|
كان الله في عوونك اختي ..
وعوضك باللي اخير واحس منه يااارب .. انا وانتي ياقلبي |
وعليكم السلام ورحمة الله وبركاته عيدكم مبارك وكل عام والجميع بخير نصيحتي للمطلقات هي عدم الشعور بالعار من الطلاق لأنه مثلما الزواج نصيب الطلاق أيضا قدر من المولى ورأي الناس فيك هو عبارة عن رد فعل لشعورك الداخلي. أما بالنسبة لتجربتي فهي مشابهة لتجربتك ففي الأيام الأولى لخروجي من بيت الزوجية كانت أيام التحضيرات لزفاف بنت عمتي شاركت معهم وكلي ثقة بنفسي لقد كنت مرحة أتصرف بشكل جد طبيعي لدرجة لم اعطهم الفرصة لمناقشتي فبدل أن يتعكر أنا مزاجي تركت الحيرة تغمرهم وأصبحت أتصرف بنفس الطريقة الى ان اصبحوا يقولون لي "لا تظهر عليك علامات الزواج أبدا وكأنه لم يسبق لك وأن تزوجتي". كما أنني في المرات القليلة التي سئلت فيها (وهذا مؤخرا بعد 4سنوات من الطلاق) عن سبب طلاقي كان جوابي مختصرا "انتهى النصيب". وبما أنه كانت هناك علاقة نسب بيني وطليقي كانت بعض أفراد العائلة يريدون أن يتجسسوا عن الأسباب وأيضا يريدون اخباري بسلبيات طليقي على أساس انهم يعرفونه وانا بدوري حينها كنت ابدي غضبي وأدافع عنه بكل صدق( رغم أنه كان قاسي معي كما أنه خانني) ولكن العشرة التي كانت بيننا اسمى من أن أشهر به وبعلاقتنا. لا أدري ما أقوله لك سوى أن تعززي ثقتك بنفسك وتتأكدي بأن الطلاق ليس عيبا ولا عار بل هو قدر، اعتني بنفسك خططي لمستقبلك ايجابيا وانظري حولك تجدين العديد من البنات من سنك لم يتزوجو بعد، عيشي مثلهم الى ان يعوضك الرحمان بالزوج الصالح الذي يقدرك ويصونك. تأكدي بأن الناس تنظر اليك مثلما تنظرين أنت لنفسك. اتمنى أن أكون قد أفدتك قليلا .
|
المجتمع هذا يبغاله فرمته من اول وجديد
يعني السالفه مو بس معاي مع كل المطلقات .. انا اعترف والله اني اذا عرفت وحده تطلقت يجيني شعور رحمه لها لكن ويشهد الله ماعمري بينت لهم ان وضعهم يحزن او شي بالعكس اوقات ماسالهم ولا افكر افتح الموضوع الين هم يتكلمون من نفسهم ويقولون الي بخاطرهم .. ااااهـ بس الله يرحمني برحمته ويفتح لي ابواب الرزق ويرزقني من حيث لااحتسب اششششكركم من اعمـااق قلبي على هالتواجد الحلو : |
عن تجربة تبين تسكتين الناااااااااااس ولاتعطينهم فرصة للكلام ؟؟!
اطلعي لهم وانتي واثقة وعلى سنقة عشرة ولاكأن صاااااار شي يعني اخلي الي بالقلب بالقلب !! اسأل الله ان يعووووووووض كل مطلقة خييييييييير |
اهمم شي الثقه
ومايهمني كلام الناااس او نظراتهممم وطلاقي انا طلبته من النجسس ومحد يتجرا يسالني عن سبب الطلاق لا انه معرووف عند الكل والحمدلله مبسوووووووطه ع الاخير صارو الناس يقولون كيف طلق الملاك الله ياخذ حقي منهم وان شاء الله اشوفها في اخواته واذا احد سالك قولي خصوصياات ما احب القاافه مره هههه |
أنا عكسكم ..
