|
أنت تتكلم باتجاه مضااااد لإتجاهي ..
الدين والعقوبة نااادر ما فكرت فيها / مو عشان شيء بس لأني دائما اركز على الواقع و المحيط حولي أنا ما قلت إن مرة عمي قوية لا / أنا قصدت أنها بعد ماعندها حرية حقيقية بمعنى : الحرية عند الأنثى مقيدة جدا / يا خضووع وذل مثل امي / أو ابتذال و احتقار مثل مرة عمي لأني ما عتبرها حره وان كانت سعيده.. امي وش ممكن تسوي لأبوي ما تقدر تمنعه من شيء إذا عمي ما قدر عليه ..! جارنا ما ظن يدري عن زوجته لأنه غير معقول يعرف خيانتها وساكت مستحيييل / و الآن ماعرف عنهم شيء لأنا تركنا الحي القديم ..! / أعترف إنا إلى الحين ما وصلنا لعمق الجرح / و لا عندي جراءة كافيه له / لو تلاحظ إني أكتب بردود منفصله يعني بين كل اعتراف وثاني وقت / عشاني احاول اوصل و اجبر نفسي على الاعتراف .. مو عشان شيء بس لأني ما ابغى اعترف لنفسي اصلاً ..؟! انا عندي انحرافات كثييرة احياناً أقول رحمه من الله إني جيت بنت / و لو كنت ولد كان سويت افضع من اللي سويت .. عمري وقت التعدي كان 6 سنوات وهذى كانت البداية واستمرررريت إلى سن معين اللي بعدها بطلت و اتجهت للسجائر درجة التعدي تختلف من شخص لثاني حسب قدرتي عليهم .. لكن يكفي الألم النفسي اللي اسببه لهم / انا قلت في موضوعي الزواج او الحرية اني انفصلت مرتين من الشغل / وذكرت سبب فصلهم لي في المرة الأولى وهو تطاولي على المديرة ونائبتها / لكن ماذكرت سبب فصلهم لي المرة الثانية / السبب كان اني اجتمعت مع موظفة من ضحايا اعتداءاتي في الطفولة هي واخوها / انا تجاهلتها و كأني ماعرفها لكن هالموظفة مرت من جنبي في احد الايام وقالت لي / أنا اكررهك يافلانة أنتي حقيرة ومنحطة ووو .. انا ما تحملت ومديت ايدي عليها و بالصدفة كانت ماره المسؤلة و انفصلت ...! أنا كنت محرصه على نفسي قصدي بالطفولة ووقت تعدي على الأطفال وو قت طلوعي من البيت / اما و ضعي مع زوجي حالياً فهو صعب بصراحة .. اعتراف ثالث او رابع / اخواني انا قلت انهم مختلفين في شخصياتهم بين طيوب وحنون و بين نذل و اناني .. فاقدر اقول اني صديقة لهم كلهم لكن لا يمكن افضلهم على نفسي حتى لو مصلحتي تعارضت مع مصالحهم عاادي اجيب لهم الضرر لكن لا اتضرر انا ...! مع ان ابوي وامي مو دارين عنا شيء / لكن انا اعرف كل شيء يدور بالبيت و برى البيت من اخواني اسرارهم كلها عندي لأنهم يثقون في / لكن انا لا يمكن اقول لهم شيء عني لو بسيط لأني ما اثق باي احد مين ماكان .. و خاصة اخواني ..! واحد من اخواني يجي البيت احيانا سكران ومدمن منشطات انا استمتع باهانته اصارخ عليه واسبه واشتمه وهو مو بوعيه هو اكبر مني بست سنوات ليش مادري ؟!! اتمنى احيانا اني ولد عشان اسوي مثله احسه يرتاح و يستمتع وهو مو بوعيه .. اخوي الثاني وهو اكبر من الأول كان يعتدي على طفلة من العائلة عمرها تقريبا تسع سنوات وبشكل متكرر .. انا كنت ادري بس بوقت متاخر / هو ماقال لي لكن انا اكتشفته و ضحكت عليه إلى ما اعترف ../ ابوها درى و كان جدا سلبي تمنيت ياخذ اخوي جزاه لكن كل اللي سواه انه تخانق معه شوي ولا عاد يدخله بيته ولا عادوا يجتمعوا بمكان واحد وبسسس / اثر عليه