجك على ماتعوديه ) مو مشكلة وانت هلا ماتتحسفى عليه واصبرى واحتسبى |
اختي ادخلي على قوقل واعملي بحث عن( منتديات مبادرة الطلاق السعودي) الاخت هيفاء خالد خبيره في مثل هذه المشاكل راح تطلع لك حقك من عيون زوجك .. |
انا بقولك شي استاذتــــي هذه المشكله لايحلها الا انتي وانتي فقط . اجلسي مع نفسك واستهدي بالله . وفكري كويس . وليتك تفكرين بعقلك اكثر من عاطفتك , انتي سويتي بالضبط كما يقال كل شي يزود عن حده ينقلب ضده . لان اقول لو لان لو من الشيطان . وجهة نظري المتواضعه ان جازت لك . اولا الله يخلي لك اولادك خصوصا ابنك رجال ماشاء الله عليه . ثانيا لك حق على طليقك وغصب عنه ملزوم بتوفير السكن لك ولولادك وكذلك النفقه عليكم . فلا تضعفي . فاانتي يااختي الكريمه في اشد الحاجه للقوه , فكوني قويه , بالحق . ولا تخلي من حقوقك شي ابدااااا. مع صادق الامنيات لك بالسعاده |
مشكورين كل من رد عليه واهتم بموضوعي المهم اللحين ابغا اعرف ومنكم ابغا الرد هل انا اخطيت عندما طلبت الطلاق ثانيا هل من حقي بعد الطلاق ان يوفر لي ولاولادي مسكن اريد الجواب من باب الشرع هل من حقي ان اطالب ببيت لي ولااولادي وعلى فكره اولادي موافقين يعيشون معي وهل اطالب بهذا البيت والنفقه واذا رفض ماذا افعل
|
اقتباس:
اختي قلت لك ادخلي على منتديات مبادرة الطلاق السعودي و اعرضي مشكلتك و راح تلاقي الجواب القانوني والشرعي على كل تساؤلاتك و بالتفصيل و خطوه بخطوه من قبل الاخت هيفاء خالد.. راح تشرح لك الاخت هيفاء ما لك و ما عليك بالتفصيل.. |
اختنا الفاضله
كما نصحتك اختنا اميرااات اعملي بنصحيتها وهناك تجدين الجواب الكافي وطمنينا الله يحفظ لك اولادك |
الرب ماشفناه بالعقل عرفناه
اكيد لك كل الحق .. اهم شرط للزواج من ثانيه العدل كيف وانتي لك عشره معه 23 سنه وعندك منه اولاد .. وهو ظالمكم قبل لايتزوج .. كيف بعد الزواج والله بعض الرجال قليل خاتمه .. انا كرهت زوجي بعد زواج 9 سنوات انفصلت كذا مره بس ارجع عشان بناتي يقولون لي اعذارك تافهه !!!! ومايحس بالنار الا رجل واطيها الله يستر عليه عيوبه كثييييير .. بس بعد ماانفصلت عنه اخر مره طلع به عيب جديد طلع مع المشاكل وهو قليل خاتمه وناكر معروف ومااحس معه باي امااااااااااااان ياناس وش تبي الزوجه غير الامان ؟؟ اصبر واقعد معه عشان بناتي واخرتها يصير الشي الي انا خايفه منه ادري هو محتاجني الحين عشان البنات صغار .. لكن هل يستاهل الوحده تقعد مع زوج وهي طول الوقت ع اعصابها انتي طيبتك اعمتك عن طبايع زوجك وانه انسان اتكالي ونسى واجباته وتذكر حقوقه بس ربك موجود الله لايوفق كل ظالم وسامحيني بس انتي الي دلعتيه ------------------ زوج صديقتي تزوجها وسكنها بشقه بدون اثاث كان بخيل وقاسي ويضرب ويشتم ولما جاء ورثها اخذ ثلاث ارباعه ولايصرف عليها ولا ع اولاده ودايم يحطها عند اهلها بدون مصروف ليه ؟ لانها طيبه وماتطالب بحقها الحين تزوج عليها وحده اكبر منها ب4 سنوات وطالبه مهر ضعف مهر صديقتي وطالبه سكن ملك ومؤخر يقصم الظهر وصديقتي بايجار !! شفتي الظلم ام عياله مهر اقل وسكن ايجار وبدون مصروف وماخذ ورثها !! الرجل هو نفسه بالحالتين بس تعامله اختلف ع حسب طبيعه الزوجه !! يعني عشانها طيبه وتحسب انك بتعطيها حقها بدون لاتضغط عليك ظلمتها والي محمره عليك العين هي واهلها قبل لاتكون زوجتك صرت لها العبد المستعبد .. سبحان الله من تجارب الي حولي عرفت اغلب وليس كل الرجال مالهم امااااان وينسون العشره وينسون لو ظلموا هذه الزوجه من بيعطيها يكفي ظلم المجتمع لها بعد اقرب انسان يظلمها !! هذا جزاها انها خافت الله فيك وحبت ترضيك لانها بترضي ربها بس مااقول الا حسبي الله ع كل ظالم والله ينتقم لكل مظلوم .. ولاتتحسفين عليه يامغبونه .. والله هو المغبون كان بيفرط بوحده مثلك احسنت عشرته وصبرت عليه وقدرته ولاتندمين ع شي سويته واحتسبي الاجر .. خوفك وحبك لربك هو الي خلاك تسوين كذا فلاتندمين ابد ولابعد الصبر الا الفرج .. عيالك كبروا واتركيهم له حتى لو قال خوذيهم قولي هم مسئوليتك انا باشوف نفسي مثل ماشفت نفسك قولي له احسن شي صار لي بحياتي انك طلقتني .. من اول ودي بهالشي بس صابره عشان عيالي بس دامهم كبروا الله يوفقهم طنشي بس والحمدلله ع كل حال ادري طولت عليك بس والله قاهرني ان الزوجه الي تخاف ربها في زوجها تنظلم .. والزوجه الي مايهمها الا نفسها حتى يمكن ع حساب عيالها تاخذ حقها كامل ومكمل واكثر بعد بس هذا ابتلاء ولا لنا الا الصبر اهم شي اعرفي انه هو الخسرااااااان اما انتي ارتحتي من الظلم كنتي مغبونه الحين مبسوطه توكلي على ربك نصيحه تذكري حق الضعفاء في مالك من فقراء وايتام ومساكين فاكثري من الصدقه والاستغفار وادعي ربك من امرك كل خير وراحه البال دمتي بود |
انتي الان طلقتي مع الاسف لا تفكري فيه انا لا اراه رجل وانا هو شبه الرجل فلا تفكري به مطلقا وحاولي ان تتعايشي مع وضعك بكل اريحيه و سلي نفسك بأنه مايستاهلك فكم تعبتي وعانيتي ولم يقدر ولا استطيع الا ان اقول الله يعوضك خير بعيالك
وشكرا |
سبحان الله العظيم والله فية رجال مدري كيف اسميهم
نداء الي نفسي اولآ والي كل رجل بمعني رجل أنة يخاف الله في زوجتة واولادة ومهما حدث يصبر ويحتسب والعشرة لها دور والرحمة لاحول ولاقوة الا بالله الرجل هو الذي داخل البحر وقبطان السفينة مالة داعي الضرب والاهانة لأن المرأة ترضى بكلمة صادقة والله هذا حرام وعليك الصبر اختي والاحتساب والله يعينك |
| الساعة الآن 10:39 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©