|
اهلين اختي روح الطير
انا قلت شو القصة اسمي بالعنوان خير ان شاء الله شو المشكلة:30: يا ستي انا بظن انه مشكلتك 80% منها الدراسة الدراسة وحدها بتعمل اكتئاب فظيع كيف مع الغربة و مسئولية البيت والطفل انا فكرت بتعديل شهادتي لكن لما رأيت انه لازم سافر لبرمنجهام و عندي طفلين لغيت الفكرة كلها من راسي انا ايام الجامعة كنت مكتئبة و همومي قد جبل و انا ما عندي لا زوج ولا طفل الله يعينك صبري نفسك بالنظر للمستقبل و بما وراء الدراسة والنجاح ان شاء الله و اذا عمبتاخدي حبوب فيها هرمونات اواي مانع حمل فيه هرمونات قد يكون له علاقة باكتئابك هناك بعض الفيتامينات الغنية بالمغنيزيوم تخفف من اعراض التوتر هذه حاولي تحصلي عليها و توكلي على الله لندن فيها كتير أماكن مسلية و جالية كبيرة شو نعمل نحن جماعة النورث ويست :)؟؟؟ |
اقتباس:
و هذا الشئ ممكن أتحمله و أمشيه و أأقلم نفسي عليه ،، في أي حالة أو وضع .. لكن مع الضغوطات هذه ،، أحس إني ما أتحمل أبدا .. ما أقدر أتحمل مسؤوليات زيادة .. - ولدي ،، ماشاء الله تبارك الله .. شعلة نشاط الله يحميه .. لو ألعب معاه من الصبح لحد الليل ،، ما يمل و لا يكل .. و جيت بأسجله في الحضانة .. بس ما عجبني قلة الإهتمام عندهم ؟ و سعرهم أقل شئ في الشهر 4000 ريال .. و ما يعملوله شئ ؟ بس يجلس و يلعب .. و لقيت رقم وحدة عربية و مسلمة تهتم بالأطفال و سعرها كويس و يمدحوا فيها - أبغاه يختلط بالأطفال اللي بسنه لحد ما يتسجل بالمدرسة - .. و إن شاء الله بأوديه عندها من بكرة .. لو 3 ساعات يجلس عندها و يقابل الأطفال و يتعلم الكلمات العربية منهم .. - أمي .. عندها المرض الخبيث ،، الله يشفيها منه .. و أنا هذا الشئ برضو كان متعب لي نفسيتي و ما رتحت غير يوم نزلت جلست معها ،، بس ألحين الفترة هذه ، كل ما سمعت صوتها بكيت .. و هي صارت تتعب مني .. ----------------------------------------------------------------------------------------------------- - شغالتي .. بأقول إيش حصل معها .. لإنه وجودها عندي متعب لي نفسيتي .. بس مضطرة أخليها غصب ، و نفس الوقت ما أحب وجود شخص غريب في بيتي ؟؟؟؟؟ يعني متعبة نفسيا و معنويا ،، لكن مريحة جسديا فقط .. اكتشفت إنها ( كذابة كبيرة و بإحتراف ) .. حصل موقف و جلست تكذبني فيه و تتكلم بكل ثقة .. و يوم جبت لها البرهان و قلت لها ( ليه تكذبي ؟؟؟؟ ) ،، انخرست و تلخبطت و قامت تقول ( ليه تكلميني كذا أول مرة بقسوة ؟؟؟ ) قلت لها ( شوفي حالك إيش بتعملي ؟؟؟؟ أنا عمري أذيتك بشئ ) .. :( بعدين صارت تتبلى على أمي .. و أمي قالت لي أصلا : ( بتكذب عليك ، أعطيني هي أسألها ) .. بس قلت لأمي خلاص أخسريها .. ماني ناقصتها دحين .. و أمي قالت لي : أصلا كانت طايرة من الفرحة يوم عرفت بتاخديها معاك .. إيش اللي قلبها دحين ؟؟؟؟ المهم ، تكلمت مع الشغالة بحزم و هدوء نفس الوقت و انا واقفة و عيني بعينها .. و قلت لها كل شئ .. : ( قلت لها ، عاملتك زي أختي ،، ما عمري ظلمتك و لا زعلتك .. كم مرة زوجي يقول لي شغليها ، شوفي البيت كيف ؟ بس أنا ما أرضى و أقوم اعمل بنفسي و إنتي شايفة بعينك .. و لإني ما أحب أتأمر على أحد ، و أحب الشئ هذا يجي من الشخص نفسه .. مو حكاية ضعف أو خوف .. أختي شوفيها كيف تعامل الشغالات و تذلهم ، و أنا أقدر أعمل مثلها و أكثر .. بس ما عمري عاملتك إلا بالشئ اللي يرضي ربنا ثم ضميري .. لإنه أنا و إنت ما فيش أي فرق بيننا .. أنا و إنت سوى عند ربنا .. يمكن إنت أحسن مني عند ربنا ؟ يمكن أنا ؟ كلنا في الأخير نروح في القبر تحت التراب ؟ كلنا زي بعض اتفقت معاك تجي و تجلسي سنتين لحد ما أخلص دراستي و أدخل ولدي المدرسة .. جلستي تتشرطي راتب و ما راتب و قلت لك طيب ،، و جيتي هنا و كل شوي أبغى أسافر ؟ خلاص سافري ماحد ماسكك .. بس كنت قلتي من زمان ، كنت جبت وحدة غيرك .. مو توعدي و تخلفي وعدك ؟؟؟؟؟ و لا تحسبي إذا رحتي ما أقدر أتصرف .. خلاص ماني بحاجة لك و روحي الله معاك ،، و حكاية أنا و زوجي ،، لا تتدخلي بيني و بينه ،، هذا زوجي و أنا أعرف كيف أتصرف و أتعامل معاه .. ) بعدين شرحت لها ، إنه العقد سنتين و الإتفاق اتفاق ،، و قلت لها .. تخيلي يا فلانة إذا جيت و قلت لك ،، لا .. بأجلسك 4 سنوات مو سنتين ؟؟ إيش بيكون إحساسك ؟؟؟ نفس الشئ معاي .. العقد سنتين ،، و إنت أخليتي بشروط العقد ،، و مو ذنبي أنا ، لإني سألتها و طلبت منها تفكر مضبوط ،، قبل لا أجيب وحدة غيرها ،، يعني ما غصبتها أما حكاية الشرطة و السفارة ،، ؟؟؟ خير إيش بهم ..؟؟؟؟ المهم .. قلت لها ( إيش حكاية سفارة ؟؟؟؟ إنت تخيلي نفسك في السعودية ،، و ماشية كويس .. و أجي بيوم و أقول لك ،، أنا بكرة أوديك الشرطة ؟ إيش بيكون إحساسك ؟؟؟؟ قامت تقول .. ( أنا أقصد إنه زوجك بيسرق فلووسك .. و لو في يوم اتهمني فأنا عندي سفارة أروح أشتكيهم .. ) قلت لها ،، على حكاية الفلوس اللي ضاعت من البيت .. فأنا ما عمري قلت عنك حرمية .. و لا عمري اتهمتك و لا اتهمت أحد ،، لإنه عندي ( ربنا ) .. و فيه ( الله ) .. هو يشوف كل شئ .. أنا أسامح ،، علشان ربنا ما يضيع شئ .. و مو أنا اللي أجي أحاسب مين اللي سرق ؟؟؟ خلاص ربي فيه و هو يشوف .. ---------------------------------------------------------- المهم .. إذا بتكذب الشغالة ، بكيفها تكذب .. بس كانت تجي تحكي لي عن أشياء و تكذب فيه كمان ؟؟؟ لدرجة تشككني في زوجي و أهل زوجي ؟؟؟ مرة قالت لأمي ، أنا ما أبغى أروح بيت أهل زوج مدام .. علشان أمهم - أم زوجي - تفتش شنطتها ؟؟؟ زي كذا تجيب حكاوي من راسها و أصدقها ،، بس الغلط مني إني فتحت لها المجال .. و مرة تركتها عند بيت زميلتي و جات تقول لي : هذا رجال مو كويس ؟؟؟ صرت ألحين أعرف متى هي تستغل الفرص علشان تكلمني و ما أعطيها مجال ، علشان ترمي السم.. أمس جالسة و ولدي يناديها تجلس معانا نتفرج على أفلام كرتون من اليوتيوب ،، قصارت تتكلم و تنكت و تعلق على ولدي و تضحك ، و أنا ما أطالع فيها أبداااااا و لا كأنها موجودة .. لحد ما فهمت و سكتت .. و زوجي يقول ، غريبة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟ :rolleyes: أول مرة الشغالة تنظف المطبخ من حالها ؟ إيش النشاط اللي جاها فجأة ؟؟؟؟؟؟؟؟ قلت له ، من هذاك اليوم اللي تكلمت فيه معها لاحظت إنها تعدلت .. حتى زمان كنت أناديها كم مرة و تطنشني و أدق باب غرفتها و تخسرني .. بس من بعد هذاك اليوم .. بالغلط مرة قلت اسمها بدل ما أقول اسم ولدي .. جريت و طلعت من غرفتها ،، تقول ( تبغي شئ مدام ؟ ناديتيني ؟؟؟؟ ) .. ------------------------------------------------------- الزبدة : قالت لي متى تبغيني أسافر ؟ قلت لها بكيفك .. ماني ماسكتك .. بتسافري من بكرة سافري .. قالت خلاص بتجلس شهرين ،، و طبعا انا في حيرة دحين ،، لإنه قانونيا هي المفروض تدفع قيمة تذكرتها إن أخلت بشروط العقد .. و أنا أحزن عليها ، و أبغى أدفع لها ،، بس قيمة التذاكر غالية مرة مع قيمة تجديد الجواز تبعها .. مع قيمة السفر إلى لندن و زي كذا .. و غير إنها إذا سافرت بأدفع لولدي لحد ما أخلص .. يعني الهدف اللي جبتها علشانه ،، ما عملته .. و ما أستفدت من جيتها لهنا .. لإنه كن الإتفاق بس أخلص دراستي زوجي يقول يا إنها تجلس لحد ما تكمل السنتين مثل ماهو مكتوب في العقد و نشتريلها كل شئ .. و تتخرجي .. أو يا هي تدفع قيمة تذكرتها .. و مو ذنبي إنك تحزني عليها و ترحميها و الغلط غلطها ..؟؟؟ و أمي تقول ، زوجك معاه حق ،، و هي وافقت من البداية و دحين تورطك و تقول ما أبغى أجلس ،، خلاص هي تدفع تذكرتها .. و زميلتي تقول ( قانونيا و كل شئ يقول .. إنها هي اللي تدفع تذكرتها ) .. فقلت لزوجي ،، إنت و أمي تفاهموا معها خلاص ، طلعوني منها .. بس ندفع لها نص قيمة التذكرة .. مسكينة ما تقدر تشيل قيمة التذكرة لوحدها .. ( أدري إني غبية أحيانا ،، بس ما أقدر ) و ألحين كمان طلعت لنا شغلة ، لازم نحجز بيوم علشان نجدد جواز سفرها .. ----------------------------------------------------------------- إيه نسيت أقول .. :d بعد ما خلصت من نقاشي الطويل معها .. كانت ماسكة نفسها من البكاء .. و قلت لها ، أنا حاسة بك .. و جربت الغربة و جربت إنه ولدي يبعد عني ، و جربت كيف أمي تمرض و أنا بعيدة عنها .. أنا حاسة بك و فاهمة كل شئ .. لا تحسبيني ما أحس .. آخر شئ ،، مديت يدي أصافحها ،، و تفاجآت هي و مدت يدها تصافحني .. ( هي قصيرة و دبدوبة ماشاء الله ) بعدين مسكتها و حضنتها بقوة ،، و جلست تبكييييييييييييييييييييي و تشهق من البكاء .. و أطبطب على ظهرها ،، و صارت تصيح ( وو تقول و الله مدام أنا أحبك و أحب ولدك كثير مرة ) بعدين تركتها ،، و رحت الجامعة .. ما طالعت فيها .. كيف الموقف الدرامي بس .. :16: و من يومها ، ماشية كويس معاي الحمد لله .. |
