|
الله يسامح امك .......... غلط اللي سوته من البدايه
كيف وافقتوها؟ الحين لو وحده منكم حبت ترجع .. وين تقعد؟ سبحان الله زوجها بيسافر شهر شهرين ..تروح عند امها .. مافكرت امك انو حتصيرون مثل الضيوف في بيت ابوكم ؟ استغرب اخوانك يوافقون على رأيها الله يرحم حالها تحملوا جميعا الغلطه .... لأن العقل يقول انتو اولاد وبنات ... خطأ الغاء وجود احد من حلال الوالد .. خطأ شنيع .. وعلى زوجة اخوك .. حتى لو علمتي اخوك .. وش بتستفيدين .. البيت صار لها ... واذا بتدخلون بتقعد مكشره وزعلانه واذا بترجع امك عندها بتقعد تنغص عليها ......... مافيه فايده من اخباره بساخفة زوجته لكن لها رب ماينساها |
صح هو المفروض الدور اللي تحت ل امك وضيوفها
وانتي واختك الله يغنيكم عن اخوك وزوجه حاولي تخففين زيارات او تاخذين امك عندك اسبوع وتجتمعون انتي واختك وامك في بيتك مره وفي بيت اختك مرره وخلي زياراتك قليله لبيت اهلك انتي تجين عشاان امك خذيها عندك كم يوم من باب امك تغير جو وانتوا تاخذون راحتكم اكثر الله يهديها وبصراحه انا اشوف اغلب الحريم وانا منهم يحبون الحريه في البيت ويمكن كنتوا ثقال عليها وهي اللحين تشوف انه بيتها وماتبي الاطفال يخربون ومن ها الكلااام |
الغض النظر تفصيل كيفية تقسيم البيت
المهم ان يعلم اخويك ان لامك ثمن المنزل لك ولاختك مثل واحد من اخوتك اي ان لكما نصيب في وليس لاحد ان ياخذ نصيب الآخر عندما تعرف زوجة اخيك انكم مستعدين لتقسيم البيت بحسب الشرع ستغير مزاجها وتعلم انها لاتستطيع منعكم من بيت ابوكم |
طيب اختي مدامكم سويتوا دور ثالث خلي اخوك يطلع فيه هو وزوجته ومجالس الرجال عندكم وهي ترتاح هي وعيالها وامك تجلس تحت ولاتتعب بالطلعه للدور الثالث |
اشكركم اخواتي
اللي يقول يمكن مستثقلتكم .. انا اجي مره في الاسبوع ومو كل مره عندهم!! والبيت كبير بس النفوس صغااار!! انا ما ابي شي لي انا شايله هم امي انا في الاخير راح اكون في بيتي ومعززه والله يخليلي زوجي يارررب..ويسخره...لكن اللي اكلها علقه .. امي!! هذي نهاية التضحياااات ... لكن صدق الشاعر الي يقول : وان انت اكرمت اللئيم تمردا... |
لو عندي حماة زي كذا
باشيلها فوق راااااااااااااااسي والله اختي لازم جلسة مصارحة مع اخوك .. لا تسكتوا عن حق امكم .. هذا بيت امكم واللي مو عاجبه يطلع ويستاجر بيت لنفسه |
الغض النظر تفصيل كيفية تقسيم البيت
المهم ان يعلم اخويك ان لامك ثمن المنزل لك ولاختك مثل واحد من اخوتك اي ان لكما نصيب في وليس لاحد ان ياخذ نصيب الآخر عندما تعرف زوجة اخيك انكم مستعدين لتقسيم البيت بحسب الشرع ستغير مزاجها وتعلم انها لاتستطيع منعكم من بيت ابوكم مع هالراي ميه بالميه وهو الحل الانسب لحالتكم والامثل ولكن الافضل ان لايكون اسلوبكم مندفع مع اخيكم بالحوار وافضل لو قدرتوا تخلون امكم تحت وكل وحده من حريم اخوانك لها دور وخلو لهم باب مستقل وريحوا امكم وارتاحوا انتم |