هالموضوع جدا حسيت ان البنت ضحية واخوي فلت منها لأنه ولد .. اخوي الثالث حرااامي نصاب درجة اولى عايش بكيفه ولا همه احد لدرجة ينصب على اخواني وابوي وامي احسه ذكي جدا واخوي الرابع الكبير متزوج وعنده عيال / طيوب وحنوون لأبعد حد كنت احسه ابوي مو اخوي لشدة حنانه معي ومع امي متدين كنت اشوفه يختم القرآن مرتين كل اسبوع .. لكن كان متزوج اخت مرة عمي / كانت تطردني كل ماجيت عندها حقدت عليها / و انتقمت بعد ما كبرت دخلت على اخوي و خرربته غيرته نهائياً / علمته ادمان المواقع الإباحية / كان كل يوم يناديني اجلس معه اعلمه اكثر واكثر / وكان يقول اخاف عيالي يشوفون لكن اقوله لا / انا علمك برنامج حذف و علمته كيف يحذف كل اللي شافه ولا حد يقدر يدري عنه شيء / زوجته كانت تموووت وهي ماتدري وش عندنا بالغرفة / انا استمتع احس براحة وانا اشوفها كذا بعدين تركته بعد ماادمن عليها/ صار ينام بغرفة لحاله بعيد عن زوجتة عشان يسوي اللي يبغاه براحه / راحت عنده و صارت تنام معه تركها وراح المجلس و ابتعدوا عن بعض ابتعاد كبير ... بس احس الحين بالذنب الكبير خاصة انه صار مهمل صلاته ولا عدت اشوف معاه قرآن ولا عاد يجلس مع امي .. و لا عاد يروح لأهل زوجته / كله جالس لحاله .. اصغر اخواني طالب بكلية الطب حافظ للقرآن عنده مبادي ههه مثل أمي والله العالم يستمر او ينحرف ..! اول مرة اعترف هالإعترافات لكن فعلاً أحس بحنين كبيره لحياتي السابقة بس ما قدرت ارجع لها لأني ببساطة بنت / و لا قادرة اقبل حياتي الحين / ماحس براحة و سعاده واستقرار .. شعوري بعد ما قرأت كلامك غرريب جدا مو محدد لكنه فعلاً صحيح و اول مرة انظر للموضوع من هذى الزاوية .. |
اقتباس:
تابعي ابنتي الكريمة ستصلين وأبشرك والجميع بقدوم داعية كبيرة بإذن الله هي أنتِ وستذكرين العلاج هنا ولله الحمد. |
داعية مرة وحده ..؟!! مين بيسمع مني ههه ..!
بس انا اول مرة اعترف كذا / كلامك ما يشجعني على الاعتراف اكثر .. انت قلت كذا وانا ما بعد كملت / وش بتقولي لو كملت ؟؟ لا تلومني مو ناقصه تانيب ضمير .. مع اني ماغلطت انا انتقمت بس / و كنت طفلة والله ما يحاسب الطفل .. صحيح ان بعض افعالي كنت كبيره لكن خلاص صارت و يستاهلون لانهم هم اللي ظلموني بالاول ... اكمل / رحت اليوم بيتنا القديم / ليش مادري ؟ بس يمكن اعترافاتي شدتني له .. تدري اول شي تذكرته فيه ؟ هو منظر امي وهي تبكي بنفس المكان اللي كنت واقفه فيه .. مع ان الذكريات كثييرة لكن هالذكرى خربت علي و كان لها الحيز الأكبر / هي اول مرة واخر مرة اشوفها بهذا المنظر لكن ما نسيته ابدا ابدا .. تمنيت لو كنت كبيره بذاك الوقت لو كنت بنت حقيقية لها يمكن افهم واعرف وش فيها ؟! لكن كنت انانية ومازلت الى وقت قريب ..