اقتباس:
أختي ماريا أحتاج لكلامك ، يريحني كثييييييير .. قولي لي إيش أعمل ؟؟؟؟؟؟ و اسمك في العنوان ، إنك جبتيها في الصميم .. أمس بس أبكي و أقول ماحد فاهمني ، أنا تعبانة .. تعبانة .. أحس إنه السنة هذه .. هي قنع الزجاجة ؟؟؟؟؟ طيب إذا كانت مشكلتي هي الدراسة ، و أكييييد الدراسة .. طيب أنا ماشية في دراستي الحمد لله بالقوة و بالدف .. بس المشكلة اللي حولي ،، لمتى يتحمولني ؟ كل شئ له طاقة .. ؟؟؟؟ تخصصي مرة متعب ، لدرجة إنه ما معاي أحد يدرسه غير كم واحد انجليزي .. و على قولتك ، في البكالوريوس تعبنا من غير مسؤولية زوج و طفل و بيت و غربة و لغة تانية كمان ..؟؟ بس إيش أعمل من هنا لحد ما أخلص الشهرين هذه ؟؟؟؟ و ما بأخد حبوب ،، ما أحبها ،، بس فكرتيني بالفتيامينات ،، داومت عليها من شهرين بس أسبوعين و تحسنت نفسيتي و تعدلت بأرجع و أخدها إن شاء الله ،، ربي يذكرك بالشهادة يارب .. و ما يمديني أروح لحديقة علشان أروح لندن ههههه .. تصدقي ؟؟؟ ما عمري شفت البيج بن ؟؟؟؟ : ( : ( من يوم جيت هنا ، ما بأفضى أبدا .. هانت كلها كم شهر تنعد يارب .. بس زعلانة من نفسي ، لإني زعلت أمي و زعلت زوجي مني أمس .. صح رضيوا عني و سامحوني ، بس أنا زعلانة من نفسي و متضايقة و ماقدر أسامح حالي .. |
اقتباس:
و نسيت أهم شئ :d أحبك الله الذي أحببتني فيه .. :o ياختي من زمان ما سمعت كلام حلو يرد الروح هههههه.. :17: |
نقل الوضوع الى مكانه الانسب...الاشراف
|
اقتباس:
انتي طبعك انك بتفشي خلقك باللي حولك لا تبكي لأمك و لا لأحد من اخوتك لأنك بتزيدي همهم عليكي و هم بعيدين و مو قادرين يقدمولك شي انا وقت كنت بالجامعة كانوا اهلي يحكو معي و انا مشتاقة لهم و حاول اكبت دمعتي و ما اظهر اي شي من الحزن لأني أعرف تماماً أنهم سيبكون عليي و بنفس الوقت مو طالع بايدهن شي أما زوجك معلش :d بس بحدووووووود ديري بالك كل ما فشيتي خلقك فيه اعتذري و قوليله يصبر عليكي هالفترة و اياكي تتذمري من الغربة نحن رجالنا حساسين و اذا تذمرنا من الغربة سيشعرون اننا نتذمر من شي هم اختاروه لنا الرجال حساسين جداً من هالناحية و ما تزعلي لأنك زعلتيهن معلش يعني اذا ما فشيتي خلقك لزوجك مين اللي رح يطبطب عليكي و يصبرك ؟؟؟ بعدين زوجك و أمك اكيد اعتادوا على زعلك و ما عاد تفرق معهم اذا جرحتيهم بالكلام لأنهم عرفوا انك ما بتقصدي اي شي لما تكوني معصبة و انتي قولي لهم انك ما بتقصدي شي من كلامك لما تكتئبي معلش اصبري و الصبر مفتاح الفرج اعتذر اذا كان هناك اي خطأ إملائي كتبت الرد بسرعة و الكيبورد شوي مغلبني الله يوفقك يا رب |
حبيبتي أختي ماريا ..
