مسائـ / صباحـ .. الخير ..
تحية طيبة للاعضاء المتميزون .. فعلا لاغنى عنكم ولاعن ردودكم ..
الوحدة اذا تضايقت ولجأت لرب العالمين ماتلقى متنفس لها غير هالمنتدى الراقي والمتميز بردود اعضائه

واسمعوا سالفتي يالغالين
زوجي ضابط في احدى القاعدات العسكرية برا الرياض يعني من تعاسة حظي ساكنين في قرية
وطبعا انتم تعرفون الي متربية في مدينة بشوارعها واسواقها ومحلاتها ووووو ... وتسكن اخر شي بقرية شي شي مااقدر اوصفه لكم من طفش وملل وكآبة وووو
طبعا بتقولون انتي عارفه قبل الزواج وليه وافقتي

أقولكم هذي كتبت رب العالمين وبالاضافه الى عدم الوعي الكامل بالمنطقه الي راح اسكنها يعني اول مرة اسمع عنها ولاتوقعتها بهالشكل ابدااا , والسبب الاهم والاكبر ابوي الله يصلح قلبه كان يشوفني من عداد العوانس اذا ماتزوجت الحين راح ابور عنده ولااحد يبغاني تخيلوااا نظرته كانت حيييييل تجرحني وعمري كان في 22 يعني والله صغيرررره بس محطمة لابعد درجة من تفكير ابوي البدائي القديم ويمكن لانه يشوف كثرة العوانس في عائلتنا قال اكيد هذا مستقبل بنتي والله مدري وشلون كان يفكر بس مااقول الا الله يسامحه دنيا واخره ..


طبعا زوجي احمد ربي واشكره مليوون مرة ماعليه كلاااام يحترمني ويعاملني احلى معامله بس الي كان يذبحني بالموضوع نظرتي الناقصه لحظي في الزواج يعني دايم اردد واقول بعد الدلال والعز والزيارات والوناسه اسكن هينا في سكن القاعدة وبين ناس والله والله مااعرف اتعامل معهم <<<< ماادري فهمتوني او لا؟

ولااطلع ولاجي ولااشوف باب الشارع يعني غمته مابعدها غمته وطويل العمر زوجي يجي تعباااااااااااان دايخ بعد الدوام وانتم اكيد عارفين دوام العسكرية والتعب ..
الموهم بعد سنه من زواجي قدمت على دراسات عليا في الرياض ,, وكان بموافقه زوجي وظنا منه وقتها انهم مايقبلون الا الي معاه واسطه ..

طبعا بفضل من الله وكرمه تم قبولي ورجعت لاهلي بحكم دراستي وكل شي اوكي بيني وبين زوجي يعني راضي وانا راضيه بس تعبااااااااااااااااااانه نفسيا من البعد وبس اندب حظي ليه انا كذا وليه وافقت عليه وهو بعيد وش استفدت من هالعرس الا الهم والغم لو ماتزوجت لو صبرت ووووو ...

ووووش اسوووي مرررررررررررررة تعبانه نفسيا ابغى الدراسه وابغى احقق طموحي واخذ الشهادة واظمن مستقبلي وخاصة اني متفوقه ومتمكنه من دراستي ومعدلي مرة مرتفع وبنفس الوقت تعبت من البعد ومن العيشه عند اهلي ومن كلام النااااس ومن حاله زوجي مايجيني الا في الشهر مرة مع انها مو بعيييييييييييييده القرية بس 500 كيلو ولايجي الا اذا عنده شغله هينا يقضيها والاامه محتاجه له والا اخته تعبانه والا يجي عشاني يحسها كثيره علي

الحين بخلص سنه دراسه ويبقى لي سنه ثانيه ومررررررررررررررررررررررررررررررررررة محتاره اكمل واعيش بنفس الهم والغم والبعد والصبر والا أرجع لزوجي وانسى الدراسه والطموح ؟؟؟؟؟؟؟؟؟؟؟؟؟