اختي لازم تجلسي انت واختك وتفكروا بالموضوع وتقرروا وبعدن تجلسوا مع اخوكم الكبير وتتفاهموا معاه والمفروض انه امك ماتعطيهم ولا ريال حقهم وياخدوا وبس |
أول شي أستعطفي امك واطلبي منها الرضا وان لايكون بقلبها شيء لو فتحتي الموضوع وانتهزي فرصة ان تكون مروقه وانتبهي تفتحيه وهي زعلانه
واذا اعطتك اشاره خضرا قولي لها انك بتجتمعي ويا اخوانك اجتماع خاص فقط انتم الخمسه وحبذا لو كان ببيتك اتفقوا على ان تكون امك في وضع الراحه حتى لو قالت انها مرتاحه لترضيهم فبعقلانية مسنه وتطلع للدور الثالث الله يفتح على بصيرتهم يارب وزوجات اخوانك حطيهم صفر على الشمال مو انتم اللي مكلفين بهم والله عشنا وشفنا ماقصرتوا معهم وهذا جزاكم كلنا مجربين العيششه في بيوت الحمايل ووكل شي واضح الصح صح والخطأ خطأ يعني بالله من يرضي امك تطلع بالدور الثالث أخوانك لازم يقتنعوا بموضوع الام تاج ولازم ترضى وانتوا اللي تشوفوا راحتها موضوع انك انطردتي ماانطردتي ولااشي ولاتفكري بهالتفكير حتى لو صار مايحق لاي مخلوق يطردك من بيت ابوك كذا ولاكذا باسم مين البيت وانتي بنت مين وهي اللي فيه بنت مين يعني اخوك الله يجزاه خير هو اللي تتعاملي معه مو مع زوجته قولي امين الله يسهل امرك ويسخر لك ملائكة السماء وجنود الارض ويقذف بقلوب اخوانك الرحمه بوالدتك ويسخرهم لكم يارب من جد ظاهرة قد تكون بكل البيوت إلا من رحم ربي أين نحن من قصة الأثنين اللي قال عنه الشيخ اللي جابوها ببدايه وحدثت أحداثها بالقصيم حينما حضر اثنان الى القاضي على غير المعتاد وقد حملوا والدتهم الكبيرة السن يريدون القاضي ان يحكم بينهم يحكم بايش؟ الاثنان يتهاوشون على امهم كل واحد يقول ابيها عندي الاول يقول امي عندي ومافيه غير كذا وانا الكبير والثاني يقول هي عندك من 18 سنه لي حق فيها ويقول القاضي يام فلان وش تقولي انتي اللي اختاري وقالت الام وش تبي اقول فلان عيني هذذي والثاني عيني هذي حكم القاضي أن يأخذها الأصغر بحكم أن الأكبر عاشت عنده 18 سنه فخرجوا والابن الكبير يبكي حزنا يااااااااااااالله مااعظم هذا الموقف ومااروعه من بر الله يسهل امرك اختي ويدلك على مافيه الخير |
من البداية الله أعطاكم حق في الميراث ليش تتخلون عنه هذا بيت العائلة ليش يتملك لاحد الاخوة والاخر لا يأخذ شيء
أنا أبوي مايت الله يرحمه وخواني الحمد لله كلن في بيته الله يحفظهم وبيت العائلة كبير جدا وأخواني أكثر من مرة يقترحوا أننا نبيع البيت أو نقسمه شقق ونروح أحنا البنات عند أحد أخواني طبعا الوالده رفضت وأنا أيضا رفضت بشده قلت لهم إذا تريديوا تبيعوا البيت انا راح أشتريه ولككن أني أعيش عند زوجة أخ فهذا مستحيل الدنيا ما أحد يعلم ويش راح يصير فيها وعشان كذا كرامة الواحد أنه يظل له مكانه الخاص دامه قادر علي ذلك. حاولي تلمحي لاخوك بطريقه ذكيه عن اللي يصير ودام أنه صار لكم دور فوق فهذا شيء طيب لك. |
| الساعة الآن 10:07 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©