معليه بأغلبك معاي ،، أحس إني معاك بديت أعرف المشكلة فين بالضبط .. و بأحاول أحصرها قد ما أقدر ، علشان أسيطر عليها .. قبل كم ساعة ، قلت لك أمسك الورقة و القلم .. و أجلس أشخمط فيها ؟؟؟؟ أحس متلخبطة .. لحد ما قريت كلامك و بجد أحسها دخلت قلبي .. كنت متضايقة من نفسي و من أشياء أعملها و أنا ما كنت كذا أبدا .. +++++++++++++++++++++++++++++++++++++++++ اقتباس:
- أنا صابني الإكتئاب الشديد ،، و زوجي صابه الفرح الشديد .. بس الحلو ، إني يوم أرجع بلدي ،، أرجع بنفسية مستقرة و متقبلة لبلدي و الحمد لله و أحاول أكون عنصر فعال .. لكن زوجي يرجع و هو متأفف و متضايق من كل شئ ، و كل شوي يجلس يقارن ..؟؟؟؟؟ و الإكتئاب هذا يصيبني وقت الإختبارات ؟؟؟ - و بالفعل أشعر بشعور قاتل إذا أهلي طنشوني .. تتعب نفسيتي و أحس إنهم خلاص نسيوني و ما يبغوني ، و أحس إني وحيدة و خلاص مالي أحد .. علشان كذا أفرح يوم أشوف ولدي .. و ما كنت أعرف إنه المشاعر هذه طبيعية نتيجة الغربة ، لحد ما قريت ردك .. اقتباس:
الحمد لله ولدي صغير ،، و اليوم كلمت وحدة عربية مسلمة ،، أحط ولدي عندها كم ساعة يوميا .. علشان يختلط مع أطفال بسنه و يتكلموا عربي .. لإنه ولدي للآن مو قادر يتكلم و كلمة عربي و انجليزي اقتباس:
اقتباس:
تعرفت هنا على صحبات ،، بس كلهم بيدرسوا ماستر السنة هذه و ماحد فاضي للتاني .. و ما عندي وقت أقابل أي أحد أو حتى أتعرف على أحد .. و أنا بطبعي اجتماعية ،، فحسيت بخنقة هنا و هذا الشئ زاد من شعور الوحدة القاتلة ؟؟؟؟؟ و المدينة اللي أنا فيها مافيها متحجبات كثير ؟؟ اقتباس:
الشغالة مريحة جسديا ، بس متعبة نفسيا و معنويا و اقتصاديا و سياسيا :d اقتباس:
هذه نقطة إيجابية لوجود الشغالة .. اقتباس:
ادمان مو طبيعي ،، و ماعندي وسيلة غيرها أضيع شوي من الملل القاتل .. اقتباس:
يتكلم عربي مكسر على اندونيسي على انجليزي إلخ هههه اقتباس:
صح ،، 100 بالمية .. خاصة إنه ما عندنا هنا متحجبات بشكل كبير .. --------------------------------------------------------- أما الفوائد اللي قلتيها فالحمد لله كلها تنطبق بالفعل .. |
انتي طبعك انك بتفشي خلقك باللي حولك
ما كنت كذا ، بالعكس .. ما عمري كنت كذا .. علشان كذا أمي يوم شافتني تغيرت فجأة ، ربطت ما بينه و بين زوجي .. و تقول للكل ،، بنتي قبل لا تتزوج كانت هادية و كان بالها طويل و ما عمري شفتها تبكي ؟؟؟ و صارت ما تحب تسمع اسم زوجي .. و خاصة إنه أول سنة لنا في الغربة ، تعبت مع زوجي هنا لحد ما رجعت الأمور طبيعية و تحسنت لا تبكي لأمك و لا لأحد من اخوتك لأنك بتزيدي همهم عليكي و هم بعيدين و مو قادرين يقدمولك شي أمي قالت لي آخر مرة ،، أنا بعيدة عنك ،، يوم إنك تضايقي ، زوجك يطبطب عليك و يسكتك .. بس نحن دمنا ينحرق و ما ننام ؟؟؟؟ أنا خلاص ، بأفصل تلفون البيت علشان ما أتصل على أمي .. بس صوتها يريحني و يحسسني بالأمان .. انا وقت كنت بالجامعة كانوا اهلي يحكو معي و انا مشتاقة لهم و حاول اكبت دمعتي و ما اظهر اي شي من الحزن لأني أعرف تماماً أنهم سيبكون عليي و بنفس الوقت مو طالع بايدهن شي ما كنت أدري الصراحة ،، و ما تعودت إنه أمي تظهر مشاعرها .. و كنت أحسب إني ما هميتها ..؟؟؟؟ إنت تعرفي إنه أهلك يبكوا عليك ، بس أنا بجد أحسب نفسي ما هميتهم .. بس إن شاء الله خلاص توبة ، ما عاد أدق .. أما زوجك معلش :d بس بحدووووووود ديري بالك كل ما فشيتي خلقك فيه اعتذري و قوليله يصبر عليكي هالفترة الحمد لله متحملني و متحملته ،، و أنا مو دايما مكتئبة ، أحاول أعوضه أول ما أفضى ،، بس تجيني حالات خاصة مثل ذا الوقت .. و مع كثرة المسؤوليات و كذا .. خلاص أنهار في الأخير .. و يقول ، أنا بأصبر .. لإني أعرفك .. و اعرف مو من قلبك ،، و أعرفك تحبي الناس و ما تشيلي شئ بقلبك على أحد .. بس أختي ماريا ، إذا حبيبك عسل لا تلحسه كله .. و أنا ما أحب أكون ناكرة للجميل .. و ما تعودت أكون كذا ..؟؟؟؟؟ بس حالي بيزيد للأسوأ ، و محتاجة أحط فرامل لنفسي .. و اياكي تتذمري من الغربة نحن رجالنا حساسين و اذا تذمرنا من الغربة سيشعرون اننا نتذمر من شي هم اختاروه لنا ، الرجال حساسين جداً من هالناحية حبيبتي ماريا ،، الوضع تبعي مقلوب .. أنا زوجي يتمنى يجي هنا من قبل لا نتزوج ،، من أيام الملكة و هو يحلم متى نجي هنا .. و هو شبه فاضي ،، لإنه البعثة من جهتي أنا ،، فالضغط 99 بالمية علي ،، بس هو لو ما بيدرس فما راح يضره شئ ،، لو إني جاية مع زوجي و هو اللي يدرس ،، كان الوضع اختلف .. :29: و ما تزعلي لأنك زعلتيهن معلش يعني اذا ما فشيتي خلقك لزوجك مين اللي رح يطبطب عليكي و يصبرك ؟؟؟ ما أكذب عليك ، يكون زوجي غلطان وقتها .. بس طبعي أطنش ممكن ، أمشيها ،، أعديها .. بس صايرة ما أصبر و بسرعة أتضايق و أتأفف و كذا .. و ما أبغى أفش خلقي لزوجي ،، أكره نفسي يوم أصير كذا ..؟؟؟؟ بعدين زوجك و أمك اكيد اعتادوا على زعلك و ما عاد تفرق معهم اذا جرحتيهم بالكلام لأنهم عرفوا انك ما بتقصدي اي شي لما تكوني معصبة و انتي قولي لهم انك ما بتقصدي شي من كلامك لما تكتئبي أمي ما أحب أجرحها بالكلام ، بس صايرة ما أتحمل أي انتقاد أو نصيحة أو شئ منها .. أحس دماغي متعبي ،، و الحمد لله ما أحاول أغلط أبدا مع أمي و أمي لو زعلت مثلا فتخاصمني عادي و أرجع أمزح و أتريق معها ،، بس من أسبوع زعلت مني من غير سبب و بعدين راضيتها الحمد لله بس زوجي الله يصبره إن شاء الله معلش اصبري و الصبر مفتاح الفرج اعتذر اذا كان هناك اي خطأ إملائي كتبت الرد بسرعة و الكيبورد شوي مغلبني .. الله يوفقك يا رب |
