السلام عليكمـ ..

بدايه اقول كل عام والجميع بصحه وسلامه يارب

صراحه مو عارفه من وين ابدى
ولا ادري كيف اوصل لكم الموقف الي صار لي اليوم ..

طبعا خرجت اليوم مع اهلي وكانت اول مناسبه اخرج لها معاهم لمكان فيه زوآج عند جماعتنا
طليقي من برى العايله وماله اي صله فيهم ابد

حتى ان اغلب الحريم اليوم ماعرفوني لان لي اكثر من خمس سنين ماشفتهم ولا تقابلنا ..

الي صار ان الوحده تجي تسلم علي وتسولف وبعدها تسال انتي جايه اجازه وبعدين وين ولدك
انا هناا ماعاد عرفت وش اقول

رحت اليوم ولا احد منهم يعرف خبر طلاقي الا اقاربي وهم اصلا مايتكلمون ولا ببلغوا احد
طبعا جو كم وحده ويوم سالوني
قلت الحمد لله على كل حال تطلقت

شوي تنقلب النظرات كلها استغراب وكن جريمه صارت

الا وحده منهم قالت ايييه والله من يوم شفتك داخله وانا قايله متغيره ياربي ليه كذا
تغير شكلك مررره حتى ملامحك
صراحه اني منصدمه منك


لاحول ولاقوة الابالله كنــي ناقصه تجي هي وياها بعد تعلمني ان خلاص واضح علي اني
انسانه مكسوره من الطلاق واني احتاج لنظرات الرحمه والشفقه منهم

وكل وحده تخبر الثانيه يااااااااااااااااارب صبرني ..

ويمرون من عند طاولتنا وكان فيه مرض معدي عليها مو ادميه مثلهم ..

على العلم اني مبتسمه وبشوشه ولالا كنت ناويه اخبر احد عن وضعي

لكن اسالكم خواتي هالشي طبيعي وشفيهم بس عرفوا طلاقي تغيروا

احتاج اشوف تجاربكم ..

وشلون اتصرف المره الجايه انا مشكلتي من النوع الي يبين على ملامحي اي شي يضايقني
يعني بمجرد ماتكلموا كذا معاي صرآحه ضاااق صدري بعد ماكنت رايحه للمناسبه وانا كلي تفاؤل وطموح
اني ماخلي شي يقهرني او يضايقني
لكن الشكوى لله ..


اترك لـ اخواني واخواتي الاعضاء المايك لمشاركتكم ونصايحكم ..


لآحرمني الله محبتكم

__________________
سبحان الله وبحمده

__________________

__________________

.................................شااااب........... ......................

اهلين ياعسل
انا شخصيا مياثرون فيني كثير هذا غير
ان ملامحي مايبان عليها ابد الي جواتي
شاطرة بالكتمان

لكن الي يضايقني بجد : ليه تطلقتي وش فيكم
يالقف الناس بس! يعني انا اسال نفسي معقولة
مايعرفون ان هالاشياء قوة بالخصوصية ومحد يحب يحكي
عنها!

تناهيد مدري كم صار لك مطلقة بس واضح قريب
احب اطمنك كل يوم يمر بتكونين احسن ان شالله
الله يعوضك خير منه ويخلي لك صغنونك

تحبو اشارككم تجربة ابنتي

لانكم ذكرتوني

كانت ببداية الانفصال او قصدي الزعل لان حتى الآن لم يتقدم على طلب الطلاق بعد

ذهبنا الى خطبة لصبيه نعرفها والكل هناك يعرفنا وطبعا سمعو بالخلاف

اول وحده اسرعت وسألتني ووقت عرفت زعلت وفرحت وقالت : والله اعرف شخص مطلق يبحث عن فتاة ذات اخلاق

وبنتك ما شاء الله جمال. واخلاق ولكن انا قلت لها انها لم تقدم على الطلاق بعد

جا اللي بعدها تقول لي : رجعي بنتك لزوجها شوفو فلانه هنا وفلانه بعد طلاقهم ما حد يتقدم لهم وبنتي رح تعيش تعيسه كل حياتها

قلت لها : حصل خير وحياتها وهي حره فيها

البنت احست انو النظر عليها بين الشفقه والريبه يعني لو صعدت المنبر واخذت المكرفون وبدل الدي دجاي
كانت عملت لهم خطبه وشرحت لهم ظروف زوجها وطلاقها انو يمكن ارتاحو

خرجت للسياره

وجلست في السياره فقدتها واتصلت بها وخرجت لها

لم تقل لي وكانت تتحجج وبالاخير اعترفت

فضحكت وقلت لها : فلانه تعرفيها هناك جابت لك 3 عرايس (ههههههابو الي بعيدها وما بيزيدها بتعرفو للمثل صح )

