المشاركة الأصلية كتبت بواسطة ينبوع العطاء (المشاركة 2731381)

السلام عليكم ورحمة الله وبركاته
اسعد الله اوقاتك غاليتي لا تستهيني بقدراتي انا مشتركة بتربية اخواني واخواتي مع الماما لاني اكبر وحدة بالبيت:d:d:d
العلاج للوضع الحالي اولا علاج لنفسك قبل ما تبدأي تدرسيها عليكي اولا بالاسترخاء قليلا واخذ نفس عميق مع كل نفس كرري البسملة والاستغفار وسورة الفاتحة مع كل نفس مرة (10) مرات وعاهدي نفسك انك رح تعملي المستحيل انك ما تعصبي عليها وانتي عم تدرسيها
بعدين كل ما تجاوبت معك حتى لو بعد جهد جهيد اثني عليها بطريقة مبالغ فيها (برافو عليكي يا ماما هي بنوتة يلي بحبها اكتر من الكل انا كنت واثقة انك شطورة وبتعرفي كل شي بس كنتي عم تمزحي معي انا بحبك اكتر وحدة بالبيت وكم غمرة وبوسة )
اما بالنسبة للمدرسة ما عاد عندك الا حل من تنين اما- بتحكي مع المديرة بخصوص الموضوع وتجاهل المدرسة لطلبك وانها ماعم تلحق تكتب اي شي لان والله متل ما قلتي عذر اقبح من ذنب انا بحياتي ما شفت طالب صف اول المعلمة ما بتكتب على دفترو ملاحظات هي اول مرة بواجهها
او- بتقنعي الاب انك تسجليها بمدرسة خاصة لان بصراحة الاهتمام من قبل المدارس الخاصة مضاعف وما بتلحقي توجهي ملاحظة الا بتتنفذ وفوقها بيتشكروكي على اهتمامك اقنعيه انو بس سنة او سنتين لحتى البنت تصير اوعى وتقدر تتفهم الاعتماد على نفسها احسن مانكون سبب لتقليل من اهميتها بالمستقبل وانو اولاود عمومها وقرايبها يصيروا افضل منها وهي نقطة حساسة عند كل الاباء بدن اولاد افضل من كل الناس او حتى كحد ادنى متلن
اسفة غاليتي ع الاطالة بس والله حاطة حالي بموقفك وعم حاول ساعدك ارجو من الله انو يكون سخرني لوصلك الاجابة المفيدة
بانتظار اخبار حلوة عن البنوتة الحلوة حفظها الله هي واختها واخوها لك وجعلهم ذرية صالحة تفتخرين بهم
اختك في الله ينبوع العطاء

المشاركة الأصلية كتبت بواسطة GREEN222 (المشاركة 2731388)

اطعميها جوز
يقولون الجوز يفتح الدماغ والذاكره

المشاركة الأصلية كتبت بواسطة ينبوع العطاء (المشاركة 2731397)

عذرا عندي اضافة ربما تكون مفيدة عندنا اخت دكتورة بامكانك الاستفادة من خبرتها بالنسبة للوضع والدواء فهي ما شاء الله لا تبخل ابدا بنصائحها عن الجميعArab-pearl وبذلك تطمئني للدواء وربما يمكنها نصحك بطريقة المعاملة هل يجب ان تكون خاصة او كأي طفل بنفس عمرها
وفقك الله لما يحب ويرضى

المشاركة الأصلية كتبت بواسطة رجل الرجال (المشاركة 2731583)

أسأل الله العلي القدير أن ييسر لابنتك خير ما تأملين لها
لست خبير ولا مطلع بشكل يفيد في الأطفال ومن معلوماتي يوجد مرض ذهني اختصاره ann من مظاهره فرط الحركة وقلة التركيز ولا علاقة له بدرجة الذكاء وهو درجات وبنتج عنه شيء مما ذكرتيه عنها وله أدوية تناسبه تساعد على علاج أعراضة.
ابحثي في النت عن المواقع المتخصصة بالطب النفسشي للأطفال وتستفيدين بإذن الله.
لعلي أفدتك .