انا مريت لفترات طويلة بنفس الحالة اللي عندك لكن كانت في اول سنة غربة اكثر شي وبعدين شوية شوية بدأت اتحسن صحيح مستحيل احس زي لو انا في بلدي بين اهلي لكن يبقى افضل من الفترة الاولى دائما
وطبعا هم الدراسة يزيد من الحالة اكثر واكثر عشان كذا ان شاء الله بس تخلصي دراستك تتحسن حالتك بعدها وحاولي بعد الدراسة تتعرفي على صديقات من الجالية وتشغلي نفسك معاهم باهتمامات مشتركة ،، هذه الاشياء تساعد كثير وتحد من الشعور بالوحدة والغربة |
أختي أم الجود ،،
- 3 رمضانات عدوا و ما ذقت طعمهم ، 3 أعياد فطر و حج عدوا و لا حسيت بهم .. و أول يوم عيد أدوام فيه في الجامعة .. سنة لغة و سنة ماجستير و صارت ظروف ملخبطة و اكتشف إني ملخبطة و داخلة فرع من التخصص و غيره ، سحبت أوراقي و نقلت و ابدأ من جديد بالتخصص اللي مفروض أدرسه هذه السنة - كم واحد و وحدة من العيلة ماتوا الله يرحمهم و لا شفتهم و لا حضرت العزاء ،، و اختفوا من الحياة .. - زواجات و خطوبات في العيلة ، ما حضرتها و لا شفتها .. و لا حتى ولادات أطفال في العيلة .. - زوجي معاي و لحد ما أبدأ معاه من الصفر و أساعده على نفسه و أحط بداخله أسس جديدة و أشيل القديمة ،، و أمسك زمام حياتنا علشان لا تنفلت لا سمح الله .. و أدرس عيوبي و أصلحها علشان أفهم زوجي و يفهمني .. أخدت مجهود نفسي .. - غير ظروف ولدي و الشغالة و زوجي و أهلي و أهل الزوج ... إلخ السبب كله .. دراسة ؟؟؟؟؟؟؟؟؟؟؟؟ الواحد بيتعب يبغى يشوف نتيجة تعبه ،، و أنا إلى الآن ماشفت النتيجة ..؟؟؟؟ توي اللي شفت نتيجة مادة نجحت فيها و الحمد لله .. بس لسى ما زلت أحفر بالصخر ..؟؟؟؟؟؟ هذه كلها مرت و أنا أمشي و ما أفكر كم بقي من الوقت ؟؟؟؟ و ألحين يوم بقي شوي خلاص ،، بدأ حيلي ينهد و وقفت في الطريق .. عندي تسليم مشروع نهائي الثلاثاء ،، مخي مقفل ما أقدر أكتب كلمة .. ماقدر أطلع في الويك إند ، ما أقدر أخرج مع ولدي و زوجي و نشم هواء ،، غير جو الكآبة في الشتاء .. بس الحمد لله .. غربتي بتهون إن شاء الله ، يوم شفتكم .. و عرفت إنه إحساس طبيعي ،، أحس صبرت صبرت صبرت صبرت ،، بس في الأخير خلاص صرت ما أتحمل شئ .. و أستنى أي شئ خلاص علشان أصيح .. و خاصة يوم تجي الفترة الشهرية |
| الساعة الآن 12:12 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©