|
عزيزتي عروس مغتربة
غير المشاكل الي ذكرتيه اشعر عندك مشكلة اخرى انتي مو مقتنعه بوضعك مع زوجك ودائما تشوفين الناس الثانيين وتقولي ليش انا كذا وهم لا ..عزيزتي اذا كان تحليلي صحيح ..بقولك شي في الدنيا محد ياخذ غير نصيبه ومهما حاولنا ماراح نغير شي من النصيب بس الانسان الذكي والفطين يحاول يتعايش مع وضعه بأي وسيلة ويحاول يقنع نفسه انه هو عايش افضل عيشة وحاولي ترلين لنفسك رسائل ايجابية مو تحطمين نفسك انصحك تقرين رواية ’’رواية حقيقية ليست من وحي الخيال ’’ اسمها السجينه لـــــــــــ مليكة اوفقير .. راح تعرفين ايش معنى التعايش والصبر .. اما موضوع دراستك اذا ماباقي غير سنة كملي وكلها سنة وحده .. وطبعا انصحك تستخيري الله يوفقك يارب تحياتي |
وضعتي زوجك في كفة ودراستك في كفة ورجحت كفة الدراسة على زوجك , فكيف تريدين من زوجك
أن يشتاق لك وأنت من تركتيه لأجل الدراسة , فأي شوق ترجين منه ؟ حقيقة لو كنت مكانه , لن أسألك عنك نهائيا وسأعيش حياتي مع غيرك من تعرف أن الزوجة تتبع زوجها ولو على رأس جبل , وتعيش ظروفه بحلوها ومرها , لا من تعرفه في رخاء المدن , وتمل منه في حياة القرى .. بالفعل عرفتيني قيمة زوجتي , وقد أخبرتني أنها لن تتركني ولو ذهبت لأقصى العالم , رجلي برجلك وحالي من حالك .. |
^^^^^^^^^^
هي لم تتخلى عنه ولكن اتتها فرصة دراسية لاتعوض كما هو حقق طموحة وذاته هي ايضا من حقها ان تكمل تعليمها واعتقد انه لايخفيك ان تعليم المرأة اصبح من اساسيات الحياة تساعده في المعيشة مع زوجها وغير هذا العلم نور وايضاتذكر ان من سلك طريقا يطلب فيه علما سلك الله به طريقا من طرق الجنة وإن الملائكة لتضع أجنحتها رضى لطالب العلم وإن العالم ليستغفر له من في السماوات ومن في الأرض والحيتان في جوف الماء وإن فضل العالم على العابد كفضل القمر ليلة البدر على سائر الكواكب وإن العلماء ورثة الأنبياء وإن الأنبياء لم يورثوا دينارا ولا درهما |
اقتباس:
اقتباس:
شوفي عزيزتي .. أنا خليت زوجي وجلست في الرياض .... ليه ؟ 1- عندي أطفال أبي ادرسهم في مدارس زينة .. 2- ما أقدر أفصل عيالي عن الرياض وانفتاحه وأصك عليهم في قرية مملة لأبعد الحدود لا خروج ولا ملاهي ولا أهل ولا أقران ( أنا انسانة حذرة من الجيران ولا أحب التعارف كثيرا من كثرة القصص اللي أسمعها ) أي شخصية ستبنى عندهم ؟ عدم صفر ... تمنيت أنني من البداية ذهبت مع زوجي ونحن بدون أطفال وبقيت معه هناك ..لا مانع لدي ... لكن لحد عيالي وأحط خط احمر وأوطى على قلبي.. وهذا اللي خلاني أترك زوجي 3 سنوات وأجلس في الرياض .. وفي البيت وحدي أيضا ما رحت لأهلي لو سويناها من البداية أيضا كان حصلت فرصة لزوجي أنه يجلس أكثر من 3 سنوات وأنتي عارفة تأثير الخدمة في المناطق النائية على المستوى المادي وراتبه ... أحسن طبعا ... يا ليتني لما جلست 3 سنوات سويت حاجة مفيدة في حياتي زي أكمل دراستي مثلا .. مع أني حاولت لكن لم أقبل في الدراسات العليا ... فأنتي ... كل الظروف متيسرة لك لتفادي أخطاء وقعنا نحن فيها ولأن قلبي عليك أكره أن أرى أحد أمامي يكرر أخطائي وأنا أستطيع نصحه وتنويره ... الله يفرج همك ،،، |
اقتباس:
أسعدك الرحمن مثل مااسعدني ردك النابع من رقي تفكيرك .. فعلااا كلامك سليم 100% بس احيانا يكون غصب عني والله الواحد له مستوى في التحمل واحيانا اشوفه فوق مستوى صبري وتحملي .. الله يصبررررررررررررررررررررررررني ياااارب |
اقتباس:
نوووره تسلمييييييييييييييييييييييين ياقلبي كلامك مثل البلسم الشافي على قلبي .. وفعلااا انا حاسه ان زوجي يعااااني ويضحي من اجلي بس يااربي وش اسووي حتى انا مااتحمل العيشه هناك واشوفه شي فوووووق ارادتي وصبري احيانا اقول البعد والدراسه فكتني من العيشه هناك ع الاقل هينا احقق ذاتي وارضي طموحي لكن فـ الحقيقه العب على نفسي لامرتاحه ولاشي وكارهه وضعي واندب حظي بكل مافيه.. انا فعلااا حسيت بعد هالزيجه ان كثييييييييير الي يعانون من نفس الوضع :29: طيب ياربي انا ويني فيه قبل اوافق كنت نايمه في العسل يعني لوشايفه او سامعه احد بوضعي كاااان ابدددن مااوافقت .. بس الحمد الله ع كل حال ويااارب قنعني بمارزقتني ورضني به ... انا راح استخير قبل تبدا السنه الجايه والله يكتب لي الخيرررررة ياااارب .. |
اقتباس:
يسلموو اختي رولادا .. بالعكس والله مقتنعه بزوجي واحبه حب جنوووني والله يحفظه ويخليه ويطول بعمره .. بس الي مومقتنعه فيه سكني بالقررريه هذي بسسسسسسس .. والحمد الله زوجي بشخصه اعتبره احلى نصيب جمعني فيه رب العالمين .. يعني زوجي ماعليه اي كلاااام ومررررة راضيه ومقتنعه .. بالنسبه لموضوع السنه المتبقيه يااارب اكتب لي الي فيه الخير ياااارب .. وراح اصلي صلاة الاستخاره .. ويعطيك العافيه ماقصرتي .. |
اقتباس:
زوجتك هذي حطهاا فوووووووووووووووووووووق راسك ..صااابرة وراضيه ومقتنعه والي مثلها وبهالوقت قليل الله يخليهاا لك ..ويسعدكم يااارب .. |
رسيل
يسر الله امرك واسعد قلبك .. وعقبال عندي يااارب ارجع من هالقريه :( الله يصبرررررررررررررني يااارب |
| الساعة الآن 09:38 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©