أنا محد يسألني .. أنا أبدآآآآآآ أسرد قصتي وأبكي أحيانا .. أنا أشك إني سويه !!!!!!!!!! |
الله يجبر كسرنااا يارب
بقلكم سالفه حصلت معي قبل اسبوع أصرت علي الوالده اني اروح معهاا للجيران اللي جنبنا تعاارف وقلت ابشري وتلبست وتكشخت ومشيت معها وتونا جلسنا والمجلس ملياان حرريم وجااتك الاسئله وهاذي بنتك الصغيره ماشاء الله ووين سااكنه قالت الوالده ساكنه معي ماشاء الله وزوجها ساكن معكم قالت الوالده لا هاذي تزووجت وربي ماكتبلها نصيب معااه ونفصلت هيه قاالت كذا والحريم كلهم هااه اماننه لاحول الله ياربي يالللله ،، والكل يناظرني صرت اناظرهم واضحك كان الوالده قالت نكتته نشبوا القمه بحلقي طبعاا فيه اساله كثييره في بالهم بس مستحين يسالون شوي قالت وحده فلانه تطلقت بنتها ومارضت تزوج تقول ابغى اربي بنتي لين تكبر اخاف لاتزوجت بياخذها ابوهاا !! لاحظوا المقدمه هاذي كلها عشان تسااال بنتك ولدها معها ولا مع ابوووه قالت الوالده لا معااها طيب يجي يااخذه ولا لا قالت لا يااخذه بصررراحه انا امسك في ضحكتي على حركاااتهم نسال الله السلامه والله ولاكني غيير معاايه مرض الإيدز بس حمدالله والله مااثروا فيني بفضل الله اني اضحك على تصرفااتهم |
اهلا حبيبتي :) لا تستعجلي بمواجهة المجتمع مادمت غير قادرة , دعي الخبر يتسرب وانشريه وخليهم يشبعون حكي ثم اطلعي لهم بعدين وانت قوية , انا مرت علي فترة اول الطلاق متعبة شوي والحمدلله لك ياربي , وجلست فترة ما اقابل الناس ... بعدها انطلقت في الحياة واكمل دراستي والامور تمام ...:22: فاللي تقدر تواجه المجتمع من البداية تنطلق واللي حاسة بتعب شوي تنتظر شوي ... بس والله يا أخواتي اللي تبغي تعرف بانها بأحسن نعمة , تشوف المرضى وراح تحمد الله ألف مرة على نعمه عليها سبحانه ________ نوآرة حبيبتي انتبهي من كثرة الكلام بكرة راح تلقين قصتك مبهرة كثير , خلي فضفضتك هنا أحسن لك فرج الله همومكم حبايبي |
المشكله بالنسبه لي انهم مو بس انقلبو وتغيروا علي انا
حتى على امي وخواتي بمجرد ان بنتهم صارت مطلقه خصوصا المتزوجات من قرايبنا خايفين على ازواجهم منـي وصارو يكرهوني بالبدايه كنت متأزمه من الوضع ونفسيتي تعبت من تعاملهم بس بعدين صرت اعاند واكشخ اخر كشخه قبل ما اروح عزايمهم واتدلع قدامهم وقدام امهات ازواجهم ههههههههههههه مو عشان شي بس عشان اقهرهم اكثر :25: |
أتوقع هذا الشي مؤقت ومرده يصير شي عادي بس أنتي حاولي تسيطرين على نفسك واقري الأذكار وقوي قلبك بالله ولا تخلين كلامهم يأثر فيك. يعني لو قالوا لك كلمة من هذا الكلام قولي الحمدلله كل شيء نصيب هذي حكمة الله وارادته الحمدلله مو أول ولا آخر وحدة تطلقت :d امزح معك هذي لا تقولينها فيه ناس ما تقصد سوء بس اسلوبهم غلط لا تخلين الطلاق يعزلك عن الناس عيشي حياتك طبيعي والله يوفقك ويعوضك خير. |
| الساعة الآن 12:45 AM. |
Powered by vBulletin® Version 3.8.7
Copyright ©2000 - 2025, vBulletin Solutions, Inc. Trans by
جميع الحقوق محفوظة لموقع و منتدى عالم الأسرة و المجتمع 2010©