|
لاحول ولاقوة الا بالله
نفسي يادلوعه تخرجي راحه من كل هذا .. وتخلي اولادك عند الوالده وتطلعي لمكه اسبووع تريحي اعصابك من كل الضغوطات والله ترتاحي نفسيا وجسديا بأذنه تعالى .. روحي مع اخوانك يكفيك ضغط ومسؤلية بيت واطفال الين الله يوجهك الوجهه الصحيحه وتقدري تفكري براحه الله يهدي سرك ويريح بالك |
بلاش يا دلوعه تمني الموت ده يا اختي يأس من الحياه فكري كويس جداااااااااا وفكري في اطفالك وربنا يلهمك الصواب والي فيه مصلحتك ان شاء الله ربنا معاكي اختي ويفرج همك وكربك قريبااااااااا |
ياقلبي هذي لحظه غضب لاتستعجلي بالطلاق مو حل انتي عندك اولاد كلمي اهلك اول وخليهم يكلمونه وتفاهمو معاه يمكن الله يهديه ويسطلح حاله .. وانا مريت بحالتك وحاسه فيك اصبري وهو راح يحس بغلطه والله يحنن قلبه عليكم استغفري وادعي ربك |
اتمنى عليك التوقف لحظة واسترجاع لحظات حلوة جمعت بينكم حتى لو كانت قليلة والبحث عن فرصة حوار تقدرون فيها اسقاط جميع الحواجز اللي قامت تطلع بينكم وتكبر حتى تخلوها عالزيرو وبعدها راح تعزيه ويعزك ويهتم لك ولطفلتك
|
يعني اللي اعرفه أنا إنك موظفة هذا شيء إيجابي تقدرين تستغنين عن رجال الدنيا كلها !
انتي ماقصررررتي ابداً وصلتي نفسك بيدك لإهانات غير محتملة وضغطتي على نفسك وعلى أعصابك علشان أطفالك ؟؟ هذاك شفتي أطفالك الآن كيف راح يعيشون مع أبوهم وهو بهذي النفسية ؟ بصراحة مااقدر اقول مثل الاعضاء نهنيك على صبرك لأنه بنظري بغير مكانه ! إنتي عرضتي نفسك لخطر المرض علشان أولادك وزوجك اللي تحبينه لكن هو وش قدم لك ولأولادك ؟؟؟ حتى أمك أقرب الناس لك تسألك وش فيك ماتقولين لها ؟؟؟ يعني تتوقعين هي مو حاسه فيك ؟ ولا حتى كل أهلك مو حاسين فيك وشايفينه بعيونك وعيون اطفالك ؟ ولنفسك عليك حقااااا أنا والله العظيم لا ادعوا إلى الطلاق ولا أحبه لكن لااااااااااازم تعزين نفسك بأهلك عزوتك على الاقل تتجملين قدام زوجك ويعرف إنه وراك ناس يحبونك مو مثل كذا كل هالتضحيات اللي تقدمينها ومابين بعينه ولااااشيء ولا تتوقعين شي جميل في المستقبل إلا بإذن الله لأنه الكتاب باين من عنوانه يادلوعة ماتتخيلين كيف صرت انقهــــــــــر لما أشوف يوزرك ماأحب الإستسلام المميت اللي فيك رجاااااااااااءً استشيري شيخ وقولي له كل شي وشوفي رأيه لازم تطلعين من القوقعه اللي خليتي نفسك فيها تفكرين لوحدك وتقررين لوحدك وعايشه الهم والتعب لوحدك ؟؟ صدقيني إنتي بتدمرين أسرتك على عكس ماانتي تخططين له بجلوسك بيتك وبين اطفالك وابوهم الغائب الحاضر الله يكتب لك الخيييييييير والله ييعنك ياااااااااااارب يعيييينك .. :( |
عزيزتي
الله يفرج عنك و عن زوجك و يرجع لك بنفسية احسن و بمحبة و سكينة الموضوع اختي كتبتيه و انت معصبة , هدي من روعك و صحيح الضرب غلط و الف غلط بس قدري انك دخلتي عليه في ظرف غير مناسب لمساعدتك و هو محتاج مساعدة هو فعلا محتاج صدمة تحسسه بالمسؤولية و ينهض و يستفيق لما هو فيه من سبات و يحقق لكم الأمان و الحماية العاطفية كأي زوج مسؤول ,,هو محتاج لأحد يفوقه,,او مراجعة طبيب ,, لكن دخلتك عليه و طلب مساعدته في امر بنتك كان ابد غير مناسب و لم تتصرفي جيدا قد تكون نفسيتك متعبة ووصلتي حدك , و افرغتي جام غضبك فأنتي دفعتيه بقووة و صرختي عليه فكانت هذه ردة الفعل فكلاكما مخطئ في هذا الموقف ,, صلي ركعتين و اقرأي قرآن لتنطفأ نار الغضب التي في جوفك و تحصلي على الطمأنينة ثم فكري بألأمر مجددا ,,,عندي اقتراح الأا تستطيعين التواصل مع اخصائية نفسية لتعطيك نصائح كيف تتعاملي مع زوجك و هو في هذه الحالة و تجعليه يرجع افضل مما كان إذا كان صعب انه يروح او يستشير احدهم مالك إلا انتي تدوري حل حتى لو بالتواصل مع متخصصة عن طريق النت ,, كان الله في عونك,, |
انا مااعرف المشكله كامله لكن دامك قررتي الطلاق لا تطلبين منه الحين اول روحي بيت اهلك ترتاحين منه شويه انتي وعيالك لين تهدى الاوضاع وبعدين شوفي يمكن يغير فيه هذا الشي
ان مانفع خلي احد من اهلك يتدخل بالموضوع والاهم لاتفكري بالطلاق خليه اخر الحلول عشان الاطفال وعليك بالدعاء ولاتندمي على كل ماقدمتي بل احتسبي الاجر0 اسأل الله ان يهديكم ويؤلف بين قلوبكم |
أرجو من الإخوان والأخوات الأعضاء الحرمه في لحظة غضب وحالتها صعبه وشئ أكيد إنها الحين تغلي ونفسيتها تعبانه فمن منكم يجد كلمه فيها خير فيقولها ويحتسب أجرها عند الله عز وجل وإذا كان غير ذلك فيحتفظ برأية لنفسه الحرمه ماناقصها هم على همهاولاناقاصها أحد يزيد النار حطب قولوا خير أو إصمتوا الله يجزاكم خير لاتكونوا سبب في خراب بيت من بيوت المسلمين .