جلست تقريبا نص ساعة بنفس المكان وانا مابين شد وجذب .. لأول مرة احس اني انا مو انا شعور غريب كريه مؤلم .. جلست اكلم نفسي واقول طيب ابوي وينه واخواني ليش انا الوم نفسي كلهم مثلي / لكن جاوبت نفسي بأني انا البنت اللي المفروض اكون معها واقرب لها / ثااااار عندي النفووور من كوني بنت بشكل كبييير جدا جدا بهذا الوقت .. طلعت وكنت برجع بيتي لكن ماقدرت كنت حاسه بكره شديد لبيتي ولزوجي خاااصة / رحت لأمي لقيتها كالعادة جالسة لحالها / طوووول عمرها وهي لحالها .. مسكينة امي ماعندها بنت زي كل البنات تكون معها وتفهمها و تؤنسها / حتى بعد ما تزوجت ماكنت زي اي بنت متزوجة تزور امها و تكلمها وتقولها وش صار ببيتها ومع زوجها واهل زوجها .. لا كنت انانية زيارات خطافيه و كلام بسيط و مشغووولة بنفسي وبس .... جلست جنبها حضنتها / من زمااااان زمااااان جدا ماحظنت امي ولا اقتربت منها بهالشكل .. ههه خافت علي وسالتني يابنتي وش فيك / زوجك مسويلك شي / صاير فيك شي ؟؟!!! قلت لها لا يمه بس انا اشتقت لك .../ ماصدقتني و تمت تحلفني ان مافيني شي ؟؟ و جلست تنصحني كالعادة وتقول يابنتي لا تعاندي زوجك طيعيه وووو كان نفسي اقول لها وش اخذتي يمه من الطاعة ؟؟ / لكن ماودي اكسر خاطرها واذكرها .. و تقول خليني اشوف عيالك / قلت لها عيال اخواني يكفونك / قالت لا يابنتي / عيالك غيير أنتي بنتي وعيال البنت غير عن عيال الولد ...! ودي اقولها انتي يمه وش اخذتي من عيالك كل واحد لاهي بنفسه وتاركينك .. ما قدرت اصارحها / ولا اقول لها أني ما ابغى زوجي / لأنها راح تقولي ليش ؟ وش اقول لها ؟؟! حسيت اني ضاااائعة و ماعندي مكان محدد / إلا رغبة مستحيلة .. ومع هذا مصره عليها |
ابنتي الكريمة :
1- أناأتكلم بثقة ولله الحمد وأنظر إليك ليس الآن بل في نهاية مشوار العلاج فأنت قوية إقرئي عن قوة عمر بن الخطاب رضي الله عنه قبل وبعد الإسلام 2- لا أحاكم ولا أعنف ولا أسلط الضمير كال ما أفعله هو إعادة خرائطك العقلية إلى ما يجب أن تكون وفق منهج الله حتى إذا قابلتيه تكوني مستعدة له سبحانه. 3- لا تبحثي عن أي مبرر من طفولة أو ظلم فلا حاجة لذلك فلا يجب أن تكوني معصومة فالله يقبل إسلام الكافر الذي قتل المسلمين ويدخله الجنة فلا تهتمي سيغفر الله لك كل ذنوبك ويعفو عن كثير. 4- أرتفعي معي الآن في الفضاء واتركي التفصيل والننظر لحياتك بمنظار قوقل إيرث وما ذهب منها وما بقي منها فهل تعاندين أساس خلقتك وما فطر الله عليه عقلك وجسمك وتعيشي في قلق البحث فلا حصلتي أنوثتك ولا الرجولة التي تبحثين عنها؟. 5- ابنتي الكريمة استمتعي بأنوثتك بكل معنى هذه الكلمة والذي حرمك من ذلك هو عدم رؤيتك لمواطن الجمال فيها فقوة الأنوثة بلينها فانكسار طرف المرأة يذيب أعتى الرجال ولتعلمي كيف ينظر من حولك لك راقبي أحد الذكور الذين يتأنثون أي يتشبهون بالنساء وأعلم أنك لا تتشبهين بالرجال بالشكل ولكن قالب رجولي ببدن أنثى أي سمسخ بشري يشمئز منه من يقترب منه. 6- تسألين ماذا أخذت والدتك من الطيبة والطاعة وأجيبك أخذت من الناس كل نقص ومن الله كل أجر والمكانة الرفيعة بالجنة إن شاء الله. 7- الخلاصة أنتِ تفكرين بسطحية واضحه وسذاجة غبية بتقليد والدك وإخوانك دون قيادة عقلك لنفسك إلى ما يجب أن تكوني عليه وفق ما يرد الله لك لا وفق ما يريدون هم أو تريدين أنت بالتقليد الطفولي فلا ترى إلا أن تكون رجلا وأنت أنثى. المطلوب: أكتبي الآن قناعاتك على هيئة نقاط مرتبة وما ترغبين أن تكوني عليه |
راح اتكلم بصرااااااحة تامة / ولن اضع بنفسي ماليس فيها ..