وقلت لها انو وقت تطلقي يحصل خير
انرفعت معنوياتها شويه

ورجعت دخلت

وحصل موقف من يوماااااااان ومازال الوضع مششششششششحون جدا في البيت

ووقت يمر على خير اخبركم عنه

ولكن كلما شاهدت الاحباط على وجهها اصرخ


ارفعي راسك ولا تفعلين ما يفعلون وكل واحد يشوف اهل بيتو ويجي يحكي علينا

وانتو كمااااااان كل واحده منكن اهتمو بانفسكن ومثل ما قال اخوكم شاب

البسو اجمل من العروس واضحكو

ويا ويل اللي تتغاظ منكن ازعل والله

انو يعني الناس واضعه على راسها ريشه

ما كل واحد يشوف داخل بيتو شو عم يصير ومن ثم ينظر للغير

__________________
http://live.gph.gov.sa/
اللهم اني استودعك اولادي

__________________

__________________

دعووووواتكم لاختكم لحن السعاده

اختي كل هذي الأحاسيس داخلنا وانا نترجم نظرات الناس واسئلتهم حسب احاسيس الذل والانكسار الي داخلنا
انا نحتاج الثقه ثم الثقه ثم الثقه والرضى التام بالقضاء والقدر بعدها نقدر نواجه المجتمع بقلب قوي
انا عندي نصيحه مهمه جدا لكل مطلقه في بداية طلاقها

اولا.. لاتتكلم عن طليقها ومشاكلها معه وسبب طلاقها عند اي انسان حتى اقرب الناس ...الناس انفس وغايات منهم الحاسد منهم الشامت منهم نقال الكلام منهم الأرعن الي ينصحك بشي ضدك منهم الي يتتبع مصائب الناس ويزيد من الامهم واحزانهم وينقلها للناس
( لما تسكتي عن الكلام ماراح تخسري شي غير ان ألمك داخلك محد يعرفه والناس راح تنغاض لأنهم ماعرف وش داخلك ..لكن لما تتكلمي راح تخسري نفسك وتزيد الامك واحزانك ويكثر الكلام حولك ويوصل لطليقك واهله اما يشمتون او يكون عند طليقك نيت الرجعه ويتراجع لما يلقاك نشرتي غسيله )
هذي حكم؟؟؟
لن تندمي على السكوت ابدا ولكن سوف تندمين على الكلام الف مره ؟؟؟؟؟
ثانيا ..في بداية الطلاق لاتخرجي وتواجهي المجتمع ابعدي عنهم حتى يتزن تفكيرك وترتاح نفسيتك ولا تتهورين في لحظت غضب وتنشرين غسيلك انت وطليقك بعدين تندمين
لكن لا تجلسي لوحدك خالطي اهلك ودخلي دوره في اي مجال وادرسي كم شهر حتى تنشغلين ولا يتوحد بك الشيطان ويضعف ايمانك ويجعلك ساخطه على ما اصابك من ربك
في هذي الفتره قوي ايمانك وتعلقي بربك اكثر واكثر واستمري اذا زال السبب ولا تكوني كما قال تعالى
{ وَإِذَا مَسَّ الْإِنْسَانَ الضُّرُّ دَعَانَا لِجَنْبِهِ أَوْ قَاعِدًا أَوْ قَائِمًا فَلَمَّا كَشَفْنَا عَنْهُ ضُرَّهُ مَرَّ كَأَنْ لَمْ يَدْعُنَا إِلَى ضُرٍّ مَسَّهُ كَذَلِكَ زُيِّنَ لِلْمُسْرِفِينَ مَا كَانُوا يَعْمَلُونَ }

ثالثا ....لا تدخلي كثير منتديات المطلقات لانه راح يصيبك الحزن واليائس اكثر واكثر وكل مره تفتح جراحك ...مع العلم فيهم الصادقه والكاذبه والمبالغه والجاهله وضعيفت الايمان
ادخلي منتديات الحوار الفكري المنظرات الدينيه المواهب والأفكار الشعر الصور والرسم او الرجيم اذا كنت بدينه فيه نساء لهم مشاركات وقروبات وتحديات ادخلي معهم وراح تنشغلين مره...والتجاره مثل موقع سوق ستي كل وحده جايبه بضاعه تسوقها تفرجي شاركي اشتري على استطاعتك واذا قدرتي تسويين مثلهم زين على زين
هل تتوقعين ماعندهم مشاكل او مهم مطلقات لكن مدلعين انفسهم ومشتغلين بشي يفيدهم

اخير الله يسعدكم ويبعد عنكم شياطين الجن والانس

__________________

الله يعينك حاسسه فيك من جد الناس تضايق بالاسئله واسلوب الشفقه
ذكرتيني بحالتي لدرجة اعتزلت الناس ماحب اروح ولا اجي يادوب مدرستي بيتي ..
وهذا الشي اثر على نفسيتي وعلى تعاملي معاهم والله العظيم تغيرت وتغيرت اشياء كثير فيني للاسوى بسبب الوحده الي عشتها .. وقفت حياتي بالبيت على النت ...بقولك احتكي بالناس وامور طلاقك لاتتكلمي فيها واعتبري نفسك ماتزوجتي
اكشخي واضهري الابتسامه وخليك دلع ..عشان تكسري نظرهم ولا يتشمتو فيك ..