وليه الحرمه مسكينه كذا مايمديها تنجح في حياتها ولا تحقق ذاتها ولاتحترم رغبتها ؟؟
مع ان زوجي الله يصلح قلبه يقدر يجي الرياض ياخذ دورة يكون مثل الانتداب من دوامه لما اخلص السنه المتبقيه لي بعدين نرجع مع بعض لكن هو ابدددن راافض الفكرة ؟؟
يقول اخذها برا خارج المملكه استفيد اكثر لان الي ياخذ الداخليه تروح عنه الخارجيه طيب واناااااااااااااااااا ليه مافكر فيني

500 كيلووووووووووووو لا فعلا قريبة ؟؟؟

وزوجك موافق انك تكملي هالسنة الباقيتلك بنفس هالنظام هذا ؟

صراحة حالتك صعبة والشتات مو زين ان شاء الله الاعضاء يفيدوكي

اتمنى لك حياة زوجية سعيدة

__________________
ربنا هب لنا من أزواجنا وذرياتنا قرة أعين واجعلنا للمتقين إماما

السلام عليكم ....



أعرف ظروفك ووضعك تمام المعرفة بيننا عهد سابق ...



نصيحتي ؟

اذا ما عندك أولاد ... شدي حيلك وخلصي دراستك تراها فرصة ذهبية ما شاء الله لا تفرطين فيها ... و 500 كيلو أقرب من 1500 كيلو ( اللي كان فيها زوجي ) يعني 4 ساعات وانتي عنده وهو عندك .. والاجازات عندنا ما شاء الله على قفا من يشيل ...

وبعدين وجود زوجك هناك وانتم خفاف من غير عيال ميزة ... لأن السنة بسنتين ... فياخذها الحين أحسن من بعدين ..

وانتي تحملي ولا يهمك كلام الناس ... الناس عمرها ما تسكت وانشغلي بدراستك الله يوفقك وينجحك يا رب


بس اسمعي مني أنا ندمانة أن خروجنا ما كان بدري أيام ما كنا تونا متزوجين وما عندنا عيال كان الحين بألف خير لكن قدر الله وما شاء فعل ...

ومن الأسباب اللي تعبتني وخلتني ما أروح أني ما أبي أدخل عيالي مدارس القرية ..أبي لهم أحسن تعليم مش أي كلام ومدارس حكومية وأسلوبهم القديم الجاف ...وفي قرية بعد !!!



دمتي في حفظ الرحمن ،،،،

هلاااا وغلاااا اختي رسيل ..
يعني عايشه نفس ظروفي تعالي نواسي بعض ..
الحين وش صاار عليك وكيف قدرتي تتحملين وكم جلستي في القريه ؟؟؟

أنا ماعندي اطفال ومتزوجه تقريبا من سنه ونص ...
يعني برايك الدراسه اهم من زوجي وحياتي خاصة ان البدايه هي الاساس ..
ومافهمت كيف ندمانه ان خروجكم ماكان بدري ؟؟؟

اقتباس:

المشاركة الأصلية كتبت بواسطة عروس مغتربة هلاااا وغلاااا اختي رسيل ..

شوفي عزيزتي .. أنا خليت زوجي وجلست في الرياض .... ليه ؟

1- عندي أطفال أبي ادرسهم في مدارس زينة ..

2- ما أقدر أفصل عيالي عن الرياض وانفتاحه وأصك عليهم في قرية مملة لأبعد الحدود لا خروج ولا ملاهي ولا أهل ولا أقران ( أنا انسانة حذرة من الجيران ولا أحب التعارف كثيرا من كثرة القصص اللي أسمعها ) أي شخصية ستبنى عندهم ؟ عدم صفر ...