قناعاتي / ماتشكلت في يوم وليلة / ولا من حادثة او حادثتين لالا / قناعاتي تعلمتها بنفسي / و آمنت فيها هي حصيلة ايام ومواقف حياتي كاملة : 1/ أنا عندي رؤية محددة / بغض النظر عن خطاءها / مؤمنة فيها اشد الإيمان / شفت من الأدلة والبراهين ما يقنع عقلي فيها غصب عني ( الأنوثة قيد و استعباد ) .. 2/ عندي قناعة تامة / أن كل شخص عنده قناعة مخالفة لقناعتي ( خاصة الإناث مثلي) هذا شخص عاش ظروف غير ظروفي وخضع لتنشئة غير تنشئتي / و من المستحيل تكون النتيجة وحده / او شخص يخدع نفسه و يستسلم غصب عنه .. 3/ عندي قناعة يقينية / أن كل شخص يعيش لنفسه و بنفسه / وكل المثاليات دليل نفاق ( قناعة قهرررية جدا جدا ) نتج عنها ميلي الشديد لشخصيات المتمردة و المنبوذه و اتخاذهم اصدقاء ... و نتج عنها شكي الشديد بزوجي ونتج ايضا بعض السلوكيات المنحرفة .. 4/ قناعة شديدة أن سبب تعاستي ماهو قناعتي بل عدم قدرتي على التعايش بها و عدم قدرتي التخلي عنها .. 5/ الراحة في ارضاء النفس لا المجتمع .. 6/الإستمتاع لا يكون إلا بشيء نرغبه / نحبه / نقتنع فيه / وإلا فهو ضعف و استسلام قهري وهذا ينطبق على رؤيتي للإنوثة .. ما ارغب ان اكون عليه / ترك قناعاتي بإقتناع تااااام بشكل يرضيني و يحقق لي السعادة والإستمتاع الكامل |
ابنتي الكريمة قرأت ردك وسأكون هنا قريباً.
|
اقتباس:
|
اقتباس:
أن أضع لك أسئلة وتجيبين عليها وكل سؤال لا تقتنعين به أرفضيه وسأبني أنا وأنتِ قناعات سوياً واحدة تلو الأخرى فإذا وافقتي نبدأ |
موافقه بس رجاء خاااص / ابعد عن اللالفاظ اللي تثير كل كامن
و تخربط تفكيري .. مثل أسيرة عند الرجل ... و جزاك الله خير |
نبدأ على بركة الله: أجيبي على كل سؤال وأكتبي بعده أفهم ما تعني هذه الإجابة وألتزم بها : س 1 هل تؤمنين بوجود الله؟ س2 هل تؤمنين أنك من مخلوقات الله وتحت قدرته وليس لك قدرة تخالف قدرته؟ س3 هل تؤمنين أن الله حكيم خبير ويضع كل شيء وكل خلق في موضعه الصحيح ويضع له النظام الصحيح المناسب له؟ س4هل تؤمنين بدين الإسلام وتلتزمين بما فيه من أحكام؟. س5هل تؤمنين أن أي أمر يخالف القرآن والحديث الشريف فهو باطل؟. |
| الساعة الآن 06:31 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©