الأخت دلوعه توضي وصلي لك ركعتين وإقرأي لك كم آية من كتاب الله حتى تهدى نفسك وترتاحي وفكري بحل منطقي وعقلاني غير الطلاق حتى لو دخلتي أحد من أهلك بالموضوع تثقين فيه وتحلون المسأله بينكم لاكن تخربين بيتك وتضيعين عيالك لا وتدعين على نفسك هاذا مايجوز وحرام عليك وهاذا إمتحان وإبتلاء لك تحملي وأصبري لاتفرحين إبليس بقولك أبغى الطلاق لا يا أختي لكل شئ حل وزوجك إنسان نفسيته تعبانه راعي ظرفه زوجك مريض نفسيا ليش ماتحطي هالنقطه في بالك زين زوجك تعبان إرحمي نفسك ولاتواخذينه في تصرفاته أنتي عارفه وضعه النفسي والصحي أعذريه وحاولي الإصلاح قدر المستطاع والله يادلوعه قفلي آذنك ولاتسمعي إللي جالسين يطبلون بالطلاق والله ما أحد بيفيدك ولا أحد بيهتم فيك أنتي وعيالك كل واحد ماهمه إلا نفسه إصبري وربنا يصلح الأمور وزوجك راح يرجع لك بإذن الله مثل أول وأحسن بس أنتي إصبري حتى تمر أزمته النفسية إللي هو فيها الحين الله يكون في عونك و يصبرك على مابلاك و ربنا يصلح زوجك ويهديه يارب . |
الله يهدي سركم يا اخت دلوعه
لي عندك طلب صغير اهدأي شوي وخل نفسيتك ترتاح وتهداء اعصابك وارجعي اكتبي وش اللي حصل بالظبط وأعصابك هادئه عمر العصبيه ماتجيب نتيجه والطلاق ابداً مو حل الطلاق تشتيت اسره ضياع اطفال مأساه بصراحه سهله كلمة انتي طالق , بس وراها مصائب وانصحك انك تبتعدي عن زوجك ولا تقربي منه وخليه لحاله واستغفري واكثري من الاستغفار وان شاء الله ربنا يسوق زوجك لك ويتعذر منك الله يصلحه ويصلحك يارب ويصلحنا كلنا الله يهدي سركم |
المعذرة ياصاحبة الموضوع .. كيف تضعين طفلتك بهذا الشكل ؟؟؟!!!
الأطفال مالهم علاقة بالمشاكل هذا أولاً ... ثانياً .. بعض الردود كتبت عن أشياء لاأدري عنها ، بالنسبة لي أكتفي بالإدلاء برأيي من خلال الموضوع .. والحقيقة أن المشكلة فعلاً صعبة بس من الطبيعي أن نقول : أن الطلاق أصعب من كل المشاكل .. فإذا أنا تذمرت من طريقة إقحام الطفلة بينكم بهذه الطريقة رغم أن أساس الموضوع تافه ( فلذة كبدكم تبكي ) فكيف لو صار الطلاق وين تبي تروح البنية المسكينة...! معقولة ماهمتكم ..! وبالذات أنتي كـ أم المفترض أول مايطري عليك أطفالك ... الشي الثالث .. الآن لا أدري إن كنتي في بيت زوجك أو أهلك .. على كل حال إبقي على ماأنتي عليه إلى أن يعتذر ، وان اعتذر كوني أكرم منه إقبلي عذره مع تجديد الدماء في بيت الزوجية بأن تأخذي منه - بطريقة حلوة - عهد أن يحفظكم وأن لايكرر مد يده بالذات وأن يضعكم على رأسه ومن هالكلام ... ولكن لاتنسي أن مسؤولية البيت مشتركة ، والأطفال لهم حق التربية والترفيه فليكونوا ثمرة لاضحية . بالتوفييييييييييييييق ،،، |
| الساعة الآن 10:08 PM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©