المشاركة الأصلية كتبت بواسطة Beta2 (المشاركة 2732115)

الصراحة مو شايفة شيء مرضي بسلوك بنتك ..

كثير أطفال يكون هذا طبع عندهم أو بصفاتهم الخلقية ... وكان ولدي قليل التركيز بمعنى لما نجلس ندرس ما يركز معي وأي حركة أو موقف يصير حولنا يلهيه ... وممكن يلتهي حتى بأصابع ايديه ... مو لأنه غبي ... بالعكس يستوعب لكن يحتاج حزم وبنفس الوقت صبر ... تجلسي معاه ومهما تلهى تظلي تنبهيه أنه يركز وما تفقدي صبرك من كثر التنبيه .. أخذت معي سنتين الى أن ظهر التحسن واضح على درجة تركيزه

وحفظ المواد أتبع فيه أسلوب ان أعطي القطعة المطلوب حفظها شيء من الترنيم وأرددها معه كأننا نلعب وما تتخيلي سرعة الحفظ للأطفال بهذي الطريقة

نجي لتبليغك عن المطلوب منها من واجبات .... المدرسة بما أنها حكومية وسبق جربتي فما راح نحاول فيهم ... مافي أمل للأسف

تروحي كل يوم .. غير منطقي وغير سليم ويعودها الاتكال عليكِ

إذا يجب أن تعطيكِ هي المطلوب منها .... خليكِ حازمة معها وعاقبيها بكل مرة ما تجيب الواجب مكتوب ... عاقبيها بعقاب صغير أول مرة مع التوضيح بأنه العقاب راح يكبر بكل مرة تكرر اهمالها ... وفعلا كبري العقاب كل مرة ... جربي لغاية 5 مرات وأتوقع بيتعالج الوضع
العقاب مو شرط يكون بدني ... حرمان من طعام تحبه أو نص ساعة رسوم ... حرمان من أي شيء تعرفي انها تحبه ويعز عليها تنحرم منه .

المشاركة الأصلية كتبت بواسطة سندريلا حبيب (المشاركة 2732526)

كلامك صحيح يا اختي
بس التركيز الي انا بتكلم عنه مو زي ما تفضلتي
اسمحيلي اقصد فيه شيء ثاني ...
انا لما اكون بدرس فيها
ما بتكون مركزة معي يعني يمعنى اوضح ..
تكون ىتفكر بامور اخرى ..
عندها نسيان .. بحسها
مندفعه
وانا ماعندي طوله بال عليها
افقد صبري منها ...
وبالنسبه لحلولك ...
جربت بعضها ... على امل و
ان شاء الله اتعامل معها فيهن
وتجيب نتيجه منيحه ...

المشاركة الأصلية كتبت بواسطة بنت مكة2008 (المشاركة 2732531)

المشاركة الأصلية كتبت بواسطة Beta2 (المشاركة 2732548)

جربي حبيبتي ... اللي قلت لك عنه جزء واللي بتحكي عنه كمان جزء من قلة القدرة على التركيز لأنها لو كانت مركزة معك ما كانت سرحت ... لكن خليكي صبورة وكل ما شفتيها شتت نبهيها واطلبي منها تركز وقولي لها كل ما ركزتِ راح نخلص بسرعة وتروحي تلعبي .. احكي معها بكل هدوء وبابتسامة لأنه بمجرد ما تعصبي راح يسكر مخها وما عاد تفهم شي عليكِ ... ضروري جدا تكوني هادية وقت التدريب على الدروس والتركيز
لكن خليكِ حازمة معها على قصة الواجبات ... هي بتقدر وبتتذكر لكن بتطنش لحتى تخلص من الواجبات .
حزم بدون صراخ أو عصبية ... احرميها من اللي بتحبه كعقاب وقولي لها محرومة لأنك ما جبتي الواجب