طلقني بعد 23 سنة و أحس بالإهانة
السلام عليكم ورحمة الله وبركاته
اخواتي انا جديده بالمنتدى بس كنت محتاجه اعرض مشكلتي واخذ رايكم انا صح او خطا
احيانا الانسان يحتاج للمشوره في اموره رغم انه انتهى كل شي بس ابي اعرف انا اخطيت او لا
انا متزوجه لي 23 سنه تزوجت وانا صغيره بالسن عمري 17 سنه والحمد لله الله رزقني بعيال ثلاث اولاد وثلاث بنات توظفت قبل 15 سنه معلمه والحمد لله كان كل شي تمام كنت محافظه على بيتي وعلى اولادي كان همي كله اني اسعدهم كنت احب زوجي حب فوق الخياال مااحد يتصوره كنت ابغا اسعده رغم انه كان بعيد عني بقلبه وكان جاف جدا معي كانو اهله عايشين معي بنفس البيت كان زوجي دايم مع امه يسولف لها ويشكي لها ماقلت شي امه لكن كان مهملني رغم اني احبه واول انسان يدخل قلبي المهم مرت الايااام وكبرو الاولاد طبعا زوجي بعد ماتوظفت شال يده من المصروف بس الاكل اللي يجيبه وانا من غبائي صرت اصرف على اولادي ونفسي من كل شي ليه عشان احبه وماابغبا اثقل عليه وكمان كان هذاك الوقت شاري ارض ويبغا يبني المهم مشيت الامور كذا اللي اطلبه يقول مو ضروري اروح واجيبه من راتبي حتى الاجازات كنت اسافر عند اهلي بعيالي ومايعطيني ولا ريال وماكنت اتكلم امشيها كبرو عيالي وصل ولدي الكبير لثانوي كثرت مصاريفهم واحتايجاتهم والبنات والشغاله والمدرسه ونفسي دخلت بديون كنت اتسلف عشان اوفر لهم كل شي شريت لولدي السياره المهم اشياء كثيره عمر زوجي البيت وجهزه كدور كامل لي والباقي شقق كانت علاقتي مع اهل زوجي حلووووه مره مثل بنتهم وهم مثل اهلي المهم في يوم من الايام تفاجااات بخبر زواج زوجي في نفس الليله عرفت وهو خرج من عندنا ماقال لي ولا شي بس على انه مسافر لعمارته سكت عشان عيالي وكان الحزن يقطع قلبي المهم قعد شهر كامل ماندري عنه طبعا لامصروف ولاشي
ومع كذا تحملت عشان اولادي جاء بعد شهر العسل ودخل بكل وجهه قوي يسلم طبعا انا اخذت الموقف بهدوءءء ومشيت الامور ومشت كان كل همي اولادي اداوم عادي بدوامي وهم بمدارسهم ولا كان شي سار بعد فتره طبعا بعد زواجه بفترة اكتشفت انه قسم الدور اللي جهزه لي لشقتين رغم ان فيه شقق فوق ولما سالته قال مالي دخل سكت ومشيت الامور جهزه لها وسكنت هي وانا طبعا بمنطقه ثانيه عشان وظيفتي كان يجينا اسبوع ويتركنا ثلاثه اسابيع كنت الاب والام لاولادي حتى المستشفى مايدري عنهم ولا يروح معهم انا اللي اروح مشيت الامور بعد فتره طلب مني اني انقل بنفس المنطقه وافقت وطلبت نقل طبعا السنه هذا الفصل الاول وقدمت اوراقي قعد يهددني باولادي انه بياخذهم الفصل الثاني عشان تعب من السفر واروح بالطريق وعشان مانحرم من اولادي اخذت انا اجازه اشتثنائيه وطلعت معهم ونقلت اغراضي كلها على فكره كنت ساكنه ببيت ملك لابوه وبعد ماتزوج طلعني من البيت ورفض يستاجر لنا انا استاجرت وسكنت انا وعيالي لوحدنا طبعا بمنطقة وظيفتي المهم اخذت اجازه وتركت كل شي وتغاضيت عن اشياء كثير وجيت بنفس منطقته رغم حرقة القلب لكن عشان عيالي سمعت الاهانات منه ومن اهله وتذمرهم مني ومن وجودي لكن كنت امشي الامور عشان اولادي بعد فتره وعشان ماعندي راتب معليه ديون الناس مارحمتني ولا وكالة السياره تطالب بحقها وانا عارفه من حقهم لكن وضعي كذا المهم زوجي ماصدق فيها قال انا مالي دخل وتركني تدرون كيف تركني هجرني شهرين مايدخل البيت نهائيا ولا يسال عن اولاده ولاشي رغم انه بنفس البيت بالشقه الثانيه المهم حاولت اصلح الموضوع رفض نهائيا في الاخير ارسلت له رساله قلت الوضع كذا ماينفع لازم نحلها او كل واحد منا يروح بطريق تخيلوا بنات اش سوى ارسل ورقتي بعد اسبوع وطلقني تدرون انا انصدمت بعد هذا كله يصير كذا وكلت امري لله وسكت وقلت يمكن فيها خيره اللحين يبغا يطلعني من البيت اللي فيه اولادي وطبعا نقلي ماجاء واللحين برجع اداوم بوظيفتي وحلف اولادي مااخذهم
انا عارفه طولت عليكم لكن ابغا شوركم مع انسان مثل كذا ام اولاده عشره 23 سنه ولدي الكبير 22 سنه وبنتي متزوجه يعني هل له الحق بكل اللي سواه فيني ياليت تعطوني شوركم وهل انا اخطيت لماطلبت الطلاق لكن صدقوني انه اهانني بما فيه الكفايه وسبني وضربني ومع كذا سكت عشان عيالي لكن في الاخير فاض الكيل
الإشراف/ تم تعديل العنوان بما يناسب المضمون
التعديل الأخير تم بواسطة أطيـــــــاف ; 10-08-2009 الساعة 02:56 PM
10-08-2009, 01:12 AM
ضوابط المشاركة
العرض الشجري