تمنيت أنني من البداية ذهبت مع زوجي ونحن بدون أطفال وبقيت معه هناك ..لا مانع لدي ... لكن لحد عيالي وأحط خط احمر وأوطى على قلبي.. وهذا اللي خلاني أترك زوجي 3 سنوات وأجلس في الرياض .. وفي البيت وحدي أيضا ما رحت لأهلي


لو سويناها من البداية أيضا كان حصلت فرصة لزوجي أنه يجلس أكثر من 3 سنوات وأنتي عارفة تأثير الخدمة في المناطق النائية على المستوى المادي وراتبه ... أحسن طبعا ...


يا ليتني لما جلست 3 سنوات سويت حاجة مفيدة في حياتي زي أكمل دراستي مثلا .. مع أني حاولت لكن لم أقبل في الدراسات العليا ...



فأنتي ... كل الظروف متيسرة لك لتفادي أخطاء وقعنا نحن فيها ولأن قلبي عليك أكره أن أرى أحد أمامي يكرر أخطائي وأنا أستطيع نصحه وتنويره ...



الله يفرج همك ،،،

اهلاا اختي ملاك ..

والله زوجي انا مو عارفه له مرررة احيانا يكلمني متضااايق وخلااااص لاتكملين السنه واجليهاا ..
واحيانا أحس عااادي وكل كلمه والثانيه خليها بوقتهااا خليها بوقتهااا ولاادري وش مصيري السنه الجايه ..

وتخيلي كان بيجيني هالويكند بس صار عنده زواج لصديقه الخميس الي بعده قال اجل خلااااص اخليها مرة وحده وانا لي تقريبا شهر ماشفته يعني يحس كثيرة يجي بس عشان يشوفني مررررررة متضايقه ماتتخيلوووون ..

رحت وارسلت له قبل شوي رساله عتاب وليه ماتجي عشاني لازم يكون عندك شغله ولارد علي وانا عارفه انو صاحي مانام ..
الله يصبر قلبي المسكين بجد انا حظي منيل في هالدنيااا

بياعة الورد تسلمين والله يعطيك العافية ...
ويسمع منك ياااارب ...
حياة سعيدة لي ولك ولكل الاعضاء ..

خلاص كملي هالسنة لو متحملة الوضع هدا وبعدين استقري مع راجلك وين ما يكون وخلفيلك عيل وتونسي بيه وخلاااص

أنصحك اختي ان تكملي دراستك
تقربي من زوجك كلما شعرتِ أنه يمكن يرفض هذا الأمر
لما تنتهي من دراستك لكل حادث حديث
لكن إياكِ و ندب الحظ و الندم على هذه الزيجة و كأنك معترضة على قدر الله !
لا تفكري بهذه الطريقة السلبية ، فكري بايجابيات زوجك و بأجر الإيئار و التضحية التي ستقدمينها مقابل ارضاء زوجك
لا تشعري زوجك باستيائك من العيش معه في قرية
و لكن أكثري من الدعاء أن يعيدك الله إلى أهلك انتِ و زوجك و يكتب لك العيش في مدينة سواء مدينةأهلك أو غيرها
المهم يصير عندك حياة اجتماعية !!
و ان شاء الله بعد الانجاب ستنشغلين باطفالك و لن تشعري باكتئاب الوحدة إلا قليلاً
الأهم عدم الاستياء و عدم اظهاره لزوجك على الاطلاق
لا تقولي نادمة على هذا الزواج و تعودي بتفكيرك لأيام العزوبية
لا تعيشي الماضي ، خليكي باليوم و وضعك الحالي !! العودة للماضي وا لندم أول طريق الاكتئاب و الجحد بالنعمة ، انتبهي يا اختي !!
السعادة أكثر من 50% منها يعود لأسباب نفسية !! أسعدي نفسك بكل لحظة حسب ظروفك ، انتِ عروس و لاحقة عالهم و الغم !!

__________________
.
.

استودعتك أهلي في سوريا يا من لا تضيع ودائعه